Նորածին. արխիվային լուսանկար

Մայրերը «մաղարիչ» կանեն, բայց մանկապարտեզները պատրա՞ստ են ընդունել 0-2 տարեկան երեխաներին

218
(Թարմացված է 02:36 16.02.2020)
Միայն երևանյան մանկապարտեզներ հաճախելու համար իրենց հերթին են սպասում 2-5 տարեկան 7479 երեխա։ Օրենքի նոր նախագծի համաձայն` 0-2 տարեկան երեխաները նույնպես կարող են հաճախել մանկապարտեզ։ Իսկ թե որտեղ են «տեղավորելու» երեխաներին, դեռ հայտնի չէ։

ԵՐԵՎԱՆ, 15 փետրվարի – Sputnik, Կարինե Հարությունյան. Հայաստանում մանկապարտեզ ընդունելու տարիքային շեմն իջեցվում է։ Այսուհետ մանկապարտեզները պետք է ընդունեն ոչ թե 2–6, այլ 0-6 տարեկան երեխաներին։ Նման կետ է ամրագրված Գիտության, կրթության, մշակույթի և սպորտի հարցերի նախարարության մշակած «Նախադպրոցական կրթության մասին» ՀՀ օրենքում փոփոխություններ անելու նախագծում։ Սոցցանցերում նախագիծը բավականին շատ է քննարկվում, քանի որ շատերին է հետաքրքրել, սակայն ծնողների մոտ մի շարք հարցեր են առաջացել` վճարովի՞ ծառայություն է լինելու, մանկապարտեզներն ունե՞ն համապատասխան պայմաններ, ապահովվա՞ծ են մասնագետներով։ Sputnik Արմենիան զրուցել է ոլորտի մասնագետների հետ` փորձելով ստանալ նշված հարցերի պատասխանները։

Վճարովի՞ է լինելու 0-2 տարեկան երեխաների մանկապարտեզ «հաճախելը». ո՞վ է վճարելու

Նախարարության հանրակրթության վարչության նախադպրոցական և միջնակարգ կրթության քաղաքականության մշակման և վերլուծության բաժնի պետ Սյուզաննա Մակյանը հայտնում է` 0-2 տարեկանների ընդգրկումը մանկապարտեզներում վճարովի է լինելու, սակայն ողջ բեռը ծնողների վրա չի ընկնելու։

«Մանկապարտեզներում 0-2 տարեկաններին ընդգրկելու համար կվճարի ինչպես կառավարությունը, համայնքը կամ Երևանի քաղաքապետարանը, այնպես էլ ծնողները։ Գումարի չափը կորոշվի` սննդի, մասնագետների հարցը հաշվի առնելով։ Սակայն ծնողներից պահանջվող գումարը շատ չի լինելու»,– նշեց Մակյանը։

Հարցին, թե հնարավո՞ր է նոր մանկապարտեզներ կամ նոր մասնաշենքեր կառուցվեն, քանի որ գաղտնիք չէ` մի շարք մանկապարտեզների շենքային պայմանները չեն բավարարում անգամ ներկայիս հերթագրվածների համար, ավելին` որոշ համայնքներում առհասարակ չկան մանկապարտեզներ, Մակյանը պատասխանեց, որ նպատակին հասնելու միջոցները տարբեր են լինելու։ Դրանք ենթադրում են ոչ միայն նոր մանկապարտեզների կառուցում, այլ նաև որոշակի տարածքի վերանորոգում և հիմնանորոգում, որոնք էլ կարող են ծառայել փոքրիկների խմբերին։

Մանկապարտեզների աշխատակիցների աշխատավարձը Երևանում 20% կբարձրանա. Մարության

«Այս նախագծի հիմնական նպատակն աշխատող մայրերին շուտ աշխատանքի վերադառնալու հնարավորություն տալն է։ Սա կբերի նաև զբաղվածության ընդլայնման»,–ասաց Մակյանը։

Երևանյան մանկապարտեզները պատրա՞ստ են 0-2 տարեկաններին ընդունել. ի՞նչ են անելու մանկապարտեզ չունեցող համայնքները

