Նազենի Հովհաննիսյան. արխիվային լուսանկար

«Սիրո ընկալումներն էնքան տարբեր են». հատված Նազենի Հովհաննիսյանի գրքից

278
(Թարմացված է 16:19 16.01.2020)
Հայտնի դերասանուհին, որի գրառումները սոցցանցերում հազարավոր հավանումների են արժանանում, շարունակում է իր ապագա գրքից հատվածներ ներկայացնել։

ԵՐԵՎԱՆ, 16 հունվարի — Sputnik. Հայտնի հաղորդավարուհի, դերասանուհի Նազենի Հովհաննիսյանն  instagram-ի իր էջում հատված է մեջբերել իր դեռ չհրատարակված գրքից։ Նա գրել է աշխարհին պակասող բարության ու լավ խոսքի ուժի մասին։

«Սիրածդ մարդուն ուզում ես «մասնատել»». Նազենի Հովհաննիսյանը կրկին զարմացրել է օգտատերերին

«Աշխարհը զգալու համար հոգի է պետք, աշխարհը` իր չարությամբ հանդերձ սիրելու համար սիրտ է պետք, ակնհայտ վատն ու սուտը ներս չթողնելու համար լեցուն բարություն է պետք, անտարբեր ու վախվորած վարակին դիմակայելու համար կամք ու հավատք է պետք... Սիրո ընկալումներն էնքան տարբեր են, բայց գործքը մեկն է. ի՞նչ ես տալիս քո աշխարհին և ի՞նչ ես սպասում փոխադարձ... Թող բարի գործի և լավ խոսքի փոխադարձությամբ սկսվի այսօրը... »,–գրել է Նազենին  և հատվածը եզրափակել «#nazenihovhannisyan #mybook #2020» հեշթեգերով։

View this post on Instagram

A post shared by Nazeni Hovhannisyan (@nazenihovhannisyan) on

Նազենի Հովհաննիսյանն ասել է` ինչ պետք է անի «իրեն հարգող հայ աղջիկը», որ «բախտը բացվի»

Նշենք, որ Նազենի Հովհաննիսյանը բավականին ակտիվ է սոցցանցերի իր էջերում։ Instagram-ում նրա էջի հետևորդների թիվը հատել է 422.000–ի սահմանը։ Իսկ Facebook-ում դերասանուհու էջին 94.172 օգտատեր է հետևում։

Գնահատեք միայնակ կնոջը, որը չի նախընտրում տխմար ու անորակ կոմպրոմիսը. Նազենի Հովհաննիսյան

278
թեգերը:
ինստագրամ, գիրք, Հայաստան, Նազենի Հովհաննիսյան
Ըստ թեմայի
«Դժվար է 37- ում շարունակել լինել ինքնուրույն ու մնալ միայնակ». Նազենի Հովհաննիսյան
«Ես ինձ երեխա եմ զգում». Նազենի Հովհաննիսյանը՝ լողազգեստով. լուսանկար
Նազենի Հովհաննիսյանը բացահայտել է իր կազմվածքի գաղտնիքը
«Երբեք մի հանեք հոնքերը». էլ ի՞նչ խորհուրդներ է տալիս Նազենի Հովհաննիսյանը դեռահասներին
«Նադյան հաստատ հանգիստ է...». Նազենի Հովհաննիսյանը Էմմիի հետ լուսանկար է հրապարակել
«Սպուտնիկ V»

Հայաստանը «Սպուտնիկ V»-ի նոր խմբաքանակ է ձեռք բերել. մանրամասներ

58
(Թարմացված է 17:42 19.06.2021)
ՀՀ–ում կորոնավիրուսային հիվանդության համաճարակային իրավիճակի կայունացման նպատակով շարունակվում է պատվաստանյութերի նոր խմբաքանակների ներկրումը։

ԵՐԵՎԱՆ, 19 հունիսի – Sputnik. Հայաստան է ներկրվել կորոնավիրուսային հիվանդության դեմ «Սպուտնիկ V» պատվաստանյութի նոր խմբաքանակ: Տեղեկությունը Sputnik Արմենիային հայտնեցին ՀՀ առողջապահության նախարարության մամուլի ծառայությունից։

«Հայաստան է ներկրվել ռուսական «Սպուտնիկ V» պատվաստանյութի նոր խմբաքանակ 30000 անձի համար (30000` առաջին բաղադրիչ, 30000` երկրորդ բաղադրիչ)»,–հայտնեցին ԱՆ մամուլի ծառայությունից:

Նշենք, որ ՀՀ–ում կորոնավիրուսային հիվանդության համաճարակային իրավիճակի կայունացման նպատակով շարունակվում է պատվաստանյութերի նոր խմբաքանակների ձեռքբերումն ու ներկրումը։

Հիշեցնենք, որ COVID-19-ի դեմ պատվաստումները շարունակվում են հանրապետության ամբողջ տարածքում: Պատվաստումներն իրականացվում են առողջության առաջնային պահպանման կազմակերպություններում շաբաթվա բոլոր օրերին. շաբաթ և կիրակի սահմանվել են հերթապահություններ՝ ժամը 10։00-16։00-ը: «Սպուտնիկ V»- ով պատվաստումները նախատեսված են 18 տարեկանից բարձր խրոնիկ հիվանդների, 18-54 տարեկան բուժաշխատողների, սոցիալական խնամքի կենտրոնների բնակիչների և աշխատակիցների համար: Իսկ «ԱստրաԶենեկայով» և «Կորոնավակով» պատվաստումները կարող են իրականացվել 18 և բարձր տարիքի անձանց շրջանում, ըստ դիմելիության, կամավորության սկզբունքով:

Հանրապետությունում պատվաստումներն անվճար են և իրականացվում են միայն կամավորության սկզբունքով:

Ինչպես կարելի է մուտք գործել Ռուսաստան ԱՊՀ երկրներից. նոր կանոններ

58
թեգերը:
Սպուտնիկ V, պատվաստանյութ, կորոնավիրուս, Հայաստան
Ըստ թեմայի
Բժիշկ Մյասնիկովն ասել է՝ ինչպես պաշտպանվել Covid-19-ի երրորդ ալիքից
Երևանից Բաթում մեկնած ուղևորներից 2-ին իջեցրել են գնացքից. ՀԿԵ–ն կրկին զգուշացնում է
Ռուսաստանի ՊՆ-ն կորոնավիրուսի դեմ «ծամոն» է մշակում
Գագիկ Սուրենյան

Երևանում օդի ջերմաստիճանը կհասնի +40-ի. Գագիկ Սուրենյանը զգուշացնում է

408
(Թարմացված է 14:04 19.06.2021)
Մի քանի օր շարունակ հանրապետության ամբողջ տարածքում սպասվում է խիստ բարձր ջերմային ֆոն։

ԵՐԵՎԱՆ, 19 հունիսի – Sputnik. Պայմանավորված արաբական անապատներից արևադարձային տաք օդային հոսանքների ներթափանցմամբ` հունիսի 21-24-ին Հայաստանի ամբողջ տարածքում սպասվում է խիստ բարձր ջերմային ֆոն։ Տեղեկությունը հայտնում է ՀՀ շրջակա միջավայրի նախարարության «Հիդրոօդերևութաբանության և մոնիթորինգի կենտրոն» ՊՈԱԿ–ի տնօրենի տեղակալ Գագիկ Սուրենյանը։

«Արարատյան դաշտում և նախալեռներում, Վայոց Ձորի նախալեռներում, Սյունիքի հովտային գոտում և Երևանում ցերեկային ժամերին սպասվում է +39–ից +40 աստիճան տաքություն։ Հունիսի 19-24-ին նշված գոտիներում սպասվում է նաև բարձր կարգի հրդեհավտանգ իրավիճակ»,– Facebook–ի իր էջում գրել է նա:

Սուրենյանը նշել է, որ ուլտրամանուշակագույն ճառագայթման ինտենսիվությունը սպասվում է նորմայից բարձր։ Խորհուրդ է տրվում ժամը 11։00-ից մինչև 17։00-ն ընկած ժամանակահատվածում խուսափել արևի ուղիղ ճառագայթներից։

Հայաստանին թոքերի արհեստական շնչառության 22 սարքավորում են փոխանցել

Մինչև հուլիսի 1-ը ո՞ւր պետք է դիմեն կենսաթոշակառուները

408
թեգերը:
Գագիկ Սուրենյան, եղանակ, Հայաստան
Ձեռնաշղթայով տղամարդ

Ընտրողներին կաշառք տալու կասկածանքով 3 մարդու են ձերբակալել, մեկը պատգամավորի թեկնածու է

57
(Թարմացված է 18:14 19.06.2021)
Տվյալներ են ձեռք բերվել, որ ձերբակալված անձինք անձամբ և միջնորդների միջոցով կաշառք են բաժանել ընտրողներին։

ԵՐԵՎԱՆ, 19 հունիսի – Sputnik. Հայաստանում ևս 3 հոգու են ձերբակալել ընտրողներին կաշառք տալու կասկածանքով։ Տեղեկությունը հայտնում է Հայաստանի հատուկ քննչական ծառայությունը։

«ՀՀ Վայոց Ձորի մարզի Եղեգնաձորի տարածաշրջանում ընտրակաշառք բաժանելու և ստանալու, ինչպես նաև ընտրակաշառքի միջնորդության դեպքերի առթիվ ԱԱԾ–ում հարուցված և ՀՔԾ վարույթում քննվող քրեական գործի նյութերով տվյալներ են ձեռք բերվել, որ վերը նշված տարածաշրջանում մի խումբ անձինք 2021 թվականի հունիսի 20-ին նշանակված ՀՀ ԱԺ արտահերթ ընտրություններին մասնակցելու և կուսակցությունների դաշինքի օգտին կողմ քվեարկելու համար նույն տարածաշրջանի ընտրողներին անձամբ և միջնորդների միջոցով բաժանել են կաշառք»,– նշված է հաղորդագրության մեջ:

Ըստ ՀՔԾ–ի` վերը նշված հանցավոր արարքները կատարելու կասկածանքով ձերբակալվել են կուսակցությունների դաշինքի պատգամավորության թեկնածու Գ. Ս.–ն, ՃՈ ծառայող Հ. Մ.-ն և Կ. Կ.-ն:

Վերջիններս կասկածվում են նախնական համաձայնությամբ ընտրողներին կաշառք բաժանելու և կաշառքի միջնորդություն կատարելու մեջ:

Կատարվում է նախաքննություն:

Նշենք, որ «Պատիվ ունեմ» դաշինքի ներկայացուցիչ Արսեն Բաբայանը Facebook–ի իր էջում գրել է, որ ձերբակալվածը իրենց դաշինքի պատգամավորության թեկնածու Գոռ Սեդրակյանն է։

Սնունդ` քվեի դիմաց. Գավառում ընտրակաշառքի գործով ևս 8 անձի մեղադրանք է առաջադրվել

57
թեգերը:
ընտրակաշառք, Հատուկ քննչական ծառայություն (ՀՔԾ), Հայաստան