Երևանի 2800–ամյակին նվիրված այգի

Ինչու երեխաներին մեծացնել հենց Հայաստանում. ռուս կինը 5 կարևոր պատճառ է նշում

2381
(Թարմացված է 09:56 27.01.2020)
Նատալյա Կոլոմազովան արդեն 7 տարի է` Երևանում է ապրում։ Հայ ամուսնու հետ նրանք երեք երեխա են դաստիարակում` երկու որդի և մեկ դուստր։ Ռուս աղջիկը կարծում է, որ Հայաստանում ադապտացվելը ոչ թե հեշտ է, այլ շատ հեշտ։

 

Լիլիթ Հարությունյան, Sputnik Արմենիա

Ապագա ամուսնու հետ Նատալյա Կոլովազովան ծանոթացել է համացանցի միջոցով։ Ամուսինը` Մեսրոպ Շատախյանը, վիրաբույժ է, բացառիկ վիրահատություններ է անում` ազատելով մարդկանց խրոնիկ գլխացավերից։ 7 տարի առաջ նա ևս Ռուսաստանում էր ապրում։

«Ամուսինս միշտ մտածել է հայրենիք վերադառնալու, այստեղ մարդկանց օգտակար լինելու մասին։ Նա հասկանում էր, որ Հայաստանում քիչ վիրահատություններ են անում կաթվածը կանխարգելելու համար։ Նա արդեն պատրաստ էր տեղափոխման, իսկ ես` ոչ, որովհետև  Մոսկվայում լավ աշխատանք ունեի, և մենք մեր գալը հետաձգեցինք մինչև երկրորդ ֆիզարձակուրդս։ Երևան եկանք երկու տարեկան որդուս հետ, մեր դստեր ծնվելուց մեկ ամիս առաջ», –Sputnik Արմենիայի հետ զրույցում պատմում է Նատալյան։

Մինչև տեղափոխվելը Նատալյան ամուսնու հետ արդեն եղել էր Հայաստանում։

«Տեղափոխման պահին ես արդեն գիտեի, որ Հայաստանում կյանքը հանգիստ է, արևոտ, այստեղ համեղ են կերակրում, մարդիկ բաց են, սոսու անտառներ կան, անծայրածիր Սևան և փառահեղ լեռներ», – ասում է աղջիկը։

Երկու փոքր երեխաների հետ բնակության վայրը փոխելն այդքան էլ հեշտ գործ չէ, սակայն Նատալյայի խոսքով, Երևանն օգնում էր իրեն իր հանդարտությամբ և բարյացակամ մթնոլորտով։

Հարցին, թե դժվար է հարմարվելը, նա պատասխանում է. «Ոչ թե հեշտ էր, այլ շատ հեշտ։ Նախ` այստեղ գրեթե բոլորը ռուսերեն են խոսում։ Այն, ինչ սովորաբար միգրանտների համար բազմաթիվ սթրեսների պատճառ է դառնում, Երևանում հեշտ ու ժպիտով է անցնում։ Փաստաթղթերի ձևակերպումը ոչ թե բյուրոկրատական դժոխք է, այլ ևս մեկ անգամ հաճելի շփում ունենալու առիթ։ Ինքնուրույն չե՞ս կարողանում հայերեն լրացնել դիմումդ։ Խնդիր չկա, քո փոխարեն կանեն` զուգահեռաբար երեխայիդ հետ խաղալով»։

Ամենամեծ խնդիրն աշխատանքն էր, ավելի ճիշտ դրա բացակայությունը, քանի որ Նատալյայի հաշվապահի փորձն այստեղ անհնար էր օգտագործել առանց հայերենի լավ իմացության։ Արդյունքում նա ստիպված էր մեկ այլ ոլորտում ամեն ինչ սկսել զրոյից։ Ասում է, որ եկամուտները շատ չեն, բայց փոխարենն ազատ գրաֆիկը թույլ է տալիս անձամբ զբաղվել երեխաներով, որոնցից երկուսը սովորում են կրտսեր դասարաններում, իսկ երրորդը դեռ 10 ամսական է։ Հազվագյուտ ազատ պահերին նա հայերեն է սովորում։

Նատալյան կարծում է, որ երեխաներն իրենց շատ լավ են զգում Հայաստանում։

«Ուրախ եմ, որ հնարավորություն ունեմ զավակներիս Երևանում մեծացնել։ Այստեղ ժողովուրդը երեխայասեր է, հանցավորության մակարդակը` ցածր, նվազագույն հնարավորություն (առնվազն Ռուսաստանի համեմատ) փոքր տարիքում տարվել թմրանյութերով կամ ալկոհոլով, լավ կրթության ստանալու հնարավորություն էլ կա, թեև այս հարցում շատ են խնդիրները», –ասում է նա։

