Գյումրու ինֆեկցիոն հիվանդանոց

Քիչ համբուրվեք. Գյումրու ինֆեկցիոն հիվանդանոցում ազատ մահճակալ գրեթե չկա

1391
(Թարմացված է 21:45 01.02.2020)
Վերջին օրերին Գյումրու Ինֆեկցիոն հիվանդանոց դիմողների թիվն ավելացել է։ Բժիշկը, ի թիվս մի շարք խորհուրդների, հորդորում է սահմանափակել համբույրով ողջագուրվելը։

ԵՐԵՎԱՆ, 1 փետրվարի – Sputnik. Գյումրու ինֆեկցիոն հիվանդանոցում լարված են աշխատում: Բուժհաստատության մեծահասակների բաժանմունքի վարիչ Կարինե Հովհաննիսյանը Sputnik Արմենիային հայտնեց, որ հիվանդանոցային զբաղվածությունը գրեթե 98 տոկոսի է հասնում:

«Հիմա աշխատում ենք, որ ովքեր անհրաժեշտություն ունեն բուժզննման, առանց բժիշկի խորհրդատվության ու առանց օգնության դրսում չմնան»,- նշեց նա:

Заведующая отделением взрослых инфекционной больницы в Гюмри Карине Тоноян
© Sputnik / Armenuhi Mkhoyan
Կարինե Հովհաննիսյան

Հոդամկանացավ, բարձր ջերմություն, թուլություն, հիպերթերմիկ երևույթ հազ. մարդիկ հիմնականում այս ախտանիշներով են դիմում հիվանդանոց:

Թունավորում շմոլ գազից. ընտանիքի 4 երեխան հիվանդանոցում են

Այս պահին հիվանդներից միայն երկուսի մոտ է թոքաբորբ ախտորոշվել, մյուսների դեպքում` հիմնականում H1N1՝ տրախեիտ, բրոնխիտ, տրախեոբրոնխիտ:

Инфекционная больница в Гюмри
© Sputnik / Armenuhi Mkhoyan
Գյումրու ինֆեկցիոն հիվանդանոց

Հիվանդանոց ավելի շատ դիմում են մեծահասակները:

Երևանի հիվանդանոցներից մեկում գտնվող չինացիների մոտ կորոնավիրուսին բնորոշ ախտանշան չկա

«Հիպերթերմիայի դեպքում՝ 39-40 աստիճան ջերմությամբ, անմիջապես հոսպիտալացնում ենք: Հիմա մանկական բաժանմունքում ունենք հոսպիտալացված 22 հիվանդ, բայց նրանց թիվն օր օրի ավելանում է, ամեն օրվա ավարտին թիվն աճում է: Մեծահասակների բաժանմունքում 14 հիվանդ կա, որը բավականին լուրջ թիվ է: Այստեղ ոչ միայն H1N1, այլ նաև սուր ռեսպերատոր տարբեր վարակներն են»,- ասաց Հովհաննիսյանը՝ դեպքերի աճը պայմանավորելով սեզոնի և տեղումների բացակայության հետ:

Инфекционная больница в Гюмри
© Sputnik / Armenuhi Mkhoyan
Գյումրու ինֆեկցիոն հիվանդանոց

Մասնագետը չվարակվելու համար խորհուրդ է տալիս սահմանափակել շփումը, հյուրընկալությունները, պահպանել անձնական հիգիենայի կանոնները՝ ձեռքերը հաճախակի լվալ, սենյակներն օդափոխել, շատ հեղուկ խմել, միրգ ու բանջարեղեն ուտել, սնվել ռեժիմով և ամենակարևորը՝ սահմանափակել համբույրով ողջագուրվելը:

Նշենք, որ Գյումրու ինֆեկցիոն հիվանդանոցը մարզային բուժհաստատություն է, հիվանդները ոչ միայն Գյումրիից են, այլ նաև մարզի մյուս համայնքներից:

Инфекционная больница в Гюмри
© Sputnik / Armenuhi Mkhoyan
Գյումրու ինֆեկցիոն հիվանդանոց

 

