Արմեն Սարգսյան

ՀՀ նախագահն արձագանքել է հանրաքվեի մասին մամուլում եղած հրապարակումներին

223
(Թարմացված է 12:36 12.02.2020)
Նշվում է, որ հարցի առնչությամբ Հանրապետության նախագահի սահմանադրական գործառույթներն ընթացակարգային են և սահմանափակվում են միմիայն և բացառապես Սահմանադրությամբ:

ԵՐԵՎԱՆ, 9 դեկտեմբերի – Sputnik. ՀՀ նախագահի մամուլի ծառայությունը հայտնում է, որ հանրապետության նախագահի աշխատակազմը, հետևելով մամուլում հրապարակումներին և ընթացող քննարկումներին, պարզաբանումներ է ներկայացրել Ազգային ժողովի ընդունած «Հայաստանի Հանրապետության Սահմանադրության փոփոխությունների նախագիծը հանրաքվեի դնելու մասին» որոշման առնչությամբ հանրապետության նախագահի գործառույթների մասին՝ հետագա շահարկումներից, հակասական մեկնաբանություններից և թյուրըմբռնումից խուսափելու նպատակով։

«Հանրապետության նախագահին ներկայացված փաստաթուղթն օրենքի նախագիծ չէ, օրենք չէ, այլ Ազգային ժողովի կողմից 2020թ. փետրվարի 6-ի ընդունված «Հայաստանի Հանրապետության Սահմանադրության փոփոխությունների նախագիծը հանրաքվեի դնելու մասին» ԱԺՈ-001-Ն որոշումն է, որը հրապարակված է Ազգային ժողովի պաշտոնական կայքում»,- նշված է ՀՀ նախագահի մամուլի ծառայության տարածած հաղորդագրության մեջ:

Հաղորդվում է նաև, որ վերոնշյալ որոշման առնչությամբ հանրապետության նախագահի սահմանադրական գործառույթներն ընթացակարգային են և սահմանափակվում են միմիայն և բացառապես Սահմանադրության 206-րդ հոդվածի համաձայն եռօրյա ժամկետում հանրաքվեի օր նշանակելու մասին հրամանագիր ստորագրելով:

«Մահափորձ կատարվեց իրավունքի և օրենքի նկատմամբ». Վանեցյան

«Հանրաքվեի մասին» սահմանադրական օրենքի 12-րդ հոդվածի համաձայն` հանրապետության նախագահի կողմից վերոնշյալ եռօրյա ժամկետում հանրաքվե չնշանակվելու դեպքում հանրաքվեն համարվում է նշանակված՝ սահմանված ժամկետի վերջին օրվա հաջորդող 65-րդ օրվան նախորդող կիրակի օրը:

«Հարկ ենք համարում նշել, որ հանրաքվեի օր նշանակելով կամ չնշանակելով, հանրապետության նախագահը չի արտահայտում իր վերաբերմունքն ու դիրքորոշումը Ազգային ժողովի կողմից ընդունած և հանրաքվեի դրվելիք Սահմանադրության փոփոխությունների բովանդակության, ինչպես նաև այդ որոշման կայացման ընթացակարգերի վերաբերյալ»,- հայտնում է նախագահի մամուլի ծառայությունը:

Հիշեցնենք` ՀՀ ԱԺ-ն փետրվարի 6-ին արտահերթ նիստում ընդունեց Սահմանադրական փոփոխությունների նախագիծը հանրաքվեի դնելու որոշումը։

Նախագծով առաջարկվում է 2015 թվականի դեկտեմբերի 6-ին փոփոխված Սահմանադրության 213-րդ հոդվածը շարադրել նոր խմբագրությամբ և ներկայացնել այսպես. «Մինչև Սահմանադրության 7-րդ գլխի ուժի մեջ մտնելը նշանակված Սահմանադրական դատարանի նախագահի և անդամների պաշտոնավարումը դադարում է»:

ԱԺ-ն ՍԴ նախագահ Հրայր Թովմասյանի ու ՍԴ «հին» դատավորների հարցը փոխանցեց ՀՀ նախագահ Արմեն Սարգսյանին, և հիմա բոլորի հայացքներն ուղղված են դեպի Բաղրամյան 26։

