«Մեր սերը փոխադարձ է». երգչուհի Արմինկան դիմել է երկրպագուներին
(Թարմացված է 07:19 14.02.2020)
Ճանաչված երգչուհին թեև Հայաստանում չի բնակվում, բայց զգում է, որ սիրված է, ինչը նրան անսահման ջերմություն և ուրախություն է տալիս։ԵՐԵՎԱՆ, 13 փետրվարի — Sputnik. Հայտնի երգչուհի, դիզայներ Արմինկան Instagram-ի իր էջում նոր լուսանկար է հրապարակել և նշել, որ իր երկրպագուներին անչափ սիրում է։
«Ես քեզ սիրում եմ». Օլգա Բուզովան հայերեն խոստովանություն է արել սիրելիին
«Հրճվանք ու անասելի ջերմություն եմ զգում՝ կարդալով Ձեր մեկնաբանությունները: Մեր սերը փոխադարձ է»,- գրել է նա։
Посмотреть эту публикацию в Instagram
Երգչուհու երկրպագուները մի շարք հաճոյախոսություններ են գրել նրա հրապարակման տակ։
«Մեր սերն էլ քո հանդեպ է անսահման», «ախր շատ էլեգանտ ու նրբաճաշակ եք», «Արմինկա ջան, կատարյալ եք ամեն ինչում, Աստված պահապան», «գեղեցկուհի Արմինկա»,–գրել են նրանք։
Նշենք, որ տարիներ առաջ Արմինկան մշտական բնակություն հաստատեց ԱՄՆ-ում: Շշուկներ տարածվեցին, որ երգչուհին Հայաստանից նեղացած հեռացավ: ԱՄՆ-ում ծնվեց երգչուհու որդին` Ալեքսը: Այժմ Արմինկան զբաղվում է նաև հագուստի դիզայնով: Ունի սեփական խանութ-սրահ:
Արմինկան ծնվել է 1973թ. օգոստոսի 22-ին Երևանում: 1990-92թթ. սովորել է Հայաստանի պետական ֆիլհարմոնիային կից էստրադային-ջազային արվեստի ստուդիայում: 1992-97թթ. երգել է «Հայեր» փոփ խմբում: 2001-05թթ. սովորել է Երևանի Կոմիտասի անվան պետական կոնսերվատորիայում:
«Շատ կարճ` իմ Վալենտինի նվերի մասին». Սոնայի սպասումներն ու Գրիգի զայրույթը
1998թ-ից հանդես է գալիս «Արմինկա» բեմական անունով: Տարբեր մրցանակաբաշխությունների ժամանակ արժանացել է բազմաթիվ մրցանակների: Թողարկել է 4 ձայնասկավառակ: Եղել է «Հայուհիներ» նախագծի երաժշտական պրոդյուսերը: Հայաստանում և արտերկրում ունեցել է բազմաթիվ համերգներ և մենահամերգներ: Նկարահանել է ավելի քան 20 տեսահոլովակ:
թեգերը:
