Վիրաբույժ Նիկոլայ Դալլաքյանը նոր վիրահատված նորածնի հետ

Հայ հրաշագործ բժիշկները, կամ ահռելի գոյացությամբ ծնված երեխայի բախտը բերել է

6094
(Թարմացված է 01:19 11.02.2020)
Հայաստանում բժիշկները բացառիկ վիրահատություն են արել` հեռացնելով նորածնի քաշի 1/3–ը կազմող գոյացությունը։ Աղջնակին երկրորդ կյանք պարգևած բժշկն իր պրակտիկայում նորածինների մոտ նման չափերի ուռուցք դեռ չէր հանդիպել։

ԵՐԵՎԱՆ, 10 փետրվարի — Sputnik. Մեկ ամսական աղջնակի բախտը բերել է, որ բժիշկները մի փոքր ուշ են ախտորոշել իր մոտ եղած ահռելի չափերի հասնող նորագոյացությունը` տերատոման, հակառակ դեպքում նա առհասարակ լույս աշխարհ չէր գա։

Մինչև հազվագյուտ դեպքի մասին կխոսենք նորածնի կյանքը փրկած ու բացառիկ վիրահատություն իրականացրած բժշկի հետ, մեզ հնարավորություն է տրվում տեսնելու նորածնին։ Նա, ճիշտ է, այնքան էլ գոհ չէր մեր այցից ու լաց է լինում, սակայն անգամ երեխայի լացն է գոհացնում բժիշկներին. «Լավ է, աշխույժ երեխա է»,–ասում են նրանք։

Директор МЦ Сурб Аствацамайр Николай Даллакян представляет подробности успешно прошедшей редчайшей операции (10 февраля 2020). Еревaн
© Sputnik / Asatur Yesayants
Վիրաբույժ Նիկոլայ Դալլաքյանը

Հունվարի 2–ին «Մարգարյան» ծննդատանը 3.5 կգ քաշով ծնված երեխայի կոնքային հատվածում 1.2 կգ քաշով նորագոյացություն է եղել. ուռուցքը երեխայի գլխից երկու անգամ մեծ էր։ Կեսարյան հատումով ծնված երեխային տեղափոխել են «Սուրբ Աստվածամայր» ԲԿ, որտեղ բժիշկները սկսել են հետազոտել նրան։

Հայ բժշկը կերակրափողի քաղցկեղի բացառիկ վիրահատություն է արել. հիվանդն արդեն ուտում–խմում է

ԲԿ–ի տնօրեն, վիրաբույժ Նիկոլայ Դալլաքյանը լրագրողներին հայտնեց` իր պրակտիկայում նորածինների շրջանում նման քաշով ուռուցք դեռ չէր հայտնաբերվել, սակայն անհրաժեշտ հետազոտություններն անելուց հետո բժիշկները որոշել են վիրահատել ու հեռացնել այն։ 3.5 ժամ տևած վիրահատությունը երեխային երկրորդ կյանք է պարգևել։

Директор МЦ Сурб Аствацамайр Николай Даллакян представляет подробности успешно прошедшей редчайшей операции (10 февраля 2020). Еревaн
© Sputnik / Asatur Yesayants
Վիրահատված նորածինը

«Հազվադեպ հանդիպող գոյացությունը սկսվում էր ուղիղ աղիքից (հետանցքի շրջանից), և այն հեռացնելու ժամանակ բավականին մեծ վտանգ կար աղիքը վնասելու։ Սակայն, բարեբախտաբար, ամեն ինչ հաջող ընթացավ։ Մեզ հաջողվեց առանց ֆունկցիոնալ խանգարումների վիրահատությունն իրականացնել»,–ասաց բժիշկը։

Հետվիրահատական շրջանն էլ բավական սահուն է ընթացել, և, ըստ բժիշկների, բոլոր նախադրյալները կան, որ երեխան առողջ կմեծանա։ Ի դեպ, նման գոյացություն հնարավոր է հանդիպել 40 000 նորածիններից միայն մեկի մոտ։

Հանուն գեղեցկության մարդը պատրաստ է ամենախենթ վիրահատությունների՝ ոտքերից մինչև պորտ

Դալլաքյանը պատմեց, որ պտղի մոտ նորագոյացությունը հայտնաբերվել է բավական ուշ, հակառակ դեպքում պտուղը կհեռացնեին։ Իսկ ահա մոր բախտը բերել է, որ առհասարակ ներարգանդային ուլտրաձայնային հետազոտություն կա, որը հնարավորություն է տվել կանխավ իմանալ ուռուցքի մասին ու կեսարյան հատմամբ լույս աշխարհ բերել երեխային։

