Կորոնավիրուս

Հայաստանում մարդկանց մոտ խուճապ կա. որ դեպքում են կորոնավիրուսի ախտորոշման թեստ անցկացնում

9930
Կորոնավիրուսի փոխանցման նոր մոտեցում կա` գաղտնի շրջանում վիրուսի փոխանցումը մարդուց մարդուն հնարավոր չէ։

ԵՐԵՎԱՆ, 4 փետրվարի — Sputnik. Կորոնավիրուսի տարածման առնչությամբ Հայաստանում մարդկանց մոտ խուճապ կա, ինչը տրամաբանական է, սակայն հարկ եղած դեպքում մարդիկ լաբորատոր հետազոտության են ենթարկվում։ Sputnik Արմենիայի հետ զրույցում նման կարծիք հայտնեց «Հիվանդությունների վերահսկման և կանխարգելման ազգային կենտրոնի» վարակիչ հիվանդությունների և համաճարակաբանության բաժնի պետ Լիանա Թորոսյանը։

Սոցցանցերի որոշ օգտատերեր գրառում են արել` նշելով, որ օրերս են վերադարձել Չինաստանից, և մտավախություն ունեն, որ կարող են կորոնավիրուսով վարակված լինել։ Նրանց խոսքով` «Նորք» ինֆեկցիոնում հրաժարվել են իրենց լաբորատոր հետազոտության ենթարկել։

«Հանրապետությունում արդեն իսկ առկա են կորոնավիրուսի ախտորոշման թեստերը, սակայն Առողջապահական համաշխարհային կազմակերպությունը չափանիշներ է սահմանել, թե որ դեպքերում է հնարավոր հետազոտվել։ Կորոնավիրուսի ախտանիշների`  տենդի, հազի և դժվարացած շնչառության, ինչպես նաև վերջին 14 օրում Չինաստանում գտնվելու դեպքում մարդկանց լաբորատոր հետազոտման են ենթարկում»,–ասաց Թորոսյանը։

Ո՞ր դեպքում ՀՀ քաղաքացիները Չինաստանից Հայաստան կտեղափոխվեն. պարզաբանում է ԱԳՆ-ն

Նրա խոսքով` ԱՀԿ–ի նշանները, թե որ դեպքում պետք է լաբորատոր հետազոտություն իրականացվի, Հայաստանն ավելի զգայուն է դարձրել, և նրանք, ովքեր միայն ջերմություն ունեն և եղել են Չինաստանում, լաբորատոր հետազոտվում են։ Ավելին, ըստ Թորոսյանի, նման մարդիկ հետազոտվում են նաև գրիպի և այլ շնչառական հիվանդությունների նկատմամբ։ Նախ բժիշկն է զննում այցելուին, հետո որոշվում է` լաբորատոր հետազոտության անհրաժեշտություն կա՞, թե՞ ոչ։

Չինաստանում կորոնավիրուսից մահացածների թիվն ավելանում է, Հայաստանում վարակվածներ չկան

«Կորոնավիրուսի փոխանցման մասին ԱՀԿ–ն նոր մոտեցում ունի` եթե նախկինում կարծում էին, որ վիրուսը հնարավոր է փոխանցվի նաև գաղտնի շրջանում, ապա այժմ հստակեցրել են` մարդուց մարդուն վիրուսի տարածումը հնարավոր է միայն, երբ նրանցից մեկի մոտ առկա են կլինիկական ախտանիշներ»,–նշեց Թորոսյանը։

Իսկ եթե մարդու մոտ չկան կորոնավիրուսի ախտանշաններ, սակայն 14 օրվա ընթացքում նա եղել է Չինաստանում, վերջինիս նկատմամբ երկշաբաթյա բժշկական հսկողություն է սահմանվում։ Հսկողության ընթացքում ախտանշանների ի հայտ գալու դեպքում լաբորատոր հետազոտության է անցկացվում։

Թորոսյանը վստահեցնում է` բոլոր նրանք, ովքեր ունեն լաբորատոր հետազոտության կարիք, անպայման հետազոտվում են, և ամենևին էլ կապ չունի, որ Հայաստանն այս պահին կորոնավիրուսի ախտորոշման 200 թեստ ունի։ Անհրաժեշտության դեպքում թեստերի նոր խմբաքանակ կբերեն։

