Արմեն Տեր–Ավագյանն ու Մամեդլի Զամանը

Քաղցկեղից փրկված Տեր-Ավագյանը չի մոռանում բժիշկ Մամեդլիին

832
(Թարմացված է 11:35 16.02.2020)
Արմեն Տեր–Ավագյանը հիմա նոր կյանք է սկսել։ Նա ծննդյան երկու օր ունի` մեկը, երբ լույս աշխարհ եկավ 52 տարի առաջ, մյուսն էլ` փետրվարի 10-ը։

Լաուրա Սարգսյան, Sputnik Արմենիա

«Քաղցկեղը դատավճիռ չէ». այս արտահայտությունը Ռուսաստանի Նիժնի Նովգորոդ քաղաքում բնակվող 52-ամյա Արմեն Տեր–Ավագյանի համար իրականություն է դարձել։ 2018 թվականի հուլիսին նրա մոտ ուղիղ աղիքի չորրորդ աստիճանի քաղցկեղ էին ախտորոշել (մետաստազները հասել էին թոքեր)։ Փետրվարի 10-ին Մոսկվայում բժիշկները նրան հայտնեցին, որ բուժվել է, քաղցկեղ այլևս չկա, բայց պետք է բժիշկների հսկողության տակ մնա։

Արմեն Տեր Ավագյանը հիշում է` ամեն ինչ սկսվեց ստամոքսի ցավերից։

«Բժիշկները երկար ժամանակ չէին կարողանում հասկանալ և ախտորոշել քաղցկեղը։ Հերթական բուժզննումից հետո ասացին, որ հիվանդ եմ, և ամենաշատը երկու տարի է ինձ մնացել։ Զգուշացրին նաև, որ կարող եմ հաշմանդամ դառնալ»,– Sputnik Արմենիային պատմեց նա։

Սակայն նույն օրը ծանոթացավ մի տղամարդու հետ, որը խորհուրդ տվեց դիմել Մոսկվայի բժիշկներին։ Տեր–Ավագյանը մեկնեց Մոսկվայի Ն.Ն.Բլոխինի անվան կլինիկա։

Հայ բժիշկը Սիրիայում փրկել է ծննդկանի ու նորածնի կյանքը

Կենտրոնի ղեկավար Զաման Զաուրովիչ Մամեդլին ստանձնեց Տեր–Ավագյանի բուժումը։

«Նա իմ փրկիչն է։ Ինձ հույս տվեց և հավատ ներշնչեց, որ ես կհաղթահարեմ հիվանդությունը։ Ասաց, որ կապրեմ և հաշմանդամ չեմ դառնա»,– պատմությունը շարունակեց տղամարդը։

Մոսկվայում բուժումը տևեց մեկ տարի, զուգահեռ ռադիացիոն թերապիայի կուրսեր ստացավ Պոդոլսկում։

Հերթական զննումը` կոլոնոսկոպիան, անցնելուց հետո հայտնեցին, որ հրաշք է տեղի ունեցել, և նա առողջ է։ Արմենի համար փետրվարի 10-ը երկրորդ ծննդյան օր դարձավ։

«Շնորհակալ եմ Մամեդլիին։ Եթե նա չլիներ, ես ուժերիս չէի հավատա», – ասաց Արմենը։

Հետո պարզվեց, որ Արմենն ու Զամանը նույն հողում են ծնվել` Տեր–Ավագյանը` Արցախի Վարանդա, իսկ Մամեդլին Ջրականում։ Արմենի ծնողներն էլ Հադրութից են։

Ինչու են կարճահասակները գալիս Երևան, կամ ինչպես Միրզոյանը երջանկացրեց ճապոնացուն

Արմենը Ռուսաստան է տեղափոխվել 1994 թվականին` Ադրբեջանում հայերի ջարդերից հետո։

Նա գործարար է, ռեստորան և ոսկերչական խանութներ ունի։ Ապագայում մտադիր է շարունակել գործունեությունը։ Արդեն 24 տարի է` ամուսնացած է, երկու որդի ունի։

