Ալսու

Ալսուն խոստովանել է, որ դստեր համար «ձայներ» է գնել

195
(Թարմացված է 16:45 19.02.2020)
Հանրահայտ երգչուհին պատմել է, թե ինչու է հաղորդագրություններ ուղարկել իր հեռախոսներից և բարեկամներին էլ խնդրել, որ նույնն անեն։

ԵՐԵՎԱՆ, 19 փետրվարի – Sputnik. Երգչուհի Ալսուն առաջին անգամ խոսել է ռուսական Առաջին ալիքով հեռարձակվող «Ձայնը. երեխաներ» շոուի սկանդալի մասին, որի գլխավոր դերում նրա դուստրն էր ՝ Միկելան:

Անցյալ տարի Ալսուի դուստրը` 10 տարեկան Միկելա Աբրամովան, մեծ տարբերությամբ հաղթել էր մրցույթի եզրափակիչ փուլում, բայց համացանցում կասկածի տակ էին դրել մրցույթի արդյունքները։ Քննարկումները վերածվել էին սկանդալի։

Ալսուն ասել է` միջադեպի մեղավորը քվեարկության անկատար համակարգն է, որի համաձայն` մեկ մարդը կարողանում է մինչև 20 անգամ քվեարկել: Երգչուհին կարծում է, որ ինքը կանոններ չի խախտել, այլ պարզապես օգտվել է դրանից։

«Մեծ հաշվով ոչ թե քվեարկություն էր, այլ աճուրդ, որտեղ հաղթում է նա, ով մեծ գումար է առաջարկում», - «Զգուշացեք, Սոբչակն է» շոուի ժամանակ ասել է երգչուհին:

Նա խոստովանել է, որ «ձայներ» է գնել։

«Ես դա արել եմ այն քանակով, որ թույլատրվել է կանոններով։ Այդպես են վարվել բոլոր եթերաշրջանների բոլոր մասնակիցները։ Առանց վճարելու հնարավոր չէր քվեարկել։ Յուրաքանչյուր SMS գումար արժե։ Ես անձամբ 40 SMS եմ գնել. երկու հեռախոս ունեմ։ Մենք մեր բոլոր բարեկամներին խնդրել ենք քվեարկել։ Դուք պատկերացնո՞ւմ եք ծավալը: Յուրաքանչյուր հեռախոսից 20 ձայն», - ասել է Ալսուն։

Միաժամանակ նա չի կարողացել մեկնաբանել տեղեկությունն այն մասին, թե ինչպես է պատահել, որ մի շարք SMS-ներ ուղարկվել են նույնատիպ հեռախոսահամարներից։

«Ես ի վիճակի չեմ վերահսկել բոլոր մարդկանց, որոնց դուր է եկել դստերս երգը», - հակադարձել է Ալսուն:

«Միկելան մեղք ունի՞». Ալսուի ներկայացուցիչը մեկնաբանել է «Ձայնը. երեխաներ» շոուի սկանդալը

Հիշեցնենք` անցած տարվա մայիսի 16-ին հայտնի դարձավ, որ Առաջին ալիքը չեղարկել է «Ձայնը. երեխաներ» շոուի վեցերորդ եթերաշրջանի արդյունքները, որում հաղթել էր Միկելա Աբրամովան։ Այս որոշման համար հիմք էր ծառայել կեղծ ձայներ ավելացնելու կասկածը։ Բացի այդ, հեռուստաընկերությունը հայտարարել էր, որ կրկին եզրափակիչ փուլ կանցկացվի մայիսի 24-ին։

Մենք կապ չունենք. Ալսուի ընտանիքի պատասխանել է հնչող մեղադրանքներին

195
թեգերը:
«Ձայնը», երեխա, երգչուհի, Ալսու
Ըստ թեմայի
Մարգարիտա Սիմոնյանի սկեսուրը «Դլե յաման» է երգում. տեսանյութ
Կրքոտ և գրավիչ. Յանա Եգորյանը նկարահանվել է հայ երգչի տեսահոլովակում
Անճանաչելի դարձած Ադելը երգել է ընկերուհու հարսանիքին. տեսանյութեր
Սեյրան Օհանյանի կինը երգում է` ես քեզ համար էրվում եմ. տեսանյութ
Կորոնավիրուս

131 նոր դեպք, 9 մահ` մեկ օրում. կորոնավիրուսային հիվանդության ընթացքը Հայաստանում

96
(Թարմացված է 11:04 16.05.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 16 մայիսի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 131–ով և դարձել 220860: Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 7023 մարդ (-234), կատարվել է 1036673 թեստավորում (+3160), առողջացել են վարակվածներից 208454-ը (+354): Գրանցվել է մահվան 4323 դեպք (+9)։ Կորոնավիրուսով վարակված, բայց այլ պատճառով մահացածների թիվն ավելացել է 2ով և դարձել 1060։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

10 հատ ձու, անվճար օղի. պատվաստումը խթանելու ինչ եղանակներ են կիրառվում տարբեր երկրներում

