Գարիկ Մարտիրոսյան և Ժաննա Լևինա

«Իսկական նվեր հայ տղամարդու համար». Գարիկ Մարտիրոսյանը ծննդյան օրը «քաղցր տոլմա» է կերել

181
Ճանաչված շոումեն Գարիկ Մարտիրոսյանի կինը զարմացրել և միևնույն ժամանակ զվարճացրել է սոցցանցային էջի իր հետևորդներին։ Նա ամուսնու ծննդյան տոնի առթիվ արած անակնկալ նվերն է հրապարակել և ակնարկել, որ իր ծննդյան տոնին ցանկանում է ադամանդ նվեր ստանալ։

ԵՐԵՎԱՆ, 17 փետրվարի — Sputnik. Հայտնի շոումեն և երգիծաբան Գարիկ Մարտիրոսյանի կինը` Ժաննա Լևինան, ամուսնուն ծննդյան տոնի առթիվ յուրօրինակ անակնկալ է մատուցել։

Նա որոշել է հետևել հին ու բարի ավանդույթին ու Գարիկի համար համեղ տոլմա է պատրաստել, բայց ոչ սովորական, այլ տորթ` տոլմայի տեսքով։

Գարիկ Մարտիրոսյանը նմանակում է Դմիտրի Նագիևին. տեսանյութ

«Հայտնի աֆորիզմն ասում է. «Տղամարդու սիրտը տանող ուղին անցնում է ստամոքսով»: Այդ պատճառով իմ անակնկալը Գարիկի ծննդյան տոնի առթիվ ուտելիք էր։ Իմ ծննդյան տոնը գարնան է, մեծ հույս ունեմ, որ Գարիկն ինձ նվեր ընտրելիս կհետևի հայտնի աֆորիզմին. «Կանանց լավագույն ընկերներն ադամանդներն են, իրական ադամանդները»,–գրել է Լևինան։

Լևինայի անակնկալը շփոթության մեջ է գցել օգտատերերին։ Նկարներից դատելով` նրանք եզրակացրել են, որ Լևինան խաղողի թփով տոլմա է պատրաստել։ Սակայն լուսանկարներին կից տեսանյութից պարզ է դառնում, որ անակնկալը տորթ է։

«Ուզում էի գրել, ապրես գեղեցկուհի, տոլմա պատրաստել գիտես, այն էլ պարզվեց տորթ է»,«շատ լավ ես պատրաստել, տոլմայից չի տարբերվում»,«իսկական նվեր հայ տղամարդու համար»,–կատակել են նրանք։

Հիշեցնենք, որ փետրվարի 14-ին` Գարիկի ծննդյան օրը, Ժաննան գրառում էր արել Instagram–ի իր էջում։ «Կարող եք մեզ շնորհավորել։ Մենք տղա ենք ունեցել։ Քաշը` 87 կգ, հասակը` 1 մ 83 սմ, 8/10 Ապգարի սանդղակով, 46 տարեկան»։

Հավելենք, որ Գարիկն ու Ժաննան ծանոթացել են 1997 թվականին Սոչիում, ՈւՀԱ–ի խաղի ժամանակ։ Մեկ տարի անց նրանք ամուսնացել են։ Զույգն ունի մեկ դուստր (անունը` Ժասմին) և մեկ որդի (անունը` Դանիել)։

181
թեգերը:
Instagram, զվարճալի տեսանյութ, Լուսանկար, Տոլմա, ծնունդ, Ժաննա Լևինա, Գարիկ Մարտիրոսյան
Ըստ թեմայի
Կյանքը հնարավոր է 10 տարով երկարացնել. Գարիկ Մարտիրոսյանը նշել է ՀՀ–ի հրաշալի անկյունները
Ինչու մրցել Jingle Bells–ի հետ. Գարիկ Պապոյանը զարմացած է նոր երգի շուրջ ստեղծված աղմուկից
«Նոր հայերն» ու հին կապերը. Գարիկ Մարտիրոսյանը նոր լուսանկար է հրապարակել