Նարեկ Մալյան, Արթուր Դանիելյան. արխիվային լուսանկար

Ձերբակալվածների թիվը 3-ն է. Նարեկ Մալյանից բացի ձերբակալվել է ևս երկու ակտիվիստ

67
(Թարմացված է 16:03 28.01.2020)
Ոստիկանության 6-րդ վարչության մոտքի մոտ հավաքված լրագրողներին «Քաղաքացիական գիտակցություն» ՀԿ նախագահ Նարեկ Սամսոնյանը հայտնել է, թե ովքեր են ձերբակալված մյուս երկու քաղաքացիները։

ԵՐԵՎԱՆ, 28 հունվարի — Sputnik. «Վետո» քաղաքացիական նախաձեռնության հիմնադիր Նարեկ Մալյանից բացի ոստիկանությունը բերման է ենթարկել նաև «Ադեկվադ» կուսակցության անդամներ Կոնստանտին Տեր-Նակալյանին և Արթուր Դանիելյանին։

Այս մասին Ոստիկանության 6-րդ վարչության մոտքի մոտ հավաքված լրագրողներին հայտնեց «Քաղաքացիական գիտակցություն» ՀԿ նախագահ Նարեկ Սամսոնյանը։

Ոստիկանությունը facebook-ում հրապարակած տեղեկատվությամբ հայտնում է, որ Կոնստանտին Տեր-Նակալյանին ևս Քրեական ոստիկանության գլխավոր վարչության ծառայողները բերման են երթարկել ապօրինի զենք-զինամթերք պահելու կամ կրելու կասկածանքով։ 

Հիշեցնենք` ոստիկանությունն այսօր 13։30-ի սահմաններում բերման էր ենթարկել նաև «ՎԵՏՕ» շարժման հիմնադիր Նարեկ Մալյանին։ Ավելի ուշ հայտնի դարձավ, որ նա բերման է ենթարկվել ապօրինի զենք-զինամթերք պահելու կամ կրելու կասկածանքով։

67
թեգերը:
Արթուր Դանիելյան, Ձերբակալում, «Ադեկվադ» կուսակցություն, ՀՀ Ոստիկանություն, Նարեկ Մալյան
Ըստ թեմայի
Հայտնի է` ով է փոխարինելու Հենրիկ Հարթենյանին
Սահմանադրական դատարանում ստեղծված իրավիճակը շուտով կհանգուցալուծվի. Փաշինյան
Քանի դեռ ՍԴ–ում ճգնաժամը հաղթահարված չէ, շարունակելու են քայլեր ձեռնարկվել. ԱԽ քարտուղար
Բռնություն

Մանկատան երեխաներին ծեծել են փայտով, զրկել հիգիենայի միջոցներից. մանրամասներ

2
(Թարմացված է 18:21 22.09.2020)
Ոստիկանությունը պարզել է, որ մանկատան աշխատակիցները տարբեր պատրվակներով խփել են անչափահասներին, քաշել մազերը։

ԵՐԵՎԱՆ, 22 սեպտեմբերի — Sputnik. Ոստիկանությունը մանրամասներ է հայտնել `«Մանկան տուն» մանկատան երեխաներին ծեծելու առնչությամբ հարուցված քրգործի վերաբերյալ` տեղեկացնելով, որ երեխաները տևական ժամանակ զրկված են եղել կեցության նվազագույն պայմաններից։

«Պարզվել է, որ երեխաները զրկված են եղել անձնական հիգիենայի պահպանման միջոցներից: Բացի այդ, մանկատան աշխատակիցները տարբեր պատրվակներով փայտով, ձեռքերով խփել են անչափահասներին, քաշել մազերը` նրանց պատճառելով ֆիզիկական ցավ ու հոգեկան տառապանք»,–նշված է հաղորդագրության մեջ։

Հիշեցնենք, որ քննչական կոմիտեն տեղեկացրել էր`«Մանկան տուն» ՊՈԱԿ-ի երկու աշխատակցուհիներ ձերբակալվել են՝ սաների նկատմամբ ֆիզիկական ուժեղ ցավ կամ հոգեկան ուժեղ տառապանք պատճառելու կասկածանքով։

Փաստի առթիվ ոստիկանությունում սեպտեմբերի 18-ին հարուցվել է քրգործ՝ ՀՀ քրեական օրենսգրքի 119-րդ հոդվածի (Ֆիզիկական ուժեղ ցավ կամ հոգեկան ուժեղ տառապանք պատճառելը) 2-րդ մասի 3-րդ և 5-րդ կետերով»,-նշված է հաղորդագրության մեջ։

Ինչ վիճակում են Գյումրու «Երեխաների տուն» մանկատան երեխաները

2
թեգերը:
ՀՀ Ոստիկանություն, ծեծ, երեխա, մանկատուն
Ըստ թեմայի
Ինչու են մանկատան շրջանավարտներն անհավասար իրավիճակում հայտնվել. Բաթոյանի մեկնաբանությունը
Մանկատան ևս 24 շրջանավարտ բնակարանի գնման իրավունք կստանան. նրանց համար բացառություն արվեց
«Յուղոտ վերնագիր». կառավարությունը 166 բնակարան կնվիրի մանկատան շրջանավարտներին
Գագիկ Ծառուկյան

Կրկին քննվելու է Գագիկ Ծառուկյանին կալանավորելու վերաբերյալ ԱԱԾ քննիչի միջնորդությունը