ՍԴ անդամների հարցը կորոշի ժողովուրդը. ԱԺ–ն ընդունեց հանրաքվեի մասին նախագիծը

Նշենք, որ ՀՀ օրենսդրության համաձայն` Հանրաքվեն կայացած ու Սահմանադրությունը փոխված կհամարվեն, եթե դրան կողմ քվեարկեն հանրաքվեի մասնակիցների կեսից ավելին, բայց ոչ պակաս, քան ընտրությանը մասնակցելու իրավունք ունեցող քաղաքացիների մեկ քառորդը:

2018թ.-ի տվյալներով` ՀՀ–ում ընտրելու իրավունք է ունեցել 2 մլն 593 հազար 140 քաղաքացի, ու նրաց թիվն էապես չի փոխվել, ապա սահմանադրական փոփոխություններն ընդունվելու համար հանրաքվեի ժամանակ «այո» պիտի ասեն առնվազն 648 հազար 285 քաղաքացի։

223
թեգերը:
հանրաքվե, սահմանադրություն, Արմեն Սարգսյան, Հայաստան
Ըստ թեմայի
«Այս օրերին ԱԺ-ում անկազմակերպ և խուճապային իրավիճակ էր». Սամսոնյան
Արմեն Սարգսյանը կարծիք ունի, բայց չի կարող արտահայտել. նախագահը հիշել է հին կատակը
«Իմ քայլը» խախտել է մի շարք օրենքներ. Անի Սամսոնյանը` ՍԴ փոփոխությունների նախագծի մասին
«Սպառնալիքներ եմ ստանում». Էդմոն Մարուքյանն ահազանգում է
Հաքեր

Ինչպես տարբերել թացը չորից, կամ ինչ պետք է իմանան հայերը պատերազմի ժամանակ

97
(Թարմացված է 21:15 22.10.2020)
Մեր օրերում սոցիալական ցանցերի խելահեղ տարածվածությունը այս կամ այն կերպ ազդում է արցախյան պատերազմի վրա, առավել հաճախ` բացասաբար։ Փորձագետները մի քանի խիստ օգտակար խորհուրդ են տալիս օգտատերերին։

Ցանկացած պատերազմի ժամանակ սոցիալական ցանցերը կարող են հիմնականում երկու ուղղությամբ վնաս հասցնել։ Առաջինը կեղծ և շոկային բովանդակություն ունեցող տեքստերի տարածումն է, երկրորդը՝ կարևոր տեղեկության չկանխամտածված արտահոսքը։

Վնասակար բովանդակություն

Մեդիափորձագետ Սամվել Մարտիրոսյանի խոսքով` այսօր շատերը փորձում են համացանցի հերոս դառնալ։ Այդ տեսանկյունից արցախյան պատերազմի առաջին օրերին ամենավնասակար կոնտենտը տարածվում էր TikTok սոցիալական ցանցում։

«Այդ հարթակում շատ է այն մարդկանց թիվը, որոնք փորձում են գումար աշխատել «հայփի» հաշվին, և պատերազմի առաջին օրերին այնտեղ սկսել էին մեկը մյուսի հետևից լուսանկարներ և տեսանյութեր հրապարակել այն մասին, թե ինչպես են մեկնում կամավորների ավտոբուսները, ինչպես է տեղաշարժվում տեխնիկան և այլն։ Բնական է, որ այդպիսի հրապարակումները շատ դիտումներ էին հավաքում, բայց փաստացի դրանք օժանդակում էին հակառակորդի ռազմական հետախուզությանը»,-Sputnik Արմենիային ասաց մասնագետը։

Պատերազմից առաջ TikTok-ը ամենաշատ ներբեռնվող հավելվածն էր։ Ընդ որում՝ սկսել էր պահանջված դառնալ ոչ միայն դեռահասների, այլև երիտասարդների և ավելի ավագ սերնդի շրջանում։