1391
թեգերը:
հիվանդանոց, հիվանդ, Գյումրի, Հայաստան
Ըստ թեմայի
Կորոնավիրուսի պատճառով Հայաստանը կասեցնում է Չինաստանի հետ մուտքի վիզայի ազատ ռեժիմը
Հայաստանում 99.9 տոկոսով կորոնավիրուս չկա. Թորոսյան
Ինչպես պայքարել կորոնավիրուսի դեմ. Դալայ լաման իր մեթոդն է առաջարկել
Խաչատրյանը` կորոնավիրուսի մասին. «Չինաստանի առումով սպասելն ու հետևելն ավելի ճիշտ կլինի»
Դպրոց

Երևանի 6 դպրոցների տնօրեններին նկատողություն է տրվել

62
(Թարմացված է 20:30 03.06.2020)
Կրթության վկայականների հանձնման միջոցառման ընթացքում մի շարք դպրոցներ չեն պահպանել անհրաժեշտ կանոնները։

ԵՐԵՎԱՆ, 3 հունիսի – Sputnik. Երևանի քաղաքապետարանը տեղեկացնում է, որ Երևանի վեց դպրոցների տնօրեններին հայտարարվել է նկատողություն։

«Այսօր 9-րդ դասարանի շրջանավարտների հիմնական կրթության վկայականների հանձնման միջոցառման ընթացքում պարետատան կողմից սահմանված անվտանգության կանոնները պատշաճ չպահպանելու համար 6 դպրոցի տնօրեններին հայտարարվել է նկատողություն»,–նշված է հաղորդագրության մեջ։

Նկատողություն են ստացել Երևանի Մոնթե Մելքոնյանի անվան հ․11 հիմնական դպրոցի տնօրեն Գայանե Միրզոյանը, հ․98 հիմնական դպրոցի տնօրեն Մարիաննա Ավագյանը, Արմեն Հովհաննիսյանի անվան հ․194 հիմնական դպրոցի տնօրեն Նունե Մանուկյանը, Հ․Իսակովի անվան հ․132 հիմնական դպրոցի տնօրեն Լիլիթ Հովհաննիսյանը, Պուշկինի անվան հ․8 հիմնական դպրոցի տնօրեն Նատալյա Ստեփանյանը, հ․120 հիմնական դպրոցի տնօրեն Արմինե Քոչարյանը։

Անսպասելի «ռեյդեր» և շարժական անցակետեր. ոստիկանությունը «ներում–բեկում» չի ունենա

Հիշեցնենք, որ ՀՀ վարչապետ Նիկոլ Փաշինյանը երեկվանից ֆլեշմոբ է սկսել. նա դիմել է ՀՀ քաղաքացիներին, որ իրեն ուղարկեն հակահամաճարակային կանոնների խախտման մասին փաստող լուսանկարներ և տեսանյութեր։ Դրանք Փաշինյանը հրապարակում է ֆեյսբուքյան իր էջում։

62
թեգերը:
կարանտին, Երևանի քաղաքապետարան, Տնօրեն, դպրոց, Երևան
Ըստ թեմայի
ՀՀ նախագահը կորոնավիրուսի թեման քննարկել է մի շարք նախկին պաշտոնյաների հետ
Հանրային բաց վայրերում դիմակ կրելը պարտադիր կլինի. Տիգրան Ավինյան
Կորոնավիրուսից մահացածների տվյալների հրապարակման դեպքով քրեական գործ է հարուցվել
Տիգրան Ավինյան

Հանրային բաց վայրերում դիմակ կրելը պարտադիր կլինի. Տիգրան Ավինյան

307
(Թարմացված է 19:43 03.06.2020)
Պարետ հասկանում է, որ դիմակ կրելը շատ անհարմար է, բայց այս փուլում միայն այդ միջոցն է մնացել։

ԵՐԵՎԱՆ, 3 հունիսի – Sputnik. ՀՀ փոխվարչապետ, պարետ Տիգրան Ավինյանն այսօր պարետատան նիստից հետո հայտնեց, որ պարետատունը նոր որոշում է կայացրել, ըստ որի` բնակելի տարածքից դուրս գտնվող հանրային բոլոր բաց տարածքներում դիմակ կրելը կլինի պարտադիր։

«Հանրային բաց վայրերում դիմակ կարող են չկրել մինչև 6 տարեկան երեխաները, ինչպես նաև հեծանիվ վարողներն ու ֆիզիկական վարժություններ անողները»,–ասաց նա։