Армен Тер-Авакян с супругой Кариной
© Photo : provided by Armen Ter-Avakyan
Արմեն Տեր–Ավագյանը կնոջ` Կարինեի հետ
832
թեգերը:
ադրբեջանցի, հայ, Ռուսաստան
Ըստ թեմայի
Կորոնավիրուսը մերձեցնում է. հայ աղջիկները`չինացիների նրբանկատության մասին
Երեխաներին այսօր էլ են թողնում ծննդատանը. ինչպես կանխել նոր ողբերգությունները
Չինաստանի հայերը 3 խմբի են բաժանվել. Սաթինեն պատմում է` ինչ մտահոգություններ ունեն նրանք
Երևանում կինը 12-րդ երեխային է լույս աշխարհ բերել. լուսանկարներ
Երևանյան շենք. արխիվային լուսանկար

Կառավարությունը գումար հատկացրեց Ադրբեջանից բռնագաղթածների բնակարանների համար

9
(Թարմացված է 13:05 27.05.2020)
Վարչապետը կարևորեց, որ պարտադիր պայման լինի նաև այն, որ նոր բնակարան գնելուց հետո շահառուն հրաժարվի ժամանակավոր կացարանից ու այդ տարածքը վերադարձնի պետությանը:

ԵՐԵՎԱՆ, 27 մայիսի – Sputnik. 1988-1992 թվականներին Ադրբեջանից բռնագաղթած, բնակարանի առաջնահերթ կարիք ունեցող 112 ընտանիք կապահովվեն բնակարանով: Այսօր նման որոշում ընդունվեց ՀՀ կառավարության նիստում:

Ինչպես նիստի ընթացքում զեկուցեց ՀՀ տարածքային կառավարման ու ենթակառուցվածքների նախարար Սուրեն Պապիկյանը, բնակարանները կարող են ձեռք բերվել Երևան քաղաքի Կենտրոն, Էրեբունի, Նոր Նորք, Արաբկիր, Դավթաշեն վարչական շրջաններում։

Այդ նպատակով կառավարությունը հատկացրել է ընդհանուր առմամբ 2 169 750 000 դրամ: 

«Գործընթացի արդյունքում պարզ դարձավ, որ կան անձինք, որոնց ՀՀ քաղաքացիության ձեռքբերումը բավականին երկատև գործընթաց է, հետևաբար առաջարկում ենք սահմանել, որ ԲԳՎ կարող են ձեռք բերել նաև այն դեպքում, երբ ՀՀ քաղաքացիության ձեռքբերման գործընթացը սկսվել է, բայց պայմանով, որ տրամադրված ԲԳՎ-ից կարող են օգտվել միայն վերջնական քաղաքացիության ձեռքբերման դեպքում»,-ասաց Պապիկյանը:

Փորձել եք ճաշ եփել զուգարանակոնքի վրա. ինչպես են Երևանում ապրում Ադրբեջանից բռնագաղթածները

ՀՀ վարչապետ Նիկոլ Փաշինյանն էլ կարևորեց, որ պարտադիր պայման լինի նաև այն, որ նոր բնակարան գնելուց հետո շահառուն պետք է հրաժարվի ժամանակավոր կացարանից ու այդ տարածքը վերադարձնի պետությանը: Փաշինյանը շեշտեց, որ նախկինում նման դեպքեր եղել են, երբ բնակարանը գնվել է, բայց քաղաքացին շարունակել է բնակվել հանրակացարանում՝ վաճառելով կամ վարձակալության տալով նոր բնակարանը:

Կառավարությունը հստատեց որոշումը: Վարչապետն էլ հանձնարարեց հատուկ ուշադրություն դարձնել իր մատնանշած խնդրին:

Կառավարությունը փակում է հին պարտքերը. Ադրբեջանից բռնագաղթած 112 ընտանիք բնակարան կունենան

