Նորապսակներ

Հույս կա. ամուսնական գործակալության տնօրենը վստահեցնում է` ոչ մեկը տանը չի մնա

687
(Թարմացված է 23:22 12.02.2020)
Ի՞նչ պահանջներ ունեն հարսնացուներն ու փեսացուները Հայաստանում։ Արդյո՞ք ճիշտ է, որ միայն հուսահատ մարդիկ են դիմում ամուսնական գործակալություն։ Ամուսնական գործակալության տնօրենը հետաքրքիր մանրամասներ է ներկայացնում։

ԵՐԵՎԱՆ,  12 փետրվարի — Sputnik, Նանա Մարտիրոսյան. Հայաստանում երեսունն անց աղջիկը հնարավորություն ունի եթե ոչ արքայազնի, ապա հասուն և կայացած տղամարդու հետ ամուսնանալու։ Կարևորը, որ նա սլացիկ կազմվածք ունենա և շատ պահանջկոտ չլինի, իսկ եթե այդ ամենի հետ նա նաև կույս է, ապա Փարիզում ամուսնանալու հեռանկարը շատ էլ իրատեսական է։

«Տանը մնացածի» կարգավիճակից ազատվելու համար միայն պետք է դիմել ամուսնական գործակալություն, հարցաթերթիկ լրացնել, հաջող լուսանկարվել ու սպասել ժամադրության։ Ի դեպ, գաղտնիության կանոնները խիստ պահպանվում են և չեն խախտվում։

Տղամարդկանց հարցում ամեն ինչ մի քիչ ավելի դժվար է. գործակալությունում գրանցվելու համար տղամարդը պետք է առնվազն 28 տարեկան լինի և կայուն եկամուտ ունենա։ Նա պետք է իրատեսական պահանջներ ներկայացնի և լուրջ վերաբերվի ամուսնության ու ընտանիքի ինստիտուտին։ Բայց նշենք, որ տղամարդու դեպքում արտաքինը գրեթե նշանակություն չունի։

Ամուսնական գործակալության տնօրեն Իլոնա Բաղյանը հայտնեց, որ հաճախ իրենց դիմում են պոտենցիալ հարսնացուների ու փեսացուների մայրերը։ Հիմնականում խոսքն այն երիտասարդների մասին է, որոնք օր ու գիշեր աշխատում են ու իրենց երկրորդ կեսին փնտրելու ժամանակ գրեթե չունեն։ Հակառակն էլ է լինում` երբ երեխաները գրանցում են ծնողներին ու հաջող տեղավորում նրանց։

105 տարեկանում կյանքը միայն սկսվում է․ ինչու է Իտալիայի քաղաքացին տեղափոխվել Հայաստան

«Կա մի միֆ, որ ամուսնական գործակալություն դիմում են տանը մնացած կանայք ու անհույս ամուրի տղամարդիկ, բայց իրականում նրանք կայացած կանայք ու տղամարդիկ են, որոնք կարիերայի հետևից ընկած մոռացել են անձնականի մասին»,  – ասաց նա։

Գործունեության տասը տարիների ընթացքում Իլոնային հաջողվել է 700 մարդու ամուսնացնել։ Նրանց դիմողների մեծ մասը կանայք են, իսկ տղամարդկանց շարքում շատ են սփյուռքահայերը։ Սփյուռքահայ տղամարդը հաճախ Հայաստան է գալիս գործակալության միջոցով ծանոթացած աղջկան իրականում տեսնելու։ Բայց դեռ չի եղել դեպք, որ կինը գա։

Գործակալության միջոցով ծանոթացած զույգերի դեպքում ամուսնալուծություններ հաճախ չեն հանդիպում։ Բաղյանի խոսքով` տասը տարվա ընթացքում միայն մի զույգ է ամուսնալուծվել, այն էլ երիտասարդ էին։ Հետո երկուսն էլ նորից գործակալություն են դիմել ու նոր ամուսիններ գտել։ Մի դեպքում էլ հիսունն անց տղամարդը երեք տարի կին էր փնտրում ու չէր կողմնորոշվում` ինչ է ուզում։ Բայց վերջերս նա ընտրեց թեկնածուներից մեկին, բնակարան գնեց, ու երջանիկ ապրում են։

