ԵՐԵՎԱՆ, 18 փետրվարի – Sputnik. Հայաստանի Հանրապետության ոստիկանության տարբեր ստորաբաժանումները փետրվարի 17-ից 18-ը հանցագործության 75 դեպք են բացահայտել, որից 8-ը՝ նախկինում կատարված։
«Բացահայտվել է անձնական ունեցվածքի գողության՝ 18, մարմնական վնասվածք հասցնելու՝ 11, խարդախության` 7, թմրամիջոցի հայտնաբերման՝ 4, յուրացման կամ վատնման, ընտանեկան բռնության, թմրամիջոցի մաքսանենգության և պաշտոնեական լիազորությունների չարաշահման՝ 3-ական, անձի առևանգման, սպառնալիքի ու պետական սահմանն ապօրինի հատելու՝ 2-ական, սպանության, կողոպուտի, շորթման, հարկերից խուսափելու, համակարգչային հանցագործության, ապօրինի ծառահատման, սառը զենք կրելու, անհետաձգելի միջամտության որոշման պահանջը դիտավորությամբ չկատարելու և խնամքը ստանձնելու նպատակով երեխայի առքի կամ ստանձնողի խնամքին հանձնելու նպատակով երեխայի վաճառքի 1-ական դեպք»,– նշված է ոստիկանության տարածած հաղորդագրության մեջ։
«Մահացած երեխան իմ ծննդաբերածը չէ». կինը պահանջում է վերաբացել իր զավակի մահվան գործը
Նախկինում կատարված հանցագործություններից բացահայտվել է անձնական ունեցվածքի գողության՝ 5, և բնակարանային գողության 3 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 6 պատահար, ինչի հետևանքով 1 մարդ մահացել է, 6-ը՝ ստացել տարբեր աստիճանի մարմնական վնասվածքներ:
Եթե Հայաստանում որևէ մեկը ծնողին ստիպի հրաժարվել երեխայից, խիստ կպատժվի
