Գեորգի Կուտոյանի հոգեհանգիստը, արխիվային լուսանկար

Կուտոյանի մահն ու «գնդակահարված» պատը. ի՞նչ հարցեր է առաջացրել ավստրիական «Glock»–ը

784
(Թարմացված է 17:16 22.01.2020)
Քննությունը դեռ չի պարզել` ինչպես է ստացվել, որ երեք տասնյակ կրակոցները բազմաբնակարան շենքում ոչ ոք չի լսել, իսկ հասարակության շրջանում տարատեսակ վարկածներ են շրջանառվում։

ԵՐԵՎԱՆ, 20 հունվարի – Sputnik. Փամփուշտների բազմաթիվ հետքերը այն բնակարանի պատերին, որտեղ հայտնաբերվել է ԱԱԾ նախկին տնօրեն Գեորգի Կուտոյանի դին, հասարակության շրջանում տարատեսակ հարցեր ու ենթադրություններ են առաջացնում։  Մարդիկ չեն հասկանում` ինչպես է պատահել, որ հարևանները այդ կրակոցները չեն լսել։

Հունվարի 17–ին հայտնել էինք, որ Երևանի Պարույր Սևակի փողոցի բնակարաններից մեկում հայտնաբերվել է ԱԱԾ նախկին ղեկավար Գեորգի Կուտոյանի դին՝ քունքի հատվածում հրազենային վնասվածքով։ Դին հայտնաբերել է Կուտոյանի կինը։ Իրավապահ մարմինները դեպքի վայրում ավելի քան 30 փամփուշտի պարկուճ ու գնդակ են հայտնաբերել։ Դեպքի վայրում հայտնաբերվել է նաև «Glock 34» տեսակի ատրճանակ։

ՀՀ քննչական կոմիտեի տեղեկության համաձայն` 2019 թվականին դեկտեմբերի վերջերին նա միայնակ այցելել է նշված բնակարան, որտեղ ալկոհոլ օգտագործելուց հետո օրինական կարգով իրեն պատկանող «Glock 34» տեսակի ատրճանակից 35 անկանոն կրակոց է արձակել հյուրասենյակի և խոհանոցի բաժանարար պատին: Հետագայում, Կուտոյանի խնդրանքով նրա կինը կրակած պարկուճները և հայտնաբերված գնդակները հավաքել ու դրել է հյուրասենյակի բազմոցի դիմաց գտնվող սեղանին։ Դեպքի առթիվ հարուցվել է քրեական գործ ՀՀ քրեական օրենսգրքի 110-րդ հոդվածի 1-ին մասով (սպառնալիքի, դաժան վերաբերմունքի կամ անձնական արժանապատվությունը պարբերաբար նվաստացնելու ճանապարհով անձին անուղղակի դիտավորությամբ կամ անզգուշությամբ ինքնասպանության կամ ինքնասպանության փորձի հասցնելը):

Նշենք, որ ատրճանակի տեսակի ու բնակարանում եղած բազում կրակոցների մասին տեղեկությունը բազմաթիվ վարկածներ ծնեց, իսկ իրավապահների` ինքնասպանության մասին վարկածը շատերի համար այնքան էլ համոզիչ չէ։ 

Օրինակ` Shamshyan.com-ը, չգիտես ինչու, որոշել է, որ «Glock» ատրճանակն «ավելի շատ օգտագործում են վարձու մարդասպանները»։

ՀՀ վարչապետի խորհրդական Հակոբ Ճաղարյանը Facebook–ի իր էջում փոքրիկ վերլուծություն է արել այն ատրճանակի մասին, որից արձակվել է մահացու կրակոցը։

Ճաղարյանը, սակայն, ատրճանակի մոդելի հարցում սխալվել է։ Նա գրել է «Glock»-ի ավելի հզոր` 11, 43 մմ տրամաչափի ունեցող մոդելի մասին, թեև Կուտոյանի կողքին 9 մմ-ոց «Glock 34» է հայտնաբերվել։ Հետևաբար տրամաչափի, փամփշտակալի տարողունակության ու «ականջառմբակոծմանը» հասցնող կրակոցների մասին մտորումները սխալ ուղղությամբ են գնացել։