Директор МЦ Сурб Аствацамайр Николай Даллакян представляет подробности успешно прошедшей редчайшей операции (10 февраля 2020). Еревaн
© Sputnik / Asatur Yesayants
Վիրաբույժ Նիկոլայ Դալլաքյանը նոր վիրահատված նորածնի հետ

«Երեխան արդեն դուրս է գրվել, ինչպես նաև այս ընթացքում հասցրել է քաշը վերականգնել, քանի որ ինչպես հայտնեցի` 3.5 կգ քաշի 1.2 կգ–ը միայն ուռուցքն էր կազմում։ Այն, ինչ պետք է անի նորածինն այս շրջանում, անում է` ոտքերը շարժում է, կոնքային խանգարումներ չունի»,–ասաց նորածնի կյանքը փրկած բժիշկը։

Դալլաքյանը պատմեց` 26 տարի առաջ տերատոմայով մի տղա է լույս աշխարհ եկել. նրան վիրահատել են, ու ամեն ինչ լավ է ընթացել. տղան այժմ ԱՄՆ–ում կրթություն է ստանում։ Սակայն տվյալ դեպքում ուռուցքն այսքան մեծ չի եղել։

Իսկ առհասարակ նմանատիպ ուռուցքների առաջացման որևէ հստակ պատճառ հնարավոր չէ նշել. ամենաառողջ ծնողներն էլ կարող են նման խնդիրներով երեխաներ ունենալ։

Դալլաքյանը հայտնեց նաև՝ ուշագրավ է այն հանգամանքը, որ գրեթե նույն օրերին էլ նման մի վիրահատություն են կատարել ռուս գործընկերները. այս դեպքում նույնպես գործել է բժշկության մեջ ոչ հաճախ պատահող երկու դեպքերի չգրված օրենքը, երբ միևնույն ժամանակ հազվադեպ երևույթներ են լինում տարբեր վայրերում։

6094
թեգերը:
երեխա, բժիշկ, նորածին, Երևան, Հայաստան
Ըստ թեմայի
ՀՀ նախագահի տիկինը վիրահատվել է
Ինչու երեխաներին մեծացնել հենց Հայաստանում. ռուս կինը 5 կարևոր պատճառ է նշում
Հայաստանում ստեղծված ռոբոտը կփորձարկեն նաև ԱՄՆ-ում. «Մի վախեցիր, փոքրիկ»
Հիվանդանոց

Covid-19. ՀՀ առողջապահության նախարարությունն 8 ամսում ավելի քան 15 միլիարդ դրամ է ծախել

18
(Թարմացված է 22:25 28.11.2020)
Առողջապահության նախարարությունը հայտնում է, որ գումարի մեջ ներառված են բացառապես առողջապահության նախարարության կատարված ծախսերը։ Գերատեսչությունը հրապարակել է նաև պարգևատրումների գումարը։

ԵՐԵՎԱՆ, 28 նոյեմբերի – Sputnik․ 2020 թվականի մարտից մինչև նոյեմբերի 1-ն ընկած ժամանակահատվածի համար ՀՀ առողջապահության նախարարությունը կորոնավիրուսային համավարակի (COVID-19) կանխարգելման, վերահսկման, բուժման և այլ համալիր միջոցառումների շրջանակներում ծախսել է 15 168 400 586 դրամ։ Տեղեկությունը հայտնում է նախարարության մամուլի ծառայությունը։

Մասնավորապես, վերապրոֆիլավորված բժշկական կենտրոնների պահպանման ծախսերը կազմել են 4 945 270 160 դրամ, բազմապրոֆիլ բժշկական կենտրոններին կատարված վճարումները (պայմանագրային գներով)` 705 948 100 դրամ, պարգևատրումը Covid-19-ի շրջանակում կազմել է 954 504 059 դրամ, ժամանակավոր մեկուսարանների պահպանման ծախսերը` 393 021 823 դրամ, պաշտպանիչ միջոցներով հագեցվածությունը կազմել է 982 327 805 դրամ,դեղորայքի և ԲՆԱ հագեցվածությունը կազմել է 2 446 097 104 դրամ, բժշկական սարքավորումներով հագեցվածությունը` 3 362 427 040 դրամ,բժշկական կենտրոնների վերանորոգման համար ծախսվել է 981 716 259 դրամ, իսկ այլ պետական մարմինների կարիքների համար կատարված վճարումները կազմել են 397 088 237 դրամ։

«Համավարակով պայմանավորված՝ ծախսերը կրում են շարունակական բնույթ, որոնց մասին տեղեկատվությունը պարբերաբար կթարմացվի»,–նշված է հաղորդագրության մեջ։