Նատալյան չի մոռանում նշել, որ Հայաստանում համեղ միրգ ու բանջարեղեն կա, ինչպես նաև լավ կլիմայական պայմաններ։ «Արևն իսկապես փայլում է, այլ ոչ թե գոյություն ունի տեսականորեն, ինչ-որ տեղ ամպերից հեռու»։

Նատալյային դուր է գալիս նաև այն, որ ամուսնու հայրենիքում աղջիկներին նախապատրաստում են լավ տանտիրուհի լինել, իսկ տղաներին տղամարդ են մեծացնում։

«Տղաներին աղջիկներին հավասար չեն մեծացնում, իսկ աղջիկներին տղաների նման չեն դաստիարակում։ Այստեղ դեռ հիշում են, որ կինն ու տղամարդն իրենց առանձնահատկություններն ունեն, որոնք ոչ միայն որդեծնության հետ են կապված, թեև հաճախ դրանից են բխում։ Խոսքը խտրականության մասին չէ։ Հայաստանում նույնիսկ աշխատավայրում սեռական խտրականություն չկա։ Կինն այստեղ չաշխատելու հնարավորություն ունի կամ աշխատում է զուտ իր հաճույքի համար», – ասում է նա։

Նատալյան կարծում է, որ Հայաստանում ստեղծագործ մարդիկ շատ են. նրանք հիանալի նկարում են, երգում, երաժշտական գործիքներ նվագում, պարում։ Իսկ իրական արվեստն անհնար է առանց ներքին ազատության։

«Կարծում եմ, հենց սա կցանկանայի փոխանցել երեխաներիս... Հայաստանում երեք երեխա ունեցող ընտանիքը սովորական երևույթ է։ Ուրախ եմ, որ երեխաներս էլ ընտանիքի այս մոդելը նորմալ կընկալեն։ Ռուսաստանում մենք հազիվ թե որոշեինք երրորդ երեխան ունենալ։ Այնպես որ, Հայաստանին պարտական եմ նաև կրտսեր որդուս ծնվելու համար», – ժպիտով նշում է նա։

Սառան դարձավ Հռիփսիմե, կամ ինչու է ամերիկուհին Վաշինգտոնից եկել Գյումրի. տեսանյութ

Աղջիկը կատակում է, թե այս երկրից մի բողոք ունի` ծովի բացակայությունը։ Իսկ եթե ավելի լուրջ, ապա Նատալյային նախևառաջ մտահոգում է ճանապարհների անվտանգության խնդիրը, քանի որ վարորդներն այստեղ շատ վատ են վարում, քարսիթով տաքսիներ գտնելը դժվար է, իսկ հետևի նստարանների անվտանգության գոտիները կամ թաքցված են, կամ պարզապես գոյություն չունեն։ Նա հույս ունի, որ այս խնդիրը ժամանակի ընթացքում կլուծվի։

Հարցին`կցանկանար, որ  իր երեխաներն էլ այստեղ ապրեին, Նատալյան պատասխանում է, որ  ինչպես ցանկացած մայր, ուզում է, որ իր զավակներն ապրեն կայուն տնտեսությամբ, մատչելի առողջապահությամբ և նորմալ էկոլոգիայով խաղաղ երկրում, որպեսզի նրանք լավ կրթություն ստանալու և կարիերա անելու հնարավորություն ունենան, որպեսզի նրանք էլ իրենց հերթին իրենց երեխաներին առողջ հասարակության մեջ մեծացնեն։

Նա կարծում է, որ  աշխարհն այսօր սրընթաց փոխվում է, և որևէ բան կանխագուշակելը դժվար է. «Հուսով եմ, որ 20 տարի անց Հայաստանը հենց այդպիսի երկիր կլինի, և որ երեխաներս ու թոռներս երջանիկ կապրեն հենց այստեղ»։

Նշենք, որ Նատալյա Կոլոմազովան սոցցանցերի հայկական տիրույթի իսկական աստղ դարձավ այն բանից հետո, երբ Facebook իր էջում հայտարարեց, որ ուրախ է երեխաներին Երևանում մեծացնելու համար։ Նման գրառում անելու դրդապատճառների մասին աղջկա շարադրանքը  դուր էր եկել ոչ միայն հայաստանյան բազմաթիվ օգտատերերին, այլ Հայաստանից դուրս ապրողներին. նրանք ակտիվ մեկնաբանում էին գրառումը, «լայքեր» դնում և տարածում այն իրենց էջերում։

