Արթուր Վանեցյան, արխիվային լուսանկար

«Հույս ունեմ` Վանեցյանի ներկայացուցիչը լինելու հետ կապ չունի». կոտրել են փաստաբանի էլփոստը

145
(Թարմացված է 19:51 24.01.2020)
Արթուր Վանեցյանի ներկայացուցչի էլեկտրոնային հասցեն, որը կոտրել են, կապակցված էր վերջինիս Facebook-յան էջի հետ։

ԵՐԵՎԱՆ, 24 հունվարի — Sputnik. Փաստաբան Արամազդ Կիվիրյանը հույս ունի, որ իր` էլեկտրոնային հասցեն կոտրելը կապ չունի ԱԱԾ նախկին տնօրեն Արթուր Վանեցյանի ներկայացուցիչը լինելու հետ։ Sputnik Արմենիայի հետ զրույցում Կիվիրյանը նման կարծիք հայտնեց` անդրադառնալով այն փաստին, որ երբ երեկ հայտարարել է` Վանեցյանի ներկայացուցիչն է, այսօր արդեն կոտրել են իր էլեկտրոնային փոստը։

«Բջջայինիս այսօր նամակ եկավ, որ ինչ–որ մեկը կամ փորձել է մուտք գործել իմ էլեկտրոնային փոստ, կամ փորձում է մուտք գործել։ Դրանից հետո ես փորձեցի մուտք գործել իմ էլփոստ, սակայն չստացվեց, այն արդեն կոտրել էին։ Այդ էլեկտրոնային հասցեն փոխկապակցված էր Facebook սոցցանցի իմ էջի հետ»,–ասաց պաշտպանը։

Կիվիրյանն արդեն արգելափակել է իր Facebook–յան էջը, և խնդրի առնչությամբ պատրաստվում է դիմել մասնագետներին։ Նրա խոսքով` եթե այս ամենը կապված է իր մասնագիտական գործունեության հետ, ապա շատ վատ է, իսկ եթե անգամ որևէ կապ չունի դրա հետ, միևնույն է, տհաճ է։

«Ես լավատես եմ ու հույս ունեմ, որ եղածը կապ չունի իմ մասնագիտական գործունեության հետ։  Իսկ թե իրականում ինչի հետ կապ ունի, անտեղյակ եմ»,–նշեց նա։

Վանեցյանի ներկայացուցիչները հերքում են պահանջել, հակառակ դեպքում կդիմեն դատարան

Հարցին, թե ինչ կարող են գտնել իր էլեկտրոնային փոստում կամ Facebook–ի էջում, Կիվիրյանը պատասխանեց, որ ցանկացած էլփոստ կամ սոցցանցի էջ պարունակում է ինֆորմացիա, այդ թվում` անձնական։

«Իմ բաժին առաքելության հետևից գնալու եմ». Վանեցյանը հերթական գրառումն է արել

Հիշեցնենք, որ Վանեցյանի պաշտպաններ Լուսինե Սահակյանն ու Արամազդ Կիվիրյանը հայտարարություն էին տարածել՝ նշելով, որ իրենց մասնագիտական գործունեությունը խոչընդոտելու որևէ փորձ երբեք հաջողությամբ չի պսակվել, և այսուհետ ևս նման քայլեր կատարողների բոլոր ջանքերն անցնելու են ապարդյուն։ Նրանց խոսքով` նման պայմաններում կարող են համարել, որ Հայաստանում այսօր առհասարակ վտանգված է փաստաբանական գործունեությունը:

145
թեգերը:
Տնօրեն, ՀՀ ազգային անվտանգության ծառայություն. ԱԱԾ, փաստաբան, Արթուր Վանեցյան, Հայաստան
Ըստ թեմայի
«Իմ բաժին առաքելության հետևից գնալու եմ». Վանեցյանը հերթական գրառումն է արել
«Չփորձեք ինձ ներքաշել քաղաքական խաղերի մեջ». «Վստրեչի ապերը» հայտարարություն է տարածել
Այլընտրանքը պետք է վերացվի. Փաշինյանը չի հանդուրժի Վանեցյանի ակտիվությունը
«Մարիամ ջան, աղջիկս, մի մտիր մեծերի անհասկանալի խաղերի մեջ». Արթուր Վանեցյան