Ներկրված մեքենաներ, արխիվային լուսանկար

Ներկրողները հայտնվել են կոտրած տաշտակի առաջ. մեքենաների շուկայում լճացում է

837
(Թարմացված է 14:22 12.02.2020)
Մի քանի ավտոմեքենա գնած ձեռնարկատերերը, որոնք իրենց գնածն ավելի բարձր գնով վաճառելու հույս ունեին, ոչ հաճելի իրավիճակում են հայտնվել։ Փորձենք պարզաբանել լճացման պատճառները։

ԵՐԵՎԱՆ, 11 փետրվարի — Sputnik, Աշոտ Սաֆարյան. Հայաստանում ավտոմեքենաների  երկրորդային շուկան առանձնապես լավ վիճակում չէ։ Վաճառքի ծավալները զգալիորեն կրճատվել են, իսկ անցած տարի մեքենաների անզուսպ հոսքը լուրջ լճացում է առաջացրել։ Հետևանքը եղել է այն, որ մի քանի ավտոմեքենա գնած ձեռնարկատերերը, որոնք իրենց գնածն ավելի բարձր գնով վաճառելու հույս ունեին, գրեթե հայտնվել են կոտրած տաշտակի առաջ։ Սա մի քանի պատճառ ունի։ Սկսենք գլխավոր և ամենաքննարկվող պատճառներից մեկից։

Ինչպես հայտնի է, մինչև 2020թ–ը Հայաստանն օգտվում էր ներկրվող մեքենաների ազգային մաքսատուրքերը ժամանակավորապես պահպանելու հնարավորությունից։  Տուրքերը զգալիորեն ցածր էին եվրասիականից, ինչի պատճառով էլ Ղազախստանի և Ռուսաստանի քաղաքացիները բազմաթիվ ավտոմեքենաներ էին գնում Հայաստանում։ ԵԱՏՄ երկրներից մեկում մաքսազերծված ապրանքը կարող է անարգել շրջանառվել մնացած երկրներում։ Ուստի Ղազախստանի դիլերները մեծաքանակ մեքենաներ են ներկրել ինչպես Հայաստանից, այնպես էլ Ղրղզստանից։

Ինչ է սպասում ներկրողներին. կկարողանա՞ն արդյոք վաճառել վարկով ձեռք բերված մեքենաները

Բայց իրավիճակը փոխվել է։ Հայաստանում մեքենա գնած ղազախստանցիները, որոնք դրանք չեն գրանցել Ղազախստանում, բազմաթիվ իրավախախտումներ են անում։ Նման դեպքերը կանխելու համար իշխանությունը որոշել է սահմանափակել Հայաստանից մեքենաների ներկրումը` Ղազախստանի տարածքում դրանց հաշվառումը պարտադիր դարձնելով։ Սակայն դա ձեռնտու չէ բարձր գնի պատճառով։ Արդյունքում ղազախստանցիները գրեթե դադարել են մեքենա գնել Հայաստանից: Դա հարվածել է հայ դիլերների գրպանին, որոնք մեքենաներ են գնել` դրանք նաև ղազախստանցիներին վաճառելու հույսով։

Իրավիճակը չափազանց լուրջ է հայ ներկրողների համար` հաշվի առնելով , որ շատերը գրավ են դրել տները, բազմամիլիոնանոց վարկեր վերցրել, բայց այդ ամենը մի ակնթարթում ի չիք է դարձել։

Օրերս իրավիճակը մեկնաբանեց Եվրասիական տնտեսական հանձնաժողովի կոլեգիայի ղեկավար Միխայիլ Մյասնիկովիչը։ Հարցը բարձրացրել էր հայկական կողմը, և ԵԱՏՀ–ն այն քննարկել է։ Մյասնիկովիչի խոսքով` Հայաստանն ու Ղազախստան այս հարցում պետք է  կարգավորումներ անեն։ Բայց ԵԱՏՀ–ն` որպես վերազգային մարմին, հետևելու է գործընթացին։

