Նազենի Հովհաննիսյան

Նազենի Հովհաննիսյանը դիմակով լուսանկար է հրապարակել, որն աղերս չունի գեղեցկության հետ

585
(Թարմացված է 11:44 03.02.2020)
Գեղեցկուհի Նազենի Հովհաննիսյանը սեփական օրինակով ցույց է տվել, որ պաշտպանիչ դիմակ կրելն ամոթ չէ։

ԵՐԵՎԱՆ, 3 փետրվարի — Sputnik. Հայտնի դերասանուհի, հաղորդավարուհի Նազենի Հովհաննիսյանն սոցցանցերի իր էջերի հետևորդներին խորհուրդ է տվել ճամփորդելիս անպայման իրենց հետ պաշտպանիչ դիմակներ և ռետինե ձեռնոցներ վերցնել։

Չինաստանից տարհանված հայաստանցին կմնա՞ Ղազախստանում, թե՞ կգա ՀՀ. հարցը դեռ քննարկվում է

«Ես հասկանում եմ, որ այս տեսքը բոլորովին էլ այն չէ, ինչ մենք սիրում ենք, կամ ինչպես մեզ կուզենային տեսնել: Այն որևէ աղերս չունի «գեղեցկության» ու ոճային լինելու հետ, բայց, այս դիմակը կանխարգելում է արդեն համաշխարհային տարածում ստացող համաճարակը... Նախ` պաշտպանում է ձեզ, և երկրորդ, որն ըստ իս ավելի կարևոր է, թույլ չի տալիս, որ դուք ակամայից վնասեք մնացածներին... Ճամփորդական ատրիբուտների մեջ այս ընթացքին ավելացան դիմակներն ու ռետինե ձեռնոցները: Առողջ ու պաշտպանված եղեք »,–գրել է նա։

Посмотреть эту публикацию в Instagram

Публикация от Nazeni Hovhannisyan (@nazenihovhannisyan)

Նազենիի հետևորդներից ոչ բոլորն են համաձայնել նրա հետ։ Որոշ օգտատերեր գրել են, որ այդ դիմակը չի կարող կորոնավիրուսի տարածումը կանխարգելել։

«Ցավոք այս դեպքում դիմակը լիովին չի պաշտպանի Նազենի ջան»,–գրել է օգտատերերից մեկը։

«Նազենիի հարգելի  հետևորդներ, վաղուց արդեն հայտնի փաստ է, որ դիմակը չի կարող կանխարգելել վարակումը այլ հիվանդից, ավելին, նույնիսկ չի նվազեցնում վարակվելու հավանականությունը։ Դիմակ պետք է կրեն արդեն հիվանդ մարդիկ, իրենց հազի և փռշտոցի արգասիքները շրջապատի մարդկանց վրա չտարածելու համար։ Մինչև որևէ տեղեկություն տարածելը խորհուրդ եմ տալիս ստուգել այն»,–գրել է մեկ այլ օգտատեր։

Էջի հետևորդներից մի քանիսն էլ հիշեցրել են, որ ըստ տեղեկության, կորոնավիրուսը փոխանցվում է նաև աչքերի միջոցով, ուստի պետք է նաև պաշտպանիչ ակնոց կրել։

Հիշեցնենք, որ Չինաստանում կորոնավիրուսից մահացածների պաշտոնական թիվը հասել է 361–ի, ևս 17 205 մարդ վարակված է։ Հիվանդներից 2296–ի վիճակը գնահատվում է ծանր, և միայն 475–ն են առողջացել ու դուրս գրվել հիվանդանոցներից։

Վերջին երկու օրերի ընթացքում գրանցվել է վարակի 2829 նոր դեպք։ Եվս 21 558 մարդ ներկա պահին կասկածի տակ են։ Չինաստանի առողջապահական մարմինների հսկողության տակ 152 700 մարդ կա։

Իսկ Չինաստանից դուրս, աշխարհի այլ երկրներում կորոնավիրուսով հիվանդների թիվը պաշտոնական տվյալներով հասել է 148–ի։

Վարակն արդեն տարածվել է Չինաստանի սահմաններից դուրս, դեպքեր են գրանցվել Հարավային Կորեայում, Ճապոնիայում, ԱՄՆ–ում, Թաիլանդում, Սինգապուրում, Հոնկոնգում և Ավստրալիայում։

Չինաստանից ՀՀ քաղաքացի է տեղափոխվել Ղազախստան. ԱԳՆ

ՀՀ փոխվարչապետ Տիգրան Ավինյանը Facebook-ում հայտնել է, որ 2020թ. փետրվարի 1-ից մինչև մարտի 31-ը Չինաստանի քաղաքացիների համար Հայաստանի Հանրապետություն մուտքի վիզայի ազատ ռեժիմը ժամանակավորապես կասեցվում է։