2381
թեգերը:
հայ, ամուսնություն, ամուսին, Կին, ռուս, երեխա, Երևան-Մոսկվա, երևանցիներ, Երևան, Հայաստան
Ըստ թեմայի
Հարսնացուն հյուսիսից, կամ ինչպես էր ռուս հարսը խառնել սկեսրոջ դոշակն ու թոշակը
Ինչպես ռուսը հայտնվեց Ամերիկայում և հասկացավ, թե ինչու է իրեն պետք հայերենը
Ամուսնության և գերմանացի սկեսրայրի մասին. ինչու՞ հարյուր հազար հայուհի երբեք չեն ամուսնանա
Հրավառություն

Հրավառությունների հարցը կլուծվի՞․Ավինյանը զբաղվում է քաղաքացիներին անհանգստացնող հարցով

11
(Թարմացված է 18:09 13.08.2020)
Բացառությամբ որոշ տոնական օրերին նախորդող ժամանակաշրջանի, հրավառություն ապահովող ապրանքների վաճառքը երկրում սահմանափակ կլինի։

ԵՐԵՎԱՆ, 13 օգոստոսի - Sputnik. Հրավառությունների համար օգտագործվող արտադրանքի ներկրումը և վաճառքը կսահմանափակվի։ Տեղեկությունը գրել է փոխվարչապետ Տիգրան Ավինյանը Facebook-ի իր էջում։

«Ցանկանում եմ նշել, որ համապատասխան գերատեսչությունների հանձնարարվել է նաև քննարկել ու ներկայացնել իրավական ակտերի առաջարկություններ, որոնց միջոցով Հայաստանի Հանրապետության տարածքում հրավառությունների կազմակերպման համար օգտագործվող արտադրանքի ներմուծումն ու վաճառքը հնարավորինս կսահմանափակվի՝ բացառությամբ որոշ տոնական օրերին նախորդող ժամանակաշրջանի», - գրել է փոխվարչապետը։

Նա հիշեցրել է, որ օրեր առաջ համապատասխան գերատեսչություններին հանձնարարել է ուժեղացնել հսկողությունը գիշերային ժամերին հրավառությունների, ՃԵԿ կանոնները չարամտորեն խախտողների, մեքենաների ազդանշանային համակարգերի կիրառման հարցերում։

Նշենք, որ ըստ Հայաստանի վարչական իրավախախտումների օրենսգրքի՝ ժամը 23:00-ից մինչև 07:00-ը լռությունը խախտելը, այսինքն` բարձրաձայն երգելը, երաժշտական գործիքներ նվագելը, ձայնային ազդանշաններ տալը առաջացնում են նախազգուշացում, իսկ հրագործական արտադրատեսակներ օգտագործելն առաջացնում է տուգանքի նշանակում` 100 հազար դրամի չափով։

11
թեգերը:
Հայաստան, Երևան, հրավառություն, Տիգրան Ավինյան
Ըստ թեմայի
Ոստիկանությունը 3 ամսում կվերադարձնի քաղաքացիներից գանձած տուգանքները
Տուգանքը նույնիսկ գյումրեցիներին է ստիպել կարգապահ դառնալ
Դիմակ չկրելու համար տուգանքներն առայժմ չեն բարձրանա. նախագիծը հանվեց
Գերեզմանոց, արխիվային լուսանկար

Անկարայում քանդել են հայկական գերեզմանոցներն ու աճյունները հանել շիրիմներից

66
(Թարմացված է 18:11 13.08.2020)
Ի պատասխան տեղի հայ համայնքի բողոքի՝ Անկարայի քաղաքապետը հայտնել է, որ իրենք զբաղվում են այդ հարցով։

ԵՐԵՎԱՆ, 13 օգոստոսի - Sputnik. Թուրքիայի մայրաքաղաք Անկարայի Սինջան թաղամասում գտնվող հայկական Սուրբ Փրկիչ և Սուրբ Քառասուն մանուկ եկեղեցիներին կից գտնվող հայկական գերեզմանոցը ավերել են: Լուրը հայտնում է ermenihaber.com-ը։

Ըստ աղբյուրի՝ աճյունները դուրս են բերվել շիրիմներից, ամենուր մարդկային ոսկորներ են ցրիվ տրված։

Նախկին փոխվարչապետ Ալի Բաբաջանի հիմնադրած «Ժողովրդավարություն և առաջընթաց» կուսակցության փոխնախագահ Մուսթաֆա Յեներօղլուն այս հարցով դիմել է Անկարայի քաղաքապետ Մանսուր Յավաշին։

«Գերեզմանից հանված ոսկորները պետք է նորից թաղվեն, և տարածքը պետք է պաշտպանված լինի: Քաղաքակրթության պահանջներից մեկն է գերեզմանատների և մշակութային ժառանգության պահպանությունը», - ասել է Յեներօղլուն` քաղաքապետի հետ զրույցում, գրում է թուրքական Aktif Haber պարբերականը։