Միևնույն ժամանակ սխալ է ավտոշուկայում լճացումը միայն Ղազախստանի գործոնի հետ կապելը։ Ավտոփորձագետ Արման Հակոբյանի կարծիքով` նույնիսկ եթե Ղազախստանից շարունակեին մեքենաներ գնել, դա չէր լուծի հարցը, քանի որ տրանսպորտային միջոցները չափազանց շատ են։ Պատկերն ավելի լավ ներկայացնելու համար պետք է նշել միայն, որ 2019թ–ին մոտավորապես 3 միլիոն բնակչություն ունեցող Հայաստան է ներկրվել շուրջ 190 հազար մեքենա։

«Ավտոմոբիլային պահանջարկը միշտ զիջել է առաջարկին։ Նույնիսկ անցած տարվա բումի շրջանում վաճառքի տեմպերը մի քանի անգամ զիջում էին ներմուծման տեմպերին։ Օրական վաճառվում էր մի քանի տասնյակ մեքենա, ներկրվում` մի քանի հարյուրը»,– Sputnik Արմենիայի հետ զրույցում ասաց Հակոբյանը։

Նա համոզված է, որ լճացումն ամեն դեպքում անխուսափելի էր։ Ղազախստանի իշխանությունների որոշումն ընդամենն ավելի է բարդացրել իրավիճակը։ Մեր զրուցակցի կարծիքով` ներկա իրավիճակում մեքենա վաճառողների մեղքը ևս կա։ Ձգտելով հնարավորինս շատ և միանգամից մեծ գումար վաստակել`  երբեմն նրանք չափազանց բարձր գին են սահմանել մեքենաների համար։ 2019թ–ի հոկտեմբերից սկսած` երկրորդային  շուկայում գներն անշեղորեն աճել են։ Ի դեպ, այդ պատճառով ղազախստանցիներից շատերը տեղափոխվել են վրացական շուկա։

Ըստ Հակոբյանի` ի տարբերություն ղազախստանցիների, ռուսաստանցիները հիմա էլ են շարունակում Հայաստանից մեքենաներ ներկրել ։ Ճիշտ է, տեմպերը կրճատվել են հիմնականում եղանակային պայմանների պատճառով։ Վրաստանից Ռուսաստան տանող Մցխեթա–Ստեփանծմինդա–Լարս ճանապարհի մի հատվածը ձմռանը պարբերաբար փակվում է ձյան առատ տեղումների և ձնահյուսի պատճառով։ Ուստի ձմեռային ամիսներին մեքենաների առք ու վաճառքը դանդաղում է։

Փաշինյանը հարցը կլուծի՞. ավտոներկրողներն իրենց բողոքը ներկայացրին ՊԵԿ փոխնախագահին

Առաջիկայում այդ լճացումը կպահպանվի, ինչը կհանգեցնի գների նվազման։ Ներքին շուկայում մեքենաները շատ քիչ են վաճառվում, բոլոր նրանք, ովքեր պետք է մեքենա գնեին անձնական կարիքների համար, վաղուց արդեն գնել են։

«Եթե անցած տարվա վերջին 2011-2012 թթ. արտադրության Hyundai Sonata–ն, Hyundai Elantra–ն (սրանք Հայաստանում ամենապահանջված մակնիշներից են` խմբ.) արժեին մինչև 9 հազար դոլար, ապա հիմա դրանց գինը տատանվում է 6-7 հազար դոլարի սահմաններում` կախված վիճակից, վազքից և կոմպլեկտավորումից», – նշեց Հակոբյանը։