Գերատեսչությունը հայտնում է, որ գումարի մեջ ներառված են բացառապես առողջապահության նախարարության կողմից կատարված ծախսերը, քանի որ ծախսեր եղել են նաև այլ գերատեսչությունների կողմից։

1248 նոր դեպք, 31 մահ` մեկ օրում. կորոնավիրուսային հիվանդության ընթացքը Հայաստանում

18
թեգերը:
համավարակ, ծախս, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Մինչ օրս պարզ չէ, թե հատկապես որտեղ են մարդիկ վարակվում կորոնավիրուսով
Գիտնականները կորոնավիրուսի կանխարգելման համար նոր միջոց են գտել
Ամենաաղքատ երկրներին կօգնեն հաղթահարել կորոնավիրուսը. G-20–ի երկրների հայտարարությունը
Արգիշտի Միքայելյան

4–ամյա որդու հերոսն է. պատերազմում երկու ոտքը կորցրած Արգիշտին սոցիալական ծանր վիճակում է

236
(Թարմացված է 22:07 28.11.2020)
Արցախյան պատերազմի առաջին օրից ռազմաճակատ մեկնած ու երկու ոտքից զրկված զինվորի ընտանիքը սոցիալական դժվարին վիճակում է։ Արդեն 2 ամիս է` պետական ոչ մի աջակցություն չեն ստացել։

ԵՐԵՎԱՆ, 28 նոյեմբերի – Sputnik․ 44 օր տևած արցախյան պատերազմը հազարավոր զոհերից բացի հազարավոր վիրավորներ թողեց։ 30–ամյա Արգիշտի Միքայելյանը պատերազմի առաջին օրից կամավոր մեկնել է ռազմաճակատ։ Հոկտեմբերի 5–ին Մատաղիսում թշնամու արկը պայթել է Արգիշտիի կողքին` զրկելով նրան երկու ոտքից։

4 տարի է` ընտանիքի հետ վարձով ապրում է Ջրվեժում։ Տան բակում տախտակներից պատրաստված թեքահարթակն ու սենյակում գտնվող անվասայլակը կատարվածի լուռ վկան են։ Բակում պառկած գամփռը մեզ տեսնելիս չի հաչում. վերջին օրերին հյուրերը շատ են այս տանը։ Մարդիկ սոցցանցերից են իմացել վիրավոր զինվորի պատմությունն ու շտապել օգնության։

Արգիշտին տան միակ աշխատողն է։ Ունի 2 անչափահաս տղա` 4 տարեկան Նարեկն ու 2 տարեկան Գոռը։ Զինվորների ապահովագրության հիմնադրամին չեն կարողանում դիմել, քանի որ Արգիշտին հաշմանդամության կարգ դեռ չունի (ասել են՝ կարգի համար թող դիմի պրոթեզավորումն ավարտվելուց հետո)։ Նա պետությունից աջակցություն չի տեսել, բայց հույս ունի, որ ձեռք կմեկնեն։

Лишившийся обоих ног во время арцахской войны Аргишти Микаелян (27 ноября 2020). Еревaн
© Sputnik / Asatur Yesayants
Արգիշտի Միքայելյան

«Մատաղիսում կռիվը թեժ էր, շատ վիրավորներ ու զոհեր ունեինք։ Մեր խրամատում արկ պայթեց։ Հիշում եմ, թե ոնց եմ ոտքերս կորցրել։ Առաջին օգնությունն ինքս եմ ինձ ցուցաբերել։ Չնայած աննկարագրելի ցավին` ոտքիցս մեկը «ժգուտով» եմ կապել, մյուսը`գոտիով։ Աջ ձեռքս ևս վիրավոր էր։ Մոտս գուլպաներ կային, դրանցով եմ կապել։ Վերքս բավականին խորն էր, հույս չունեի, որ բժիշկները ձեռքս կփրկեն։ Կողքս վիրավորներ ու զոհվածներ կային, գիտակցում էի` եթե ինքս ինձ չօգնեմ, ուղղակի արնաքամ կլինեմ։ Երբ արյունը կանգնեցրել էի, տղաներն օգնության հասան։ Սարից սողալով ենք իջել»,– հիշում է Արգիշտին։

Զինվորի ընկերները նրան Մարտակերտի հոսպիտալ են տարել, ոտքերը վիրահատել են, հաջորդ օրը շտապօգնության մեքենայով հասցրել Երևանի Էրեբունի ԲԿ, որտեղ նրան կրկին վիրահատել են։ Հիվանդանոցի վերակենդանացման բաժանմունքում մնացել է 7 օր, հիվանդասենյակում` մոտ 10 օր։