Փետրվարի 2-ին Հայաստան են բերվել կորոնավիրուսի ախտորոշման 200 լաբորատոր թեստեր, որոնք ՌԴ–ն մեր երկրին տրամադրել է անվճար։

585
թեգերը:
դերասանուհի, կորոնավիրուս, Նազենի Հովհաննիսյան, Հայաստան
Ըստ թեմայի
Կորոնավիրուսը մերձեցնում է. հայ աղջիկները`չինացիների նրբանկատության մասին
Չինաստանում ՀՀ քաղաքացիներին «Ուրալ» ավիաընկերությունն արգելել է օգտվել չվերթից
Քիչ համբուրվեք. Գյումրու ինֆեկցիոն հիվանդանոցում ազատ մահճակալ գրեթե չկա
Չինաստանի սահմաններից դուրս գրանցվել է կորոնավիրուսից մահանալու առաջին դեպքը
«Սպուտնիկ V»

Հայաստանը «Սպուտնիկ V»-ի նոր խմբաքանակ է ձեռք բերել. մանրամասներ

66
(Թարմացված է 17:42 19.06.2021)
ՀՀ–ում կորոնավիրուսային հիվանդության համաճարակային իրավիճակի կայունացման նպատակով շարունակվում է պատվաստանյութերի նոր խմբաքանակների ներկրումը։

ԵՐԵՎԱՆ, 19 հունիսի – Sputnik. Հայաստան է ներկրվել կորոնավիրուսային հիվանդության դեմ «Սպուտնիկ V» պատվաստանյութի նոր խմբաքանակ: Տեղեկությունը Sputnik Արմենիային հայտնեցին ՀՀ առողջապահության նախարարության մամուլի ծառայությունից։

«Հայաստան է ներկրվել ռուսական «Սպուտնիկ V» պատվաստանյութի նոր խմբաքանակ 30000 անձի համար (30000` առաջին բաղադրիչ, 30000` երկրորդ բաղադրիչ)»,–հայտնեցին ԱՆ մամուլի ծառայությունից:

Նշենք, որ ՀՀ–ում կորոնավիրուսային հիվանդության համաճարակային իրավիճակի կայունացման նպատակով շարունակվում է պատվաստանյութերի նոր խմբաքանակների ձեռքբերումն ու ներկրումը։

Հիշեցնենք, որ COVID-19-ի դեմ պատվաստումները շարունակվում են հանրապետության ամբողջ տարածքում: Պատվաստումներն իրականացվում են առողջության առաջնային պահպանման կազմակերպություններում շաբաթվա բոլոր օրերին. շաբաթ և կիրակի սահմանվել են հերթապահություններ՝ ժամը 10։00-16։00-ը: «Սպուտնիկ V»- ով պատվաստումները նախատեսված են 18 տարեկանից բարձր խրոնիկ հիվանդների, 18-54 տարեկան բուժաշխատողների, սոցիալական խնամքի կենտրոնների բնակիչների և աշխատակիցների համար: Իսկ «ԱստրաԶենեկայով» և «Կորոնավակով» պատվաստումները կարող են իրականացվել 18 և բարձր տարիքի անձանց շրջանում, ըստ դիմելիության, կամավորության սկզբունքով:

Հանրապետությունում պատվաստումներն անվճար են և իրականացվում են միայն կամավորության սկզբունքով:

Ինչպես կարելի է մուտք գործել Ռուսաստան ԱՊՀ երկրներից. նոր կանոններ

66
թեգերը:
Սպուտնիկ V, պատվաստանյութ, կորոնավիրուս, Հայաստան
Ըստ թեմայի
Բժիշկ Մյասնիկովն ասել է՝ ինչպես պաշտպանվել Covid-19-ի երրորդ ալիքից
Երևանից Բաթում մեկնած ուղևորներից 2-ին իջեցրել են գնացքից. ՀԿԵ–ն կրկին զգուշացնում է
Ռուսաստանի ՊՆ-ն կորոնավիրուսի դեմ «ծամոն» է մշակում
Գագիկ Սուրենյան

Երևանում օդի ջերմաստիճանը կհասնի +40-ի. Գագիկ Սուրենյանը զգուշացնում է

424
(Թարմացված է 14:04 19.06.2021)
Մի քանի օր շարունակ հանրապետության ամբողջ տարածքում սպասվում է խիստ բարձր ջերմային ֆոն։

