Չինաստան, կորոնավիրուս

Չինաստանում կորոնավիրուսից մահացածների թիվն ավելանում է, Հայաստանում վարակվածներ չկան

70
(Թարմացված է 13:55 04.02.2020)
Հայաստանի առողջապահության նախարարությունից հավաստիացնում են, որ թեստը ստանալուց հետո Հայաստանում կատարվել է կորոնավիրուսի վեց հետազոտություն:

ԵՐԵՎԱՆ, 4 Փետրվար - Sputnik. Թեստը ստանալուց հետո Հայաստանում անցկացվել է կորոնավիրուսի վեց հետազոտություն. փետրվարի 4-ի դրությամբ երկրում վարակի դեպք չի գրանցվել։ Տեղեկությունը Facebook սոցիալական ցանցի իր էջում հայտնել է Առողջապահության նախարար Արսեն Թորոսյանը:

Ավելի վաղ, առողջապահության նախարարը հայտնել էր, որ փետրվարի 2-ին Հայաստան են բերվել կորոնավիրուսի ախտորոշման 200 լաբորատոր թեստեր, որոնք ՌԴ–ն մեր երկրին տրամադրել է անվճար։

Վերջին տվյալների համաձայն` Չինաստանում կորոնավիրուսով վարակվածների ընդհանուր թիվը հասել է 20438  մարդու, 425–ը` մահացել են։ Մեկ օր առաջ պաշտոնապես հայտարարվել էր 17205  հիվանդների և 361  մահացածների մասին։

Ինչպես հայտնել են ՉԺՀ առողջապահության հարցերով պետական կոմիտեից ևս 2788  մարդ ծանր վիճակում է, 632-ը  դուրս են գրվել հիվանդանոցից։

Անցած օրվա ընթացքում վարակի 3235  նոր դեպք է հայտնաբերվել։ Բացի այդ, Չինաստանում ևս 23214  հիվանդի մոտ վարակի կասկածներ կան։ Շուրջ 171,3 հազար մարդ, որոնք սերտ շփում են ունեցել վարակվածների հետ, կարանտինի մեջ են։

Պաշտպանիչ դիմակները նոր թրենդ են դարձել. լուսանկարներ

Չինաստանի իշխանությունը պաշտոնապես հաստատել է, որ վիրուսը փոխանցվում է մարդուց մարդուն։ Բժիշկների խոսքով` կորոնավիրուսի հիմնական ախտանիշներն են ջերմությունը, հոգնածությունը, խորխով հազը։ Հիվանդությունը սկսվում է որպես սովորական շնչառական վարակ, որն ուղեկցվում է տենդով, հազով ու թոքաբորբով, բայց շատ արագ ծանր ընթացք է ստանում՝ խոցելով թոքերը։ Ռիսկային խմբում են թույլ իմունային համակարգ ունեցողները, երեխաներն ու ծերերը։

70
թեգերը:
Չինաստան, կորոնավիրուս, Արսեն Թորոսյան, Հայաստան
թեմա:
Կորոնավիրուսը Չինաստանում և աշխարհում (61)
Ըստ թեմայի
Չինաստանից տարհանված հայաստանցին կմնա՞ Ղազախստանում, թե՞ կգա ՀՀ. հարցը դեռ քննարկվում է
Կորոնավիրուսի զոհերի թիվն աշխարհում անցել է մի քանի հարյուրը. 21 558 մարդ կասկածի տակ են
Նազենի Հովհաննիսյանը դիմակով լուսանկար է հրապարակել, որն աղերս չունի գեղեցկության հետ
Չինաստանից տարհանված ՀՀ քաղաքացու մոտ կորոնավիրուս չի հայտնաբերվել