ԵՐԵՎԱՆ, 21 հունվարի - Sputnik. Այսօր՝ հունվարի 21-ին, գողության դեպք է տեղի ունեցել Երևանում. երգչուհի Մարգարիտա Բարխոյանի` «Փարվանա» ռեստորանային համալիրի տարածքում կայանված Porsche Cayenne մակնիշի ավտոմեքենայի լուսարձակներն են գողացել։ Այս մասին հայտնում է shamshyan.com–ը։
«Ժամը 01։40-ի սահմաններում ոստիկանության Մալաթիայի բաժին է ահազանգել Երևանի բնակիչ՝ 31-ամյա Մարգարիտա Բարխոյանը և հայտնել, որ անհայտ անձը կամ անձինք տեխնիկական միջոցների գործադրմամբ գողացել են իրեն պատկանող մեքենայի լուսարձակները»,–նշված է կայքում։
Դեպքի վայր են ժամանել ոստիկանության Մալաթիայի բաժնի օպերատիվ խումբը։
Բարձրաստիճան պաշտոնյաներից հետո Հայաստանում «կերիտասարդացնեն» նաև նրանց խորհրդականներին
Հիշեցնենք, որ Մարգարիտա Բարխոյանը 2002թ.-ից հանդես է եկել եղբոր` երգիչ Վլադիմիր Բարխոյանի հետ և ձայնագրել առաջին երգը` «Սերն է քո արևը հայրենիք»։ Իսկ 2003թ. եղբոր հետ համատեղ թողարկել է նույնանուն ձայնասկավառակը: Նույն թվականին մասնակցել է «Սայաթ-Նովա» երգի համահայկական փառատոնին, որտեղ արժանացել են գլխավոր մրցանակին:
Հզոր ձայն և դիապազոն. ինչպես գյումրեցի Միլենը հայտնվեց Ռուսաստանի ռեկորդների գրքում
