Երեք աշխատող արագաչափ կա ամբողջ Գյումրիում. ավտովթարներն ու երթևեկության մշակույթի պակասը
(Թարմացված է 10:48 27.01.2020)
Գյումրիում հարթ ու ասֆալտապատ փողոցներն ավելացել են, բայց ճանապարհատրանսպորտային պատահարները չեն քչացել։ Արագության գերազանցման դեպքերը շատ են, որովհետև քաղաքում միայն 3 աշխատող արագաչափ կա:ԵՐԵՎԱՆ, 27 հունվարի – Sputnik, Արմենուհի Մխոյան. Գյումրիի հատկապես նորոգված փողոցներում արագության գերազանցման դեպքերը շատ են: Արագություն գերազանցող վարորդներին սթափեցնող արագաչափերը քաղաքում 5-ն են, նրանից սակայն աշխատում են 3-ը:
©
Sputnik / Armenuhi Mkhoyan
Դրանց քանակն, այս տարի ավելացնել հնարավոր չէ: Գյումրիում արագաչափեր տեղադրելու խնդրանքով նախ որպես վարորդ, ապա որպես Ազգային ժողովի պատգամավոր Կարեն Սարուխանյանը դիմել էր ՀՀ վարչապետին։ Վարչապետին ուղղված նամակին սակայն, ՀՀ ճանապարհային ոստիկանությունն էր պատասխանել` ասելով, որ 2020 թվականի համար Գյումրիում արագաչափեր տեղադրելու աշխատանքներ նախատեսված չեն:
Նշենք, որ ինչպես Գյումրու քաղաքապետարանը, այնպես էլ ճանապարհային ոստիկանության ներկայացուցիչներն ու հասարակ գյումրեցիները վստահ են՝ արագաչափեր պետք են։
Կլանային որոշո՞ւմ. Շիրակի մարզպետի`ԲԿ տնօրենի նշանակումը թեժ քննարկումների առիթ է տվել
«Մենք երկու ձեռքով կողմ ենք, որ Գյումրիում ունենանք արագաչափեր և տեսանկարահանող սարքեր, բայց դրա հնարավորությունը չունենք»,-ասում է Գյումրիի քաղաքապետարանի բնակկոմունալ և շրջակա միջավայրի պահպանության բաժնի պետ Կնյազ Մանասյանը` հավելելով, մինչ արագաչափերի տեղադրումն անհրաժեշտ է, նաև որ փողոցները կահավորվեն ճանապարհային նշաններով: Քաղաքապետարանը հաշվել է` Գյումրիի փողոցներում 6000 ճանապարհային նշան է պետք: 700-800 մլն դրամ պետք է ծախսել համապատասխան նշաներն ունենալու համար, որից հետո ամեն տարի 200-250 մլն պետք է եղածը պահպանելու համար: Պահանջվող գումարը Գյումրիի տեղական բյուջեի համար մեծ ծախս է:
Փաշինյանն օգնեց նպատակասլաց գյումրեցուն, կամ 15-ամյա ֆերմերն ու ճագարի բիզնեսը Հայաստանում
Արագաչափերից ավելի երթևեկության մշակույթ է պետք ձևավորել: «Հունվար ամսին 800-900 վարչական արձանագրություն է կազմված Շիրակի մարզում, որից 55-ը՝ ոչ սթափ վարորդների նկատմամբ: Պետք է երթևեկության կուլտուրա մտցնել»,- նշում է ՃՈ 3-րդ դասակի հրամանատար Լյուդվիգ Ղանդիլյանը:
Արագաչափերի տեղադրման և դրանց ֆինանսավորման աղբյուրների վերաբերյալ հարցն առաջիկայում կդրվի հանրային քննարկման, որից հետո առաջարկները կներկայացվեն օրենսդիրին:
Գանձագողերը վնասել են «Ամրոցի համալիր Ախթամիր» հուշարձանը
