Հովիկ Գրիգորյան

Մահացել է ՈւՀԱ-ի «Հայկական հավաքական» թիմի անդամ Հովիկ Գրիգորյանը

619
(Թարմացված է 15:13 02.02.2020)
ՈւՀԱ-ի միջազգային միությունը ցավակցություն է հայտնել Հովիկ Գրիգորյանի հարազատներին ու մտերիմներին։

ԵՐԵՎԱՆ, 2 փետրվարի — Sputnik. Մահացել է Ուրախների և հնարամիտների ակումբի «Հայկական հավաքական» թիմի 25–ամյա անդամ Հովիկ Գրիգորյանը։ Տեղեկությունը տեղադրվել է ՈւՀԱ-ի Instagram–ի էջում` տղայի նկարին կից։

«2020թ.–ի փետրվարի 1–ին Հովիկը հեռացավ կյանքից։ Մենք շատ ճնշված ենք և շատ ենք ցավում»,–նկարին կից գրել են ՈւՀԱ-ի անդամները։

Ինչպես արդեն տեղեկացրել էինք, հունվարի 8-ին Հովիկն ուղեղի կաթված էր ստացել և տեղափոխվել հիվանդանոց։ Հունվարի 21-ին նրան դուրս էին գրել հիվանդանոցից, որովհետև իրեն լավ էր զգացել։ Բայց հունվարի 23-ին Հովիկը կորցրել է գիտակցությունը և տեղափոխվել վերակենդանացման բաժանմունք։ Օրեր շարունակ նա կոմայի մեջ էր։ՈւՀԱ–ի «Հայկական հավաքական» թիմը սկսել էր գումար հավաքել ընկերոջ վիրահատության համար, սակայն…

«Դուրս կգանք բեմ ու ելույթ կունենանք Հովիկի համար». ՈՒՀԱ–ի անդամները կշարունակեն պայքարը

ՈւՀԱ-ի միջազգային միությունը ցավակցություն է հայտնել Հովիկ Գրիգորյանի հարազատներին ու մտերիմներին։

619
թեգերը:
Ուրախների և հնարամիտների ակումբ (ՈւՀԱ), Հովիկ Գրիգորյան, տղա, Երիտասարդ, Մահ