Բայց այդ չինական հավելվածի հայ օգտատերերը աստիճանաբար սկսեցին հասկանալ նմանատիպ հրապարակումների վտանգը և ավելի մեծ պատասխանատվությամբ վերաբերվել դրան։

Քաղաքագետ, ՀՀ ԱԺ տեղեկատվության և հասարակայնության հետ կապերի վարչության նախկին պետ Կնյազ Սարոյանն էլ Sputnik Արմենիային հայտնեց, որ իրադարձությունների վայրում արված սելֆին ու տեսանյութը հակառակորդին թույլ են տալիս հաշվարկել տեղանքի կոորդինատները և ավելի ճշգրիտ հարվածներ հասցնել:

Համբերել և զգույշ լինել. հոգեբանը` պատերազմական իրավիճակում հայտնվածների խնդիրների մասին

Նրա խոսքով` հայկական լրատվամիջոցներն այդ առումով բավականին գրագետ են աշխատում, ինչը չի կարելի ասել սոցիալական ցանցերի օգտատերերի մասին:

«Այդ տեսանկյունից պետք է բնակչության մեդիագրագիտության բարձրացման ուղղությամբ աշխատանքներ իրականացնել»,-ընդգծեց Սարոյանը։

«Թրոլերի ֆաբրիկա»

Սոցիալական ցանցերից բխող հիմնական վտանգներից մեկը Ադրբեջանի, այսպես կոչված, «թրոլերի ֆաբրիկայի» համակարգված հարձակումներն են։

«Հայաստանում այդ երևույթների մասին վաղուց էին խոսում, իսկ հիմա Facebook-ի ադմինիստրացիան ևս սկսել է արգելափակել դրանք»,-ասում է Սամվել Մարտիրոսյանը։

Մեկ շաբաթ առաջ Facebook-ի ղեկավարությունը ջնջել է հազարավոր ֆեյք էջեր, որոնց հեղինակները համագործակցում էին Ադրբեջանի իշխանությունների հետ։

Մասնագետի խոսքով` խաղաղ ժամանակ Ադրբեջանի «թրոլերի ֆաբրիկան» աշխատում է երկրի քաղաքական ընդդիմության դեմ, իսկ հակամարտության սրման ժամանակ՝ Հայաստանի։

Ադրբեջանում սոցիալական ցանցերն արգելափակվել են պատերազմի հենց առաջին օրերին։ Բայց արգելափակումը չի տարածվում «հավաքագրված» օգտատերերի վրա։

Մարտիրոսյանի խոսքով՝ «թրոլերի» մի մասը Ադրբեջանի իշխող կուսակցության երիտթևի ներկայացուցիչներն են։ Մյուս մասը պարզապես համագործակցում է պետության հետ։ Այդ մարդիկ «ֆեյք» են աշխատում որոշակի աշխատավարձի դիմաց։

«Անգամ Facebook-ը նկատել էր, որ նրանք ակտիվ են միայն աշխատանքային ժամերին։ Բայց նրանց, իհարկե, պատերազմի պատճառով մոբիլիզացրել են։ Կան «կենտրոնակայաններ», որտեղ շատ լավ ինտերնետ կա, մինչդեռ ամբողջ Ադրբեջանում թրաֆիկը մոտ տասն անգամ պակասել է, իսկ սոցցանցերի թրաֆիկը գործնականում զրոյական է»,-ասում է նա»

«Թրոլերը» հայերի դեմ հոգեբանական աշխատանք են իրականացնում՝ տարածելով ապատեղեկատվություն, քարոզչական նյութեր, հատուկ պատրաստված տեսահոլովակներ և հոգեբանական ազդեցություն ունեցող լուսանկարներ։

«Սա նոր երևույթ չէ։ Պետական մակարդակով նման համակարգված գործունեությունը Ադրբեջանում իրականացվում է 2014-2015 թվականներից։ Ընդ որում՝ ներքաղաքական դաշտում դա թույլ է տալիս ճնշում գործադրել ընդդիմադիրների վրա»,-ավելացնում է փորձագետը։

