Չխփե՛լ, չվնասե՛լ ու կերակրել. ստերջացված շները որդեգրման են սպասում
(Թարմացված է 07:59 17.02.2020)
Գոնչն արդեն հարմարվել է ժամանակավոր կացարանին: Արդեն 2 օր է՝ փորը կուշտ է, տեղը` տաք: Այնքան է կապվել իր ժամանակավոր տերերին, որ նույնիսկ խանդում է, երբ աշխատակիցներից մեկը շոյում է իր «բախտակից» ընկերներից մեկին:ԵՐԵՎԱՆ, 16 փետրվարի, Արմենուհի Մխոյան. Գոնչը դեռ 1 տարեկան չկա: Չնայած գելխեղդ է, բայց ընդհանրապես ագրեսիվ վարքագիծ չի դրսևորում: Շատ խելացի է ու մարդամոտ: Գյումրու թափառող այն 48 շներից մեկն է, որը վերջերս է անասնաբուժական ծառայության կողմից ստերջացվել, անունն էլ հենց կլինիկայում է ստացել: My vet անասնաբուժական կլինիկայի աշխատակիցները ցավով են նշում՝ շատ դժվար է մի քանի օր հոգատարությամբ շներին խնամել, ապա կրկին բաց թողնել փողոց, որտեղ այդ կենդանիները նորից կարող են հանդիպել մարդկանց դաժան վերաբերմունքին:
©
Sputnik / Armenuhi Mkhoyan
Գոնչը Գյումրու My vet անասնաբուժական կլինիկայում
«Եթե հնարավոր լիներ, որ մարդիկ որդեգրեին արդեն ստերջացված ու որոշակի բուժում ստացած շներին, շատ լավ կլիներ, իսկ ավելի լավ կլիներ, եթե քաղաքապետարանը հատկացներ հատուկ տարածք, որտեղ հնարավոր կլիներ հատուկ կացարան սարքել շների համար, կենդանիներն ավելի ապահով կլինեին»,- Sputnik Արմենիայի հետ զրույցում ասաց կլինիկայի անասնաբուժ Արմինե Եղիկյանը։
©
Sputnik / Armenuhi Mkhoyan
Արմինե Եղիկյան, Գյումրու My vet անասնաբուժական կլինիկայի անասնաբուժ
Ըստ նրա` կենդանիների ագրեսիվությունը կախված է մարդկանց պահվածքից: Պետք է մարդկանց մտածելակերպն ու վարքը փոխել, որ հատկապես ստերջացված շների նկատմամբ ավելի բարի լինեն, չխփեն ու կերակրեն, հնարավորության դեպքում նաև որդեգրեն, թեպետ մինչ այժմ ստերջացված շներին որդեգրելու փորձ չեն ունեցել:
Գյումրու թաղամասերերից շատերում արդեն կարելի է տեսնել համարակալված շների, ինչը վկայում է նրանց ստերջացման մասին:
©
Sputnik / Armenuhi Mkhoyan
Գյումրի, My vet անասնաբուժական կլինիկա
Նշենք, որ Գյումրիում թափառող շների վնասազերծումը նոր-նոր են սկսել քաղաքակիրթ եղանակով իրականացնել: Շներին ստերջացնելու ու բուժելու համար քաղաքապետարանը 4 անգամ մրցույթ էր հայտարարել, որից երեքին ոչ ոք չէր մասնակցել: Վերջին մրցույթում ընդամենը մեկ անհատ ձեռներեց մասնակցության հայտ ներկայացրեց ու առանց մրցակցության հաղթող ճանաչվեց: Հայտատուի հետ 350 թափառող կենդանիների ստերջացման համար նախնական պայմանագիր է կնքվել:
©
Sputnik / Armenuhi Mkhoyan
Գյումրի, My vet անասնաբուժական կլինիկա
«Այս ծրագիրը, այսպես ասած, փորձաշրջան է բոլորիս համար, ոչ մեկս չէինք պատկերացնում պահանջվող աշխատանքի մասշտաբայնությունը. ինչպես մեզ, այնպես էլ քաղաքապետարանի և հասարակական կազմակերպությունների համար սա փորձ է: Ծրագրի շարունակականությունը կախված է այս փորձաշրջանի արդյունավետությունից»,- նշեց անասնաբուժ, կամավոր Արման Եղիկյանը:
©
Sputnik / Armenuhi Mkhoyan
Արման Եղիկյան, ծրագրի կամավոր
Զավենը կազմակերպության օպերատորն է, ինքն է բնակիչների ահազանգերը գրանցում և համապատասխան քայլեր ձեռնարկում:
Նա հավաստիացրեց` գործընթացը պատկերացրածից շատ ավելի բարդ է, բայց ամեն ինչ տեղը տեղին է արվում։ Հիմնական խնդիրը բնակչության անտեղյակությունն է. շատերն առանց խղճի խայթ զգալու զանգում են ու պահանջում, որ գնան ու իրենց փողոցում հայտնված շանը սատկացնեն:
