ԱԱԾ

Կաշառքի դիմաց ազատվել են զինծառայությունից ու ժամկետից շուտ զորացրվել. ԱԱԾ բացահայտումը

105
(Թարմացված է 11:31 04.02.2020)
ԱԱԾ–ն բացահայտել է կաշառքի դիմաց կեղծ բժշկական փաստաթղթերով ժամկետային զինծառայությունից տարկետում ստանալու և ժամկետից շուտ զորացրվելու դեպքեր։

ԵՐԵՎԱՆ, 4 փետրվարի — Sputnik. Ազգային անվտանգության ծառայությունը բացահայտել է զինծառայությունից խուսափելու ու դրա դիմաց խոշոր կաշառք ստանալու դեպքեր։

Մասնավորապես` թիվ 2 նյարդաբանական բուժմիավորման նյարդաբանական բաժանմունքի ավագ նյարդաբանը, իր ծանոթի նախաձեռնությամբ, 2019 թվականին ընդգրկված լինելով զորակոչիկների բժշկական հետազոտման հանձնաժողովում, իր ծանոթի միջնորդությամբ կազմել է կեղծ բժշկական փաստաթղթեր, որոնց դիմաց 2019 թվականի ընթացքում զորակոչիկների հարազատներից ստացել է 45.000 ԱՄՆ դոլար կաշառք։

Արդյունքում, կեղծ փաստաթղթերի հիման վրա մի շարք զորակոչիկներ ժամկետային զինծառայությունից տարկետում են ստացել, մի շարք զինվորներ էլ ժամկետից շուտ զորացրվել են։

ԱԱԾ–ն բացահայտել է կաշառք ստանալու հերթական դեպքը, մեկը խոստովանական ցուցմունք է տվել

Դեպքի առթիվ ՀՀ ԱԱԾ քննչական դեպարտամենտում հարուցվել է քրեական գործ։ Կաշառք ստացած անձը խոստովանել է կատարած հանցագործությունը։

Կոտայքում հանգուցյալների հարազատներից կաշառք են վերցրել. ԱԱԾ–ն նոր տեսանյութ է հրապարակել

Նախաքննությունը շարունակվում է։ ԱԱԾ–ն հայտնում է, որ միջոցներ են ձեռնարկվում բոլոր հանցադեպերը և կոռուպցիոն շղթայի մեջ ներգրավված անձանց շրջանակը պարզելու և պատասխանատվության ենթարկելու ուղղությամբ:

105
թեգերը:
Կաշառք, ՀՀ ազգային անվտանգության ծառայություն. ԱԱԾ, Հայաստան
Ըստ թեմայի
ԱԱԾ–ն բացահայտել է կաշառք ստանալու հերթական դեպքը, մեկը խոստովանական ցուցմունք է տվել
Ռազմիկ Աբրահամյանը կմնա ազատության մեջ. դատարանը մերժեց դատախազության բողոքը
ԱԱԾ-ն լուրջ տեղեկություններ է հայտնաբերել Գագիկ Խաչատրյանի որդու գործով. «Ժողովուրդ»