«Բողոքի ակցիա». արխիվային լուսանկար

Մալաթիա–Սեբաստիայի բնակիչները բողոքի ակցիա են անում «Հյուսիս–հարավի» կառուցման դեմ

107
(Թարմացված է 13:16 10.02.2020)
Մալաթիա–Սեբաստիա վարչական շրջանի բնակիչները նշում են, որ «Հյուսիս–հարավը» կառուցվում է շինարարական նորմերի խախտմամբ։

ԵՐԵՎԱՆ, 10 փետրվարի — Sputnik. Մալաթիա–Սեբաստիա վարչական շրջանի բնակիչները բողոքի ակցիա են անում «Հյուսիս–հարավ» ավտոմայրուղու կառուցման դեմ։ Բնակիչները նշում են, որ մայրուղին իրենց բնակարաններին բավականին մոտ է։ Այժմ Մալաթիա–Սեբաստիա վարչական շրջանում որոշ ավտոտնակներ են քանդում ճանապարհի կառուցման համար։

Բնակիչներից մեկը` Արամ Մանուկյանը, լրագրողների հետ զրույցում ասաց, որ նախ իրենց հայտնել են, որ 12 մետրանոց պատ պետք է շարեն ու առանձնացնեն բնակելի տարածքը մայրուղուց, սակայն հետո իջեցրել են այդ շեմը։

«Բավական հեռու են այն ճանապարհները, որոնց միջոցով պետք է մուտք ու ելք անենք մեր թաղամաս։ Մեր դիմացի շենքը 2–րդ կարգի վթարային է, ինչպե՞ս է ամբողջ օրն այդ ճանապարհով անցնող ֆուռերին դիմանալու շենքը»,–ասաց Մանուկյանը` հավելելով, որ խնդրի առնչությամբ դիմելու են նաև վարչապետ Նիկոլ Փաշինյանին։

Բողոքի ակցիա իրականացնողներն ասում են, որ երբ նոր էին սկսում շինարարությունը, իրենց խոստացել էին, որ 3 մուտք ու ելք պետք է ունենան դեպի շենք, սակայն հիմա նվազեցրել են դրանց քանակը։ Նրանց խոսքով` բացի այդ, չեն պահպանվում շինարարական անհրաժեշտ նորմերը։

Ինչ ճանապարհներով և ինչքան վնաս է հասցվել պետությանը Հյուսիս-հարավի շինարարության ժամանակ

«Հյուսիս–հարավի» նախագծող թիմի ներկայացուցիչները բնակիչների հետ զրույցում հայտնեցին, որ արգելապատնեշ չի լինելու, փոխարենը` 2.20 մետր լայնությամբ մայթեր են նախատեսված։ Այդ հատվածում երթևեկության արագությունը 40կմ/ժ է լինելու, ինչպես նաև դեպի բնակելի հատված 2 մուտք և մեկ ելք է գործելու։ Ինչ վերաբերում է հարևան շենքերից մեկի` վթարային լինելու հանգամանքին, ապա, ըստ «Հյուսիս–հարավի» նախագծող թիմի ներկայացուցիցներից մեկի` նախագծում ամեն ինչ հաշվարկվել է և շենքերից դեպի մայրուղի պահպանված է անհրաժեշտ հեռավորություն։

«Ատկատի մտադրություն ունեցող պաշտոնյաները դատվելու են». Փաշինյան

Հիշեցնենք, որ «Հյուսիս-հարավ» տրանսպորտային միջանցքը ռազմավարական նշանակություն ունի Հայաստանի համար։ 550 կմ երկարություն ունեցող այդ ճանապարհը թույլ կտա դուրս գալ դեպի Սև ծով և եվրոպական երկրներ՝ կապ ապահովելով Իրանի և Վրաստանի հետ:

Հայաստանը դեռևս 2009 թվականին վարկային համաձայնագիր է ստորագրել Ասիական զարգացման բանկի հետ։ Համաձայնագրով նախատեսվում էր մայրուղու շինարարությունն ավարտել 2016 թվականին, սակայն շինարարական աշխատանքները սկսեցին բանկի հետ պայմանագիրը կնքելուց միան երեք տարի անց։

107
թեգերը:
երևանցիներ, Երևան, Բողոքի ակցիա, բողոք, «Հյուսիս–հարավ» ավտոճանապարհ
Ըստ թեմայի
Էջմիածնում Մանվել Գրիգորյանի դեմ բողոքի ակցիաներ չեն լինի. երիտասարդ ակտիվիստ
Բողոքի ակցիա Արմավիրի մարզում. ֆերմերները սպառնում են անասուններին Երևան բերել
Տղամարդը հանկարծամահ է եղել զինվորի մահվան առնչությամբ բողոքի ակցիայի ժամանակ