Զինծառայող Վահրամ Ավագյանի հուղարկավորությունը

«Որդուս մարմնի վրա 2 կրակոցի հետք կար». հարազատները պատմում են մահացած զինվորի մասին

2981
(Թարմացված է 15:12 03.02.2020)
Վահրամ Ավագյանի հայրն ասում է, որ դիահերձման ժամանակ ներկա է եղել, մահացու կրակոցը վերևից ներքև էր` փամփուշտ կրծքավանդակից մտել էր, երիկամներին մոտ դուրս եկել։

ԵՐԵՎԱՆ, 2 փետրվարի — Sputnik, Մարիաննա Փայտյան. Արմավիրի մարզի Հայթաղ գյուղում ասեղ գցելու տեղ չկար։ Գյուղ ես մտնում, էլ հարցուփորձ անելու կարիք չկա, մեքենաների ու մարդկանց հոսքն ուղղորդում են դեպի Ավագյանների տուն։ Հարազատներ, ծանոթ ու անծանոթներ, ամբողջ գյուղն է եկել ընտանիքի կրտսերին` Վահրամին վերջին հրաժեշտը տալու։

Վահրամը 4 եղբայրներից կրտսերն էր։ Դպրոցն ուշ էր ավարտել, դրա համար էլ ծառայության ուշ էր գնացել։ Համագյուղացիներից ով Վահրամի անունն է լսում, աչքերը միանգամից արցունքոտվում են, ձայնը` սեղմվում։ Վահրամին բոլորը սիրում էին դաստիարակված լինելու, համեստության համար, ասում են` մեծին հարգել գիտեր, օգնում էր բոլորին։

«Թե ինչքան լավ տղա էր, ինչքան էին բոլորը նրան սիրում, հարգում, կարող եք պատկերացում կազմել նրանից, թե ինչքան մարդ էր բողոքի ժամանակ Երևան քայլում, ինչքան մարդ էր թաղմանը մասնակցում»,– հուղարկավորությունից հետո ասում է Վահրամի հորեղբայրը։

Ամեն րոպե շուրջս հավաքված հարազատների թիվն ավելանում է։ Մեկը մյուսին հերթ չտալով` Վահրամի ուժեղ ու ազնիվ տեսակի մասին մի բան են պատմում։ Նրանց շարքում երկու գլխահակ երիտասարդ են կանգնած` Վահրամի ավագ եղբայրներն են, լուռ լսում են եղբոր մասին պատմությունները։

«Վստա՞հ եք, որ ինքնասպանություն չէր գործի»,– հարցնում եմ ես։

Կողքիս կանգնած ալեհեր, արևից խանձված դեմքով տղամարդն առանց դեմքիս նայելու գլուխն է տարուբերում։ Հարցնում եմ` հորեղբա՞յրն եք։ «Ոչ, հայրն եմ. ինքը երբեք իր վրա ձեռք չէր բարձրացնի»։

Похороны Ваграма Авакяна
© Sputnik / ASATUR YESAYANTS
Զինծառայող Վահրամ Ավագյանի հուղարկավորությունը

Նրա խոսքը շարունակում է եղբորորդին` Հովիկը. «Ինձ նայեք, իմ նման թիկնեղ, հաղթանդամ էլ Վահրամն էր: Կոտրվող տղա չէր, պինդ էր»։

Հավաքված հարազատներից ամեն մեկն իր հերթին Վահրամին է նկարագրում.

«Պինդ տղա էր, իրեն ոչ մեկ չէր խեղճացնի»։

«Ուժեղ բազուկներ ուներ, օձերի, կարիճների մեջ գործ էր անում, ընտանիքին օգնում»։

«Ուրախությամբ էր ծառայում։ Գնացել էր սահման պահեր, բայց թուրքի ձեռքով չգնաց»,– ասում է Վահրամի հայրը:

Ինքնասպանության վարկածին հավատալ կտրականապես հրաժարվում են։ Ասում են` մենք մեր տղայի մարմինը տեսել ենք, մենք գիտենք։ Հայրն ասում է, որ դիահերձման ժամանակ ներկա է եղել, մահացու կրակոցը վերևից ներքև էր` փամփուշտը կրծքավանդակից էր մտել, երիկամների մոտ դուրս եկել, բացի այդ, ասում է, որ տղայի վրա 2 կրակոցի հետք կար։

