Հայկ Մարության

Հայկ Մարությանն էլ է դժգոհ Երևանի մայթերի վիճակից, բայց նա բացատրություն ունի

95
(Թարմացված է 17:35 11.02.2020)
Երևանի քաղաքապետ Հայկ Մարությանը խոստանում է` հաջորդ տարի առատ ձյան դեպքում մայթերը մաքուր են լինելու։

ԵՐԵՎԱՆ, 11 փետրվարի — Sputnik. Երևանի քաղաքապետ Հայկ Մարությանը գոհ է` ինչպես են մաքրել Երևանի փողոցները ձնից։ Նա իր կարծիքը հայտնեց լրագրողների հետ զրույցում` անդրադառնալով վերջին օրերին կատարված ձնամաքարման աշխատանքներին։

«Փողոցները ձնից մաքրելու առումով գոհ եմ, սակայն մայթերի մասով` դժգոհ։ Բայց դրա բնական պատճառները կան. այդ աշխատանքներով (առհասարակ մաքրման) համայնքային կազմակերպությունը նոր է ստեղծվել ու, բնականաբար, չի հասցրել համալրել տեխնիկան։ Երբ ասում եմ` դժգոհ եմ աշխատանքներից, չի նշանակում` ոչինչ չի արվել։ Մի շարք մայթերին մեծ քանակությամբ աղ ու ավազ են ցանել։ Սակայն տեխնիկան չի բավարարում»,–ասաց Մարությանը։

Նրա խոսքով` մյուս տարի նման խնդիր չի լինի, քանի որ արդեն համալրում են համապատասխան տեխնիկան։

Հայկոն ու Մկոն հանդիպել են. Մարությանը լուսանկարներ է հրապարակել

Հիշեցնենք, որ Երևանի ավագանու այսօրվա նիստի ժամանակ «Լույս» խմբակցության անդամ Թեհմինա Վարդանյանը Մարությանին առաջարկեց Երևանի մայթերը հանձնել հոկեյի ֆեդերացիային։

Փետրվարի 8–ի երեկոյան Երևանում առատ ձյուն սկսեց տեղալ, և ջերմաստիճանը նվազեց, ինչի հետևանքով մի շարք փողոցներ ու մայթեր (հատկապես երեկոյան ժամերին) սահադաշտի վերածվեցին։

Քարի հանքավա՞յր, թե՞ կանաչ միջավայր. Մարությանի երազած Աջափնյակը

95
թեգերը:
Հայկ Մարության, Երևան, Հայաստան
Ըստ թեմայի
Քաղաքապետը կրկին պարգևատրել է աշխատակիցներին. ծախսվել է ավելի քան 65 մլն դրամ
«Մահվան գազելներն» առաջիկայում ամեն գնով դուրս կգրվեն Երևանից. «Հրապարակ» 
Դուռը կամաց փակեք. գիտե՞նք, թե ում ենք վստահում մեր կյանքը