©
Sputnik / Armenuhi Mkhoyan
Գյումրի, My vet անասնաբուժական կլինիկա
«Սա ոչ թե կենդանիների վերացման, այլ ստերջացման՝ ռեպրոդուկտիվ օրգանների հեռացման ծրագիր է որպեսզի ագրեսիվ պահվածք չցուցաբերեն: Ստերջացմամբ կանխվում է տվյալ կենդանու հետագա բազմացումը»,- ասաց Արմինե Եղիկյանը:
Շների մասին ահազանգերը ստանալուց հետո քաղաքի տարբեր հատվածներից շներին հավաքում և առանց վնասելու տեղափոխում են կլինիկա, որտեղ վնասվածք ունեցող կենդանիներին բուժում են, ապա ստերջացնում, հսկողության տակ պահում ևս 3 օր ու տեղափոխում նույն վայրը, որտեղ նրանց բռնել էին: Կլինիկայի աշխատակիցները համոզված են` եթե քնեցնող հատուկ սարք ունենային, ավելի շատ շուն հնարավոր կլիներ կլինիկա տեղափոխել:
Ի՞նչ են մտածում ՀՀ քաղաքացիները թափառող շների մասին. տեսանյութ
«Ցավալին այն է, որ 3 օր հետո այդ կենդանիները այլևս հսկողության տակ չեն լինում: Երբեմն մարդիկ, տեսնելով կենդանիների ականջների վրայի տարբերանշանը, կրկին ագրեսիա են ցուցաբերում, մինչդեռ շներն ընդհանրապես ագրեսիվ պահվածք չունեն»,- վստահեցրեց Արմինեն:
©
Sputnik / Armenuhi Mkhoyan
Գյումրի, My vet անասնաբուժական կլինիկա
Կլինիկան աչքի է ընկնում մաքրությամբ ու հարմարավետությամբ: Ունի ընդունարան, բոլոր պայմաններով ապահովված վիրահատարան ու հետվիրահատական սենյակ, որտեղ շները պահվում են մինչև վերքերի լավանալը:
Մասնագետները թափառող շների հարցի լուծման ամենաարդյունավետ տարբերակը համարում են կացարանը, որը բնության մեջ կլուծեր շների բնականոն աճի խնդիրը:
©
Sputnik / Armenuhi Mkhoyan
Գյումրի, My vet անասնաբուժական կլինիկա
«Ինչպես ծառերը կտրելուց 3 տարի հետո ենք զգում դրա վնասը, այդպես էլ շների բնականոն աճը խախտելուց հետո կտեսնենք, երբ շների փոխարեն այլ կենդանիներ կսկսեն շատանալ»,- եզրափակեց Արմինեն:
Մասնագետները լիահույս են, որ մի օր Գյումրիում շների կացարան կհիմնվի, և այդ առնչությամբ դիմում են բոլորին, իսկ մինչ այդ, ստերջացումը մնում է շների փրկության՝ այս պահին միակ քաղաքակիրթ տարբերակը:
Նալի և մեխի արանքում. Գյումրիում շների ստերջացում իրականացնող մրցույթին ոչ մի հայտ չի եղել
Հավելենք, որ ըստ քաղաքապետարանի մոտավոր հաշվարկի քաղաքում կա 2000 թափառող շուն:
թեգերը:
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։
Բերման են ենթարկվել «օրենքով գողեր» «Լեննականցի Զապը», «Շահումյանցի Ժիրոն» ու ևս 13 անձինք
(Թարմացված է 21:06 04.03.2021)
Բերման ենթարկվածների ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք։ԵՐԵՎԱՆ, 4 մարտի - Sputnik. Ոստիկանները Էջմիածին քաղաքում գտնվող «Անտառային ձայներ» օբյեկտից ոստիկանության Վաղարաշապատի բաժին են բերման ենթարկել 15 հոգու: Տեղեկությունը հայտնում է shamshyan.com–ը։
«Բերման ենթարկվածներից երկուսը «օրենքով գողեր» «Լեննականցի Զապն» ու «Շահումյանցի Ժիրոն» են, իսկ մնացածները՝ քրեական ենթամշակույթի ջատագովներ»,– գրում է կայքը։
Քրեական ենթամշակույթի հոդվածներով դատարան ուղարկված գործերով անցնում են 3 «օրենքով գողեր»
Նշվում է, որ նրանց ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք:
Դեռ հայտնի չէ, թե նրանք ինչի համար են բերման ենթարկվել։
Երևանում մահացել է ամենատարեց հայ «օրենքով գող» Վանիկ Տեր-Պողոսյանը
թեգերը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։