* ՀԱՅԱՍՏԱՆ * գազ, թանկանալ, Ալեն Սիմոնյան, սակագին, gazi sakagin, Alen Simonyan, Hayastan, tankanal
Ալեն Սիմոնյան, արխիվային լուսանկար

Այս պահին նման տեղեկություն չկա. Ալեն Սիմոնյանը` գազի թանկացման մասին

109
(Թարմացված է 00:50 21.01.2020)
Ազգային ժողովի փոխխոսնակ Ալեն Սիմոնյանը վստահեցնում է` գազի թանկացման մասին իրենց ունեցած տեղեկությունը դեռ նույնն է։

ԵՐԵՎԱՆ, 17 հունվարի — Sputnik. ԱԺ փոխխոսնակ Ալեն Սիմոնյանը «Իմ քայլը» խմբակցության պատգամավորների և ՀՀ վարչապետ Նիկոլ Փաշինյանի հետ հանդիպման ավարտից հետո լրագրողներին հայտնեց, որ առայժմ գազի թանկացման մասին տեղեկություն չկա։

Հայտնել էինք, որ «Գազպրոմ Արմենիան» չի բացառում` գազի սակագինն առաջիկայում կարող է վերանայվել։ «Գազպրոմ Արմենիա» ՓԲԸ հասարակայնության և ԶԼՄ-ների հետ կապերի ծառայությունից Sputnik Արմենիային հայտնել էին, որ ընկերությունը քննարկում է Հանրային ծառայությունները կարգավորող հանձնաժողով դիմելու հարցը։

«Որևէ նոր ինֆորմացիա չկա։ Կարող եմ ասել այն, ինչ հայտարարել էր փոխվարչապետ Մհեր Գրիգորյանը` գազի գնի հետ կապված այժմ քննարկումներ են գնում»,–ասաց Սիմոյանը։

Նրա խոսքով` գազի սակագնի վերաբերյալ իրենց ունեցած տեղեկությունները դեռևս նույնն են։

Գազի արտահոսք Մաստարայում. անչափահաս տղաներին և նրանց ծնողներին տեղափոխել են հիվանդանոց

Հիշեցնենք` 2019թ. վերջին տեղեկություն կար, որ «Գազպրոմ էքսպորտ» ՍՊԸ-ն և «Գազպրոմ Արմենիա» ՓԲԸ-ն ռուսական գազի մատակարարման լրացուցիչ համաձայնագիր են ստորագրել, ըստ որի՝ 2020թ. Հայաստանին վաճառվող գազի գինը չի փոփոխվի և կմնա 2019թ. մակարդակում:

Այս պահին ՀՀ սահմանին 1000 խմ գազի սակագինը 165 դոլար  է։

Գազի գինը չի՞ բարձրանա. կառավարությունն առաջարկում է փոփոխել գազի պայմանագիրը

2019թ. հունվարի 1-ին գազի 1000 խմ–ը սահմանին արժեր 150 դոլար։ Թերևա սա է պատճառը, որ «Գազպրոմ Արմենիան» մտադիր է բարձրացնել նաև սպառողներին մատակարարվող գազի գինը։

Նշենք, որ գազը սպառողին է հասնում գրեթե 290 դոլարով (1000 խմ):

109
թեգերը:
Ալեն Սիմոնյան, թանկացում, գազ, Հայաստան
Ըստ թեմայի
Ո՞ւր է գնում ՀՀ տնտեսությունը. տնտեսագետ Կառլեն Խաչատրյանը գնաճ ու թանկացում է կանխատեսում
Հայաստանում գազի սակագինը մինչև ապրիլի 1-ը չի բարձրանա. ՀՀ փոխվարչապետ
Պարսյան. «ՀՀ կառավարությունը ռումբն ավելի է մեծացնում՝ պատրույգը երկարացնելով»
Գազալցակայաններում չարաշահումների փաստերով հարուցվել է 31 քրեական գործ
Արմեն Չարչյան

Արմեն Չարչյանին շտապօգնությունով տեղափոխել են հիվանդանոց

110
(Թարմացված է 23:47 23.06.2021)
Դատարանը որոշել էր 1 ամսով կալանավորել «Իզմիրլյան» ԲԿ գլխավոր տնօրեն Արմեն Չարչյանին։