ԵՐԵՎԱՆ, 19 հունիսի – Sputnik. Պայմանավորված արաբական անապատներից արևադարձային տաք օդային հոսանքների ներթափանցմամբ` հունիսի 21-24-ին Հայաստանի ամբողջ տարածքում սպասվում է խիստ բարձր ջերմային ֆոն։ Տեղեկությունը հայտնում է ՀՀ շրջակա միջավայրի նախարարության «Հիդրոօդերևութաբանության և մոնիթորինգի կենտրոն» ՊՈԱԿ–ի տնօրենի տեղակալ Գագիկ Սուրենյանը։

«Արարատյան դաշտում և նախալեռներում, Վայոց Ձորի նախալեռներում, Սյունիքի հովտային գոտում և Երևանում ցերեկային ժամերին սպասվում է +39–ից +40 աստիճան տաքություն։ Հունիսի 19-24-ին նշված գոտիներում սպասվում է նաև բարձր կարգի հրդեհավտանգ իրավիճակ»,– Facebook–ի իր էջում գրել է նա:

Սուրենյանը նշել է, որ ուլտրամանուշակագույն ճառագայթման ինտենսիվությունը սպասվում է նորմայից բարձր։ Խորհուրդ է տրվում ժամը 11։00-ից մինչև 17։00-ն ընկած ժամանակահատվածում խուսափել արևի ուղիղ ճառագայթներից։

Հայաստանին թոքերի արհեստական շնչառության 22 սարքավորում են փոխանցել

Մինչև հուլիսի 1-ը ո՞ւր պետք է դիմեն կենսաթոշակառուները

424
թեգերը:
Գագիկ Սուրենյան, եղանակ, Հայաստան
Արարատ Միրզոյանը հանդիպել է ԵԱՀԿ/ԺՀՄԻԳ դիտորդական առաքելության ղեկավար Յոհան Մարֆիի և ղեկավարի տեղակալ Ստեֆան Կրաուսի հետ

Արարատ Միրզոյանը հանդիպել է ԵԱՀԿ/ԺՀՄԻԳ դիտորդական առաքելության ղեկավարի հետ. տեսանյութ

0
Հունիսի 20-ին, բացի երկարաժամկետ դիտորդներից, ընտրատեղամասերում դիտորդական առաքելություն կիրականացնեն ևս 300 կարճաժամկետ դիտորդներ։

ԵՐԵՎԱՆ, 19 հունիսի – Sputnik. ՀՀ Ազգային ժողովի նախագահ Արարատ Միրզոյանը հանդիպել է ԵԱՀԿ Ժողովրդավարական հաստատությունների և մարդու իրավունքների գրասենյակի (ԵԱՀԿ/ԺՀՄԻԳ) դիտորդական առաքելության ղեկավար Յոհան Մարֆիի և ղեկավարի տեղակալ Ստեֆան Կրաուսի հետ: Տեղեկությունը հայտնում է ԱԺ մամուլի ծառայությունը։

Միրզոյանն ընդգծել է ԵԱՀԿ/ԺՀՄԻԳ մեծաքանակ դիտորդական առաքելության ներկայությունը Հայաստանում և կարևորել պետության հավատարմությունն ազատ, արդար, թափանցիկ և ժողովրդավար ընտրությունների անցկացման հարցում:

Յոհան Մարֆին փաստել է, որ այս ընթացքում պետական բոլոր ինստիտուտներն ակտիվորեն համագործակցել և աջակցել են առաքելության աշխատանքներին ու տեղեկացրել, որ բացի երկարաժամկետ դիտորդներից վաղը ընտրատեղամասերում դիտորդական առաքելություն կիրականացնեն ևս 300 կարճաժամկետ դիտորդներ՝ Երևանում և Հայաստանի բոլոր մարզերում:

Հիշեցնենք` Միրզոյանն այսօր ընդունել էր նաև ՀԱՊԿ խորհրդարանական վեհաժողովի դիտորդական առաքելության անդամներին:

Ազգային ժողովի նախագահը կարևորել էր կազմակերպության կողմից Հայաստանում դիտորդական առաքելություն իրականացնելու պատրաստակամությունը և հավաստիացրել է, որ ընտրությունները լինելու են ազատ և թափանցիկ՝ համապատասխանելով ոչ միայն ՀՀ օրենսդրությանը, այլև միջազգային չափանիշերին:

Հիշեցնենք` Հայաստանում ԱԺ արտահերթ ընտրություններ են նախատեսված վաղը` հունիսի 20-ին։

0
թեգերը:
ԵԱՀԿ, Արարատ Միրզոյան, Հայաստան