Новорожденные дети

Եթե Հայաստանում որևէ մեկը ծնողին ստիպի հրաժարվել երեխայից, խիստ կպատժվի

49
(Թարմացված է 12:07 13.02.2020)
Հայաստանում ծնողական իրավունքներից հրաժարվելուն հարկադրելը քրեականացվում է։

ԵՐԵՎԱՆ, 13 փետրվարի — Sputnik. Ծնողական իրավունքներից հրաժարվելուն հակելը կամ հարկադրելը կքրեականացվի։ Համապատասխան որոշումն ընդունվեց կառավարության այսօրվա նիստում։

Գործադիրը հավանություն տվեց «ՀՀ քրեական օրենսգրքում լրացում կատարելու մասին» օրենքի նախագծի վերաբերյալ կառավարության օրենսդրական նախաձեռնությանը:

«Առաջարկվող լրացումով հստակեցվում է հորդորելու, խաբեության, վստահությունը չարաշահելու կամ վիճակի խոցելիությունը օգտագործելու, կյանքի կամ առողջության համար ոչ վտանգավոր բռնություն գործադրելու միջոցով կամ բռնություն գործադրելու սպառնալիքի միջոցով անձին ծնողական իրավունքներից հրաժարվելուն հակելու կամ հարկադրելու դեպքում նախատեսվող քրեական պատասխանատվության հարցը»,–նախագիծը ներկայացնելով` ասաց ՀՀ աշխատանքի և սոցիալական հարցերի նախարար Զարուհի Բաթոյանը։

Հայ հրաշագործ բժիշկները, կամ ահռելի գոյացությամբ ծնված երեխայի բախտը բերել է

Նա հայտնեց նաև, որ նման արարքը կպատժվի տուգանքով՝ նվազագույն աշխատավարձի երկուհարյուրապատիկից հինգհարյուրապատիկի չափով, կամ կալանքով՝ առավելագույնը երեք ամիս ժամկետով, կամ ազատազրկմամբ՝ մեկից չորս տարի ժամկետով։

Բացի այդ, եթե պաշտոնեական դիրքն օգտագործելով, շահադիտական դրդումներով, կյանքի կամ առողջության համար վտանգավոր բռնություն գործադրելով կամ դա գործադրելու սպառնալիքով, ծնողին բուժաշխատողը ստիպի հրաժարվել երեխայից, ապա նա նույնպես կպատժվի։ Ըստ այդմ, բուժաշխատողին վերոհիշյալ դեպքերում սպասում է ազատազրկում՝ երկուսից հինգ տարի ժամկետով, որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկում` առավելագույնը երեք տարի ժամկետով կամ առանց դրա:

Հիշեցնենք` 2019թ. նոյեմբերի 14-ին ԱԱԾ–ն հայտնել էր, որ բացահայտվել են տարբեր պաշտոնատար անձանց կողմից մանկատների երեխաների որդեգրման գործընթացում կատարված առերևույթ հանցագործություններ։ Երեխաների ապօրինի որդեգրման համար մեղադրանք է առաջադրվել երեք անձի` «Երևանի մանկան տուն» ՊՈԱԿ-ի տնօրեն Լիանա Կարապետյանին, առողջապահության նախկին փոխնախարար Արսեն Դավթյանին և «Հանրապետական ծննդատան» տնօրեն, մանկաբարձ–գինեկոլոգ Ռազմիկ Աբրահամյանին։

Երևանում կինը 12-րդ երեխային է լույս աշխարհ բերել. լուսանկարներ

49
թեգերը:
Զարուհի Բաթոյան, ծնող, երեխա, Հայաստան
Ըստ թեմայի
Բացառում ենք, որ երեխան ողջ է. Մարգարյան հիվանդանոցի տնօրենը` ապօրինի որդեգրման մասին
Ինչու երեխաներին մեծացնել հենց Հայաստանում. ռուս կինը 5 կարևոր պատճառ է նշում
Անտոնյան. «Որդեգրող ծնողն իր կարիքն է բավարարում, խնամատարը` երեխայի»