Երևանի քաղաքապետարանի աշխատակազմի հանրակրթության վարչության պետ Աննա Ստեփանյանն անկեղծորեն ասաց` այս պահին երևանյան մանկապարտեզները դեռ պատրաստ չեն 0-2 տարեկաններին ընդունել։ Նրա խոսքով` այժմ մանկապարտեզները կարող են ընդունել 2 և ավելի բարձր տարիքի երեխաներին, այն էլ` ոչ բոլոր ցանկացողներին։

«Մի քանի ամսական երեխաներին ընդունելն արդեն իսկ խնդիր է, քանի որ մանկապարտեզները համապատասխանեցնելու հարց կա։ Քաղաքապետարանն ունի ծրագրեր, ըստ որոնց` վերանորոգելու ենք մի շարք մանկապարտեզներ` հաշվի առնելով, որ 0-2 տարիքային խմբի երեխաներ էլ են ընդգրկվելու այդտեղ։ Սակայն սա դեռ նախագծվում է»,–ասաց Ստեփանյանը։

Երևանցիները բողոքում են` մանկապարտեզը գործում է հոգեբուժարանի շենքի առաջին հարկում

Նրա խոսքով` օրենքը կյանքի կոչելուց հետո մասնագետների պակաս էլ կառաջանա, քանի որ եթե այսօր մի խմբի հետ աշխատում են մեկ դաստիարակն ու մեկ դայակը, փոքրիկների խմբում այդքանով սահմանափակվել չեն կարող։ Բացի այդ, կարևոր է համապատասխան սանիտարահիգիենիկ պայմաններ ապահովել, նաև այդ երեխաների համար նախատեսված սննդի հարցը հաշվի առնել։ Ստեփանյանն իր խոսքն ամփոփեց` ասելով, որ այս բոլոր խնդիրները լուծելը ժամանակի հարց է։

Արմավիրի մարզի Խանջյան համայնքում մանկապարտեզի շենք կա, սակայն այն 1990–ականներին է որպես մանկապարտեզ ծառայել։ Շենքն այժմ վթարային է։ «Համայնքում մանկապարտեզ հաճախելու տարիքի շուրջ 70 երեխա ունենք, սակայն մանկապարտեզը չի գործում։ Վատ միտք չէ, որ մանկապարտեզ հաճախելու տարիքային շեմն իջեցվել է»,–ասաց Խանջյան համայնքի ղեկավար Արտակ Արոյանը` հավելելով, որ տարբեր միջոցներով փորձում են լուծել խնդիրը։

Երեխաների համար արդյո՞ք սթրես է այդ տարիքում մորից բաժանվելը

Հոգեբան Սամվել Խուդոյանը կարծում է` մի քանի ամսական երեխաներին մանկապարտեզ տանելու դեպքում նրանց համար կարող է սթրես լինել սնվելու հարցը։ Երեխաներ կան` մինչև մեկ տարեկանը միայն կրծքով են կերակրվում, և մանկապարտեզներում նրանց մնալը կարող է խնդիր դառնալ։

«Մյուս կողմից, երեխան մորը սկսում է ճանաչել մինչև 2 ամսականը, այսինքն` դրանից հետո նրա բաժանումը մորից չի կարող սթրես դառնալ երեխայի համար կամ ազդել մոր հետ հետագա շփման վրա։ Ավելին, մեծ տարիքում երեխան ավելի ծանր է տանում ծնողից բաժանվելը, քան մի քանի ամսական եղած շրջանում։ Մինչև մեկ տարեկան երեխան կարող է շփվել ցանկացած մեկի հետ»,–ասաց Խուդոյանը։

Հոգեբանը կարծում է, որ վաղ տարիքից մանկապարտեզ տանելը կնպաստի որպես անհատ ավելի շուտ ձևավորվելուն։

Աշխատող մայրերը «մաղարիչ» ունեն

Օրենքի նախագիծն աշխատող մայրերի սրտով է, ավելին` 34–ամյա Գայանե Մելքումյանը ծիծաղով նշում է` «մաղարիչ» է անելու նախարարությանը։ Գայանեի երեխան 4 ամսական է, և նա արդեն վերադարձել է աշխատանքի, իսկ երեխային դայակն է խնամում։ «Եթե անգամ 1 տարի հետո մանկապարտեզները պատրաստ լինեն դրան, երեխայիս անպայման կտանեմ։ Վստահ եմ` մանկապարտեզի դեպքում վարձը չի լինելու այնքան, որքան վճարում եմ դայակին»,–ասաց Գայանեն` հավելելով, որ երեխան դայակի մոտ մնում է սիրով, որևէ խնդիր դեռ չի առաջացել։