«Կոտրած» օգտահաշիվներ

Հաճախ նաև «կոտրում» են հայ օգտատերերի հաշիվները։

«Դա հիբրիդային բաղադրիչ է, երբ ադրբեջանցի հաքերները կոտրում են էջերը և տվյալները փոխանցում «թրոլերի ֆաբրիկային» կամ հատուկ ծառայություններին։ Այդպես կարելի է հայերի անունից հեշտությամբ կեղծ նորություններ տարածել, ընդ որում, որպես կանոն՝ հայերեն»,-ասում է Սամվել Մարտիրոսյանը։

Նրա խոսքով՝ նման բան հաճախ էր տեղի ունենում Twitter-ում այս տարվա հուլիսին տավուշյան հատվածում իրավիճակի սրման օրերին։

Անկախ հետազոտողներն ու միջազգային կազմակերպությունները, որոնք զբաղվում են սոցցանցերում պետական քարոզչության բացահայտմամբ, Twitter-ում մոտ 30 հազար կեղծ հաշիվներ են հայտնաբերել, որոնք համակարգված կերպով նույն ժամանակահատվածում նույն տեղեկությունն էին տարածում։ Սոցիալական ցանցի ադմինիստրացիան դրանց մի մասն արգելափակել է, բայց մյուս մասը դեռ ակտիվ է։

«Հաքերներն, օրինակ, կարող են «իրենցով անել» որևէ էջ, որտեղ 30 հազար հայ հետևորդ կա։ Իսկ մեր օգտատերերը հիմնականում չեն փորձում պարզել աղբյուրը և կեղծ լուր են տարածում»,-նշում է փորձագետը և քաղաքացիներին կոչ անում այս կամ այն տեղեկությունը տարածելուց առաջ անպայման ստուգել աղբյուրները։

Պատերազմի սարսափները. ինչպես են հոգեբաններն աշխատում վիրավոր զինծառայողների հետ

Կնյազ Սարոյանն էլ ընդգծում է, որ ֆեյքերն առավել հաճախ շոկային կոնտենտ են տարածում։ Նրանց նպատակը զգացմունքային ցնցում առաջացնելն է։ Հենց այդպիսի կոնտենտն է ամենից շատ տարածվում։

Քաղաքագետի խոսքով՝ նման բովանդակությունը վտանգավոր է նրանով, որ բնակչության շրջանում վախ և խուճապ է առաջացնում։ Առավել ևս, որ շատերի համար սոցիալական ցանցերը տեղեկությունների հինական աղբյուրն են։

«Քանի դեռ մեր օգտատերերի մեդիագրագիտությունն այնքան էլ բարձր չէ, որ պարզապես արգելափակեն կամ բողոքարկեն նման էջերը, ապա բնական է, որ դրանց գործունեությունը էական բացասական ազդեցություն է գործելու մեր մեդիադաշտում»,-նշում է Սարոյանը։

Նա ավելացնում է, որ ադրբեջանական կողմը նույնքան ակտիվ աշխատում է նաև արտաքին լսարանի վրա։ Ակնառու օրինակ են միջազգային լրատվամիջոցների հրապարակումների տակ գրված բազմաթիվ մեկնաբանությունները։ Նմանատիպ գործողություններով հակառակորդը ջանում է հայատյաց կոնտենտ տարածել։

97
թեգերը:
Սամվել Մարտիրոսյան, Կնյազ Սարոյան, Արցախ, Հայաստան
Ըստ թեմայի
Սթրեսակայունության մարզումներ. ինչ է անհրաժեշտ իմանալ պատերազմական դրության ժամանակ
Զինվորների մոտ ընդհանրապես հեռախոս չպետք է լինի. դա շատ ու շատ վտանգավոր է
Պատերազմ Արցախում` առանց սեփական զինվորների. ո՞րն է Էրդողանի գերնպատակը
Բժիշկ. արխիվային լուսանկար

Արդյո՞ք COVID-19-ը հաղթահարածները պետք է պատվաստվեն գրիպի դեմ. պատասխանում են բժիշկները