13
(Թարմացված է 17:36 22.09.2020)
Գոռ Աբրահամյանի խոսքով` անընդունելի են դեռևս չկայացած դատական նիստի կանխորոշված ելքի վերաբերյալ հրապարակումները։

ԵՐԵՎԱՆ, 22 սեպտեմբերի - Sputnik. ՀՀ գլխավոր դատախազի խորհրդական Գոռ Աբրահամյանը պարզաբանել է, որ ԲՀԿ ղեկավար Գագիկ Ծառուկյանի նկատմամբ կալանքը որպես խափանման միջոց ընտրելու որևէ նոր միջնորդություն չի ներկայացվել դատարան: Աբրահամյանը Facebook-ի իր էջում պարզաբանում է տարածել` անդրադառնալով շրջանառվող լուրերին։

«Վաղը կայանալիք դատական նիստում քննարկվելու է այն միջնորդությունը, որի կապակցությամբ առաջին ատյանի դատարանի կայացրած մերժման որոշումը դատախազության կողմից բողոքարկվել էր ՀՀ վերաքննիչ դատարան։ Վերաքննիչն էլ որոշել էր դատախազության բողոքը մասնակիորեն բավարարելու, առաջին ատյանի դատարանի դատական ակտը բեկանելու և նույն դատարան նոր քննության ուղարկել»,–գրել է նա։

Աբրահամյանի խոսքով` խնդիրն այն է, որ ՀՀ վճռաբեկ դատարանը կայացրել է վերաքննիչ դատարանի վերոնշյալ որոշման դեմ դատախազության և պաշտպանության կողմի ներկայացրած բողոքները վարույթ չընդունելու մասին որոշում։ Այսինքն` ուժի մեջ է մտել Վերաքննիչ դատարանի որոշումը, որի հիմքով էլ Առաջին ատյանի դատարանը միջնորդությունը կրկին քննելու համար դատական նիստ է նշանակել:

Այս իմաստով, ըստ Աբրահամյանի, ուղղակի անընդունելի են դեռևս չկայացած դատական նիստի կանխորոշված ելքի վերաբերյալ հրապարակումները, ինչպես նաև բացարձակապես իրավական հարթությունում գտնվող գործընթացը քաղաքականացնելու և ինչ-որ քաղաքական հայտարարությունների լույսի ներքո ներկայացնելու մանիպուլյատիվ փորձերը:

«Կանխելու եմ հակառուսական տրամադրությունները»․ Գագիկ Ծառուկյան

Հիշեցնենք, որ Երևանի ընդհանուր իրավասության դատարանի Կենտրոն նստավայրում վաղը ժամը 11։00-ին քննվելու է ԲՀԿ առաջնորդ Գագիկ Ծառուկյանին կալանավորելու վերաբերյալ ԱԱԾ քննիչի միջնորդությունը։ Ավելի վաղ լուրեր էին շրջանառվել, որ առաջիկա երկու օրերին Ծառուկյանը, ամենայն հավանականությամբ, կկալանավորվի:

Ավելի վաղ՝ հունիսի 14-ին, ԱԱԾ-ն խուզարկություն էր իրականացրել Գագիկ Ծառուկյանի առանձնատանը: Ավելի ուշ հայտնի դարձավ, որ նրա դեմ 3 քրեական գործ է հարուցվել ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։

Հունիսի 30-ին պարզվեց, որ Ծառուկյանը կորոնավիրուսով է վարակվել։ Վերջին դատական նիստերին նա չէր գալիս։

13
թեգերը:
ՀՀ ազգային անվտանգության ծառայություն. ԱԱԾ, կալանք, դատ, Գագիկ Ծառուկյան
թեմա:
Գագիկ Ծառուկյանի շուրջ ծավալված իրադարձությունները
Ըստ թեմայի
«Ցածր մակարդակի դիսկուրսի մեջ ներքաշելու ցանկություն չունեմ». Ծառուկյանը նշում է խնդիրները
ՊԵԿ-ում Ծառուկյանին առնչվող նոր քրեական գործ է հարուցվել
Դատախազությունը բողոքարկել է Միքայել Մինասյանի կալանավորումը մերժելու որոշումը
Լևոն Արոնյան

Լևոն Արոնյանն ու Սերգեյ Մովսեսյանը դարձել են Գերմանիայի Բունդեսլիգայի չեմպիոններ

0
Նշենք, որ գերմանական ակումբը վերջին 15 տարվա մեջ 14-րդ անգամ դարձավ Բունդեսլիգայի չեմպիոն։

ԵՐԵՎԱՆ, 22 սեպտեմբերի - Sputnik. Շախմատիստներ Լևոն Արոնյանն ու Սերգեյ Մովսեսյանը «Բադեն-Բադենի» կազմում դարձել են Գերմանիայի թիմային առաջնության` Բունդեսլիգայի չեմպիոն, տեղեկացնում է armsport-ը։։

Մրցաշարն անցկացվաել է սեպտեմբերի 16-20-ը Կարլսրուե քաղաքում։ «Բադեն-Բադենը» 7 տուրերում հաղթեց բոլոր մրցակիցներին։

Արոնյանը 4 պարտիա անցկացրեց մրցաշարում և բոլոր 4 պարտիաներն էլ ավարտեց ոչ-ոքի: Մովսեսյանը 3 պարտիա անցկացրեց՝ բոլորն ավարտելով հաղթանակով:

Գերմանական ակումբը վերջին 15 տարվա մեջ 14-րդ անգամ դարձավ Բունդեսլիգայի չեմպիոն։

0