Ճաղարյանը երեք հարց է բարձրացնում` ի՞նչ վիճակում է եղել Կուտոյանը, որ դիմացել է այդքան կրակոցների «ականջառմբակոծմանը», ինչու՞ պիտի քիլլերը 40 արկանոց «հրավառությամբ» նշեր իր գալն ու գործողությունը, և երրորդ տարօրինակ հանգամանքը` ինչպե՞ս հարևանները չեն լսել այդ ամենը։

Ավելի ուշ մեկնաբանություններում օգտատերերից մեկը գրել է, որ մոդելները տարբեր են։ Ճաղարյանը նշել է, որ 9 մմ–անոցն էլ այնքան անձայն չէ, որ նման քանակության կրակոցներն աննկատ մնան։

Ի՞նչ է իրենից ներկայացնում «Glock 34»-ը։ Բաց աղբյուրներից տեղեկանում ենք, որ ավստրիական «Glock»-ն աշխարհի ամենատարածված ու հայտնի ատրճանակներից է։ Երբեմն այն համեմատում են Կալաշնիկովի ինքնաձիգի հետ։ Այն ներառված է մոտ երեսուն երկրների իրավապահ մարմինների զինանոցում։

Հրայր Թովմասյանը ողբում է Կուտոյանի մահը. լուսանկարներ` դեպքի վայրից

Ինչ վերաբերում է «34»–րդ մոդելին, դրա հիմնական նպատակը սպորտային հրաձգությունն է։ Ատրճանակն առաջին անգամ ցուցադրվել է 1998 թվականին։ Դրանք հիմնականում օգտագործվում են կանոնավոր հրաձգությունների, մարզումների կամ պրակտիկ հրաձգության մրցումների ժամանակ։

Ատրճանակի համար ստանդարտ է երկու շարքանոց պահունակը` շախմատային կարգով 17 փամփուշտների դասավորությամբ։ Բացի այդ, հնարավոր է 19 ու 33 փամփուշտների տարողունակությամբ պահունակ օգտագործել։

«Glock 34» ատրճանակն ունի նույն հատկանիշները, որոնք ունեն «Glock» ընտանիքի անդամները. այն հասարակ է, օգտագործման համար անվտանգ ու հեշտ է խնամվում։ Այն նաև ամուրն է ու աշխատանքային բարդ պայմաններում վստահելի։

Զենքի այս մոդելը շատ հարմար է հրաձգության տեխնիկան կատարելագործելու համար... (բայց տան պատի՞ն)։

Սակայն վերադառնանք գլխավոր հարցին։ Ավելի քան երեսուն կրակոց է արձակվել, ու ոչ ոք ոչինչ չի լսել։ Ամենաշատը հենց այդ հարցն է հիմա մարդկանց մտահոգում։

Ճաղարյանի հրապարակման մեկնաբանություններում օգտատերերից մեկը գրում է, որ երեք հարկ ներքև է ապրում ու ոչինչ չի լսել։

Քննչական կոմիտեն նշում է, որ կրակոցներ են արձակվել նաև դեկտեմբերի վերջին՝ Նոր տարվա նախօրեին, այնպես որ շատերը կարող էին աղմուկը հրավառության կամ ճայթուկի ձայնի հետ շփոթել։

Գլխավոր դատախազությունում էլ դեռ չեն կարողանում այդ հարցին պատասխանել։ Գերատեսչության ղեկավար Արթուր Դավթյանն այս թեմային անդրադառնալիս նշել է, որ եթե գործում հարցեր չլինեին, ապա «ինքնասպանության հասցնելու» հոդված էլ չէր լինի։ Նշենք, որ այժմ դիտարկվող հիմնական վարկածներից է ինքնասպանության հասցնելը։

Բայց ամեն դեպքում հարցերը դեռ շատ ավելի շատ են, քան պատասխանները։

784
թեգերը:
կրակոց, Զենք, բազմաբնակարան շենք, բնակարան, ատրճանակ, ՀՀ քննչական կոմիտե, ինքնասպանություն, Մահ, հոգեհանգիստ, Գեորգի Կուտոյան (ԱԱԾ նախկին պետ)
թեմա:
ԱԱԾ նախկին տնօրեն Գեորգի Կուտոյանի մահվան դեպքը (25)
Ըստ թեմայի
Գեորգի Կուտոյանի հոգեհանգիստն է. Սերժ Սարգսյանը մասնակցում է արարողությանը. լուսանկարներ
«Չգիտեմ` ինչի հետ կապեմ Կուտոյանի մահը, պատրաստ չէի նման բան տեսնել». Բաբլոյան
Գեորգի Կուտոյանի դիակի վրա բռնության հետքեր չեն հայտնաբերվել. ՔԿ
Խիստ հիասթափված եմ Փաշինյանի պահվածքից, ցավակցության բացակայությունն աղաղակող է. Աշոտյան
Եվգենյա Մեդվեդևա–Բաբասյան

