Դպրոց, արխիվային լուսանկար

Սուր շնչառական վարակների դեպքերը Հայաստանում նվազել են. դպրոցները փակելու կարիք չկա

61
(Թարմացված է 17:26 12.02.2020)
Առողջապահության նախարարը վստահեցնում է, որ դպրոցներում բացակայությունների մեծ թիվը կապ չունի հիվանդացության ցուցանիշի հետ։ Բացակաների մեծ մասն առողջ երեխաներ են։

ԵՐԵՎԱՆ, 12 փետրվարի — Sputnik. ՀՀ առողջապահության նախարար Արսեն Թորոսյանը այսօր ԱԺ–ում պատգամավորների հետ հարցուպատասխանի ընթացքում կոչ արեց դասերը բոյկոտելու կոչեր չհնչեցնել։

«Ամեն օր գնահատելով իրավիճակն ու թվերը` մենք ԿԳՄՍ նախարարության հետ որոշում ենք կայացնում` կարիք կա դադարեցնելու դասերը, թե ոչ։ Այսօրվա դրությամբ ես նորից հայտարարում եմ, որ չկա։ Ավելին` այդ բացակայությունների մեծ մասը պարզապես կանխարգելիչ բացակայություններ են։ Այսինքն` իրենք հիվանդ չեն, բայց դպրոց չեն գնում, որ չհիվանդանան»,– ասաց Թորոսյանը։

Նա նշեց նաև, որ առողջապահության նախարարությունն ինքն է կոչ անում հիվանդ երեխաներին դպրոց չուղարկել։ Իսկ դպրոցի մուտքի մոտ երեխաներն ստուգում են անցնում, և ախտանշաններ հայտնաբերելու դեպքում, նրանց ուղարկում են տուն։

Կորոնավիրուսի ախտորոշման թեստերն արդեն Հայաստանում են. դրանք տրամադրել է ՌԴ-ն

«Այսօր 1300 երեխա ենք ուղարկել տուն, նախադպրոցական հաստատություններում ու դպրոցներում սուր շնչառական վարակներով հիվանդացությունը կազմում է 5.8 տոկոս։ Միգուցե եղել են դասարաններ, որտեղ բացակայությունը կազմել է  50, 60 տոկոս, բայց կարող եմ պնդել, որ դրանց մեծ մասը եղել են առողջ երեխաներ, որոնք ուղղակի վախենում են վարակվելուց»,– նշեց Թորոսյանը։

Վերջին տվյալներով, ըստ Թորոսյանի, Հայաստանում սուր շնչառական վարակների նվազում է գրանցվել։

Նշենք, որ կորոնավիրուսի վարակի դեպք Հայաստանում չի գրանցվել։

61
թեգերը:
Արսեն Թորոսյան, դպրոց, վարակ, Հայաստան
Ըստ թեմայի
Ղալումյան. «Դիմակներ պետք է կրեն և՛ հիվանդները, և՛ առողջ մարդիկ»
Հայաստանը քեզ հետ է, Չինաստա՛ն. գոտեպնդող տեսանյութ կորոնավիրուսի դեմ պայքարողների համար
Չինաստանում կորոնավիրուսի հետևանքով մահացածների թիվը հասել է 1113–ի
Խալաթներ, դիմակներ, բախիլներ. Գյումրին կօգնի Չինաստանի իր քույր քաղաքին