Լիլիթ Խաչատուրյան, թրևլ-բլոգեր

Լիլիթը բացահայտում է Հայաստանի թաքնված գանձերը. բլոգերի առօրյան ու արկածները

262
(Թարմացված է 22:42 09.02.2020)
Հայաստանի հանդեպ սերը օգնում է Լիլիթին ոչ միայն ֆինանսական կայունություն ապահովել, այլև ազատվել որոշ բարդույթներից: Sputnik Արմենիայի հերթական հոդվածը կօգնի հասկանալ` ինչպես սիրելի հոբբին վերածել իսկական ու եկամտաբեր աշխատանքի։

Ժաննա Պողոսյան, Sputnik Արմենիա

Լիլիթ Խաչատուրյանն արդեն մեկուկես տարի է, ինչ Հայաստանի մասին թրևլ-բլոգ է վարում։ Նա նաև էքստրեմալ սպորտաձևերով է զբաղվում, զբոսնում է լքված վայրերով, սահմանամերձ գյուղեր է այցելում, իսկ հետո այդ ամենի մասին գրում է ընթերցողների համար։

«Ես Հայաստանի երկրպագուն եմ, ասես` Եհովայի վկա լինեմ, բայց Հայաստանի մասով»,- զրնգուն ծիծաղով ասում է ջինսով, բոթասներով ու հսկայական ուսապարկով աղջիկը։ Նա վերադարձել է հերթական ուղևորությունից ու անհամբեր սպասում է՝ երբ է գրելու դրա մասին lil.am-ի իր բլոգում։

Ինչպես չինացին Հայաստան եկավ «չինական» վիրուսից մեկ ամիս առաջ ու սիրահարվեց մեր երկրին

Բլոգը նվիրված է Հայաստանի տեսարժան վայրերին, որտեղ աղջիկը մանրամասն պատմում է, օրինակ, Վանաձորում որտեղ կարելի է հաց ուտել, Սևանում ինչ էքստրեմալ սպորտաձևերով կարելի է զբաղվել, Ջերմուկում ինչ «փախած» տեղեր գտնել, Արցախում ինչ համով բաներ են պատրաստում և այլնի մասին։

Тревел-блогер Лилит Хачатурян (слева) с друзьями
© Photo : Lilit Khachaturyan
Թրևլ-բլոգեր Լիլիթ Խաչատուրյանը ընկերների հետ

Լիլիթ Խաչատուրյանը 30 տարեկան է, նա թրևլ-բլոգեր է, թեև նախընտրում է իրեն «ճանապարհորդող լրագրող» անվանել։ Կրթությամբ լրագրող է, մի քանի պարբերականներում է աշխատել, մոտ երկու տարի ՀՀ զբոսաշրջության պետական կոմիտեի նախագահ Զարմինե Զեյթունցյանի մամուլի քարտուղարն է եղել։ Այդ ժամանակից էլ ամեն ինչ սկսվեց ու Լիլիթը դարձավ Հայաստանի «երկրպագուն»։

«Հայաստանի մարզերում մեդիա-տուրեր էինք կազմակերպում, լրագրողները հոդվածներ էին գրում, նրանց շնորհիվ Facebook-ի հայկական տիրույթը նոր վայրերի մասին էր իմանում(Sputnik Արմենիան նույնպես մասնակցել է Վայոց Ձորում անցկացվող նման տուրի): Հենց այդ ժամանակ հասկացա, որ մենք առանձնապես չենք ճանաչում Հայաստանը։ Միաժամանակ բազում երիտասարդներ ճանապարհորդում են ամբողջ աշխարհով։ Բայց ինչպե՞ս կարելի է ուզել ճանաչել այլ երկրները, երբ չգիտես սեփական երկիրդ», - բացականչում է Լիլիթը։

Աշխատանքը կոմիտեում գերհագեցած էր, ու Լիլիթի գաղափարները Հայաստանում կողմնորոշվելու համար հարթակ սարքելու մասին այդպես էլ մնում էին միայն գաղափար։ Լիլիթը «թավշյա հեղափոխությունից» հետո, երբ կոմիտեի նախագահը փոխվեց, դուրս եկավ աշխատանքից. նա արդեն լիքը ազատ ժամանակ ուներ, ու սկսեց բլոգի վրա լրջորեն աշխատել։ Առաջին հրապարակումը Ջերմուկի մասին էր։

Բաբայան. «Տուրիզմն այլևս միայն շենքերն ու տեսարժան վայրերը չեն, այլև մշակույթ կրող մարդիկ»