Նրա խոսքով`պատերազմի առաջին օրից արդեն պարզ էր, որ ուժերը խիստ անհավասար են։ Ասում է` թշնամին հարյուրավոր, հազարավոր արկեր էր մեր ուղղությամբ գցում, իսկ մենք ընդամենը 20-30 հարվածով էին պատասխանում։

«Չենք տա Շուշին մենք ուրիշին», երեխաները երգում են, մեծերը` լալիս. արցախցիները` Գորիսում

«Ամեն վայրկյան կրակը կարկուտի պես մեր գլխին էր թափվում. չէր դադարում։ Ամեն արկի հետ մտածում էինք` ինչ լավ է` գլխներիս չընկավ։ Ես առհասարակ չեմ նեղվում, որ ոտքերս չկան, կարևորը` ես ողջ եմ, վերադարձել եմ։ Ես եթե իմ մեջ ուժ չգտնեի, երեխաներիս էլ երբեք չէի տեսնի»,–պատմում է Արգիշտին։

Лишившийся обоих ног во время арцахской войны Аргишти Микаелян (27 ноября 2020). Еревaн
© Sputnik / Asatur Yesayants
Արգիշտի Միքայելյանի ձեռքը

Նրա խոսքով` պատերազմ գնալիս լավ գիտեր, որ կա՛մ հետ չի գալու, կա՛մ այսպես է վերադառնալու։ Կնոջը շտապօգնության մեքենայից է զանգահարել ու ասել, որ Երևան է վերադառնում։ Ասել է` վիրավոր է, բայց չի նշել, որ անդամահատված է։

Մեր խոսակցությանը միջամտում է կինը`Տաթևը, որն ամբողջ ընթացքում լուռ լսում էր ամուսնուն։

«Ինքն ուրախ գնաց պատերազմ, ուրախ էլ եկավ, իր տրամադրվածությունն ինձ էլ է փոխանցվել, կարևորը` հետ է եկել։ Շտապօգնության մեքենայից երբ իջեցրին, ես տեսա, որ ոտքերը չկան, մի պահ դեմքին նայեցի, զգացի գիտակցությունը տեղն է, էլ ոչ մի բան հետաքրքիր չէր։ Օրեր անց երեխաներին տարա հիվանդանոց։ Ես միայն այդ պահին զգացի, որ Արգիշտին աչքերը լցրեց, երեխաներին անչափ կարոտել էր»։

Лишившийся обоих ног во время арцахской войны Аргишти Микаелян (27 ноября 2020). Еревaн
© Sputnik / Asatur Yesayants
Արգիշտի Միքայելյանի կինը չցանկացավ լուսանկարվել

Մոտ երկու ամիս է անցել Արգիշտիի վիրավորվելուց։ Մինչ մեր հանդիպումը ՀՀ աշխատանքի և սոցիալական հարցերի նախարարությունից կամ ՊՆ–ից չէին այցելել ընտանիքին։ Sputnik Արմենիան դիմել է Աշխատանքի և սոցիալական հարցերի նախարարություն` հասկանալու համար, թե Արգիշտիի ու մյուս վիրավորների ընտանիքներն ի՞նչ սոցիալական աջակցություն են ստանալու և ի՞նչ ժամկետներում։

Մեր հարցումից մեկ օր հետո (հարցմանը դեռ չեն պատասխանել) նախարարության աշխատակիցներն այցելել են ընտանիքին, հաշմանդամության կարգի համար անհրաժեշտ փաստաթղթերը տարել և խոստացել հնարավորինս շուտ լուծել Արգիշտիի հաշմանդամության կարգի հարցը։

Նշենք, որ մինչ այդ հաշմանդամության կարգի համար Արգիշտին մի անգամ Մուրացան հիվանդանոց է գնացել, ասել են, որ պրոթեզավորման գործընթացը պետք է ավարտվի, նոր միայն դիմեն կարգի համար։ Պրոթեզավորման համար ասել են, որ երկու շաբաթ հետո դիմեն, փորձնական կպրոթեզավորեն, մինչև վերքերը լիովին կապաքինվեն, իսկ արդեն 6 ամսից հիմնական կպրոթեզավորեն։

Հարութը երազում էր շատ երեխաներ ունենալ. ռազմական բժիշկը զոհվեց` 2 վիրավորներին փրկելով 

Մինչ պատերազմը Արգիշտին տեսուչ է աշխատել Ջրվեժի արգելանոցում։ Ասում է` ֆիզիկական գործ էլ է արել, բայց հիմա չգիտի` կկարողանա, թե ոչ։ Աշխատանքից դեռ չեն հեռացրել, ասել են` կսպասեն, մինչև ամեն ինչ պարզ դառնա։