Վահրամը 6 ամիս առաջ էր մեկնել ծառայության։ Այնքան էր աչքի ընկել իր լավ, օրինակելի վարքով, որ հունվարի 3-ին նրան 10-օրյա արձակուրդ էին տվել։ Հարազատներն ասում են` լավ տրամադրություն ուներ, մտահոգ չէր, լարված չէր, ուրախությամբ էլ հունվարի 13-ին վերադարձավ ծառայության։ Այն, որ ծառայակիցների հետ ինչ–որ խնդիր ուներ, գիտեին, բայց լուրջ չեն վերաբերվել։ Հորեղբոր տղան ասում է` նորմալ է, ամեն նորակոչիկ փորձում է, ինչպես ասում են, իր դիրքը դնել, այդ ընթացքում խնդիրներ լինում են։

Վահրամի հորեղբայրն ասում է, որ ինքն ու եղբայրն իրենց պարտքը հայրենիքի հանդեպ կատարել են` իր տղան ու եղբոր 3 որդիներն էլ ծառայեցին, վերադարձան։ Իրենք այսօր այս բողոքի ցույցն արեցին ազգի համար, որ նման ողբերգություն էլ ոչ մի ընտանիքում չլինի։

Հավելում է, որ ճանապարհից հետ եկան, որովհետև հավատում են նախարար Դավիթ Տոնոյանի խոսքին. նա խոստացել է` այս գործը մինչև վերջ է տանելու, որ եղելությունն ամբողջովին բացահայտվի, մեղավորները պատժվեն։

«Խոսեցինք ինչպես տղամարդը տղամարդու հետ։ Ինքը տղամարդու խոսք է տվել, մենք վստահում ենք իրեն, հանգիստ ենք հիմա, գիտենք, որ սա ծածկադմփոց չի արվելու»,– ցավի մեջ մխիթարությունը գտած` ասում են հարազատները։

Похороны Ваграма Авакяна
© Sputnik / ASATUR YESAYANTS
Զինծառայող Վահրամ Ավագյանի հուղարկավորությունը

Ավելի վաղ հայտնել էինք, որ հունվարի 30-ին Արցախում մահացած ժամկետային զինծառայող Վահրամ Ավագյանի հարազատներն այսօր նրա դագաղը ոտքով տեղափոխում են Երևան: Նրանք չեն հավատում, որ իրենց որդին ինքնասպան է եղել և պահանջում են արդար քննություն։ Ճանապարհին հարազատների հետ հանդիպման էր եկել ՀՀ պաշտպանության նախարար Դավիթ Տոնոյանը։ Նա հայտնել էր, որ գործով 3 ձերբակալված կա և նշել, որ մինչև չապացուցվի` ինքնասպանություն եղել է, թե չի եղել, որևէ մեկը որևիցե մեկնաբանություն անելու իրավունք չունի։ Տոնոյանի հետ զրույցից հետո զինծառայողի հարազատները հետ վերադարձան` զինվորին հուղարկավորելու։

«Շատ խելոք, դաստիարակված երեխա էր». համագյուղացիները պատմել են մահացած զինծառայողի մասին

Այնուհետև ՀՀ Քննչական կոմիտեն հաղորդագրություն տարածեց` նշելով, որ  Վահրամ Մկրտիչի Ավագյանի մահվան դեպքի առթիվ հարուցված քրեական գործի շրջանակում ձերբակալվել են Ավագյանի համածառայակիցներ Դավիթ Առաքելի Մովսիսյանը, Խաչիկ Արմենի Գասպարյանը, Սպարտակ Արթուրի Ավետիսյանը:

Հիշեցնենք` Արցախի պաշտպանական գերատեսչության հաղորդմամբ` հունվարի 30-ին, ժամը 13:15-ի սահմանում, ՊԲ կենտրոնական ենթակայությամբ գործող զորամասերից մեկում, դեռևս չպարզված հանգամանքներում, մահացու հրազենային վիրավորում էր ստացել ՊԲ զինծառայող, 2000թ. ծնված Վահրամ Մկրտիչի Ավագյանը:

2981
թեգերը:
թաղում, Վահրամ Ավագյան (մահացած զինվոր), հայր, Արցախ, ինքնասպանություն, Սպանություն, Մահ, Զինվոր, Արմավիր, Հայաստան
Ըստ թեմայի
Առաքել Մովսիսյանի որդին ձերբակալվել է զինծառայողի մահվան գործով
Երրորդ անձ և հետքերը վերացնող կա՞. պաշտպանը զինվորի մահվան գործով այլ վարկած է ասում
Մահացել է ՈւՀԱ-ի «Հայկական հավաքական» թիմի անդամ Հովիկ Գրիգորյանը
Հայկական ԱԷԿ

Հայկական ԱԷԿ-ում սկսվել են ռեակտորի վերականգնողական նախապատրաստական աշխատանքները

14
(Թարմացված է 17:37 25.11.2020)
Ռեակտորի թրծաթողումը համարվում է մետաղի վերականգնման ամենաարդյունավետ միջոց։ Այս գործողությունը թույլ է տալիս ռեակտորի մետաղի շահագործման բնութագրերը 80-ից 85 տոկոսով վերադարձնել ելակետային վիճակին՝ երկարաձգելով դրա շահագործմամ ժամկետը։

ԵՐԵՎԱՆ, 25 նոյեմբերի - Sputnik. Հայկական ԱԷԿ-ում մեկնարկել են ռեակտորի իրանի վերականգնողական թրծաթողման նախապատրաստական աշխատանքները:

Հայկական ԱԷԿ-ի աշխատակիցները ռուսաստանյան  մասնագետների հետ միասին կհավաքեն ռեակտորի թրծաթողման կայանքը, կկատարեն դրա համապարփակ ստուգումը, ինչպես նաև ռեակտորի կորպուսի  անհրաժեշտ հաշվարկները և նյութագիտական ուսումնասիրությունները:

Թրծաթողման աշխատանքներն իրականացվում են «Ռուսատոմ Սերվիս» ԲԸ հետ կնքված՝ Հայկական ԱԷԿ-ի  արդիականացման և անվտանգության մակարդակի բարձրացմանն ուղղված պայմանագրի շրջանակներում: Ռեակտորի թրծաթողումը կմեկնարկի 2021 թվականին կայանում պլանային նախազգուշական վերանորոգման աշխատանքների ընթացքում։ Այդ աշխատանքները նախատեսված է իրականացնել մայիս-հոկտեմբեր ամիսներին։ Ռեակտորի թրծման աշխատանքների կապակցությամբ ՊՆՎ-2021 կտևի սովորականից ավելի երկար՝ շուրջ 140 օր։

Ալիևի խորհրդականը վստահեցրել է, որ Մեծամորի ԱԷԿ-ին հարվածելու հարց օրակարգում չի եղել

Ռեակտորի թրծաթողումը համարվում է մետաղի վերականգնման ամենաարդյունավետ միջոց․ ռեակտորի իրանը թրծաթողման կայանքի օգնությամբ տաքացվում է մինչև 475 աստիճան, պահվում այդ ջերմաստիճանում 150 ժամ, որից հետո տեղի է ունենում դանդաղ սառեցումը։ Այս գործողությունը թույլ կտա ռեակտորի մետաղի շահագործման բնութագրերը 80-ից 85 տոկոսով վերադարձնել ելակետային վիճակին, այսպիսով երկարացնել դրա շահագործմամ ժամկետը։

Թրծաթողման աշխատանքները կանցկացվեն «Ատոմէներգորեմոնտ» ԲԸ մասնագետների մասնակցությամբ։

Նշենք, որ  «Ատոմէներգորեմոնտ»-ը Ռուսաստանի ամենամեծ ընկերությունն է ատոմակայանների տեխնիկական սպասարկման, սարքավորումների վերանորոգման և արդիականացման ոլորտում։

Հայկական ԱԷԿ-ը Հարավային Կովկասի միակ ատոմային կայանն է, այն արտադրում է Հայաստանի էլեկտրաէներգիայի ավելի քան 30 տոկոսը։ Ատոմային էներգետիկայի բնագավառում Հայաստանի և Ռուսաստանի առանցքային նախագիծն է Հայկական ԱԷԿ-ի երկրորդ էներգաբլոկի արդիականացումն ու շահագործան ժամկետի երկարաձգումը։ Երկրորդ էներգաբլոկը վերագործարկվել է շուրջ 6.5 տարվա դադարից հետո։ Կայանը կարևորագույն դեր է խաղում Հայաստանի էներգահամակարգի զարգացման և երկրի սոցիալ-տնտեսական կյանքի համար։