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։

96
թեգերը:
Մահ, թեստ, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Որքան գումար է ծախսել ՀՀ առողջապահության նախարարությունը Covid-19–ի դեմ պայքարի շրջանակում
Հայաստանում արդեն մոտ 11 հազար մարդ է պատվաստվել Covid-19-ի դեմ
Հայաստանը COVID-19-ից մահացության հարաբերական ցուցանիշով աշխարհում 31-րդ տեղն է զբաղեցնում
Վարդան Պապիկյան

Գյումրեցի հոգեբան-քիմիկոսի օրգանական-կոսմետիկ ձեռքբերումները

166
(Թարմացված է 15:51 14.05.2021)
Ամեն ինչ սկսվեց գերչակի, կոկոսի, արմավի, ձիթապտղի, խաղողի կտի յուղի հիմքով պատրաստված օճառներից։

ԵՐԵՎԱՆ, 15 մայիսի - Sputnik. Հոգեբան ու քիմիկոս Վարդան Պապիկյանը, որը նաև դասավանդում է Շիրակի պետական համալսարանում, օրվա մեծ մասն անցկացնում է իր ստեղծած մինի լաբորատորիայում։ Այստեղ օրգանական կոսմետիկ միջոցներ են պատրաստում։

Քիմիական  նյութերից ստացված միջոցները բավական մատչելի են, բայց և վնասակար, իսկ օրգանական՝ ստանդարտներին համապատասխան միջոցները, ոչ միայն  չեն վնասում, այլև բուժական նշանակություն ունեն, տեղեկացնում է Վարդան Պապիկյանը։

Ամեն ինչ սկսվեց գերչակի, կոկոսի, արմավի, ձիթապտղի, խաղողի կտի յուղի հիմքով պատրաստված օճառներից, հետո արդեն սկսեցին օճառներ պատրաստել խոտաբույսերի թուրմերի համադրությամբ: Ավելի ուշ հաջորդեցին շամպուններն ու դիմակները:

Օրգանական արտադրանք ստեղծելու գաղափարին ընտանիքի անդամները դեմ չէին, բայց սկզբում «չէին շտապում» աջակցել, միայն վերջերս, երբ արդեն  նկատեցին, որ այդ միջոցների պահանջարկը կա, փորձում են օգտակար լինել:

«Պասիվ, սպասողական   դիրքորոշում դրսևորեցին, բայց վերջերս ավելի հետաքրքրություն եմ նկատում նրանց կողմից՝ առցանց մաքետինգը նրանց ուսերին է»,-ժպտում է քիմիկոսն ու հավելում, որ ընտանիքի  անդամներն իր ստեղծած արտադրանքն են օգտագործում։

Պատրաստված զինվորը փրկված կյանք է. ինչպես գյումրեցի հոգեբանը դարձավ ֆրանսիական լեգեոներ

«Այնքան զգալի է տարբերությունը, որ ով գեթ մեկ անգամ օգտագործել է, ասում է, որ այլևս հին օճառներին ու շամպուններին չի վերադառնա»,-ասում է Պապիկյանը:

Աշխարհում տարեկան օրգանական նյութերի արտադրության 20 տոկոս աճ է գրանցվում:

«Մարդիկ ժամանակի ընթացքում հասկացան, որ լավագույն միջոցը մոռացված հինն  է, ու փորձ են անում վերհիշել այդ հին բաղադրատոմսերը: Հայաստանի բնաշխարհը համարվում է վայրի, մենք դեռ գենետիկորեն շատ չենք փչացրել մեր բնությունը»,-նշում է քիմիկոսը ցույց տալով հավաքած երիցուկը, անանուխն ու եղինջը, որոնք օգտակար հավելանյութեր են օճառների ու շամպունների համար:

Հումքի պակաս Հայատանում չկա: Լավ հավելանյութ է նաև Հայկական բնաշխարհում աճող վայրի նռան կեղևը: Վարդան Պապիկյանն օգտագործում է նաև ոչ տեղական հավելումներ՝ նարնջի կեղև,  կոճապղպեղ, չիլի պղպեղ, զաֆրան, Էվկալիպտ և այլն:

Աշխատանքի մեջ  շատ է օգնում հոգեբան լինելը: «Շատերը զարմանում են, երբ իմանում են, որ քիմիայի մասնագետ լինելուց բացի նաև հոգեբան եմ: Ինձ համար երկուսն էլ կարևոր են՝ ինչպես հոգու, այնպես էլ արտաքին  էկոլոգիան»,-ասում է Վարդան Պապիկյանը:

  • Բնական կոսմետիկայի բաղադրանյութեր
    Բնական կոսմետիկայի բաղադրանյութեր
    © Sputnik / Armenuhi Mkhoyan
  • Վարդան Պապիկյանի արտադրանքներից
    Վարդան Պապիկյանի արտադրանքներից
    © Sputnik / Armenuhi Mkhoyan
  • Վարդան Պապիկյանի արտադրանքներից
    Վարդան Պապիկյանի արտադրանքներից
    © Sputnik / Armenuhi Mkhoyan
  • Վարդան Պապիկյանի արտադրանքներից
    Վարդան Պապիկյանի արտադրանքներից
    © Sputnik / Armenuhi Mkhoyan
  • Վարդան Պապիկյանն աշխատանքի պահին
    Վարդան Պապիկյանն աշխատանքի պահին
    © Sputnik / Armenuhi Mkhoyan
  • Վարդան Պապիկյանն աշխատանքի պահին
    Վարդան Պապիկյանն աշխատանքի պահին
    © Sputnik / Armenuhi Mkhoyan
1 / 6
© Sputnik / Armenuhi Mkhoyan
Բնական կոսմետիկայի բաղադրանյութեր