Ի՞նչ են պատմում տապանաքարերը, կամ տարբեր ժամանակների գերեզմանաքարերի պահած գաղտնքիները

Պարբերականի փոխանցմամբ՝ Անկարայի քաղաքապետը տեղեկացրել է, որ իրենք զբաղվում են այդ հարցով։

Թուրքիայում առաջին դեպքը չէ, երբ հայկական գերեզման է պղծվում։ Այս տարվա փետրվարին Անկարայի քրիստոնյա քաղաքացիներին պատկանող Օրթագյուղի գերեզմանատանն անհայտ անձինք քանդել են 19 գերեզմանաքար։

66
թեգերը:
Թուրքիա, հայ, գերեզման
Ըստ թեմայի
Թուրքիայում հայկական և ասորական գերեզմանոցի վրա հարսանյաց սրահ և զբոսայգի են կառուցում
Թուրքերին ինչո՞ւ են պետք հայկական հողերը․ Վանի գերեզմանոցում զուգարաններ են դրված
Լավրովի հայ նախնիների հետքերը Լոռիում. տոհմական գերեզմանոցն ու եկեղեցին պահպանող գամը
Աշտարակի քաղաքային գերեզմանոցում կրակոցներ են հնչել. կա զոհ և վիրավոր
Արթուր Մեսչյան

Հայկ Մարությանն աշխատանքից ազատել է գլխավոր ճարտարապետին

54
(Թարմացված է 18:30 13.08.2020)
Երևանի քաղաքապետն Արթուր Մեսչյանի հրաժարականի դիմումը բավարարել է արձակուրդում գտնվելու ընթացքում։

ԵՐԵՎԱՆ, 13 օգոստոսի – Sputnik. Երևանի քաղաքապետ Հայկ Մարությանը Երևանի գլխավոր ճարտարապետ Արթուր Մեսչյանին պաշտոնից ազատելու որոշում է կայացրել։

Ինչպես նշված է քաղաքապետարանի պաշտոնական կայքում հրապարակված փաստաթղթում, որոշման համար հիմք է ընդունվել Մեսչյանի դիմումը։

«2020 թվականի օգոստոսի 17-ից Արթուր Մեսչյանին ազատել Երևան քաղաքի գլխավոր ճարտարապետի պաշտոնից»,– ասված է որոշման մեջ։

Մարությանը փաստաթուղթը ստորագրել է օգոստոսի 12-ին։ Սա փոքր–ինչ տարօրինակ է, քանի որ այդ ընթացքում քաղաքապետը գտնվել է արձակուրդում։

Ինչպես օգոստոսի 11-ին հայտնել էր Երևանի քաղաքապետի խոսնակ Հակոբ Կարապետյանը, Մարությանն արձակուրդ էր վերցրել մինչև օգոստոսի 25-ը ներառյալ։

Հուսամ` Արթուր Մեսչյանը կլինի Երևանի վերջին գլխավոր ճարտարապետը. Մնացականյան

Մեսչյանի հրաժարականի դիմումի մասին Մարությանը հայտարարել էր օգոստոսի 4-ին կայացած մամուլի ասուլիսում`հիշեցնելով, որ Մեսչյանն ի սկզբանե ասել էր, որ գալիս է 2 տարով։

Երգիչ, երգահան, ճարտարապետ Արթուր Մեսչյանը քաղաքապետ Հայկ Մարությանի որոշմամբ Երևանի գլխավոր ճարտարապետ էր նշանակվել 2018թ–ի հոկտեմբերի 23-ին։

Մեսչյանը Երևանի գլխավոր ճարտարապետի պաշտոնում նախկինում աշխատել էր նաև 1996թ–ին` մեկ տարի տևողությամբ։

1997-ին նա պաշտոնից հրաժարվելու դիմում էր ներկայացրել։

Ինչը կարող էր ստիպել Արթուր Մեսչյանին հրաժարվել պաշտոնից. Մինասյանի տեսակետը

54
թեգերը:
Արթուր Մեսչյան, Հայկ Մարության, Հայաստան
Ըստ թեմայի
Հանուն 1 միլիոնի. ինչու է քաղաքապետը «վատամարդ» դառնում Սամվել Ալեքսանյանի և մյուսների մոտ
Երևանի քաղաքապետը պատմեց` որքան գումար է ստանում ու ինչերից է հրաժարվել պաշտոնը ստանձնելով
Աշխատանքից ազատված փոխոստիկանապետն առաջիկայում նոր պաշտոն կստանա՞. «Ժողովուրդ»
Վերացրել ենք սեփականության իրավունքը, տարածքը վերադարձրել համայնքին. Հայկ Մարության