Հակոբյանի փաստարկները հաստատեց նաև ձեռնարկատեր Անդրանիկ Մարգարյանը։ Նրա խոսքով` հունվարից վաճառքի տեմպերը զգալիորեն նվազել են. հիմնական պատճառը Ղազախստանի հետ կապված վերոհիշյալ դրվագն է։ Ավելին, տեղեկություն կա, որ ղազախստանցիներից շատերն ուզում են հետ բերել մեքենաները և վերավաճառել դրանք այստեղ։ Եթե նման բան պատահի, գներն ուղղակի անկում կապրեն։

«Խոսքը, իհարկե, 2015 և 2016 թվականների գերմանական մոդելների մասին չէ։ Դրանց գինը չի կարող ընկնել։ Բայց 2000–ականներին թողարկած մեքենաները կայուն կերպով էժանանում են։ Օրինակ` Toyota Alphard մինիվենները նախկինում վաճառվում էին 8-10 հազար դոլարով, հիմա դրանց գինը հասել է 6 հազարի»,– ասաց Մարգարյանը։

Ավտոներկրողները սպառնում են փակել Նորագավիթի մաքսատան ճանապարհը

Փորձագետներն ընդհանուր առմամբ նշում են, որ ապագայում դիլերները կփորձեն հնարավորինս արագ ազատվել ներկրված մեքենաներից, քանի որ դրանք պահելը անիմաստ ծախսեր կառաջացնեն։ Դրանք պետք է լվանալ, ապրանքային տեսքը պահպանել, ապահովագրել, տեխզննում կատարել, իսկ այդ ամենը փող արժե։

Չի կարելի բացառել, որ մեքենա վաճառողները կսկսեն թակել կառավարության դռները` խնդրելով լուծում գտնել։ Օրինակ` խոսել ԵԱՏՄ գործընկերների հետ։ Ներկրողներին մտադիր է լսել ԱԺ տարածաշրջանային և եվրասիական ինտեգրման հարցերի մշտական հանձնաժողովի նախագահ, «Բարգավաճ Հայաստան» խմբակցության անդամ Միքայել Մելքումյանը։

837
թեգերը:
Ղազախստան, Շուկա, ավտոներկրողներ, ավտոմեքենա, Հայաստան
Ըստ թեմայի
Հայաստանի սահմանին 300 մեքենա է մնացել. ներկրողները բողոքում են կառավարության շենքի մոտ
Նոր կանոններ` ԵԱՏՄ երկրներում սահմանով կանխիկ գումարի տեղափոխման համար. ինչ է նախատեսված
Ինչ է սպասում ներկրողներին. կկարողանա՞ն արդյոք վաճառել վարկով ձեռք բերված մեքենաները
ճանապարհային ոստիկաններ, արխիվային լուսանկար

Տեխզննման կտրոնները պետք չեն լինի․ ոստիկանությունն «ընթացքում» է ստուգելու մեքենաները

42
(Թարմացված է 15:57 19.01.2021)
Փոխվում է ավտոմեքենաների տեխզննման հաճախականությունը․ նոր մեքենաները զննում կանցնեն թողարկման 4–րդ տարում, մինչև 10 տարվա արտադրության մեքենաները` երկու տարին մեկ։

ԵՐԵՎԱՆ, 19 հունվարի – Sputnik. Հայաստանի իշխանությունը մտադիր է հրաժարվել մեքենայի դիմապակու վրա փակցվող տեխզննման կտրոններից և վերահսկողությունն իրականացնել էլեկտրոնային տարբերակով։ ՀՀ տարածքային կառավարման ու ենթակառուցվածքների փոխնախարար Արմեն Սիմոնյանն առաջարկվող փոփոխություններն այսօր ներկայացրեց Ազգային ժողովում։

Սիմոնյանի խոսքով՝ փոփոխությունները պայմանավորված են երկրի միջազգային պարտավորություններով։

«Առաջարկվում է վերահսկողությունն իրականացնել էլեկտրոնային շտեմարանի արատորոշման քարտի միջոցով։ Քարտը էլեկտրոնային տարբերակով է լրացվում ու պահվում տվյալների բազայում», - ասաց Սիմոնյանը։