«Երթուղայինով Երևանից Ջերմուկ գնացի, ու արկածները սկսվեցին, այնքան հետաքրքիր պատմություններ լսեցի։ Ջերմուկում տեղացիներն ինձ դիմավորեցին, ցույց տվեցին այն ամենը, ինչն ուզում էի տեսնել։ Խոսում էի նրանց հետ, լուսանկարում էի ամենահետաքրքիր բաները։ Միայն ուշ գիշերին հասա հյուրանոց», - պատմում է Լիլիթը։

Շուտով շատերը սիրեցին  Հայաստանի քաղաքների մասին նրա հրապարակումները։ Լիլիթի բլոգը կարդում են թե՛ Հայաստանում, թե՛ սփյուռքում։ Բլոգի շնորհիվ նրան հաճախ են հրավիրում մասնակցելու տարբեր նախագծերի, հոդվածներ գրելու, նաև տուր-խմբերի ուղեկցելու նպատակով։

Тревел-блогер Лилит Хачатурян
© Photo : Facebook / lil.am
Լիլիթ Խաչատուրյան, թրևլ-բլոգեր

Ֆինանսական կայունությունը թույլ տվեց նրան ընդլայնել բլոգի թեմատիկան։ Այն հիմա բաղկացած է վեց բաժիններից․ «Ողևորություններ», «Որքան արժե», «Տեսնելիք և անելիք», «Լքված տարածքներ», «Բացահայտենք», «Սահմանին»։ Վերջին բաժինն առանձնահատուկ կարևորություն ունի Լիլիթի համար։

«Տավուշի ու Արցախի սահամանամերձ գյուղերն այն վայրերն են, որտեղ ամբողջովին բացվում եմ ու էմոցիայով լցվում։ Մտածում եմ` սահմանամերձ գյուղերի ճանապարհորդություններս որպես գիրք հավաքեմ ու տպագրեմ», - խոստովանում է բլոգերը։

Տառերն ու տողերը հոգեհարազատ են Լիլիթին, այդ պատճառով դեռևս չի մտածում տեսանյութերի ուղղությամբ։ Ասում է՝ ամեն երկրորդը խորհուրդ է տալիս տեսաբլոգ վարել, քանի որ այդպես դիտումներն ավելի շատ կլինեն, բացի այդ, տեսաբլոգն ավելի ժամանակակից ձևաչափ է։ Բայց Լիլիթը դեռ «չի հանձնվում»։ Նրա ցանկացած հոդված կարելի է երկու րոպեում կարդալ․ դրանք թեթև են, ժամանցային ու հետաքրքիր։ Նա ավելի քան 20 հազար բաժանորդ ունի։

Անասնաբույժից մինչև ալպինիստ. ինչպես Գևորգը Էջմիածնից Հիմալայներ ու Կիլիմանջարո հասավ

«Ընթերցողներն ու նրանց մեկնաբանությունները ոգեշնչում են ինձ, որ նոր վայրեր գտնեմ ու նոր հոդվածներ գրեմ։ Ահավոր վախենում եմ բարձրությունից, բայց վերջերս թռել եմ պարաշյուտով։ Նաև միջատներից եմ վախենում, բայց գյուղեր եմ գնում։ Ինձ համար բլոգը թերապիայի նման մի բան է․ յուրաքանչյուր ուղևորությունից հետո փոխվում եմ, ավելի լավն եմ դառնում, սկսում եմ ավելի շատ սիրել ու հոգ տանել իմ և ուրիշների մասին», - ասում է Լիլիթը։

Тревел-блогер Лилит Хачатурян
© Photo : Lilit Khachaturyan
Լիլիթ Խաչատուրյան, թրևլ-բլոգեր

Նրա բոլոր ճամփորդությունները րոպե առ րոպե ծրագրված են․ շուտով գնալու է այսինչ գյուղ, հանդիպելու է  այսինչ մարդկանց։ Բայց նա այնքան թեթև է այդ ամենը մատուցում ընթերցողին, որ ուզում ես ինքդ վերցնել նույնքան հսկայական մի ուսապարկ, բոթասներ հագնես ու «վազես Հայաստանի մոտ»՝ երկիրդ ճանաչելու ու սիրելու։ Երկրի հանդեպ դերն այն «սերերից» է, որը ոչ միայն քեզ չի վնասում, այլև, ինչպես Լիլիթն է ասում, ամեն ուղևորության հետ էլ ավելի է ուժեղացնում։

262
թեգերը:
Բլոգեր, Ջերմուկ, Սևան, Արցախ, Հայաստան
Ըստ թեմայի
Սան Պաուլոյից Գյումրի. ինչն է բրազիլահայ երիտասարդներին Հայաստան բերել
«Քույրիկ ջան, ոնց որ հոգեբան լինես». արցունքաբեր գազով «զինված» տաքսու վարորդ Թամարան
Լավը՝ վատից, ճիշտը՝ ստից, բարին՝ չարից զատելու ՀՀ նախագահի բանաձևը
100 փաստ Նոր Հայաստանի մասին. Նիկոլ Փաշինյանը կարող էր 200-ն էլ հրապարակել
Սերժ Սարգսյան. արխիվային լուսանկար

