Ի՞նչ դնել սեղանին Սուրբ Սարգսի տոնին. 5 լավագույն ուտեստ
(Թարմացված է 15:22 08.02.2020)
Սիրահարների հովանավորի` Սուրբ Սարգսի օրը տանտիկինների պատրաստած ավանդական սեղանը տարբերվում է հագեցած, բայց հեշտ պատրաստվող ուտեստներով։ ԵՐԵՎԱՆ, 8 փետրվարի – Sputnik, Լաուրա Սարգսյան. Բոլոր սիրահարների հովանավոր Սուրբ Սարգսի օրը Հայաստանում ամենահայտնի տոներից է։ Սովորաբար սկսում են նշել առավոտից։ Այդ պատճառով նախաճաշն էլ է տոնական լինում։ Ուտեստները պատրաստում են հացահատիկային բույսերից։
«Հայ խոհարարական ավանդույթների զարգացում և պահպանում» հասարակական կազմակերպության նախագահ Սեդրակ Մամուլյանի խոսքով` մեր նախնիները, տոն օրերին այս ուտեստները պատրաստելիս, հացահատիկային բույսերը, այսպես ասած, զոհաբերում էին աստվածներին։
«Համարվում էր, որ այդ դեպքում բերքն ավելի առատ կլինի», – Sputnik Արմենիայի թղթակցի հետ զրույցում ասաց Մամուլյանը։
Նա նաև 5 հիմնական ուտեստ առանձնացրեց, որոնք պարտադիր պատրաստում էին տոնական նախաճաշին։
Սուրբ Սարգիսը` ոչ միայն սիրահարների համար
Բաղարջ
Բաղարջը միջուկով գաթա է, որը եղել է տոնական սեղանի գլխավոր ուտեստը։ Ընդունված էր բաղարջի մեջ դնել տան և այգու բարիքներից: Կտրում էին տոնական սեղանի մոտ, և յուրաքանչյուրի կտորի միջից գտնված բարիքը խորհրդանշում էր ընտանիքի այդ անդամի ժառանգությունը, օրինակ՝ պանրի դեպքում՝ անասունը, դրամի դեպքում՝ պապենական տունը և այլն: Աղջիկների դեպքում, եթե նրա բաժնի մեջ միրգ էր լինում, ապա ասում էին, որ նրա ապագա ամուսինն այգեպան է լինելու:
©
Photo : provided by Ararat cuisine
Բաղարջ
Խաշիլ
Սուրբ Սարգսի տոնի ուտեստներից մեկն էլ հագեցնող ու հեշտ պատրաստվող խաշիլն է։ Մատուցում են մածնով և սոխառածով։ Ի դեպ, Սուրբ Սարգսի օրը ժողովուրդը նաև «Խաշիլի» տոն է անվանում։ Սակայն տնային տնտեսուհիներն այս ուտեստը պատրաստում են նաև առանց առիթի և հիմնականում նախաճաշին։ Հնում խաշիլից փոքրիկ գնդեր էին պատրաստում, որոնցից մեկի մեջ դնում էին լոբի կամ կորիզ՝ վիճակահանությամբ տարվա հաջողակին գտնելու նպատակով:
©
Sputnik / Aram Nersesyan
Խաշիլ
Խավիծ
Եթե ցանկանում եք ձեր տոնական սեղանն ավելի բազմազան դարձնել, կարող եք նաև խավիծ եփել։ Ժամանակին ընդունված էր այս սննդարար ուտեստը տալ նաև ծննդկաններին։ Համարվում է, որ այն բուժիչ է և օգնում է շուտ վերականգնել ուժերը։ Պատրաստելը հեշտ է ու արագ. ալյուրը կամ փոխինձը հալած յուղի մեջ բովում են այնքան ժամանակ, մինչև գույնը փոխի։ Խառնուրդին ավելացնում են շաքարավազ կամ մուրաբա և ջուր լցնում վրան։ Թողնում են կրակին մինչև պատրաստվելը։
©
Photo : provided by Ararat cuisine