Նրա խոսքով՝ այդ դեպքում ճանապարհային ոստիկանությունը կկարողանա էլեկտրոնային տարբերակով ստուգել մեքենաներն ու չկանգնեցնել դրանք։

Փոխվելու է նաև տեխզննում անցկացնելու հաճախականությունը։ Առաջարկվում է առաջին տեխզննությունն անցկացնել ավտոմեքենայի թողարկման չորրորդ տարում, մինչև 10 տարվա արտադրության մեքենաների դեպքում` երկու տարին մեկ, իսկ տասից բարձր մեքենաների դեպքում` տարեկան մեկ անգամ։

Հանրային ուղևորափոխադրման համար նախատեսված մեքենաները մինչև 10 տարի շահագործվելը պետք է տեխզննում անցնեն տարին մեկ անգամ, իսկ 10 տարի շահագործումից հետո` տարեկան երկու անգամ։

Ընդհանուր առմամբ հանրապետությունում շուրջ 50 տեխզննման կայան կա։

Նշենք, որ ճանապարհային ոստիկանության տվյալներով՝ Հայաստանում տարեկան 72-73 հազար վթար է տեղի ունենում։ 2019 թվականին ավտովթարի զոհ է դարձել 343 մարդ։ Տարբեր գնահատականների համաձայն՝ վթարների մոտ 30%-ի պատճառը մեքենայի անսարքությունն է։

«Բալային համակարգը կմնա թղթի վրա». «Վարորդի ընկեր» ՀԿ նախագահն ասել է` ինչու

 

42
թեգերը:
ավտոմեքենա, վարորդ, Հայաստան
Ըստ թեմայի
Հայերին էլ է վերաբերում. ՌԴ–ում փոխվում է վարորդական վկայական ստանալու կարգը
Վթար Երևանում. «Infinity»–ի վարորդն ու ուղևորը 15 տարեկան են
Քանի՞ վարորդ է 2020 թվականին 6 ամսով զրկվել մեքենա վարելու իրավունքից. «Հայկական ժամանակ»
Արմինե Հարությունյան

Արմինե Հարությունյանը նկարահանվել է իտալական հեղինակավոր «Grazia» ամսագրի համար

66
(Թարմացված է 14:46 19.01.2021)
Ճանաչված հայուհու հետևորդները բազմաթիվ շնորհավորանքներ են գրել և նորանոր հաջողություններ մաղթել նրան։

ԵՐԵՎԱՆ, 19 հունվարի – Sputnik. Հայտնի մոդել Արմինե Հարությունյանը, որը մեծ ճանաչում ձեռք բերեց աշխարհահռչակ «Gucci»-ի 2020թ.–ի հավաքածուի ցուցադրությանը մասնակցելուց հետո, նկարահանվել է իտալական «Grazia» ամսագրի համար։ Նա այդ մասին հայտնել է Instagram-ի իր էջում և լուսանկարներ հրապարակել։

Посмотреть эту публикацию в Instagram

Публикация от Armina 🇦🇲 (@deararmine)

Արմինեի հետևորդները բազմաթիվ շնորհավորանքներ են գրել և մոդելին նորանոր հաջողություններ մաղթել։

«Գեղեցկուհի, լիքը հաջողություններ քեզ։ Կատարյալ։ Յուրահատուկ»,– գրել են նրանք։

Ավելի վաղ մոդելը նկարահանվել էր «The Muse Fashion» հայկական ապրանքանիշի գովազդային տեսահոլովակում։

Նշենք, որ Արմինեն սկզբում մեծ քննադատությունների ալիքի բախվեց։ Շատերը նրան վիրավորում էին տարբերվող արտաքինի համար ու առաջարկում պլաստիկ միջամտության դիմել։

«Gucci»–ի հայ մոդելը դարձել է հայրենական դիզայների նոր հավաքածուի դեմքը

Սակայն այժմ հայուհին իր հստակ քայլերն է անում նորաձևության բարձր բեմերում, իսկ քննադատություններին վերաբերվում է ժպիտով։