«Կոչ եմ անում խուճապի չմատնվել, քանի որ մասնագետները լավ գիտեն` որ դեպքում ինչ պետք է անել։ Հայաստանը բոլոր հնարավոր միջոցներն իրականացնում է վարակի հնարավոր հայտնաբերման և դրա տարածման կանխարգելման առնչությամբ»,–ընդգծեց Թորոսյանը։

Հիշեցնենք, որ վերջին տվյալների համաձայն` Չինաստանում կորոնավիրուսով վարակվածների ընդհանուր թիվը հասել է 20 հազար 438  մարդու, 425–ը մահացել են։ Մեկ օր առաջ պաշտոնապես հայտարարվել էր 17 205  հիվանդների և 361 մահացածների մասին։

Նազենի Հովհաննիսյանը դիմակով լուսանկար է հրապարակել, որն աղերս չունի գեղեցկության հետ

Ավելի վաղ առողջապահության նախարար Արսեն Թորոսյանը հայտնել էր, որ փետրվարի 2-ին Հայաստան են բերվել կորոնավիրուսի ախտորոշման 200 լաբորատոր թեստեր, որոնք ՌԴ–ն մեր երկրին տրամադրել է անվճար։ Թեստը ստանալուց հետո Հայաստանում անցկացվել է կորոնավիրուսի վեց հետազոտություն. փետրվարի 4-ի դրությամբ երկրում վարակի դեպք չի գրանցվել։

9930
թեգերը:
Չինաստան, Լիանա Թորոսյան, կորոնավիրուս, Հայաստան
թեմա:
Կորոնավիրուսը աշխարհում (937)
Ըստ թեմայի
Ինչու ՀՀ քաղաքացիներին թույլ չեն տվել Չինաստանում օդանավ նստել. ավիաընկերության պատասխանը
ՀՀ քաղաքացիներից 9–ը կմնան Չինաստանի կարանտինի գոտում
Բելգիայում գրանցվել է կորոնավիրուսի առաջին դեպքը
Պաշտպանիչ դիմակները նոր թրենդ են դարձել. լուսանկարներ
Արծվիկ Մինասյան

Վաղը կհայտարարվի վարչապետի միասնական թեկնածուի անունը

99
(Թարմացված է 21:14 02.12.2020)
Դեկտեմբերի 3-ին՝ ժամը 18:00-ից ընդդիմությունը կփակի Երևանի ոչ կենտրոնական փողոցները: Իսկ դեկտեմբերի 5-ին՝ ժամը 15:00-ին, Ազատության հրապարակում հրավիրվում է համապետական հանրահավաք:

ԵՐԵՎԱՆ, 2 դեկտեմբերի - Sputnik. Ընդդիմադիր 16 կուսակցությունները վաղը կներկայացնեն վարչապետի միասնական թեկնածուի անունը: Այս մասին այսօր կազմակերպված հանրահավաքի ժամանակ լրագրողներին հայտնեց ՀՅԴ Հայաստանի ԳՄ անդամ Արծվիկ Մինասյանը:

Նա չցանկացավ բացել փակագծերը, բայց նշեց, որ ընդդիմության հետագա քայլերի ու անելիքների մասին ևս կհայտարարվի առաջիկա համազգային մեծ հանրահավաքի ժամանակ:

«Չեմ ուզում շատ փակագծեր բացել, բայց ուզում եմ, որ մեր ժողովուրդն իմանա, որ այն սպասելիքները, որոնք ինքը ներկայացրել է՝ կապված այն ապագա զարգացումների հետ, թե՛ ընդդիմադիր կուակցությունների սկսածն ավելի մեծ համազգային շարժման վերածելու, թե՛ միասնական թեկնածուի, թե նաև ճանապարհային քարտեզն ու նոր ձևավորվելիք անցումային կամ հակաճգնաժամային ծրագրերի հետ, նոր հայտարարություն կլինի և առաջիկա օրերին մեծ հանրահավաքի ընթացքում կներկայացվի»,- ասաց Մինասյանը:

Հիշեցնենք՝ ընդդիմության այսօրվա բողոքի ակցիայի ժամանակ հայտարարվեց, որ վաղը՝ ժամը 18:00-ից, ապակենտրոնացված սկզբունքով կփակվեն Երևանի տարբեր փողոցներ՝ որպես անհնազանդության ակցիաներ՝ Փաշինյանի հրաժարականի պահանջով:

Ընդդիմությունը կոչ է անում փակել Երևանի փողոցները

Իսկ դեկտեմբերի 5-ին՝ ժամը 15:00-ին, Ազատության հրապարակում հրավիրվում է համապետական հանրահավաք:

Հիշեցնենք՝ նոյեմբերի 9-ին արցախյան ռազմաճակատներում հրադադարի վերաբերյալ եռակողմ հայտարարության ստորագրումից հետո Փաշինյանի ու կառավարության հրաժարականի պահանջով Հայաստանում բողոքի ակցիաներ են սկսվել։

99
թեգերը:
Հրաժարական, ընդդիմություն, Արծվիկ Մինասյան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Փաշինյանը պետական դավաճան է, նա հանձնել է մեր կյանքի գնով պահված դիրքերը. զինվորականներ
Ինչու Փաշինյանը հրաժարական չի տալիս, կամ վարչապետի ինքնապաշտպանվելու տարբերակը
Համացանցում Փաշինյանի հրաժարականի պահանջով ստորագրահավաք է սկսվել
Արխիվային լուսանկար

Միջազգային կազմակերպությունն արձանագրել է, որ Ադրբեջանը բազմաթիվ հայ զինվորներ է գերեվարել

151
(Թարմացված է 20:46 02.12.2020)
Կազմակերպությունը հատուկ նշում է արել, որ ադրբեջանական զինված ուժերը հայ գերիների նկատմամբ կիրառել են հարկադրանք՝ ունենալով նրանց նվաստացնելու դիտավորություն:

ԵՐԵՎԱՆ, 2 դեկտեմբերի - Sputnik. Human Rights Watch միջազգային իրավապաշտպան կազմակերպությունը քիչ առաջ զեկույց է հրապարակել, որտեղ արձանագրել է, որ ադրբեջանական ուժերը բազմաթիվ էթնիկ հայ զինվորականների են գերեվարել:

Ինչպես նշում է ՀՀ ՄԻՊ Արման Թաթոյանը, զեկույցում նշվում է, որ հայ գերիները ենթարկվել են բռնության ու նվաստացման: Եվ այդ մասին վկայում են հոկտեմբերից ի վեր սոցիալական ցանցերում լայնորեն տարածված տեսանյութերը:

«Կազմակերպությունը հատուկ նշում է արել, որ ադրբեջանական զինված ուժերը հայ գերիների նկատմամբ կիրառել են հարկադրանք՝ ունենալով նրանց նվաստացնելու դիտավորություն: Human Rights Watch կազմակերպության հետ հանդիպման ընթացքում ինքս ներկայացրել էի ադրբեջանական վայրագությունները՝ շեշտելով, որ գերիների վերադարձն ու մարմինների փոխանակումը պահանջում է հրատապ լուծում»,- գրում է Թաթոյանը։

ՄԻՊ-ը նաև հայտնում է, որ հայկական կողմը շարունակում է միջազգային մարմիններին ներկայացնել ադրբեջանական զինված ուժերի խոշտանգումներն ու դաժանությունները՝ պատերազմական հանցագործությունները:

Առանձնացվել են 60 ռազմագերի, բռնի անհետացած քաղաքացիների թիվը հասնում է 40-ի. Բեգլարյան

Նա նաև նշում է, որ այդ գործողությունների նպատակն է ամեն ջանք գործադրել՝ գերիների վերադարձն ու զինվորների մարմինների փոխանակումը րոպե առաջ կազմակերպելուն աջակցելու համար։

ՀՀ ՔԿ պաշտոնական տվյալներով` Ադրբեջանում պատերազմի սկզբից գերեվարված 20 հայ կա` զինվորականներ և խաղաղ բնակիչներ։

Ավելի վաղ Ադրբեջանը գերի էր վերցրել Հադրութի երկու խաղաղ բնակչի ՝ 85-ամյա Եվգենյա Բաբայանին, որը ԿԽՄԿ միջնորդությամբ վերադարձվել էր Հայաստանին, և 84-ամյա Միշա Մելքումյանին, որը մահացել էր Բաքվում:

Տղամարդու դիակը ստանալուց և դատաբժշկական փորձաքննությունից հետո ՀՀ քննչական կոմիտեն հայտնել էր, որ նրա մահը եղել է բռնի ու տեղի է ունեցել գանգուղեղային վնասվածքի հետևանքով:

Իրավապաշտպան Արտակ Զեյնալյանը նոյեմբերի 23-ին 17 գերիների անուններ էր հրապարակել։

Արցախի մարդու իրավունքների պաշտպան Արտակ Բեգլարյանը դեկտեմբերի 2-ին հայտնեց, որ պաշտպանի աշխատակազմի գտած տեսանյութերից արդեն կարողացել են առանձնացնել գրեթե 60 ռազմագերի, որոնցից միայն փոքր մասի ինքնությունը դեռ չեն կարողացել պարզել: Առանձին փաստահավաք գործունեություն են իրականացնում նաև ներկալված ու բռնի անհետացած քաղաքացիական անձանց մասով, որոնց թիվը հասնում է շուրջ 40-ի: 

151
թեգերը:
Պատերազմ, Ադրբեջան, գերի, ՀՀ ՄԻՊ
Ըստ թեմայի
Գերիների վերադարձն ու անհայտ կորածների խնդիրներն առաջնային են. բողոքի երթը` լուսանկարներով
Ղարաբաղում գերիների և զոհվածների մարմինների փոխանակման գործընթացն արագ կարվի. Լավրով
Հունահայոց թեմը հայ գերիների հարցով դիմել է Հունաստանի վարչապետին
Նիկոլ Փաշինյան

Ռազմական գործում մեծամիտ լինելն անթույլատրելի է, կամ ո՞րն է հայերի կորուստների պատճառը

55
Եթե ռուսական արտադրության Ս-300 զենիթահրթիռային համալիրները մասնակցել են մարտական գործողություններին ու տուժել են ՀՕՊ համակարգի թերությունների պատճառով, ապա ավելի վաղ հիշատակված $40 միլիոն արժողությամբ Swathi հնդկական ռադարները ակտիվության ոչ մի հետք չեն թողել։

Ալեքսանդր Խրոլենկո, ռազմական վերլուծաբան

Լեռնային Ղարաբաղում մարտական գործողությունների ընթացքում փորձագետների շրջանում ու մեդիատարածքում վիճաբանություններ էին ընթանում հայկական կողմի ունեցած ռուսական արտադրության զենքի արդյունավետության մասին։ Sputnik-ը փորձել է հասկանալ՝ խնդիրը զե՞նքն է, թե՞ անձնակազմի պատրաստվածություն ու պաշտպանության կազմակերպումը։

Այսօր առանձին փորձեր են արվում արդարացնել հայկական կողմի պարտությունը ռուսական արտադրության «անօգուտ» Սու-30ՍՄ կործանիչներով, Ս-300 «կույր» զենիթահրթիռային համալիրներով, «անարդյունավետ» ՌԵՊ համալիրներով ու «սխալ համակարգի» տանկերով։ Կարծես հայկական կողմը երբեք երրորդ երկրների արտադրության զենք չի գնել (օրինակ՝ հնդկական Swathi ռադարները), իսկ ադրբեջանական կողմը զինված էր բացառապես իսրայելական ու թուրքական նմուշներով («Բայրաքթարի» տիպի), որոնք և վճռել են «մեծ բեկումը»։ Այստեղից փորձում են հետևություն անել, թե այլ երկրները, իբր Ղարաբաղի օրինակն աչքի առաջ ունենալով, կվերանայեն ռուսական զենք գնելու իրենց որոշումը։ Նման մտորումները քողարկում են ռազմաքաղաքական ղեկավարության ռազմավարական բացթողումներն ու սպառազինության համաշխարհային շուկայում խիստ մրցակցային պայքարը։ Ավելի լավ է իրականություն վերադառնալ։

Միայն զինվորի խիզախությամբ հաղթանակի չեն հասնում. Հայաստանի ռազմական սխալները Ղարաբաղում