Ուշագրավ է այն հանգամանքը, որ միջին տարիքի կանայք այնքան էլ չեն ողջունում այս գաղափարը` ասելով, որ մի քանի ամսական երեխային մանկապարտեզ տանելը կարող է երեխայի և մոր հարաբերությունների սառեցմանը տանել։ 49–ամյա Սուսաննա Նազարյանի խոսքով` ինքն իր երեք երեխաներին 1 տարեկանից հետո է թողել տատիկների մոտ ու աշխատել։ «Երեխաներն ամենաշատը մինչև 1 տարեկանն են ունենում մոր կարիքը։ Ես ինքս էլ մասնագիտությամբ մանկավարժ եմ, շատ եմ շփվում երեխաների հետ ու տարեցտարի ավելի եմ համոզվում իմ դիրքորոշման մեջ»,–ասաց տիկին Սուսաննան։

Մանկապարտեզներն էլ անցան առցանց հերթագրման

«Նախադպրոցական կրթության մասին» օրենքն Ազգային ժողովն արդեն իսկ առաջին ընթերցմամբ ընդունել է։ Հնչած առաջարկներն ամփոփելով` այն շուտով երկրորդ ընթերցման կներկայացնեն։

Հավելենք, որ Երևանի քաղաքապետարանի ենթակայությամբ այսօր գործում է 161 մանկապարտեզ։ Երևանի մանկապարտեզներ են հաճախում 30 507 երեխա։ Այժմ մանկապարտեզներում հերթագրված իրենց հերթին են սպասում 7479 երեխա։

ՅՈՒՆԻՍԵՖ–ի վերջին (11-ը ապրիլի, 2019թ.) ամփոփ տվյալների համաձայն` Հայաստանում մինչև 5 տարեկան երեխաների 70 տոկոսը մանկապարտեզ չի հաճախում։

218
թեգերը:
մայր, ծնող, մանկապարտեզ, երեխա, նորածին
Ըստ թեմայի
Երևանում 8000 երեխա սպասում է, որ մանկապարտեզ գնա
Երևանի քաղաքապետարանը քննարկում է մանկապարտեզներում երկարօրյան վճարովի դարձնելու հարցը
Մանկապարտեզի սաները զվարճանում են ցեխափոսում. տեսանյութ
Դավա և Օլգա Բուզովա

Ալֆո՞նս, թե՞ երկար սպասված արքայազն․ ինչո՞վ է հայտնի Բուզովայի հայ փեսացուն

40
(Թարմացված է 01:03 02.06.2020)
Վիդեոբլոգեր Դավան բացառիկ է նրանով, որ բավականին կարճ ժամանակահատվածում նրան հաջողվեց համացանցում գրեթե 12 միլիոն հետևորդ հավաքել։

ԵՐԵՎԱՆ, 1 հունիսի – Sputnik. Բլոգեր և երգիչ Դավայի (Դավիթ Մանուկյան) մասին հասարակության մեծ մասն իմացավ

անցած տարվա աշնանը, երբ նա նկարահանվեց ռուս ճանաչված երգչուհի Օլգա Բուզովայի տեսահոլովակում։ Հենց այն ժամանակ լուրեր տարածվեցին, որ արտիստներն անտարբեր չեն միմյանց նկատմամբ։

Դեկտեմբերին արդեն Օլգան խոստովանեց բլոգերի հետ սիրավեպի մասին։ Դրանից հետո նրանք գրեթե մշտապես միասին են հանդես գալիս՝ սոցիալական ցանցերում, փոքրիկ հումորային համարներում և տեսահոլովակներում կամ պարզապես աշխատավայրից ու հանգստավայրից հրապարակած լուսանկարներում։