Այս պահին օրգանական կոսմետիկ միջոցներն իրացվում են միայն Գյումրիում, բայց հեղինակը  բրենդավորելուց ու սերտիֆիկացնելուց հետո դրանք արտահանելու, նաև տեսականին ավելացնելու ծրագրեր ունի։

166
Ըստ թեմայի
Կտավի ու նյութի փոխարեն գյումրեցի արվեստագետը ջինս է օգտագործում
27-ի առավոտյան գնաց ու չվերադարձավ. 31-ամյա փոխգնդապետը պարգևատրվեց հետմահու
Հին արհեստի նոր լեզուն. գյումրեցի արվեստագետի թաղիքագործական ձեռքբերումները
Լևոն Տեր–Պետրոսյան. արխիվային լուսանկար

Լևոն Տեր–Պետրոսյանը կլինի վարչապետի թեկնածուն, եթե ՀԱԿ–ը մասնակցի ընտրություններին

0
(Թարմացված է 15:44 16.05.2021)
Ըստ ՀՀ առաջին նախագահի` ՀԱԿ ներկայությունը խորհրդարանում անհրաժեշտ է թեկուզ միայն այն պատճառով, որ մեր երկրում ողջախոհության ճրագը չմարի:

ԵՐԵՎԱՆ, 16 մայիսի -Sputnik. Եթե «Հայ Ազգային Կոնգրեսը» մասնակցի առաջիկա ընտրություններին, ապա վարչապետի թեկնածուն կլինի Լևոն Տեր–Պետրոսյանը։ Այս մասին ՀԱԿ համագումարի ժամանակ հայտարարեց  ՀՀ առաջին նախագահ Լևոն Տեր-Պետրոսյանը։

«Եթե ՀԱԿ վարչությունը որոշի մասնակցել ընտրություններին, ապա ինքնըստինքյան հասկանալի է, որ Կոնգրեսի ցուցակը գլխավորելու եմ ես: Կոնգրեսի ներկայությունը խորհրդարանում անհրաժեշտ է թեկուզ միայն այն պատճառով, որպեսզի համատարած կակաֆոնիայի մթնոլորտում, ինչպես մեկ անգամ արդեն ասել եմ, ողջախոհության ճրագը մեր երկրում չմարի»,–ասաց նա:

Հիշեցնենք, որ մարտի 18-ին վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատեց Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

Ապրիլի 25-ին Նիկոլ Փաշինյանը հայտարարեց հրաժարական տալու մասին։ ՀՀ նախագահը ընդունեց վարչապետի և կառավարության հրաժարակամը։

Մայիսի 5–ին հայտնի դարձավ, որ Հայաստանի Հանրապետության առաջին նախագահ Լևոն Տեր-Պետրոսյանը մարտի 25–ի հանդիպման ժամանակ առաջարկել է ՀՀ 2–րդ նախագահ Ռոբերտ Քոչարյանին և ՀՀ 3–րդ նախագահ Սերժ Սարգսյանին արտահերթ խորհրդարանական ընտրություններին հանդես գալ միասնական դաշինքով։ Ռոբերտ Քոչարյանը տեղում մերժել է առաջարկը։

ՀՀ վարչապետի պաշտոնակատար Նիկոլ Փաշինյանն էլ Լևոն Տեր-Պետրոսյանի առաջարկը բնութագրել էր «ավազակապետական հեղափոխության փորձ»։

Հետո Լևոն Տեր–Պետրոսյանը հրապարակել էր, որ մայիսի 1–ին հանդիպել է Սերժ Սարգսյանի հետ և առաջարկել է նրան ընտրություններին մասնակցել ՀԱԿ-ՀՀԿ դաշինքով և հանդես գալ իր կողմից շարադրված հայտարարությամբ: Սակայն Սարգսյանը մերժել է Տեր–Պետրոսյանին։

0
թեգերը:
Հայաստան, Վարչապետ, Ընտրություններ, Լևոն Տեր–Պետրոսյան
թեմա:
ԱԺ արտահերթ ընտրություններ 2021
Ըստ թեմայի
Սերժ Սարգսյանի և Քոչարյանի շահերից է բխում, որ ՀԱԿ-ը մասնակցի ընտրություններին․ «Հրապարակ»
4 «օրենքով գողի» ազատություն է տրվել` ընտրությունների վրա ազդեցություն ունենալու համար
«Պատիվ ունեմ» դաշինքի անունը պատահական չէ. քաղտեխնոլոգը` ՀՀԿ–ի և Վանեցյանի միության մասին