Աստղազարդ երկինք. արխիվային լուսանկար

Վանգան ճիշտ չէ՞ր. հայ աստղագուշակը պարզաբանել է բուլղարացու կանխատեսումը

1661
(Թարմացված է 00:41 09.02.2020)
2020 թվականի համար բուլղարացի պայծառատես Վանգայի գուշակությունը ակտիվ սկսել են քննարկել հեռուստատեսությամբ և համացանցում։ Այն ոչ այնքան միստիկ է, որքան վախենալու։

ԵՐԵՎԱՆ, 9 փետրվարի –Sputnik. Աշխարհն այս տարի սպասվող հինգ հատ երկուսների երկու օրերից` 22.02.2020 և 22.12.2020 չպետք է վախենա։ Ո՛չ 2020 թվականի փետրվարին, ո՛չ էլ դեկտեմբերին մարդկությանը ոչ մի աշխարհի վերջ և ապոկալիպսիս չի սպասում։ Սրանում համոզված է հայ աստղագուշակ Լյուսյա Հակոբյանը։

Համացանցում 2020 թվականի Վանգայի կանխատեսման նոր մեկնաբանություն է հայտնվել։ Ոմանք կարծում են, որ բուլղարացի պայծառատեսը մարդկության համար ապոկալիպսիս է կանխագուշակել, ընդ որում, այն օրը, երբ հինգ հատ երկուս կհայտնվեն իրար կողքի։ Ըստ օրացույցի՝ այդ օրերն են 2020 թվականի փետրվարի 22-ը կամ 2020 թվականի դեկտեմբերի 22-ը։

Ո՞ր նվերները չի կարելի ոչ մի դեպքում ընդունել

Լրագրող Սերգեյ Կոստորնոյը, որն անձամբ է ճանաչել Վանգային և «ընկերություն արել» նրա հետ, ասել է, որ 1995 թվականին նա գուշակել է, որ հինգ հատ երկու պարունակող տարում մարդկությանը դարակազմիկ իրադարձություն է սպասում։ Մոլորակն այնպիսի վախենալու վիրուս կստանա (հավանաբար խոսքը կորոնավիրուսի մասին է), որ կարող են զոհվել մի քանի հարյուր միլիոն մարդիկ։ «Հայելու տարին լույսը հակառակ շուռ կգա, և ամբողջ խնդիրը կգա դեղիններից», – այսպես է բուլղարերենից թարգմանել Վանգայի գուշակությունը նրա ընկեր Թոդոր Թոդորովը։

Հայ աստղագուշակը համաձայն չէ այս մեկնաբանության հետ։ Հակոբյանը կարծում է, որ ինչ–որ մեկը պարզապես ուզում է ինքն իրեն գովազդել: Ոչ ավելին։

«Հերքում եմ ցանկացած կանխատեսում, որը կապված է հինգ հատ երկու թվի հետ։ Վանգան ընդհանրապես չի խոսել աստղագուշակության մասին։ Նրանք, ովքեր քննարկում են սա, պարզապես ինքնագովազդով են զբաղվում»,–Sputnik Արմենիայի հետ զրույցում ասաց Հակոբյանը։

Նրա խոսքով` բոլոր այս կանխատեսումներն անցյալում են։ Ավելին, թվերը չեն կարող ազդել մարդկության պատմության և կյանքի ընթացքի վրա։ Նա ընդգծեց, որ ընդհանրապես պետք չէ հավատալ թվերին և խորանալ դրանց մեջ։

Տարին, սակայն, բարդ կլինի։ Հակոբյանը նախազգուշացնում է երկրաշարժերի, ավերածությունների և ջրհեղեղների մասին։ Այս ամենի մասով նա իր բացատրությունն ունի. 2020 թվականին Սատուրնը ավարտում է իր գրեթե 30-ամյա շրջափուլը։ Հետևաբար, մարդկությունը հատուցման դարաշրջան է մտել և պետք է պատասխան տա վերջին տարիների ընթացքում իր արածների համար։

Հակոբյանը համոզված է, որ Հայաստանին վերելք է սպասում, սակայն մի պայմանով՝ եթե երկրի ներսում կայունություն լինի և արտաքին ուժեր չազդեն։

Հայաստանն վախենալու ոչինչ չունի, սակայն Հակոբյանին մտահոգում է օնկոլոգիական հիվանդությունների աճը։ Նա համոզված է, որ մեծամասնությունը քաղցկեղ ունի, քանի որ մեր ժողովրդի մեջ շատ են չարությունն ու ժլատությունը։

 «Պատերազմ չի լինի, տարածքներ մենք չենք հանձնի, ավերիչ երկրաշարժեր չեն լինի։ Այդ ամենը հարևան երկրներին է սպասում »,–ասաց Հակոբյանը։

Ավելի վաղ Հայաստանի համար նոր տարում դրական փոփոխություններ էր կանխագուշակել աստղագուշակ Աննա Հախվերդյանը։ Նա ընդգծել էր, որ մեր երկրին, ի տարբերություն հարևանների, ավելի հաջողակ տարի է սպասում։

Թելման Գդլյանի ուզբեկական քեյսը. գործն աթոռով չի փոխել, և եղել է ևս մեկը, ով չի լռել

1661
թեգերը:
Վանգա, աստղադիտակ, Աստղագուշական տեսություն
Ըստ թեմայի
Հայաստանում աստղագիտական տվյալները մշակող սուպերհամակարգիչ է գործարկվել
Ի՞նչ է պետք անել ինտիմ հարաբերությունները կարգավորելու համար. էրոտիկ աստղագուշակ
Ի՞նչ սպասել Սպիտակ մետաղյա առնետից. 2020թ-ի աստղագուշական կանխատեսումներ