«Չէ՞ որ նա հայ է». Բուզովայի սիրեցյալի քույրը գաղտնիքներ է հայտնել

Բուզովայի երկրպագուների մեծաթիվ բանակը բաժանվել է երկու ճամբարի. մի մասը Դավային դուրսպրծուկ ու ալֆոնս է համարում, որը որոշել է հայտնի դառնալ ռուսական փոփ-բեմի արքայադստեր հաշվին, մյուսները՝ ի դեմս երիտասարդի, տեսնում են այն երկար սպասված արքայազնին, որին արժանի է Բուզովան։

Ի՞նչ է հայտնի Դավայի մասին

Դավիթ Մանուկյանը հայտնի է դարձել առաջին հերթին որպես վիդեոբլոգեր, բայց երիտասարդը նաև սեփական երգերն է թողարկում։ Ընդ որում` դրանցից մեկը, որը կոչվում է «Հարբած կլինեմ», կարճ ժամանակում այնքան հայտնի է դարձել, որ Բուզովան, դեռ անձամբ ծանոթ չլինելով Դավայի հետ, պարել է այդ երգի տակ և տեսանյութը հրապարակել Instagram-ի իր էջում։

«Այն ժամանակ դեռ ծանոթ չէինք, նա պարզապես stories էր նկարում։ Առաջին անգամ ես նրան գրեցի և ասացի՝ շնորհակալ եմ, որ լսում եք իմ երգը, շատ հաճելի է։ Որոշ ժամանակ անց նա ինձ գրեց և դեր առաջարկեց իր «Лайкер» տեսահոլովակում,-պատմել է Դավան «Алена блин!» հաղորդման ընթացքում։

Դավիթ Մանուկյանը ծնունդով Նովոսիբիրսկից է, տեղափոխվել է Մոսկվա ընդամենը երկու տարի առաջ։ Նա խոստովանել է, որ այդ ժամանակ Instagram սոցիալական ցանցում ընդամենը մոտ հինգ հազար հետևորդ ուներ։ Բայց շուտով, ընդամենը երկու տարում, արտիստի հետևորդների թիվը հասավ գրեթե 12 միլիոնի։

Այդ ֆենոմենալ թռիչքի շնորհիվ 27-ամյա երիտասարդը հայտնվեց շատերի ուշադրության կենտրոնում։  Վերջերս բլոգերը նկարահանվեց ճանաչված երգիչ Եգոր Կրիդի «Love is» երգի տեսահոլովակում։ Ամենայն հավանականությամբ երկու տաղանդավոր երիտասարդների համագործակցությունը այդքանով չի սահմանափակվի։

Շատերը զարմացած են Դավայի դերասանական տաղանդով, բայց երիտասարդը բավական հարուստ ստեղծագործական փորձ ունի։ Բանն այն է, որ նա պրոֆեսիոնալ պարող է։ Հայազգի երիտասարդը երեք տարեկանից պարով է զբաղվել, անգամ սպորտային-պարահանդեսային պարերի Ռուսաստանի չեմպիոն է եղել։ Վնասվածքների պատճառով ստիպված է եղել թողնել սպորտային կարիերան (Դավան ողնաշարի երեք ճողվածք ունի. մեծ դեր է խաղացել նաև հիասթափությունը)։

Ի դեպ, հենց պարի շնորհիվ է Դավան հանդիպել իր առաջին սիրուն՝ պարահանդեսային պարերի ներկայիս չեմպիոն Վալերիա Աղիկյանին։ Այն ժամանակ Դավան 16 տարեկան էր, ընտրյալը՝ 15։ Նրանց հարաբերությունները երկար չեն տևել. երկու տարի անց բաժանվել են։

«Տղամարդու խոսք եմ տվել, պիտի անեմ»․Դավա Մանուկյանը Բուզովային հավերժացրել է մաշկի վրա

Նույն «Алена блин!» հաղորդման ընթացքում Մանուկյանը խոստովանել է, որ սթրեսի պատճառով հաճախ նոպաներ է ունեցել։ Արտիստի խոսքով՝  այնպես էր սիրահարվել Վալերիային, որ պատրաստվում էր առաջարկություն անել, մինչդեռ աղջիկը օգտագործում էր իրենց հարաբերությունները առաջնություններից առաջ իրեն հունից հանելու համար։