«Անհետ կորածների թիվը 1064 է»․ Սերժ Սարգսյանը փաստաթուղթ է հրապարակել

219
(Թարմացված է 21:39 16.06.2021)
Սարգսյանի հրապարակած փաստաթուղթը Զինծառայության ապահովագրման հիմանդրամի հաշվետվությունն է, որտեղ գրված է նվիրատվությունների քանակը ծանր վիրավոր և անհետ կորած զինվորների ընտանիքներին։

ԵՐԵՎԱՆ, 16 հունիսի - Sputnik. Արցախյան 44–օրյա պատերազմում անհետ կորածների թիվը 1064 է։ Նման հայտարարություն է արել ՀՀ երրորդ նախագահ Սերժ Սարգսյանը այսօր Կոտայքի մարզում իր համակիրների հետ հանդիպման ժամանակ։

«Իմ հեռախոսում կա մի փաստաթուղթ, որը խոսում է սրանց շանտղության մասին։ Անհետ կորածների թիվը 1064 է: Այս չմարդը, այս ստահակը (նկատի ունի ՀՀ վարչապետի պաշտոնակատար Նիկոլ Փաշինյանին,–խմբ), ելույթ ունենալով ԱԺ-ում հայտարարում է, որ անհայտ կորածների թիվը 321 է: Հիմա սրան ի՞նչ ասես», - ասել է Սարգսյանը։

Ապա Սերժ Սարգսյանը ցույց է տվել իր կողմից հիշատակված փաստաթուղթը։ Դա Զինծառայության ապահովագրման հիմնադրամի հաշվետվությունն է, որտեղ գրված են նվիրատվությունների քանակը ծանր վիրավոր և անհետ կորած զինվորների ընտանիքներին։

Համաձայն թղթի՝ անհայտ կորածների թիվը 1064 է, ծանր վիրավորում ստացածներինը՝ 265: Փաստաթուղթը ստորագրված է հիմնադրամի տնօրենի՝ Վարուժան Ավետիքյանի կողմից։

«Բա մեզ չի ընդունում, ո՞ւմ պիտի ընդունի». անհետ կորածի հայրը` Նիկոլ Փաշինյանի մասին

219
թեգերը:
Արցախյան պատերազմ, փաստաթուղթ, անհետ կորած, Սերժ Սարգսյան
Ըստ թեմայի
«Ալիևի հետ պաս տալով խաղու՞մ են»․ Սերժ Սարգսյանը՝ գերիների վերադարձի և քարտեզների մասին
Պետք է դագանակ ունենանք, որ ով մուրճով գա՝ դագանակով գլխին տանք. Սերժ Սարգսյան
Չէին հասկանում, որ Արցախ պահող զինվորը նաև ՀՀ սահմանն է պաշտպանում․ Սերժ Սարգսյան
Նոր ավտոբուսներ

Հունիսի 17-ից նոր ավտոբուսները ևս երկու երթուղի կսպասարկեն Երևանում․ սրահում տեսահսկում կա

86
(Թարմացված է 21:06 16.06.2021)
Ավտոբուսից օգտվելու համար պետք է վճարել նստելիս։ Մետաղադրամ ընդունող սարքը վերցնում է միայն 100 դրամանոցներ։

ԵՐԵՎԱՆ, 16 հունիսի - Sputnik. Հունիսի 17-ից կոմպակտ դասի նոր ավտոբուսներով կվերսկսի աշխատանքը 46 համարի երթուղին, իսկ 22 համարի նոր երթուղին շահագործման կհանձնվի առաջին անգամ: Տեղեկությունը հայտնում է Երևանի քաղաքապետարանը։

Երթուղիների սպասարկումը կիրականացվի ժամը 7:30-ից մինչև 23:00-ն՝ հետևյալ ուղեգծերով.