9
Նիկոլ Փաշինյանն ու Տիգրան Ավինյանը. արխիվային լուսանկար

Եթե կա 7000 ախտորոշված դեպք, նշանակում է` կա 14 000 վարակակիր. Փաշինյան

18
(Թարմացված է 13:01 27.05.2020)
ՀՀ վարչապետը չի բացառում, որ դիմակներ կրելու պահանջն ավելի կխստացվի: Դիմակ կրելը պարտադիր կդառնա բոլոր վայրերում:

ԵՐԵՎԱՆ, 27 մայիսի — Sputnik. Կառավարության այսօրվա նիստում ՀՀ վարչապետ Նիկոլ Փաշինյանը հայտարարեց, որ Հայաստանում կորոնավիրուսի համավարակը թևակոխել է երկրորդ փուլ։

«Հայաստանում հաստատվել է կորոնավիրուսի համաճարակի բավականին ծանր իրավիճակ: Ըստ էության, գործ ունենք համավարակի երկրորդ ալիքի հետ»,- ասաց վարչապետը:

Այդուհանդերձ, Փաշինյանը վստահեցրեց, որ կառավարությունն ու պարետատունը գիտեն ինչպես պայքարել վարակի դեմ ու կանխել այն։ 

«Պետք է դիմակ կրել, պարբերաբար ախտահանել կամ լվանալ ձեռքերն ու պահպանել սոցիալական հեռավորություն»,- ասաց Փաշինյանը:

Վարչապետը հայտարարեց, որ Հայաստանում այսօր կան կորոնավիրուսով հիվանդ հազարավոր անձինք, որոնք իրենք էլ չգիտեն, որ վարակված են, քանի որ ոչ մի ախտանշան չունեն:

Միջմարզային ճանապարհներին կրկին գործելու են անցակետեր. Փաշինյանը խոսեց խստացումների մասին

«Այսօր եթե երկրում կա 7000 ախտորոշված դեպք, դա նշանակում է, որ կա 14 000 վարակակիր, որոնց 90 տոկոսը չգիտի, որ ինքը վարակակիր է: Այսինքն՝ ինքը չգիտի, որ ինքը վարակակիր է ու կարող է վարակել ուրիշներին»,- ասաց վարչապետը

Ըստ Փաշինյանի` սա է պատճառը, որ կառավարությունն առավելապես կարևորում է դիմակներ կրելու ու սոցիալական հեռավորություն պահելու պահանջի պահպանումը:

Միաժամանակ վարչապետը հայտարարեց, որ ժամանակն է ավելի լրջացնելու վերահսկողությունն ու անհրաժեշտության դեպքում կիրառելու ավելի խիստ միջոցներ:

«Եթե դիմակ կրելու պահանջը չպահպանվի, մենք ընդհանրապես պարտադիր կդարձնենք բոլոր տեղերում դիմակ կրելը»,- ասաց վարչապետը:

Դիմակ կրելու պահանջը, վարչապետի խոսքով, առաջին հերթին պետք է պահպանեն պաշտոնյաները, բացառությամբ այն դեպքերի, երբ իրենց աշխատասենյակում մենակ են: Մնացած բոլոր դեպքերում նրանք պետք է լինեն դիմակներով:

Նշենք, որ մայիսի 27–ի տվյալներով` Հայաստանում կորոնավիրուսով վարակվածների թիվը 7774 է։ Այս պահին փաստացի բուժում է ստանում 4377 մարդ, կատարվել է 53678 թեստավորում, առողջացել են վարակվածներից 3255–ը։ Մեկ օրում գրանցվել է մահվան 7 դեպք։

Իրավիճակը բարդանում է. Փաշինյանն ասաց` վարակի դեպքերի 75-80 տոկոսը որտեղից են գալիս

18
թեգերը:
Տիգրան Ավինյան, Հայաստան, Նիկոլ Փաշինյան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
«Կորոնավիրուսի հետ կապված մեր գործերը լավ չեն». Փաշինյանը նոր տվյալներ հրապարակեց
Դիմորդները կասեն՝ էս կորոնավիրուսը «լազաթ» տվեց. Փաշինյան
Իրավիճակը բարդանում է. Փաշինյանն ասաց` վարակի դեպքերի 75-80 տոկոսը որտեղից են գալիս