Մոսկվան մի քանի ռազմական վարկ է տրամադրել Հայաստանին։ Շարունակությունը հայկական կողմի գործն էր։ Եթե ռուսական արտադրության Ս-300 զենիթահրթիռային համալիրները մասնակցել են Ղարաբաղում մարտական գործողություններին ու տուժել են ՀՕՊ համակարգի թերությունների պատճառով, ապա ավելի վաղ հիշատակված $40 միլիոն արժողությամբ Swathi հնդկական ռադարները ակտիվության ոչ մի հետք չեն թողել։ Բայց կարող էին գովազդային համառոտ նկարագրության համաձայն՝ հայտնաբերել ականանետային կրակոցները մինչև 20 կիլոմետր հեռավորության վրա, հրետանու կրակը՝ մինչև 30 կմ, իսկ հրթիռի կրակը՝ մինչև 40 կմ (յուրաքանչյուր սարք կարծես թե կարող է միաժամանակ մինչև յոթ թիրախ որսալ)։ Հնարավոր է՝ հաշվարկները չեն հասցրել յուրացնել նոր ռադարները։ Հայ մասնագետների ուսուցումը կարող էր լինել վճռորոշ օղակը նաև ռուսական արտադրության մարտական տեխնիկայի շահագործման հարցում։ Բնականաբար, ռազմական գործում անկազմակերպ ու մեծամիտ լինելն անթույլատրելի է։

Կորուստներ ու ավարներ

Դեկտեմբերի մեկին Ադրբեջանի նախագահ Իլհամ Ալիևը ազգին ուղերձով դիմելիս մանրամասն ներկայացրել է Լեռնային Ղարաբաղում հայկական կողմի մարտական տեխնիկայի կորուստները։ Երկար ցուցակում էին հարյուրավոր զենքեր, որոնք ոչնչացվել ու որպես ավար են վերցվել։ Ադրբեջանի նախագահը հիշատակեց նաև հրթիռային համալիրներ, համազարկային կրակի ռեակտիվ համակարգեր, տանկեր ու ռադիոէլեկտրոնային պայքարի միջոցներ։

Կարելի է տարբեր կերպ նայել այդ թվերին ու այն փաստին, որ «ստվերում» են մնում ադրբեջանական բանակի կորուստները (հաստատ զգալի), սակայն ստեղծված իրավիճակում (յոթ շրջանների վերադարձի դեպքում) Ադրբեջանի նախագահը հակառակորդի կորուստները կտրուկ չափազանցնելու կարիք չունի։ Օրինաչափ հարց է առաջանում Ղարաբաղում 44 օր տևած մարտերի ընթացքում հայկական խմբավորման ռազմական կազմակերպվածության մակարդակի մասին։

Հայկական զորքերի վերացված տեխնիկայի մեծ քանակը կարելի է բացատրել մարտական հակազդեցության դաժանությամբ, սակայն թվերը զարմացնում են․ լքված 79 տանկ, 47 հետևակի մարտական մեքենա, 104 հրետանի (հրանոթներ ու ականանետներ), 5 «Շիլկա» զենիթային սարք, 93 հատուկ մեքենա, 270 բեռնատար մեքենա (հնարավոր է՝ Բաքվում ցուցադրեն այդ ավարները որպես երկրի ղեկավարի խոսքերի ապացույց)։ Մինչդեռ միայն 79 մարտունակ տանկը երկուսուկես տանկային գումարտակ է (մեծ առավելություն է և՛ հարձակման, և պաշտպանության դեպքում)։ Կարծում եմ՝ հայկական կողմի անհավանական «շռայլությունը» կարող է երկու պատճառ ունենալ․ մարտական տեխնիկան լքվել է անկազմակերպ՝ տարերային նահանջի ժամանակ, կամ վառելիք չի եղել (թիկունքային ապահովման խնդիրներ են եղել), ու մեքենաները պարզապես չեն կարողացել առաջ շարժվել։

Արցախյան սրացումը և ռուսական գործոնը Կովկասում

Ամեն դեպքում պետք է կազմակերպչական եզրակացություններ անել, սակայն դա արդեն Հայաստանի գլխավոր շտաբի ու ռազմաքաղաքական ղեկավարության իրավասությունների շրջանակում է։

55
թեգերը:
Ռուսաստան, Զենք, Պատերազմ, Լեռնային Ղարաբաղ
Ըստ թեմայի
Որտեղի՞ց է առաջացել Ղարաբաղում թուրքական ԱԹՍ-ների արդյունավետության մասին միֆը
Ռուսական զենքը կարողանում է անշեղորեն խոցել. 2020 թվականի նախնական արդյունքները
Սիրիացի թուրքոմանները ԼՂ–ում. «ուղևորություն» դեպի պատերա՞զմ, թե՞ մեծ վերաբնակեցում