Արգիշտին պետությունից մեծ ակնկալիքներ չունի։ Անգամ չի հավատում, որ զինվորների ապահովագրության հիմնադրամից գումար կտան, ասում է` զոհերն ու վիրավորները շատ–շատ են, քանիսի՞ն հասցնեն օգնել։

Նա մի բանի համար է ուրախ` տղերքն իր ու զոհված զինվորների գործը կիսատ չեն թողել։ Թշնամին Մատաղիսի իրենց դիրքին չի տիրացել։

Արգիշտին իր ավագ որդու`4 տարեկան Նարեկի հերոսն է։ Փոքրիկը պատերազմից դեռ գլուխ չի հանում, բայց ասում է` եթե էլի կռիվ լինի, ինքն էլ է պապայի հետ գնալու։

Лишившийся обоих ног во время арцахской войны Аргишти Микаелян (27 ноября 2020). Еревaн
© Sputnik / Asatur Yesayants
Արգիշտի Միքայելյան
236
թեգերը:
Վիրավոր, Պատերազմ, կամավոր, Արցախ
Ըստ թեմայի
«Տղերքի արյունը գոնե սրբի այս ատելությունը». անկեղծ զրույց առաջնագիծ մեկնած դերասանի հետ
Վիրավոր զինծառայողների բուժման համար նոր վերականգնողական կենտրոն է անհրաժեշտ. Թորոսյան
«Երկու տեղանի կռավաթ ես ուզո՞ւմ»․ Փաշինյանի պատասխանը` զինվորի հորը
Ում և ինչպես պետք է դիմեն պատերազմում ծանր վիրավորում ստացած զինծառայողներն ու կամավորները
«40 րոպե ավելի ծանր վիրավորներին ենք դուրս բերել». վիրավոր Ժորան կրկին քայլել է սովորել
Բողոքի ակցիա Փարիզում

Փարիզում ցույցերը վերածվել են անկարգությունների. տեսանյութ

0
Խաղաղ ցույցին միացել են սև հագուստով մի խումբ մարդիկ, որոնք վիրավորական արտահայտություններ են հնչեցրել ոստիկանների հասցեին, իսկ հետո սկսել են նրանց վրա շշեր նետել: Ոստիկանությունն իր հերթին արցունքաբեր գազ է կիրառել։

ԵՐԵՎԱՆ, 28 նոյեմբերի – Sputnik․ Փարիզում զանգվածային ցույցեր են անցկացվում, մարդիկ պայքարում են «Գլոբալ անվտանգության մասին» օրենքի դեմ։ Այսօր ցույցերը վերածվել են անկարգությունների։ Ցուցարարներն այրել են Բաստիլի հրապարակում գտնվող կրպակը, կոտրել են ռեստորանների ապակիները, անգամ արմատախիլ են արել փոքր ծառերը։ Տեղեկությունը հայտնում է ՌԻԱ Նովոստին:

«Գլոբալ անվտանգության մասին» օրենքը երկրի խորհրդարանն ընդունել է այս շաբաթ: Օրենքի 24-րդ հոդվածը պատիժ է նախատեսում ոստիկանի կամ ժանդարմի «դեմքը կամ նույնականացման այլ տարրը ֆիզիկական կամ հոգեբանական վնաս պատճառելու նպատակով տարածելու համար»: Այս կանոնը խախտողներին սպառնում է 1 տարվա ազատազրկում և 45 հազար եվրո տուգանք:

Օրենքը զանգվածային դժգոհություն է առաջացրել։ Մարդիկ դուրս են եկել փողոց։

Խաղաղ ցույցին միացել են սև հագուստով մի խումբ մարդիկ, որոնք վիրավորական արտահայտություններ են հնչեցրել ոստիկանների հասցեին, իսկ հետո սկսել են նրանց վրա շշեր նետել: Ոստիկանությունն իր հերթին արցունքաբեր գազ է կիրառել։

Օրենքի դեմ պայքարում են նաև լրագրողները, նրանք մտավախություն ունեն, որ այն ուժի մեջ մտնելուց հետո ԶԼՄ-ների աշխատակիցներն ու քաղաքացիները չեն կարողանա հանրահավաքների և բողոքի ակցիաների ժամանակ ազատ նկարահանել ուժայինների աշխատանքը: Պաշտոնական Փարիզն իր հերթին հավաստիացրել է, որ օրինագիծը չի արգելի լրագրողներին արձանագրել ոստիկանության գործողությունները:

 

0