Խավիծ
Հալվա
Տոնական սեղանի իսկական զարդը կլինի հալվան։ Բոված ալյուրին ավելացնում են թթվասեր, շաքարավազ կամ մուրաբա։ Այդ ամենը խառնում են մինչև միասեռ զանգված ստանալը և ավելացնում ընդեղեն կամ չիր։ Սովորաբար հալվան մատուցում են հիմնական ուտեստից հետո` որպես աղանդեր թեյի կամ սուրճի հետ։
©
Photo : provided by Ararat cuisine
Հալվա
Կոլոնդրակ
Եթե չեք ցանկանում ո՛չ տապակել, ո՛չ թխել, ո՛չ եփել, ապա կատարյալ տարբերակ է կոլոնդրակը։ Պատրաստման համար պետք է 2 բաղադրիչ` փոխինձ և մուրաբա կամ մեղր։ Փոխինձը խառնում ենք մուրաբայի և մեղրի հետ, ստացված զանգվածից գնդիկներ ենք պատրաստում։ Ի դեպ, կարելի է նաև չիր, ընկույզ և չամիչ ավելացնել։
©
Sputnik / Asatur Yesayants
Կոլոնդրակ
Նշենք, որ հնում կանայք դռան մոտ կամ կտուրին փոխինձ էին դնում: Եթե առավոտյան փոխինձի վրա հետք էին տեսնում, հավատում էին, որ դա սրբի ձիու սմբակի հետքն է, ինչը նշանակում է, որ իրենք արժանացել են սրբի բարեհաճությանը կամ նույնիսկ ավելին, մինչ այդ իրենք դրախտին արժանի կյանք են վարել:
Սուրբ Սարգսի տոնն ու կախարդական երազը. հավատո՞ւմ են երևանցիներն աղի բլիթի ուժին. տեսանյութ
Գեղեցիկ է և՛ ներքնազգեստով, և՛ տարազով. օգտատերերը սիրահարվել են Ռուբինա Խանզադյանին
(Թարմացված է 22:57 07.08.2020)
Ռուբինան հայազգի առաջին մոդելն է, որը մասնակցել է Victoria's Secret–ի ցուցադրություններին։ ԵՐԵՎԱՆ, 7 օգոստոսի – Sputnik. «Հայ հրեշտակ» և «վայրի գեղեցկուհի» ամերիկահայ թոփ–մոդել Ռուբինա Խանզադյանը կրկին հիացրել է օգտատերերին իր լուսանկարներով։ Instagram–ի arm_estetik էջը «հայ աղջիկ» և «հայ գեղեցկուհի» հեշթեգերով հրապարակել է հայկական ազգային տարազով Ռուբինիայի լուսանկարը։
Посмотреть эту публикацию в Instagram
Սև ու սպիտակ լուսանկարում աղջիկը պատկերված է երկարաթև թավշյա շապիկով և երկար կիսաշրջազգեստով։ Գլուխը զարդարված է ավանդական հանդերձանքով՝ ծաղկապատ ճակատազարդով և թափանցիկ քողով։
«Ռումբ է պարզապես», «շատ արտասովոր աղջիկ», «գեղեցիկ», «որքան է նրան սազում»,- մեկնաբանություններում գրել են օգտատերերը։
Посмотреть эту публикацию в Instagram
Ամիսներ առաջ 23-ամյա Ռուբինան հայտնվեց նորաձևության ոլորտի ամենահեղինակավոր ամսագրերից մեկի` Harpers Bazaar–ի, քաթարյան տարբերակի շապիկին։ Ֆոտոշարքի հեղինակը հայտնի լուսանկարիչ Գրեգ Սուելսն է, որը նկարահանել է Քիմ Քարդաշյանի Skims և KKW Beauty ապրանքանիշերի գովազդային վերջին արշավները։
Посмотреть эту публикацию в Instagram
Ռուբինա Խանզադյանը հայազգի առաջին մոդելն է, որը մասնակցել է Victoria's Secret կանանց ներքնազգեստի ապրանքանիշի ցուցադրություններին, բացի այդ՝ նա խորհրդային ժամանակների հայ հայտնի գրող Սերո Խանզադյանի եղբոր թոռնուհին է։
