Մեքենաներ

Հայաստանից գնված մեքենաները վերավաճառելու համար ղազախստանցիները ստիպված Հայաստան կգան

181
(Թարմացված է 16:53 14.02.2020)
Հայաստանից գնված ու Ղազախստան տեղափոխված մեքենաների շուրջ աղմուկը չի դադարում։ Հարցին անդրադարձել է նաև ՀՀ ՊԵԿ նախագահի տեղակալը ԶԼՄ ներկայացուցիչների հետ հանդիպման ժամանակ։

ԵՐԵՎԱՆ, 14 փետրվարի — Sputnik. ՀՀ ՊԵԿ նախագահի տեղակալ Շուշանիկ Ներսիսյանն այսօր լրագրողների հետ հանդիպման ժամանակ, անդրադառնալով հայ–ղազախական ավտոբիզնեսի հետ կապված խնդիրներին, ասաց, որ Ղազախստան արտահանված հայկական համարանիշներով մեքենաները վերավաճառելու համար դրանց ղազախ տերերը ստիպված պետք է լինեն վերադառնալ Հայաստան։ 

«Եթե գույքահարկի պարտավորություն ձևավորված լինի, այդ պարտավորությունը կատարելուց հետո միայն այդ մեքենաները Հայաստանում հաշվառումից կհանվեն, որպեսզի կարողանան Ղազախստանում վերահաշվառվել»,– ասաց նա։

Իսկ եթե վերավաճառելու մտադրություն չունեն, կարող են Հայաստան չայցելել, քանի որ Հայաստանում հիմա աշխատում են նման դեպքերի համար գույքահարկի վճարման առցանց հարթակ ստեղծելու ուղղությամբ։

Ավտոմեքենա ներկրողների ու մաքսայինի մշտական վեճը. ասա՝ ինչ արժե մեքենադ, ասեմ` ով ես դու

Ինչ վերաբերում է հայկական համարանիշները պահպանելուն ու դրանցով մեքենան շահագործելուն, Ներսիսյանը հայտնեց, որ այդ հարցը կախված է միայն Ղազախստանի իշխանության որոշումից, քանի որ ՀՀ օրենսդրությամբ նման խնդիր գոյություն չունի, իսկ ԵԱՏՄ տարածքում տեղաշարժը անդամ երկրների քաղաքացիների համար ազատ է։ Ներսիսյանի խոսքով` ՀՀ ոստիկանության տրամադրած տվյալներով, Հայաստանում ներկա պահին հաշվառված ավելի քան 20 000 մեքենա գրանցված է Ղազախստանի քաղաքացիների անունով, ևս 40 000-ը` ՌԴ քաղաքացիների անունով։

ՊԵԿ–ը հորդորում է ներկրված ավտոմեքենաներով առանց հաշվառման համարանիշների չերթևեկել

Նշենք, որ պաշտոնական տվյալներով` միայն 2019թ–ին Հայաստան է ներկրվել 159 000 մեքենա։ Դատելով տվյալներից` դրանցից շուրջ 100 000–ն այսօր էլ գտնվում է ՀՀ տարածքում։

181
թեգերը:
Պետական եկամուտների կոմիտե (ՊԵԿ), Ղազախստան, ավտոմեքենա, Հայաստան
Ըստ թեմայի
Ոստիկանության նախկին պաշտոնյան 46 միլիոն դրամից ավելի գումար է «ստացել». տեսանյութ
Գրիգորյան. «Հարկային օրենսգիրքը մնում է բարդ ու խրթին, լուծումները ժամանակավոր են»
Կառավարությունը պատրաստ է ավտոմեքենաների ներկրման կրճատմանը. Անանյանն ասաց` ինչպես
Ինչ մաքսային արտոնություններ են նախատեսվում ՀՀ–ում մշտական բնակություն հաստատողների համար