Եվգենյա Մեդվեդևա–Բաբասյանն իր մասին 5 փաստ է ներկայացրել

56
(Թարմացված է 23:01 23.01.2021)
Մեդվեդևան խոստացել է սոցցանցերում հրապարակել իր փայլուն քարերով զգեստը, հենց այն պատրաստ լինի։

ԵՐԵՎԱՆ, 23 հունվարի – Sputnik. Հայտնի ռուսաստանցի գեղասահորդ Եվգենյա Մեդվեդևա–Բաբասյանը Olympic Channel-ի հետ զրույցում իր մասին հինգ արտասովոր փաստ է ներկայացրել։

Աղջիկն ասել է, օրինակ, որ ընդամենը երկու օր առաջ է կանաչ ձիթապտուղ համտեսել։

​«Առաջին բանը, որ անում եմ առավոտյան՝ ստուգում եմ սոցցանցերը։ Նայում եմ լայքերը, բայց միշտ չէ, որ կարդում եմ մեկնաբանությունները, թեև միևնույնն է` հետևում եմ։ Նաև շանս փորը համբուրելու սովորություն ունեմ։ Կարմիր շրթներկի հետքը մնում է», - ասել է Մեդվեդրան Olympic Channel-ի հետ զրույցում։

Նա նաև խոստովանել է, որ յոթ անգամ դիտել է «Շերկոկ» սերիալը, քանի որ շատ է սիրում այն։

«Ես ու մայրս փայլուն քարերով նկարներ ենք անում։ Դա ասես արվեստի գործ լինի, բայց փայլում է ինչպես գեղասահքի համար նախատեսված զգեստ։ Instagram-ում կհրապարակեմ, երբ պատրաստ լինի»,–հավելել է նա։

Նշենք, որ գեղասահորդուհի Եվգենյա Մեդվեդևան հայկական արմատներ ունի: Աղջիկը 2018 թվականի Օլիմպիական խաղերի արծաթե մեդալակիր է, Աշխարհի կրկնակի չեմպիոն (2016, 2017), Աշխարհի գավաթի (2019) բրոնզե մեդալակիր, Եվրոպայի երկակի չեմպիոն (2016, 2017), Եվրոպայի առաջնության արծաթե մեդալակիր։

«Ատոմային զենք ես». Գոհար Ավետիսյանը փայլել է իր շքեղ կազմվածքով

56
թեգերը:
ինստագրամ, Եվգենյա Մեդվեդևա–Բաբասյան
Ըստ թեմայի
Բաժանում և ոչ միայն. Եվգենյա Մեդվեդևա–Բաբասյանն ասել է`ինչպես է պայքարում դեպրեսիայի դեմ
Եվգենյա Մեդվեդևան նկարել է ճապոնացի ընկերոջը
Մեդվեդևան կփոխի՞ քաղաքացիությունը, կամ ինչպես են հայ մարզիչներն օգնում այլոց գեղասահքում
Արխիվային լուսանկար

Լարսը փակել են. ռուսական կողմում 760 բեռնատար է կուտակվել

51
ՀՀ տարածքում նույնպես կան փակ ավտոճանապարհներ, իսկ Սյունիքի ավտոճանապարհներին տեղ-տեղ առկա է մերկասառույց։

ԵՐԵՎԱՆ, 23 հունվարի – Sputnik. Արտակարգ իրավիճակների նախարարությունը տեղեկացնում է, որ Ստեփանծմինդա-Լարս ավտոճանապարհի ռուսական կողմում կուտակվել է 760 բեռնատար ավտոմեքենա:

«Ստեփանծմինդա-Լարս ավտոճանապարհը փակ է միայն բեռնատար ավտոմեքենաների համար»,–նշված է հաղորդագրության մեջ։

Հայաստանի Հանրապետության տարածքում նույնպես կան փակ ավտոճանապարհներ. փակ են Արագածոտնի «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները, իսկ Վարդենյաց լեռնանցքը փակ է միայն կցորդիչով բեռնատարների համար։
Արագածոտնի մարզի Ապարան-Արագած, Վայոց ձորի մարզի Սարավան-«Զանգեր» հատվածում, դեպի Ջերմուկ քաղաք տանող, Աղավնաձոր-