Ավինյանի խոսքով` հասկանալի է, որ շատ անհարմար է նման եղանակին դիմակ կրելը, սակայն այս փուլում միայն նման միջոցն է մնացել։

Ավինյանը հայտնեց, որ իրենց գործիքակազմում ունեն նաև ծայրահեղ միջոցներ` պարետային ժամ սահմանել, վերադարձ տնտեսական գործունեության և տեղաշարժի սահմանափակման հարց, սակայն, ըստ նրա, ներկա իրավիճակում փորձում են դեռ չդիտարկել այդ գործիքակազմը։

Հիշեցնենք` ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Նշենք, որ վերջին մեկ օրում Հայաստանում կորոնավիրուսով վարակվածների թիվը մեկ օրում ավելացել է 515-ով և հասել 10524–ի։

Անսպասելի ռեյդեր և շարժական անցակետեր. ոստիկանությունը «ներում–բեկում» չի ունենա

307
թեգերը:
Տիգրան Ավինյան, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
«Լոռու մարզպետը քեֆ է անում, բայց ասում են` ժողովուրդ, լավ չնստեցիք ավտոբուս». Մարուքյան
Սևան քաղաքը կշարունակի փակ մնալ. Տիգրան Ավինյանը նոր որոշում է կայացրել
ԶՈւ–ում վարակվածները հիմնականում պայմանագրայիններն են և սպայական կազմը. Բալայան
Կաննի կիոնփառատոն

Հայ ռեժիսորի ֆիլմը ներկայացված է Կաննի փառատոնին

57
(Թարմացված է 00:04 04.06.2020)
Կաննի միջազգային 73-րդ կինոփառատոնն արդեն հայտարարել է այս տարվա իր ծրագիրը։

ԵՐԵՎԱՆ, 3 հունիսի – Sputnik. Կաննի միջազգային 73-րդ կինոփառատոնին այս տարի ներկայացված կլինի նաև հայ ռեժիսոր Նորա Մարտիրոսյանի «Եթե քամին վրա հասնի» ֆիլմը։ Տեղեկությունը Facebook–ի իր էջում հայտնել է «Ոսկե ծիրան» միջազգային կինոփառատոնի ծրագրերի տնօրեն Կարեն Ավետիսյանը։

Փառատոնի արտ-տնօրեն Թիերի Ֆրեմոն ու նախագահ Պիեր Լեսկյուրը հայտարարել են՝ ինչ ֆիլմեր են ընտրել Կաննի 73-րդ կինոփառատոնի համար։

The First Features ծրագրին մասնակցում է հայ ռեժիսոր Նորա Մարտիրոսյանի Si Le Vent Tombe (Should the wind fall) «Եթե քամին վրա հասնի» ֆիլմը, որը Բելգիայի, Ֆրանսիայի ու Հայաստանի համատեղ արտադրությունն է։

Գեղեցկության և շքեղության վերջին ակորդը Կաննում. կինոփառատոնի վերջին լուսանկարները

Սյուժեի համաձայն՝ միջազգային աուդիտոր Ալենն Արցախ է գալիս՝ ինքնահռչակ  հանրապետության օդանավակայանը գնահատելու համար, որպեսզի այն բացվի։ Էդգարը` տեղացի տղան, թափառում է օդանավակայանում ու տարօրինակ գործով է զբաղվում։ Վերջիվերջո տղամարդն ու տղան հանդիպում են։

Հիշեցնենք՝ Կաննի փառատոնը նախատեսված էր մայիսին, ինչպես ամեն տարի, սակայն համավարակի պատճառով փառատոնը չի կայանա, բայց կազմկոմիտեն որոշել է հայտարարել ընտրված ֆիլմերը։

57
թեգերը:
ֆիլմ, Արցախ, ռեժիսոր, հայ, Կաննի կինոփառատոն
Ըստ թեմայի
Սա տեսնել է պետք. Կանն եկած աստղերի զարդերն ու հանդերձանքը. լուսանկարներ
Հայտնի են Կաննի 72-րդ միջազգային կինոփառատոնի դափնեկիրները. լուսանկարներ
Դեկամերոն-2020 կամ կարանտինի կաննոնների պահպանման հայկական ձևն ու մեղավորները