ԵՐԵՎԱՆ, 23 հունիսի - Sputnik. Պրոֆեսոր Արմեն Չարչյանը շտապօգնությունով տեղափոխվել է հիվանդանոց։ Այս մասին ֆեյսբուքյան էջում տեղեկացնում է փաստաբան Արամ Վարդևանյանը։

Հիշեցնենք, որ ժամեր առաջ դատարանը որոշեց 1 ամսով կալանավորել «Իզմիրլյան» ԲԿ գլխավոր տնօրեն Արմեն Չարչյանին։

«Պրոֆեսորի առողջական վիճակի մասին այս պահին չունենք։ Տեղեկացնում ենք նաև, որ ստեղծված իրավիճակում հրատապ միջնորդություն ենք ներկայացրել ՀՀ գլխավոր դատախազ Արթուր Դավթյանին։ Միջնորդությամբ խնդրել ենք իրացնել հայեցողական լիազորությունը՝ վերացնել կալանավորումը որպես խափանման միջոց։ Հիշեցնենք, որ հենց նման դեպքերի համար է առհասարակ քրեադատավարական օրենսդրությամբ նման լիազորություն տրված դատախազությանը»,-նշված է գրառման մեջ։

Հավելենք, որ Արմեն Չարչյանը հիվանդանոց է տեղափոխվել մինչ դատարանի որոշման հրապարակումը։

Հիշեցնենք՝ հունիսի 18-ին համացանցում հրապարակվեց մի ձայնագրություն, որում Չարչյանն իր աշխատակիցներին ասում էր, որ տնօրինությունը շատ կոշտ վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Նույն օրը հայտնի դարձավ, որ Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում։

Սա քաղաքական տեռոր է․ Արմեն Չարչյանը՝ իր դեմ հարուցված քրեական գործի մասին

Հունիսի 20-ի գիշերը Երևան քաղաքի Ավան և Նոր Նորք վարչական շրջանների ընդհանուր իրավասության դատարանի դատավոր Շահվերդյանը բավարարեց պաշտպանների բողոքը, ու Արմեն Չարչյանն առավոտյան դուրս եկավ «Շենգավիթ» ԲԿ-ից, ուր տեղափոխվել էր գիշերը՝ առողջական խնդիրների պատճառով։

Չարչյանն այսօր նույնպես չէր ներկայացել դատարան. պաշտպանը հայտնել էր, որ նա առողջական խնդիրների պատճառով հիվանդանոցում է։

110
թեգերը:
հիվանդանոց, շտապօգնություն, Արմեն Չարչյան
Ըստ թեմայի
Սոֆյա Հովսեփյանը պատրաստ է Արմեն Չարչյանին երաշխավորագիր տալ կալանքից ազատման համար
Սա ուղղորդում չէ, ռեպրեսիա չի լինելու․ հրապարակվել է Արմեն Չարչյանի ելույթի տեսագրությունը
Արմեն Չարչյանը կկալանավորվի. դատարանը որոշում կայացրեց
Արխիվային լուսանկար

Կաթողիկոսը շնորհավորել է ՀՀ նախագահին

16
(Թարմացված է 23:24 23.06.2021)
Վեհափառ Հայրապետը Արմեն Սարգսյանին մաղթել է քաջառողջություն, հաջողություն և արգասաբեր ծառայություն մեր հայրենիքին ու ժողովրդին:

ԵՐԵՎԱՆ, 23 հունիսի - Sputnik. Այսօր հեռախոսազրույց է տեղի ունեցել Հանրապետության նախագահ Արմեն Սարգսյանի և Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն հայոց կաթողիկոսի միջև, տեղեկացնում են ՀՀ նախագահի աշխատակազմից։

Վեհափառ Հայրապետը շնորհավորել է նախագահ Արմեն Սարգսյանին ծննդյան տարեդարձի առթիվ, մաղթել քաջառողջություն, հաջողություն և արգասաբեր ծառայություն մեր հայրենիքին ու ժողովրդին:

Հիշեցնենք, որ ՀՀ նախագահի ծննդյան տարեդարձը շնորհավորել են նաև ՌԴ նախագահ Վլադիմիր Պուտինը, Չինաստանի նախագահ Սի Ծինփինը, Սերբիայի նախագահ Ալեքսանդր Վուչիչը, ՀԱՊԿ գլխավոր քարտուղար Ստանիսլավ Զասը, Թուրքմենստանի նախագահ Գուրբանգուլի Բերդիմուհամեդովը, Բելառուսի նախագահ Ալեքսանդր Լուկաշենկոն, Ղազախստանի առաջին նախագահ Նուրսուլթան Նազարբաևը, Իտալիայի նախագահ Սերջիո Մատարելլան։

16
թեգերը:
շնորհավորանք, Արմեն Սարգսյան, Ամենայն Հայոց կաթողիկոս Գարեգին Բ
Ըստ թեմայի
Արմեն Սարգսյանը շնորհավորել է Նիկոլ Փաշինյանին
Արմեն Սարգսյանը հեռախոսազրույց է ունեցել Ռոբերտ Քոչարյանի հետ
Չինաստանի նախագահը շնորհավորել է Արմեն Սարգսյանի ծննդյան օրը
Նիդեռլանդների խորհրդարանը

Նիդեռլանդների խորհրդարանը հակաադրբեջանական բանաձև է ընդունել. բոյկոտել այցը Բաքու

8
(Թարմացված է 00:02 24.06.2021)
Նիդեռլանդների խորհրդարանը կոչ է անում բոյկոտել կառավարական պատվիրակության այցը Բաքու` ի նշան Ադրբեջանի պահվածքի դեմ բողոքի։

ԵՐԵՎԱՆ, 23 հունիսի – Sputnik. Նիդեռլանդների խորհրդարանն այսօր հակաադրբեջանական մի բանաձև է ընդունել։ Նիդեռլանդներում ՀՀ դեսպանության ֆեյսբուքյան էջից տեղեկանում ենք, որ խորհրդարանը կոչ է անում կառավարությանը Եվրոպայի ֆուտբոլի առաջնությանը Նիդեռլանդների հավաքանի հաղթանակի դեպքում Բաքու կառավարական պատվիրակություն չուղարկել, եթե հաջորդ խաղն այնտեղ անցկացվի։

Խորհրդարանը կոչ է անում բոյկոտել կառավարական պատվիրակության այցը Բաքու` ի նշան Ադրբեջանի պահվածքի դեմ բողոքի։

«Արձանագրելով, որ Բաքուն խախտել է զինադադարի համաձայնությունը, բացի այդ, հաշվի առնելով այն, որ դեռևս 200-ից ավել հայ ռազմագերիներ են պահվում Բաքվում, որտեղ նաև բացվել է զոհված հայ զինվորների սաղավարտներով «ռազմական ավարի» պուրակ, չուղարկել Բաքու կառավարական պատվիրակություն այն պարագայում, եթե Նիդեռլանդների հավաքականը խաղ անցկացնի Բաքվում»,–ասում է բանաձևում։

Հիշեցնենք, որ հունիսի 11-ին Իտալիա-Թուրքիա խաղով մեկնարկել է ֆուտբոլի Եվրոպայի 2020 թվականի առաջնությունը, որն անց է կացվում 10 քաղաքում:

Եվրո-2020-ը պետք է կայանար անցյալ ամռանը, սակայն կորոնավիրուսի պատճառով մրցաշարը տեղափոխեցին 2021–ին: Խաղերի մի մասը պետք է անցկացվի Բաքվում։

Բաքուն 15 գերիներին Երևանին է փոխանցել Վրաստանի վարչապետ Ղարիբաշվիլիի ակտիվ մասնակցությամբ

8
թեգերը:
Հայաստան, Ադրբեջան, Նիդեռլանդներ
Ըստ թեմայի
Եթե Երևանն ու Բաքուն դիմեն, Ռուսաստանը պատրաստ է օգնել սահմանագծման հանձնաժողովին
Թուրքիայի «Ազգայնական շարժում» կուսակցությունը Շուշիում դպրոց չի կառուցի. Բաքուն դեմ է
Բաքուն Առուստամյանին թույլ չի տվել մասնակցել Եվրո-2020-ին. Ուտկինը դիմել է կազմկոմիտեին