Արենիի ավտոճանապարհներին և Սյունիքի մարզի ավտոճանապարհներին տեղ-տեղ առկա է մերկասառույց։

Վարորդներին խորհուրդ է տրվում երթևեկել բացառապես ձմեռային անվադողերով։

Հիշեցնենք` այսօր առավոտյան Լարսը բաց էր բոլոր տիպի տրանսպորտային միջոցների համար։

51
թեգերը:
ՀՀ արտակարգ իրավիճակների նախարարություն (ԱԻՆ), բեռնատար, Վերին Լարս
թեմա:
Եղանակը Հայաստանում
Ըստ թեմայի
Հայկական բեռնատարներն այլևս կանգնած չեն մնա․ Լարսի ճանապարհի շինարարությունը կավարտվի
Վերին Լարսի այլընտրանք. ռուսական ընկերությունը հայկական բիզնեսին լաստանավ է տրամադրել
Արդիականացումը չի՞ փրկի․ որն է Վերին Լարսի անցակետի խնդրի լուծումը
Մարիա Զախարովա. արխիվային լուսանկար

«Դա միջամտություն է ներքին գործերին». Մարիա Զախարովան պատասխանել է ԱՄՆ դեսպանատանը

88
(Թարմացված է 23:23 23.01.2021)
Ավելի վաղ Ռուսաստանի ԱԳՆ-ն նույնպես արձագանքել էր ԱՄՆ դեսպանատան հայտարարությանը, նշելով, որ դա կանդրադառնա ռուս-ամերիկյան հարաբերությունների վրա։

ԵՐԵՎԱՆ, 23 հունվարի - Sputnik. Ռուսաստանի ԱԳՆ ներկայացուցիչ Մարիա Զարխարովան պատասխանել է Ռուսաստանում չարտոնված միտինգների վերաբերյալ ԱՄՆ դեսպանատան հայտարարությանը։

«Ահա տեսեք՝ ամերիկյան դեսպանատունը տեղեկություն է հրապարակում։ Սա իսկական միջամտություն է ներքին գործերին», - ասել է Զախարովան «Սոլովյով LIVE»-ի եթերում։

Ավելի վաղ ԱՄՆ դեսպանատունը Ռուսաստանում չարտոնված ակցիաների մասին հաղորդագրությունների ֆոնին հայտարարել էր, որ հետևում է «ռուսական 38 քաղաքներում բողոքի ակցիաների մասին հաղորդագրություններին»։ ԱՄՆ դեսպանատնից ավելացրել էին, որ «սատարում են խաղաղ բողոքի բոլոր մարդկանց իրավունքն ու կարծիք արտահայտելու ազատությունը», իսկ ռուս իշխանության քայլերն, իբրև, «ուղղված են այդ իրավունքը ճնշելուն»։

Մոսկվայում չարտոնված միտինգի ժամանակ 39 ուժայիններ են տուժել

ՌԴ ԱԳՆ-ն արձագանքել է այդ հայտարարությանը, ընդգծելով, որ ծայրահեղական տարրերին սատարելու փորձերը երկկողմանի հարաբերությունների համար բացասական հետևանքներ են ունենալու։ Գերատեսչությունում հիշեցրել են, որ դեսպանատունն առաջին անգամ չէ, որ արհամարհական վերաբերմունք է ցուցադրում դիվանագիտական նորմերի ու կանոնների նկատմամբ ու սոցիալական ցանցերում ակտիվ հաղորդագրություններ է հրապարակում՝ աջակցելով ռուսական քաղաքներում չարտոնված բողոքի ակցիաներին։

Ռուսաստանում քրեական պատիժ կսահմանվի դեռահասներին հանրահավաքներում ներգրավելու համար

88
թեգերը:
Բողոքի ակցիա, դեսպանություն, ԱՄՆ, Ռուսաստան, Մարիա Զախարովա
Ըստ թեմայի
Լավրովն ու Զարիֆը Մոսկվայում կքննարկեն Ղարաբաղի հարցը․ Մարիա Զախարովա
Եռակողմ հայտարարության իրականացման համար համալիր աշխատանք է սպասվում․ Զախարովա
Եթե Բաքուն ու Երևանը ցանկանան․ Զախարովան՝ հայերի ու ադրբեջանցիների երկխոսության մասին