«Նա իմ հակառակորդի պարային զույգն էր, և մրցումներից առաջ ինձ հաճախ լուսանկարներ էին ուղարկում, որտեղ Վալերիային ինչ-որ մեկը գրկում էր։ Դա ինձ շատ էր հունից հանում»,-ասել է նա։ Չնայած դրան, իր «Վերջին պարը» երգը Դավան նվիրել է առաջին սիրուն։

Ինչ վերաբերում է Բուզովայի հետ հարաբերություններին և անհավասար եկամուտներին, արտիստը (ինչպես և ինքը՝ Օլգան) մշտապես ընդգծում է, որ սիրելի կինն իրեն աջակցում է միայն բարոյապես, իսկ նյութական ծախսերը միշտ ինքն է հոգում։ Ի դեպ, երիտասարդներն ապրում են Մանուկյանի վարձակալած բնակարանում։

«Ես ոչ մի կնոջից փող չեմ վերցրել։ Երբեք նման բան չի եղել։ Եթե մենք Օլյայի հետ որևէ տեղ ենք գնում, միշտ ես եմ վճարում։ Հակառակ դեպքում ես ինձ տղամարդ չեմ զգա։ Իմ փրոդաքշնի համար ես մեծ գումարներ եմ ծախսում՝ գովազդ, նկարահանումներ։ Ճիշտ այդքան էլ ծախսում եմ Օլյայի վրա։ Ռեստորանում հաշիվը տարբեր է լինում՝ 20-ից մինչև 80 հազար ռուբլի՝ կախված տեղից»,-խոստովանել է նա։

Արտիստի խոսքով՝ ինքը շատ ծրագրեր ունի, իսկ Օլգայից իրեն միայն հոգեբանական աջակցություն է պետք։

40
թեգերը:
տեսահոլովակ, սեր, երգիչ, Օլգա Բուզովա, Դավիթ (Դավա) Մանուկյան
Ըստ թեմայի
Մոսկովյան բանկ ներխուժած տղամարդը պահանջել է փող և Բուզովային. տեսանյութ
«Մանդարինկա». Բուզովան բլոգեր Դավիթ Մանուկյանի հետ ամանորյա երգ է թողարկել
Օլգա Բուզովան հաստատել է` իր ընտրյալը հայ հայտնի բլոգեր Դավիթ Մանուկյանն է
Օլգա Բուզովան ծննդյան 34–ամյակը նշում է հայ սիրեցյալի հետ. տեսանյութ
Ավետ Բարսեղյան

«Լկստվեք, միայն թե առողջ եղեք». ինչպես են հայտնի մարդիկ շնորհավորել երեխաների տոնը

27
(Թարմացված է 23:22 01.06.2020)
Երեխաների պաշտպանության օրը շատերն են հրապարակել իրենց զավակների լուսանկարներն ու սեր խոստովանել նրանց։

ԵՐԵՎԱՆ, 1 հունիսի – Sputnik. Երեխաների պաշտպանության օրը ամենաջերմ և ամենալուսավոր տոներից մեկն է։ Զարմանալի չէ, որ շատերը հենց հունիսի 1-ին են հրապարակում իրենց դուստրերի և որդիների լուսանկարները։

Sputnik Արմենիան արդեն անդրադարձել է «Ռոսիա սեգոդնյա» ՄՏԳ–ի և RT հեռուստաալիքի գլխավոր խմբագիր Մարգարիտա Սիմոնյանի գրառմանը։ Բայց նա միակը չէ, որ այսօր հրապարակել է իր բալիկների հուզիչ լուսանկարներն ու տեսագրությունները։

Հայաստանի հավաքականի և իտալական «Ռոմայի» կիսապաշտպան Հենրիխ Մխիթարյանը նույնպես լուսանկար է հրապարակել որդու հետ։

«Ընտանիքն առաջին տեղում է», – լուսանկարին կից գրել է նա։

Посмотреть эту публикацию в Instagram

Публикация от Henrikh Mkhitaryan (@micki_taryan)

Մխիթարյան կրտսերը ծնվել է այս տարվա մարտին։ Նրան կոչել են ֆուտբոլիստի հոր անունով` Համլետ։