«Մենք զգուշավոր ենք 60 տարեկանից մեծ տղամարդկանց գրանցելու հարցում, քանի որ նրանք երբեմն խնամող են փնտրում, ոչ թե կին։ Սակայն շատ են նաև տարիքով եռանդուն տղամարդիկ, որոնք ուզում են երջանիկ ամուսնական կյանք ունենալ անգամ այդ տարիքում։ Չենք գրանցում տարեց տղամարդկանց, որոնք ուզում են երիտասարդ աղջիկների հետ ամուսնանալ։

Ովքեր և ինչպես ամուսնացան 2019 թվականին. աղմկահարույց հարսանիքների 5–յակ

Հետաքրքիր է, որ ժամանակակից տեխնոլոգիաներն ու սոցցանցերը չեն խանգարում ամուսնական գործակալության աշխատանքին։ Ավելին` գործակալության միջոցով ծանոթացած զույգերը կարող են շփվել սոցցանցերում ու էլ ավելի ամրապնդել իրենց կապը։

Ի դեպ, ամենաշատ հարսանիքները հենց այս շրջանում են լինում. սիրահարները նախընտրում են ամուսնանալ Նոր տարուն կամ էլ Տրնդեզին։

Իլոնային հազվադեպ են հարսանիք հրավիրում, քանի որ նորապսակները հիմնականում թաքցնում են` ինչպես են ծանոթացել, բայց գործակալությունում միշտ նշում են իրենց հերթական հաջողությունը։

Նշենք` նախորդ տարվա ընթացքում ամուսնությունների թիվը Հայաստանում ավելացել է. եթե 2018–ին 14 822 ամուսնություն էր գրանցվել, ապա 2019 թվականին` 15 561։ Այդ ընթացքում ավելացել է նաև ամուսնալուծությունների թիվը` 2018 թվականին 3819 ամուսնալուծություն է գրանցվել, 2019–ին` 3879։ Ամենաշատ ամուսնություններն ու ամուսնալուծությունները գրանցվել են Երևանում, ամենաքիչը` Վայոց Ձորում։

687
թեգերը:
Կին, տղամարդ, փեսա, հարսանիք, հարս, Սփյուռք, Հայաստան
Ըստ թեմայի
Ինչպես «ինտերնացիոնալ» հարսանիքի ժամանակ հայկական քոչարին հաղթեց այլ պարերին. տեսանյութ
Լոռեցի տղան սիրո խոստովանություն է արել «անթույլատրելի» վայրում. նա հրավիրվել է բաժին
Հանուն հարսնացուի փեսան վեր է կենում հաշմանդամի սայլակից. հուզիչ տեսանյութ
«Շատ կարճ` իմ Վալենտինի նվերի մասին». Սոնայի սպասումներն ու Գրիգի զայրույթը
ԱԻՆ

Երևանում 28-ամյա քաղաքացին սպառնացել է վնասել իրեն ու տան անդամներին

2
(Թարմացված է 17:36 15.08.2020)
Ահազանգը ստանալուն պես դեպքի վայր են մեկնել փրկարարական ջոկատի անդամները։ Նրանք կանխել են ինքնասպանության փորձը։

ԵՐԵՎԱՆ, 15 օգոստոսի - Sputnik. Երևան քաղաքի Ներքին Շենգավիթի 3-րդ փողոցի տներից մեկի բնակիչը սպառնացել վնասել և՛ իրեն, և՛ տան մյուս բնակիչներին։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։

Ճգնաժամային կառավարման ազգային կենտրոնն ահազանգը ստացել է օգոստոսի 15-ին` ժամը 13։37-ին։