68
(Թարմացված է 15:20 22.10.2020)
Գիտնականների հետազոտությունների համաձայն՝ կորոնավիրուսով և գրիպով միաժամանակ վարակվելը վեց անգամ ավելացնում է բարդացումներից մահանալու վտանգը, ուստի ԱՀԿ-ն խորհուրդ է տալիս համավարակի շրջանում անպայման պատվաստվել։

ԵՐԵՎԱՆ, 23 հոկտեմբերի – Sputnik. Կորոնավիրուսով վարակված և առողջացած մարդիկ պետք է պատվաստվեն գրիպի դեմ, բայց հիվանդությունից որոշ ժամանակ անց։ Այդ մասին հայտարարել են Հիգիենայի, համաճարակաբանության և հանրային առողջության հանրապետական կենտրոնի մասնագետները:

Բժիշկները հիշեցրել են, որ COVID-19-ը հաղթահարած մարդիկ կարող են հիվանդանալ նաև գրիպով։ Դա կանխելու լավագույն միջոցը պատվաստումն է։

«Առողջապահության նախարարությունը խորհուրդ է տալիս պատվաստվել ոչ շուտ, քան ապաքինման օրվանից 30 օրացուցային օր անց», - ընդգծել են մասնագետները:

Համավարակի շրջանում մեծանում է միանգամից մի քանի վիրուսներով, մասնավորապես` COVID-19-ով և գրիպով վարակվելու վտանգը: Առողջապահության համաշխարհային կազմակերպությունը (ԱՀԿ) հայտարարել է այդ վիրուսներով միաժամանակյա վարակվելու դեպքում սպառնացող առանձնահատուկ վտանգի մասին: Բացի այդ, գիտնականների հետազոտություններով ապացուցվել է, որ կորոնավիրուսի և գրիպի համադրությունը վեց անգամ մեծացնում է բարդություններից մահվան վտանգը:

«Քանի որ ներկայում COVID-19-ից պատվաստման միջոցով պաշտպանվելու հնարավորություն չկա, յուրաքանչյուրը կարող է ինքն իրեն օգնել պաշտպանվել գրիպից մոտակա սեզոնի ընթացքում՝ կանխարգելիչ պատվաստում կատարելով։ Գրիպի դեմ պատվաստումն այս աշնանն ավելի կարևոր կլինի, քան երբևէ»,-ընդգծել են բելառուսցի բժիշկները։

Միաժամանակ նրանք ուշադրություն են հրավիրել այն հանգամանքին, որ գրիպի դեմ պատվաստումը չի երաշխավորում կորոնավիրուսով վարակվելու անհնարինությունը, բայց որոշակի արդյունք տալիս է։ Գոյություն ունեն մի շարք գիտական փաստեր այն մասին, որ գրիպի դեմ պատվաստումը կարող է դրական ազդեցություն ունենալ կորոնավիրուսի կանխարգելման հարցում։

Հայաստանը COVID-19-ի դեմ պատվաստանյութ կգնի. արդեն համաձայնագիր է ստորագրվել

Ժամանակակից ադյունավետ պատվաստանյութերով պատվաստումն ուղեկցվում է ոչ միայն գրիպի վիրուսի շտամների նկատմամբ հատուկ հակամարմինների ձեւավորմամբ, այլև հակավիրուսային իմունային պատասխանի բջջային մեխանիզմների վաղ ակտիվացմամբ, որը հանգեցնում է գրիպով և մրսածությամբ հիվանդացության նվազմանը, ամենայն հավանականությամբ, պայքարում է նաև կորոնավիրուսային վարակի դեմ, պարզաբանել են Հիգիենայի, համաճարակաբանության և հանրային առողջության հանրապետական կենտրոնում:

ՌԴ-ում չեն բացառել, որ COVID-19-ի դեմ պատվաստանյութ կմատակարարեն նախկին ԽՍՀՄ երկրներ

68
թեգերը:
գրիպ, պատվաստումներ, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Հնարավո՞ր է միաժամանակ հիվանդ լինել գրիպով և COVID-19–ով. պարզաբանում է փորձագետը
Կորոնավիրուսի պատվաստանյութը կարո՞ղ է պաշտպանել գրիպից. պատասխանում է մասնագետը
Հայաստանում գրիպի դեմ պատվաստումներ կսկսեն. մանրամասներ նախարարությունից
Ակցիա Թբիլիսիում