Հայկական ԱԷԿ-ի շահագործման ժամկետի երկարաձգման նախագծի գլխավոր կապալառուն է «Ռուսատոմ Սերվիս» ընկերությունը։

Այսօր «Ռոսատոմը» միավորում է ավելի քան 300 ձեռնարկություն և կազմակերպություն, ընդհանուր առմամբ դրանցում աշխատում է շուրջ 250 հազար մարդ:

14
թեգերը:
«Ռոսատոմ», Ռուսաստան, Հայաստանի Ատոմային էլեկտրակայան (ԱԷԿ)
Ըստ թեմայի
Պապիկյանն ԱԷԿ–ին հարվածելու թեմայով խոսել է Ատոմային էներգիայի գործակալության տնօրենի հետ
Չնայած ԱՄՆ պատժամիջոցներին` Իրանը կշարունակի էներգետիկ համագործակցությունը ՀՀ–ի հետ. Զարիֆ
Մինչև 6 ժամ էներգիայի անջատումներ են լինելու Երևանի և Կոտայքի մարզի որոշ հասցեներում
Զառա Ամատունի

Գերիների փոխանակում դեռևս չի իրականացվել. ԿԽՄԿ

939
(Թարմացված է 17:56 25.11.2020)
Զառա Ամատունին Sputnik Արմենիայի հետ զրույցում հայտնել է` գերիների փոխանակման գործընթաց տեղի չի ունեցել։

ԵՐԵՎԱՆ, 25 նոյեմբերի - Sputnik. ԿԽՄԿ հայաստանյան գրասենյակն առայսօր Հայաստանի և Ադրբեջանի միջև ռազմագերիների փոխանակում չի իրականացրել։ Sputnik Արմենիայի հետ զրույցում հայտնեց ԿԽՄԿ հայաստանյան գրասենյակի մամուլի պատասխանատու Զառա Ամատունին։

«Մինչ այսօր Կարմիր խաչի գործադրած ջանքերի շնորհիվ հայկական կողմին է փոխանցվել տարեց մի կին և մեկ քաղաքացու դի։ Գերիների փոխանակման այլ գործընթաց տեղի չի ունեցել»,–ասաց Ամատունին։

Նշենք, որ տարածաշրջանում միայն Կարմիր խաչի միջազգային կոմիտեն է զբաղվում գերիների` հայրենիք վերադառնալու հարցերով։

Հիշեցնենք` լրագրողների հետ ճեպազրույցում իմքայլական պատգամավոր Նազելի Բաղդասարյանն այսօր ասել էր, որ նախօրեին դիերի փոխանակում եղել է, սակայն թվեր հայտնել չի կարող: 

Դիերի անարգանքի, գերիների խոշտանգման տեսանյութերն իրական են. ՄԻՊ–ը պատասխանել է Ադրբեջանին

Այս օրերին բողոքի ակցիաներ են տեղի ունենում տարբեր գերատեսչությունների առջև. անհետ կորածների և գերիների ծնողները պահանջում են, որպեսզի իրենց երեխաների մասին ինչ–որ լուր հայտնեն։

Հավելենք, որ արցախյան պատերազմի ժամանակ հայկական կողմի գերիների ու անհետ կորածների թվի մասին պաշտոնական տվյալներ չկան։

Նոյեմբերի 20-ի տվյալներով՝ Արցախի ՊԲ-ն հրապարակել է 1678 զոհվածների անուններ։

939
թեգերը:
Արցախյան պատերազմ, Կարմիր խաչ, գերի
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Կարմիր խաչն այցելել է Ադրբեջանում պահվող հայ գերիներին
Արցախի ԱԳ նախարարն ընդունել է Կարմիր խաչի պատվիրակությանը
Ռուսաստանը Կարմիր խաչին 2 մլն եվրո է փոխանցել` Արցախում կատարվելիք գործողությունների համար
Նիկոլ Փաշինյանն ու Արմեն Սարգսյանը. արխիվային լուսանկար

Հավակնո՞ւմ է արդյոք վարչապետ դառնալ. պատասխանում է ՀՀ նախագահ Արմեն Սարգսյանը

0
(Թարմացված է 18:24 25.11.2020)
ՀՀ նախագահ Արմեն Սարգսյանն ընդգծել է, որ ինքն իր պոտենցիալի ընդամենը 5–10 տոկոսն է կարողանում օգտագործել։

