Վերին Լարս

Կրկին Լարս և կրկին ձնահյուսի վտանգ. ինչ է կատարվում Վրաստանից ՌԴ տանող ճանապարհին

77
(Թարմացված է 17:47 11.02.2020)
«Վերին Լարս» հսկիչ անցակետ տանող ճանապարհը Վրաստանի կողմից փակ է ձնահյուսի վտանգի պատճառով։

ԵՐԵՎԱՆ, 11 փետրվարի — Sputnik. Վրաստանի ավտոմոբիլային ճանապարհների դեպարտամենտի հաղորդմամբ` Մցխեթա–Ստեփանծմինդա–Լարս ավտոճանապարհի «Գուդաուրի–Կոբի» հատվածը կրկին փակ է բոլոր տեսակի տրանսպորտային միջոցների համար։

««Գուդաուրի–Կոբի» ճանապարհահատվածում երթևեկությունն արգելված է ձնահյուսի վտանգի պատճառով», – նշված է հաղորդագրության մեջ։

Ձնահյուսի վտանգն առաջացել է ջերմաստիճանի տատանման հետևանքով։ Արդյունքում ձյունը սկսել է հալչել` առաջացնելով վտանգավոր իրավիճակ։

Լարսի «կամակորությունը» հաղթահարելի է. բեռնափոխադրողները կրկին ձյան գերության մեջ են

Կոբի–Գուդաուրի ճանապարհահատվածը փակ է փետրվարի 7–ից ձնահյուսի վտանգի պատճառով։ Գոյացել է բեռնատարներից կազմված 4–կիլոմետրանոց խցանում։ Ճանապարհը սկսել են մաքրել միայն փետրվարի 10–ին, երբ Վրաստանի ավտոմոբիլային ճանապարհների դեպարտամենտը հաղորդել է, որ վտանգն անցել է։ Սակայն երթևեկությունը վերականգնվել է նախորդ երեկոյան միայն մարդատար ավտոմեքենաների համար։

77
թեգերը:
Ճանապարհ, Ռուսաստան, Վերին Լարս, Լարս, Հայաստան
Ըստ թեմայի
Բուք ու մերկասառույց. Հայաստանի ո՞ր ճանապարհներն են փակ ու դժվարանցանելի
«Վերին Լարսի» անցակետում ավելի քան 860 բեռնատար է կուտակվել. ԱԻՆ
Քանի խմած վարորդ է հայտնաբերել ՃՈ–ն տարվա հենց առաջին օրը