Դեպքի վայր է մեկնել ԱԻՆ ՓԾ Երևանի փրկարարական վարչության հրշեջ-փրկարարական ջոկատից մեկ մարտական հաշվարկ։

Երևանում տղամարդ է նետվել շենքից

Փրկարարները կանխել են 28–ամյա քաղաքացու ինքնասպանության փորձը։

Երևանում նախարարի աշխատակազմի ղեկավարի օգնությամբ կանխվել է երիտասարդի ինքնասպանությունը

 

2
թեգերը:
ինքնասպանության փորձ, Երևան, Հայաստան
Ըստ թեմայի
Ավտովթար Երևան-Արմավիր ճանապարհին. «Lexus»-ը կողաշրջվել է
Ինչպես է ոստիկանության աշխատակիցը վրաերթի ենթարկել տղային. ՔԿ–ն` Ստեփանավանի դեպքի մասին
Երևանում ավտոբուսի վարորդը վրաերթի է ենթարկել փողոցը թույլատրելի հատվածով անցնող հետիոտնին
Ավտովթար Արմավիրի մարզում. տուժածների թվում 3 երեխա կա
Լուսինե Թովմասյան

«Կարևորը` լիքը սեր կա». Լուսինե Թովմասյանը հրապարակել է որդու ծննդյան օրվա լուսանկարները

24
(Թարմացված է 15:58 15.08.2020)
Գեղեցկուհի մայրիկը խոստովանել է, որ երեխաների հետ դժվար է հաջողված լուսանկարներ ստանալ, սակայն հետևորդները վստահ են`լուսանկարները հաջողված են, եթե դրանցում սեր ու ջերմություն կա։

ԵՐԵՎԱՆ, 15 օգոստոսի - Sputnik. «Միսս Հայաստան 2003», «Վիցե միսս Եվրոպա 2005» Լուսինե Թովմասյանն Instagram-ի իր էջում ընտանեկան ջերմ լուսանկարներ է հրապարակել, որոնցում երևում է, թե ինչպես են նշել որդու`Ալեքի ծննդյան տարեդարձը։ Կադրերում գեղեցկուհին ամուսնու և երկու երեխաների հետ է։

«Իսկապես շատ դժվար է ունենալ համատեղ լավ լուսանկարներ»,– լուսանկարներին կից գրել է Լուսինեն։

Посмотреть эту публикацию в Instagram

Публикация от Lusine Tovmasyan (@lusinetovmasyan)

Գեղեցկուհու հետևորդները մի շարք դրական մեկնաբանություններ են գրել։

«Կարևորը` լիքը սեր կա ու երջանկություն, ո՞ւմ են պետք գծած, անբնական նկարները, ինչքան սեր կա այս նկարներում, շատ լավն եք, ամենասիրուններ»,–գրել են նրանք։

Ինչ են անում Լուսինե և Իրինա Թովմասյանները տանը չձանձրանալու համար. զվարճալի տեսանյութ

Հիշեցնենք, որ Լուսինե Թովմասյանն ու Արթուր Հովհաննիսյանն ամուսնացել են 2013 թվականի օգոստոսի 31-ին։ Նրանց դուստրը ՝ Արիանան, 5 տարեկան է։ Իսկ որդին` Ալեքը, լույս աշխարհ է եկել 2019–ի օգոստոսի 4-ին։

«Ես թույլ եմ, շուտ եմ բռնկվում»․ Լուսինե Թովմասյանի խոստովանությունն ու անկեղծ լուսանկարը

24
թեգերը:
Լուսանկար, երեխա, Լուսինե Թովմասյան
Ըստ թեմայի
«Շնորհակալություն» կորոնային, կամ ինչպես են հայ հայտնիները հանգստացել Հայաստանում
«Ինձ ու Լևոնին մարդասպան անվանեցին...». Արոնյանի ընտրյալը նոր գրառում է արել
Քեզ շատ ենք սիրում. Գոհար Ավետիսյանն ամուսնու ու նորածին որդու հետ լուսանկար է հրապարակել