ԵՐԵՎԱՆ, 3 մարտի – Sputnik. «Պահպանության ծառայություն» ՊՈԱԿ-ի մասնաճյուղ՝ Պատմական միջավայրի պահպանության (ՊՄՊ) Արագածոտնի մարզային ծառայության հուշարձանի պահապան Սահակ Մարտիրոսյանը հերթական շրջայցի ժամանակ իրավախախտում է արձանագրել մարզի՝ Ոսկեվազ համայնքում գտնվող «Ամրոցի համալիր Ախթամիր» հանրապետական նշանակության հուշարձանի տարածքում։ Տեղեկությունը հայտնում է ՀՀ ԿԳՄՍ նախարարություն «Պահպանության ծառայություն» ՊՈԱԿ-ը։
Միջնաբերդի հյուիսարևմտյան հատվածում անհայտ անձը կամ անձինք գանձախուզության, գանձագողության նպատակով վնասել են հուշարձանի մշակութային շերտը, փորել այն, տեղաշարժել գերեզմանաքարերը։
Մարզային ծառայության պատասխանատուները դեպքի վայրում հայտնաբերել են մեծ քանակությամբ խեցեղենի կտորներ։
Դեպքի մասին ՊՄՊ մարզային ծառայությունը ահազանգել է իրավապահներին, Ոսկեվազ համայնքի ղեկավարին։
Օնիկ Գասպարյանը շարունակում է մնալ ԶՈւ բարձրագույն զինվորական հրամանատարը. Գլխավոր շտաբ
(Թարմացված է 12:50 03.03.2021)
ՀՀ ԶՈւ գլխավոր շտաբը նոր հայտարարություն է տարածել՝ անդրադառնալով ԳՇ պետի ազատման՝ վարչապետի միջնորդության հետ կապված իրավիճակին։ԵՐԵՎԱՆ, 3 մարտի - Sputnik. ՀՀ ԶՈւ գլխավոր շտաբը նոր հայտարարություն է տարածել՝ անդրադառնալով ԳՇ պետի ազատման՝ վարչապետի միջնորդության ու նախագահ Արմեն Սարգսյանի՝ մարտի 2-ին կայացրած որոշման հետ կապված իրավիճակին։
Հայտարարության մեջ նշվում է, որ նախագահի հրամանագրի նախագծի սահմանադրականության կամ ՀՀ ԶՈՒ ԳՇ պետին պաշտոնից ազատման հարց լուծելու իրավասություն Սահմանադրական դատարանը չունի, այսինքն՝ նախագահը այս դեպքում կարող է դիմել Սահմանադրական դատարան բացառապես «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի (այսուհետ՝ Օրենք)՝ որպես նախագծի իրավական հիմքի՝ Սահմանադրությանը համապատասխանելու հարցը որոշելու խնդրանքով և ոչ կոնկրետ օրենքի հոդվածի կամ մասի։
Սահմանադրական դատարան դիմելու ժամկետը տվյալ դեպքի համար սահմանված է հրամանագրի նախագծի վերադարձից հետո 8 օր։
«Իր հայտարարությամբ նախագահը գործել է և հայտնել է մտադրությունը գործելու Սահմանադրությանը բացառապես համապատասխան։
ՀՀ ԶՈւ գլխավոր շտաբի պետ, գեներալ-գնդապետ Օնիկ Վիկտորի Գասպարյանը մինչև 8-օրյա ժամկետի լրանալը (նախագահի կողմից Սահմանադրական դատարան դիմելուց հետո սկսում են գործել այլ ժամկետներ) շարունակում է իր ծառայությունը հայրենիքին և ժողովրդին, հանդիսանում է Զինված ուժերի բարձրագույն զինվորական հրամանատարը»,-նշված է ԳՇ հաղորդագրության մեջ։
Ներքաղաքական իրավիճակը Հայաստանում սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։
Օնիկ Գասպարյանը պետք է հեռանա. ըստ Փաշինյանի` ո՞րն է ԳՇ պետի դավաճանությունը
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։
Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։
Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։
Երեկ հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:
Հայրենիքի փրկության շարժումը այդ տեղեկությունից հետո հայտարարեց, որ շտապ հանդիպում է պահանջում նախագահի հետ։