ԵՐԵՎԱՆ, 25 նոյեմբերի – Sputnik. ՀՀ նախագահ Արմեն Սարգսյանը վստահեցնում է, որ վարչապետ դառնալու հավակնության մասին նույնիսկ խոսք լինել չի կարող։ Նա այս մասին հայտարարել է Հանրային հեռուստաընկերության «Լուրեր» ծրագրին տված հարազրույցում։

«Վարչապետ եմ եղել 25 տարի առաջ, և երբ վարչապետ էի, երիտասարդ էի, գիտեի՝ ինչ եմ ուզում, հստակ ծրագիր ունեի։ Բայց Աստծո կամքն էր՝ որոշ ժամանակ վարչապետ լինելուց հետո ստիպված մեկուկես տարի անցկացրի հիվանդանոցում՝ բուժվելով շատ ծանր հիվանդությունից։ Ես նախագահ եմ և, նույնիսկ հայկական խորհրդարանական երկրում, որտեղ նախագահի գործառույթները շատ-շատ սահմանափակ են, նախագահն ունի որոշակի հստակ պարտականություններ և հնարավորություն աջակցելու համար»,–ասել է Սարգսյանը։

Նրա խոսքով` նախագահական ինստիտուտն այն հարթակը պետք է լինի, որ ճգնաժամային պայմանների դեպքում, ինչն ունենք այսօր, օգտագործվի և՛ իշխանության, և՛ ընդդիմության կողմից, որպեսզի առճակատումը փողոցից գա սեղանի շուրջ:

Նախագահը կարծիք է հայտնել, որ ճշմարտությունը գտնելու համար պետք չէ անպայման փողոց դուրս գալ: Սարգսյանն ասել է, որ ճգնաժամը չի որոշվում փողոցում մարդկանց քանակով, քանի որ Հայաստանում մենք ունենք իրապես խորը ճգնաժամ, և թե ինչու փողոցում 100 կամ 200 հազար մարդ չկա, պարզ վերլուծությամբ կարող ենք հասկանալ:

Սակայն, ըստ նրա, ունենք ճգնաժամ ոչ միայն Հայաստանում։ Ընդհանրապես, ողջ հայ ժողովրդի համար բարոյահոգեբանական խորը կորստի ճգնաժամ է:

«Դա կա ցանկացած հայի մոտ` Հորդանանում, Մոսկվայում, Կալիֆոռնիայում: Ունենք տնտեսական և քաղաքական ճգնաժամ Հայաստանում, և ունենք ընդհանրապես Հայաստանի հետ կապված ճգնաժամ դրսի հետ՝ միջազգային հարաբերություններում, որովհետև մեր երկրի և մեր ազգի կերպարն ու պատկերը շատ դրական չէ ներկայում»,–ասել է նախագահը։

Նրա խոսքով` մենք տանուլ ենք տվել նաև հանրային պատերազմը, և եթե 1994–ին ունեինք աշխարհ, որը շատ բարյացկամ էր վերաբերվում մեզ, մեր խնդիրներին և ղարաբաղյան պայքարին, ապա այսօր այդպես չէ, որովհետև հակառակորդը տարիներով նպատակաուղղված աշխատել է, իսկ մենք այդ գործը չենք արել:

Հետևաբար, Սարգսյանի խոսքով, հանրապետության նախագահը շատ անելիք ունի և չի մտածում վարչապետ լինելու մասին, բայց պատրաստ է ժողովրդի կողմից ընտրված ցանկացած կառավարության և վարչապետի հետ աշխատել և իր ներդրումը բերել:

Սարգսյանը նաև ընդգծել է, որ ինքն իր պոտենցիալի ընդամենը 5–10 տոկոսն է կարողանում օգտագործել՝ լինի դա սահմանադրական սահմանափակումների պատճառով, համագործակցության հանդեպ իր գործընկերների ոչ բաց լինելու պատճառով...

Սարգսյանն ասում է` շատ ավելին կարող է անել և՛ միջազգային հարաբերութուններում, և՛ միջազգային տնտեսական, և՛ ներդրումային, և՛ մշակութային, և՛ դիվանագիտության ոլորտներում, բայց անում է շատ քիչ:

«Դա ինձ համար բավականին ծանր է, որովհետև ուզում եմ աշխատել։ Իհարկե աշխատում եմ, բայց կարծում եմ՝ շատ ավելին կարող եմ անել»,- ասել է նա:

0