Հայկական արմատներով ռուսաստանաբնակ արտիստ Ալեքսեյ Չումակովի կինը` երգչուհի Յուլյա Կովալչուկն էլ Instagram–ում հրապարակել է իրենց փոքրիկի ձեռքը։

«Անվերապահ սեր և յուրաքանչյուր վայրկյան պաշտպանելու ցանկություն։ Աղոթում եմ Աստծուն, որ աշխարհի բոլոր բալիկները չիմանան, թե ինչ է մենակությունը, հիվանդությունն ու բաժանումը։ Գիտեմ, որ աշխարհը դաժան է, բայց այն ընդհանուր առմամբ կազմված է յուրաքանչյուրիս մեջ եղած աշխարհից։ Թող մեր ներսի աշխարհը ջերմ, բարի ու անսահման սիրով լցված լինի։ Եվ այդ դեպքում մեզ շրջապատող բալիկներն ավելի երջանիկ կլինեն»,– գրել է նա։

Посмотреть эту публикацию в Instagram

Публикация от Julia Kovalchuk/Юлия Ковальчук (@juliakovalchuk)

Հայտնի ռեժիսոր Սարիկ Անդրեասյանն էլ որդիների հետ լուսանկար է հրապարակել։

«Թող բոլոր երեխաները երջանիկ լինեն։ Շնորհավոր մեջք կրծողների պաշտպանության օրը», – կատակել է նա։

Посмотреть эту публикацию в Instagram

Публикация от Sarik Andreasyan (@sarik_andreasyan)

Հայտնի դերասան Մկրտիչ Արզումանյանը հրապարակել է որդու լուսանկարը։

«Շնորհավոր երեխաների պաշտպանության օրը։ Մեր բոլոր փոքրիկներին մաղթում եմ երջանիկ մանկություն և լուսավոր ապագա…», – լուսանկարին կից գրել է նա։

Посмотреть эту публикацию в Instagram

Публикация от Mkrtich Arzumanyan (@mkrtich.arzumanyan)

«Միսս Հայաստան 1998», «Միսս ԱՊՀ 1999», «Միսս Երկրագունդ 2010» տիտղոսակիր, գեղեցկուհի Գոհար Հարությունյանը հրապարակել է իրար քնքշորեն գրկած որդիների լուսանկարը և գրել. «Տղաներս։ Շնորհավոր երեխաների օրը»։

Посмотреть эту публикацию в Instagram

Публикация от Gohar Harutyunyan (@miss_armenia_gohar)

Հայտնի հաղորդավար Ավետ Բարսեղյանի հրապարակած լուսանկարում փոքրիկը հոր իրերն է քչփորում։

«Խանգարեք մեզ, լկստվեք, չարաճճի պահեք, գոռացեք, ջղայնացրեք... Մենակ առողջ եղեք։ Շնորհավոր, բալիկներ», – գրել է երջանիկ հայրը։

Посмотреть эту публикацию в Instagram

Публикация от Avet Barseghyan (@avetbarseghyan)

Իսկ երգիծաբան Գարիկ Մարտիրոսյանի կինը` Ժաննա Լևինան, ինչպես միշտ, կատակել է։ Նա ոչ թե երեխաների լուսանկարն է հրապարակել, այլ ոտքերի անիմացիա։

«Գարիկի հետ տոնում ենք ամռան առաջին օրը։ Աղջիկներ, հավատացեք, որ անկախ կարանտինից, իմ ոտքերը ձախինն են»,– գրել է նա։

Посмотреть эту публикацию в Instagram

Публикация от Janna Levina (@jannalevina_martirosyan)

Տիկնիկային թատրոնը երեխաներին անակնկալ է մատուցել տանիքից. տեսանյութ

27
թեգերը:
Լուսանկար, տոն, երեխա, Հայաստան
Ըստ թեմայի
Փոքրիկ «ավազակների» անհավատալի արկածները. զվարճալի տեսանյութ
Ձեռք չտաս, Արմանչիկ. ինչ է անում փոքրիկը, երբ նրան ասում են` չուտես, մինչև գամ. տեսանյութ
«Մամ, զանգի Պուտինին». փոքրիկը խնդրում է բացել դպրոցները
Ռուբեն Հայրապետյան