Ճանաչեք Արցախը. Թբիլիսիում հայերը բազմամարդ երթ են անցկացրել

0
(Թարմացված է 10:19 23.10.2020)
Առաջին հանրահավաքը Վրաստանի մայրաքաղաքում կազմակերպվել էր հոկտեմբերի 1-ին վրացական «Մթավարի» հեռուստաընկերության շենքի մոտ` արդար լուսաբանման պահանջով։

ԵՐԵՎԱՆ, 23 հոկտեմբերի – Sputnik. Վրաստանի հայ քաղաքացիները բողոքի բազմամարդ երթ են անցկացրել Թբիլիսում` ի աջակցություն Արցախին ու Հայաստանին։

Նրանք հայտարարել են, որ սեպտեմբերի 27-ին Ադրբեջանը բացահայտ կերպով լայնամասշտաբ հարձակում է սկսել Արցախի վրա` նպատակ ունենալով պատերազմի միջոցով լուծելու արցախյան հիմնահարցը։

Երթի մասնակիցներն անցել են Թբիլիսիի փողոցներով «Արցախը Հայաստան է» և «Ճանաչել Արցախը» գրությամբ պաստառներով։

Второй марш тбилисских армян в поддержку армянской армии (23 октября 2020). Тбилиси
© Photo : HM PhotoVision
Ակցիա Թբիլիսիում

Ակցիայի կազմակերպիչները հայտարարություն են տարածել, որտեղ մասնավորապես ասված է. «Պատերազմն առ այսօր ընթանում է և կշարունակվի այնքան ժամանակ, քանի դեռ մենք չենք հաղթել»։

Второй марш тбилисских армян в поддержку армянской армии (23 октября 2020). Тбилиси
© Photo : HM PhotoVision
Ակցիա Թբիլիսիում

Ակցիայի մասնակիցները հայտարարել են, որ Ադրբեջանը նպատակաուղղված հրթիռակոծում է խաղաղ բնակչությանն ու քաղաքացիական ենթակառուցվածքները։

Ցուցարարները նաև Վրաստանի լրատվամիջոցներից պահանջել են հավատարիմ մնալ Վրաստանի իշխանությունների որդեգրած անկողմնակալության սկզբունքին։ Իսկ վիրահայերին կոչ են արել չենթարկվել սադրանքների։

Բողոքի երթն ավարտվել է հայ առաքելական Սուրբ Էջմիածին եկեղեցու մոտ։

Նշենք, որ սա Վրաստանի մայրաքաղաքում հայերի կազմակերպած երկրորդ ակցիան է սեպտեմբերի 27-ին Արցախում սանձազերծված պատերազմի ընթացքում։

Առաջին հանրահավաքը կազմակերպվել էր հոկտեմբերի 1-ին վրացական «Մթավարի» հեռուստաընկերության շենքի մոտ` արդար լուսաբանման պահանջով։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 22-ի ժամը 21:45-ի դրությամբ` հակառակորդի կրակոցների հետևանքով զոհվել են 900 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6459 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 202 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 580 տանկ և ՀՄՄ:

Այս տղերքն Արցախի հյուսիսային դիրքերն են պաշտպանում. հանգստի հազվադեպ րոպեները

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Պատերազմ Արցախում` առանց սեփական զինվորների. ո՞րն է Էրդողանի գերնպատակը

0
թեգերը:
Արցախ, հայեր, Թբիլիսի, Վրաստանի Հանրապետություն
Ըստ թեմայի
«Հայ տղամարդկանց զգուշացրել էինք, որ զուսպ լինեն». Հախնազարյանը` Վիեննայի ակցիայի մասին
«Եվրոպայում գիտեն` ով է սկսել պատերազմը». ԵՄ դեսպանն ընդունել է բողոքի ակցիա անողներին
«Կանգնեցրեք երկրորդ Հիտլերին». բողոքի ակցիա ՀՀ–ում Գերմանիայի դեսպանատան առջև