Սևան-Երևան մայրուղի

Շղթայական ավտովթար Սևան– Երևան ճանապարհին. 2 տասնյակ մեքենաներ են բախվել. տեսանյութ

1401
(Թարմացված է 16:59 04.02.2020)
Facebook–ի օգտատերերն ահազանգում են` Սևան-Երևան ճանապարհին կան կոտրած-ջարդած մեքենաներ, տուժածներ, իսկ մարդիկ տագնապած են ու անհանգստացած։

ԵՐԵՎԱՆ, 4 փետրվարի — Sputnik. Facebook–ի օգտատերերն իրենց էջերում տեսանյութեր են հրապարակել, որոնցում երևում է Սևան–Երևան ճանապարհին վաղ առավոտյան տեղի ունեցած շղթայական ավտովթարը։ Պատահարի մասնակից մեքենաների թիվը հատում է 2 տասնյակի սահմանը։

«Չայնիի ոլորաններում մոտ 25 ավտո է բախվել իրար, զգույշ եղեք, կոտրած-ջարդած մեքենաներ, տագնապած ու անհանգստացած ժողովուրդ, կան տուժածներ,– հայտնում է ականատեսը` նշելով, որ վթարը տեղի է ունեցել Սևան–Երևան ավտոճանապարհին, Երևանից շուրջ 2 կմ հեռավորության վրա։

ՀՀ ոստիկանությունն այս խոշոր ավտովթարի մասին առայժմ պաշտոնական հաղորդագրություն չի հրապարակել։ Փոխարենը ոստիկանության պաշտոնական կայքում վարորդներին հայտնում են, որ Գեղարքունիքի մարզում առատ ձյան և անբավարար տեսանելիության պատճառով դժվարանցանելի են մարզի բոլոր ճանապարհները։ Ոստիկանությունը վարորդներին հորդորում է երթևեկել բացառապես խիստ անհրաժեշտության դեպքում:

Վարդենյաց լեռնանցքը և Սոթք-Քարվաճառ ավտոճանապարհները փակ են բեռնատարների, դժվարանցանելի` թեթև մարդատար ավտոմեքենաների համար:

Մեղրի-Ագարակ ճանապարհին բախվել են շտապօգնության մեքենան ու «ՎԱԶ-2107»-ը. կա մեկ զոհ

Արցախի Հանրապետություն մեկնողներին խորհուրդ է տրվում երթևեկել Երևան-Երասխ-Գորիս-Կապան միջպետական ավտոճանապարհով:

1401
թեգերը:
ավտովթար, վթար, ավտոմեքենա, Երևան, Սևան, Հայաստան
Ըստ թեմայի
Թեհրան-Երևան ավտոբուսը վթարի է ենթարկվել Թավրիզ-Զենջան ճանապարհին
Ողբերգական ավտովթար Գեղարքունիքում. 3 տարեկան երեխան տեղում մահացել է
Սարսափելի վթար Կոտայքում. վարորդը տեղում մահացել է, կնոջ ու երեխաների վիճակը ծանր է
Վարդենիս-Սոթք ճանապարհի ավտոմեքենան բախվել է գնացքին. կա վիրավոր