«Հարսնաքարի» նախկին տնօրենն ինքն է գույք հափշտակել. Ռուբեն Հայրապետյանի փաստաբան

0
(Թարմացված է 00:16 02.06.2020)
Ռուբեն Հայրապետյանի փաստաբանը հույս ունի, որ այս քրեական գործով բոլոր հնարավոր միջոցները կձեռնարկվեն արտերկրում գտնվող Հայկ Շահնազարյանին ՀՀ վերադարձնելու ուղղությամբ։

ԵՐԵՎԱՆ, 2 հունիսի – Sputnik. Հայաստանի ֆուտբոլի ֆեդերացիայի նախկին ղեկավար Ռուբեն Հայրապետյանի ընտանիքին պատկանող «Հարսնաքար» համալիրի նախկին տնօրեն Հայկ Շահնազարյանի կողմից Ընկերության առանձնապես խոշոր չափերով գույքը խարդախությամբ հափշտակելու փաստի առթիվ ՀՀ քննչական կոմիտեի հատկապես կարևոր գործերի քննության գլխավոր վարչությունում հարուցվել է քրեական գործ: Տեղեկությունը հայտնում է Հայրապետյանի փաստաբան Ամրամ մակինյանը։

«Հույս ունենք, որ այս քրեական գործով նույնպես կձեռնարկվեն բոլոր հնարավոր միջոցները արտերկրում գտնվող Հայկ Շահնազարյանին ՀՀ վերադարձնելու ուղղությամբ…»,– Facebook–ի իր էջում գրել է նա։

Մակինյանը հիշեցրել է` Հայկ Շահնազարյանն այն նույն անձն է, որին իբրև թե խոշտանգել ու ապօրինի ազատությունից զրկել են Ռուբեն Հայրապետյանի կազմակերպմամբ։

«Սակայն Հայրապետյանի առնչությունը նշվածին դատարանը չհաստատեց, փոխարենը օրեր անց քրեական գործ հարուցվեց Հայկ Շահնազարյանի կողմից առերևույթ առանձնապես խոշոր չափերի խարդախություն կատարելու փաստի առթիվ։ Ափսոսում եմ, որ քննչական կոմիտեի մամուլի ծառայությունը մոռացել է հանրությանը հայտնել նաև այս մասին, ինչպես արվեց Ռուբեն Հայրապետյանին առերևույթ մեղադրելու դեպքում…»,– եզրափակել է փաստաբանը:

Ավելի վաղ հայտնել էինք, որ Երևանի ընդհանուր իրավասության դատարանը բավարարել է ՀՖՖ նախկին նախագահ Ռուբեն Հայրապետյանին և ևս 4 անձի կալանավորելու միջնորդությունները։ Հայրապետյանը որպես մեղադրյալ է ներգրավել ՀՀ քրեական օրենսգրքի 119-րդ հոդվածի 2-րդ մասի 3-րդ, 5-րդ կետով (ֆիզիկական ուժեղ ցավ կամ հոգեկան տառապանք պատճառելը), 133-րդ հոդվածի 2-րդ մասի 1-ին, 2-րդ, 7-րդ կետերով (մի խումբ անձանց կողմից շահադիտական դրդումներով մարդուն առևանգելը) և 322-րդ հոդվածի 2-րդ մասով  (ինքնիրավչություն): Նա գտնվում է հետախուզման մեջ:

Ռուբեն Հայրապետյանին կանչել են հարցաքննության, իսկ նա Հայաստանում չէ

0
թեգերը:
Ամրամ Մակինյան, Ռուբեն Հայրապետյան, Հայաստան
Ըստ թեմայի
«Հորդորում էր, որ ես փախնեմ Հայաստանից». Ռուբեն Հայրապետյանը` Անդրանիկ Քոչարյանի մասին
Ռուբեն Հայրապետյանի որդին կամավոր ներկայացել է. դատարանը մերժել է կալանքի միջնորդությունը
Ռուբեն Հայրապետյանն իր ասածի պատասխանը կզգա ոչ միայն շորերի, այլև մարմնի վրա. Գրիգորյան