Посмотреть эту публикацию в Instagram
Աղջիկն ընտանիքով Բարսելոնա է տեղափոխվել, երբ 2 տարեկան է եղել։ Այսօր ընտանիքն ապրում է ԱՄՆ–ում։ 2017 թվականին մոդելը հիմնեց Rubina Dyan սեփական ապրանքանիշը։ Նա և՛ Իսպանիայում, և՛ ԱՄՆ–ում ակտիվ զարգացնում է իր բիզնեսը։
թեգերը:
Մոսկվայից Երևան ևս մեկ չարտերային չվերթ նախատեսված է օգոստոսի 11-ին
ԵՐԵՎԱՆ, 7 օգոստոսի- Sputnik. Օգոստոսի 11-ին կիրականացվի Մոսկվա-Երևան հերթական չարտերային չվերթը։ Ռուսաստանի Դաշնությունում Հայաստանի դեսպանությունը տեղեկացնում է, որ չվերթը կիրականացնի «S7» ավիաընկերությունը։
©
Photo : press office of the Embassy of RF in RA
«Չվերթը կկայանա Մոսկվայի ժամանակով 12:40-ին՝ «Դոմոդեդովո» օդանավակայանից»,- նշված է դեսպանության Facebook-ի պաշտոնական էջում։
Նշվում է, որ տոմսերը կարելի է ձեռքբերել «Դոմոդեդովո» օդանավակայանում՝ ավիաընկերության ներկայացուցչությունից կամ «S7» -ի պաշտոնական կայքէջից։
Եկատերինբուրգ-Երևան չարտերային չվերթ կկայանա. դեսպանատունը մանրամասներ է հայտնում
Հիշեցնենք` կորոնավիրուսի համավարակի հետևանքով աշխարհի տարբեր երկրներ փակեցին օդային և ցամաքային սահմանները։ Կորոնավիրուսի տարածումը կանխարգելելու նպատակով՝ դեռ մարտին Հայաստանը ևս փակեց սահմանները օտարերկրյա քաղաքացիների համար, սակայն այս ամիսների ընթացքում աշխարհի տարբեր երկրներից, այդ թվում Ռուսաստանից մի քանի տասնյակ չվերթեր են կայացել, որոնք հայրենիք են վերադարձրել ՀՀ քաղաքացիներին։
Հայտնի է առաջիկայում Երևանից դեպի ՌԴ տարբեր քաղաքներ կազմակերպվող չվերթերի ժամանակացույցը
թեգերը:
Ռաֆայել Նադալը ոչ միայն թենիս, այլև ֆուտբոլ է լավ խաղում
(Թարմացված է 00:06 08.08.2020)
Իսպանացի Ռաֆայել Նադալը մտադիր է մասնակցել հռոմեական Masters մրցաշարին, ինչպես նաև «Ռոլան Գարոսին»։ ԵՐԵՎԱՆ, 8 օգոստոսի- Sputnik. Իսպանացի թենիսիստ Ռաֆայել Նադալը շարունակում է նախապատրաստվել նոր մրցաշրջանին։
Una especialidad de la casa: hacer que todo siempre parezca más simple de lo que en realidad es. 🔥👏✨
— ESPN Tenis (@ESPNtenis) August 7, 2020
📹: IG/ rafaelnadal__ #Viral @RafaelNadal pic.twitter.com/hx1o10fXZT
Աշխարհի երկրորդ ռակետը հրաժարվել է մասնակցել US Open-ին, բայց միևնույն ժամանակ շարունակում է մարզումները գրունտային ծածկույթի վրա։ Իսպանացին մտադիր է մասնակցել հռոմեական Masters մրցաշարին, ինչպես նաև «Ռոլան Գարոսին»։
Հերթական մարզման ժամանակ Նադալը ցուցադրել է ֆուտբոլային հմտությունները՝ կատարելով ֆանտաստիկ հնարք թենիսի գնդակով։