22 երթուղի՝ Սպանդարյան կայարան -Սիլիկյան 4-րդ, 10-րդ փողոցներ - Սիլիկյան նոր խճուղի- Շիրազի- Գ.Հասրաթյան- Սեբաստիայի- Րաֆֆու փողոցներ- ՀԱԹ (Րաֆֆու-Զորավար Անդրանիկի փողոցների խաչմերուկ)։

46 երթուղի՝ Նազարբեկյան թաղամաս - Սիլիկյան նոր խճուղի - Շիրազի - Ջանիբեկյան - Աբելյան - Շինարարների - Արզումանյան - Հալաբյան - Կիևյան փ-ներ - Մարշալ Բաղրամյան - Մաշտոցի պ-ներ - Գր.Լուսավորչի - Ագաթանգեղոսի - Խանջյան - Վարդանանց - Ե.Քոչարի փ-ներ - Սրբ.Գր.Լուսավորիչ եկեղեցի:

Նշվում է, որ 46 համարի երթուղին արդեն ծանոթ է ուղևորներին, իսկ 22 երթուղին շահագործման կհանձնվի առաջին անգամ:

Քաղաքապետարանը հիշեցնում է, որ նոր ավտոբուսներում պետք է վճարել նստելիս։

«Մետաղադրամ ընդունող սարքը «վերցնում է» միայն 100 դրամանոցներ։ Եթե չունեք 100 դրամանոց, վարորդը սկզբնական շրջանում կարող է մանրել, բայց խիստ ցանկալի է ունենալ 100-դրամանոցը։ Շուտով կունենանք նաև էլեկտրոնային վճարման համակարգ», - ասվում է քաղաքապետարանի հայտարարության մեջ։

Նաև ասվում է, որ ավտոբուսի սրահը տեսահսկվում է՝ ուղևորների և ընդհանրապես, երթևեկության անվտանգության նկատառումներից ելնելով։ Վարորդները հատուկ համազգեստով են, հատուկ հրահանգավորված են երթևեկության ընթացքում չծխելու և հեռախոսով չխոսելու պահանջի մասին։

Հիշեցնենք, որ կոմպակտ դասի նոր ավտոբուսներով արդեն իսկ շահագործվում են Երևանի 6 երթուղիներ՝ 26, 38, 99, 74, 24, 47։

Ճանապարհորդիր USB–ով. Ռուսաստանից Հայաստան նոր երկաթուղային վագոններ են բերվել

86
թեգերը:
Տրանսպորտ, ավտոբուս, Երևան, Հայաստան
Ըստ թեմայի
Հայկ Մարությանն ուզում է հեռանալ քաղաքականությունից և Հայաստանից
Շուրջ 400 հազար դոլար են տնտեսել. Երևանի քաղաքապետարանը միայն LED լամպեր կգնի
Հայկ Մարությանը Դոնի Ռոստովի քաղաքապետի հետ համագործակցության հնգամյա ծրագիր է ստորագրել
Чемпион молодежного Чемпионата Европы по вольной борьбе Арен Исраелян

Հայաստանի փառահեղ հաջողությունը. Արեն Իսրայելյանը ևս ոսկե մեդալակիր դարձավ ԵԱ–ում

27
(Թարմացված է 00:10 17.06.2021)
Հայաստանի պատանեկան հավաքականը թիմային հաշվարկում զբաղեցրեց 2-րդ տեղը՝ զիջելով միայն ըմբշամարտի գերտերություն համարվող Ռուսաստանին։

ԵՐԵՎԱՆ, 17 հունիսի – Sputnik. Բուլղարական Սամոկով քաղաքում շարունակվում է ըմբշամարտի Եվրոպայի պատանեկան առաջնությունը: Ազատ ոճային Արեն Իսրայելյանը (71կգ) առաջնության ոսկե մեդալակիր դարձավ՝ եզրափակիչում 12:1 հաշվով առավելության հասնելով ռուս մրցակցի նկատմամբ: Տեղեկությունը հայտնում է Հայաստանի ըմբշամարտի ֆեդերացիան։

Հայկ Գասպարյանը (45կգ) դարձավ արծաթե մեդալակիր, իսկ Տիգրան Բունիաթյանը (51կգ)` բրոնզե մեդալակիր։

Հիշեցնենք` 55 կգ քաշային կարգի, ազատ ոճային ըմբիշ Անդրանիկ Ավետիսյանը ևս դարձել էր Եվրոպայի առաջնության հաղթող:

Այսպիսով, ազատ ոճի ըմբշամարտի Հայաստանի պատանեկան հավաքականը ԵԱ-ի թիմային հաշվարկում զբաղեցրեց 2-րդ տեղը՝ զիջելով միայն ըմբշամարտի գերտերություն համարվող Ռուսաստանին։

Հայտնի են հայկական ակումբների մրցակիցները Կոնֆեդերացիաների գավաթի խաղարկությունում

27
թեգերը:
մեդալ, ըմբշամարտիկ, Հայաստան
Ըստ թեմայի
Ամեն ինչ՝ հեծանվորդների համար. երևանցի ամուսինների վանաձորյան նախագիծը
Արոնյանը զբաղեցրեց երկրորդ հորիզոնականը «Grand Chess Tour»-ում
Հայտնի է «Ալաշկերտի» մրցակիցը Չեմպիոնների լիգայում