Ինչ տեսք ուներ «Gucci»–ի հայ մոդելը մանուկ հասակում. լուսանկար

66
թեգերը:
ամսագիր, Արմինե Հարությունյան, Հայաստան
Ըստ թեմայի
«Ձեր որդին հրաշք է». Սիրուն Մինասն ընտանեկան լուսանկար է հրապարակել
Երգչուհի Լոլիտան 6–րդ անգամ է ամուսնացել
«Ես սգում եմ բաց աչքերով». Անժելա Սարաֆյանը Instagram–ից ջնջել է բոլոր լուսանկարները
Ի հեճուկս 2020-ի․ որտեղ են ամանորյա արձակուրդներն անցկացրել հայտնի հայերը
Ազգային ժողով

ԱԺ-ն քննարկեց ԵԱՏՄ ապրանքային նշանների մասին պայմանագիրը

0
Պայմանագիրը կարգավորում է ապրանքային նշանի գրանցման հայտ ներկայացնելու և Եվրասիական միությունում դրա օգտագործման բացառիկ իրավունքի պաշտպանության հարցերը։

ԵՐԵՎԱՆ, 19 հունվարի - Sputnik. Հայաստանի Ազգային ժողովը քննարկեց «Եվրասիական տնտեսական միության ապրանքային նշանների, սպասարկման նշանների և ապրանքների ծագման տեղանունների մասին» պայմանագրի վավերացման նախագիծը, որը ներկայացրեց էկոնոմիկայի փոխնախարար Վարոս Սիմոնյանը:

«Պայմանագրով նախատեսվում է ստեղծել իրավական դաշտ, որը նպատակ ունի կարգավորել ԵԱՏՄ ապրանքային նշանների և Միության ապրանքների ծագման տեղանունների գրանցման, իրավական պահպանության և օգտագործման կապակցությամբ ծագող հարաբերությունները»,– ասաց Սիմոնյանը։

Գազի ընդհանուր շուկայի ձևավորումը ԵԱՏՄ զարգացման կարևոր նշաձող կդառնա․ Փաշինյան

Պայմանագրի գործողության մեջ մտնելու դեպքում տնտեսավարող սուբյեկտները հնարավորություն կունենան հարկ եղած դեպքերում մեկ հայտ ներկայացնելու միջոցով իրականացնել իրենց ապրանքային նշանի գրանցումը ԵԱՏՄ տարածքում հատկապես այն ապրանքների համար, որոնք նախատեսված են ԵԱՏՄ տարածքում քաղաքացիական շրջանառության մեջ դնելու համար: Դա հնարավորություն կտա նրանց օգտվել ապրանքային նշանի նկատմամբ բացառիկ իրավունքի պաշտպանության այն մեխանիզմներից, որոնք նախատեսված են ԵԱՏՄ անդամ պետությունների ազգային օրենսդրությամբ, քանի որ պայմանագրով նախատեսված գրանցումներն իրավական առումով հավասարեցված են ազգային գրանցումներին:

Նշենք, որ պայմանագիրը ստորագրվել է 2020 թվականի փետրվարի 3-ին Մոսկվայում։

Պուտինն ասել է՝ որն է ԵԱՏՄ գլխավոր նպատակը

0
թեգերը:
ԱԺ, Եվրասիական տնտեսական միություն (ԵԱՏՄ), Հայաստան
Ըստ թեմայի
Եվրասիական տնտեսական միության նախագահությունը Բելառուսից անցնում է Ղազախստանին
Ուղիղ մեկ տարի հետո Հայաստանում թռչնամսի արտադրությունը գրավիչ կդառնա. նախարար
2020-ին Հայաստանի և Ղազախստանի միջև առևտրաշրջանառությունն ավելացել է 50 տոկոսով