Աթենա Մանուկյան

Ի՞նչ գիտենք «Եվրատեսիլում» Հայաստանը ներկայացնող Աթենա Մանուկյանի մասին

700
(Թարմացված է 20:50 17.02.2020)
Երիտասարդ ու տաղանդավոր երգչուհի Աթենա Մանուկյանը, որպես Հայաստանի պատվիրակ, մեկնելու է «Եվրատեսիլ 2020»։ Ո՞վ է նա և ի՞նչ ճանապարհ է անցել հանրահայտ շոուում Հայաստանը ներկայացնելու պատվին արժանանալուց առաջ։

Արդեն հայտնի է, որ Նիդեռլանդներում մայիսի 12-ից 14-ը կայանալիք «Եվրատեսիլ 2020» մրցույթում Հայաստանը կներկայացնի երգչուհի Աթենա Մանուկյանը։ Sptunik Արմենիան ուսումնասիրել է բաց հասանելիություն ունեցող աղբյուրները և դրանց հիման վրա «գծագրել» երգչուհու անցած ճանապարհը։

Աթենան ծնվել է Աթենքում, 25 տարեկան է, առաջին անգամ բեմ է դուրս եկել պատանեկան տարիներին։ Ընդամենը 13 տարեկանում հաղթել է «This Is What"s Missing» տաղանդների հունական շոուում, որը հեռարձակվում է «Ալֆա ՏՎ» հեռուստաալիքով։

Մեկ տարի անց նա իր «To Fili Tis Aphroditis» երգով մասնակցել է «Մանկական Եվրատեսիլ» ազգային փուլին և զբաղեցրել 7-րդ հորիզոնականը։

Առաջին երգը թողարկել է 2011 թվականին։ «Party Like A Freak» ստեղծագործությունը մեծ հաջողություն է ունեցել երգչուհու հայրենիքում` YouTube–ում հավաքելով ավելի քան 1 միլիոն դիտում։ Երգը երկու անգամ առաջադրվել է «Video Music Awards» ազգային երաժշտական մրցանակի։

Դրանից հետո Աթենան թողարկել է «I Surrender» երգը, որը 2012 թվականի ամռանը հիթ է դարձել Հունաստանում։

Այդ երգերի և «Na Les Pos M"agapas» ստեղծագործության համար «Ոսկե ձայնասկավառակի» է արժանացել։

Աթենա Մանուկյանին ավելի մեծ ճանաչում է բերել «XO» ստեղծագործությունը, որը ձայնագրվել է Շվեդիայում։ Այս երգի տեսահոլովակը նկարահանվել է ավստրալիական Սիդնեյ քաղաքում։ Ստեղծագործությունը մեծ հաջողություն է ունեցել ոչ միայն Հունաստանում, այլև ամբողջ Եվրոպայում, ինչպես նաև Ամերիկայում, Ավստրալիայում և Ասիայում։

Հունաստանում ծնված հայուհին 2018 թվականին մասնակցել է բրիտանական «X Factor» հեռուստաշոուին։

Իսկ երեք տարի առաջ նա երգ է գրել հայտնի հույն երգչուհի, «Եվրատեսիլ 2005»–ի հաղթող Ելենա Պապարիզուի համար։

«Chains on you» երգի բառերը, որով երգչուհին Հայաստանը կներկայացնի Ռոտերդամում կայանալիք «Եվրատեսիլին», նույնպես ինքն է գրել։ Երգի գլխավոր ուղերձն այն է, որ յուրաքանչյուրն իր ներսում շողշողացող ադամանդ ունի, և հաճախ այդ ադամանդը փորձում են խլել, բայց պետք է հիշել, որ այդ քարը շողշողում է միայն այն ժամանակ, երբ այն մենք ենք կրում։

Հիշեցնենք, որ փետրվարի 15-ին Հայաստանի հանրային հեռուստաալիքի ուղիղ եթերում կայացավ «Դեպի Եվրատեսիլ» նախագծի եզրափակիչ փուլը, որին մասնակցեցին 12 թեկնածու։ Աթենան հաղթեց` հավաքելով 168 միավոր։ 60 միավոր նրան շնորհեց միջազգային ժյուրին, 58 միավոր` տեղի ժյուրին։ Եվս 50 միավոր երգչուհին ստացավ հեռուստադիտողի sms-քվեարկության շնորհիվ։

Աթենան խոստովանել է, որ միշտ ցանկացել է Հայաստանը ներկայացնել «Եվրատեսիլում»։

Իսկ հիմա ծրագրում է ոչ միայն մասնակցել առաջիկա շոուին, այլև որոշ ժամանակ մնալ պատմական հայրենիքում, այցելել տեսարժան վայրեր և նույնիսկ հայկական շոու բիզնեսի մաս դառնալ։ Նա երազում է նաև հայերեն երգ ձայնագրել։

Աշոտյանի «Իմ լավ ընկեր» երգը վրացի երգիչն իր մայրենի լեզվով է ներկայացրել

Աթենան առաջին անգամ Հայաստան է այցելել 2015 թվականին համերգային ծրագրով, եղել է Կարապի լճում, այցելել Ծիծեռնակաբերդ, Գեղարդ, ինչպես նաև համտեսել հայկական խոհանոցի ուտեստները։

Անճանաչելի դարձած Ադելը երգել է ընկերուհու հարսանիքին. տեսանյութեր

700
թեգերը:
տեսանյութ, երգ, Աթենա Մանուկյան, Եվրատեսիլ, Հայաստան
Ըստ թեմայի
Մարգարիտա Սիմոնյանի սկեսուրը «Դլե յաման» է երգում. տեսանյութ
Կրքոտ և գրավիչ. Յանա Եգորյանը նկարահանվել է հայ երգչի տեսահոլովակում
Մոսկվայի սրճարանում թոշակառու կինը նվագել է «Արեգակին պետք է հեռվից նայել» երգը. տեսանյութ
Սեյրան Օհանյանի կինը երգում է` ես քեզ համար էրվում եմ. տեսանյութ