Իսկ դուք իմ վարկը կմուծե՞ք. ֆերմերները բողոքի ակցիա են կազմակերպել կառավարության մոտ
(Թարմացված է 15:42 16.01.2020)
Այս տարվա հունվարի 15-ից միսը Հայաստանում թույլատրվում է վաճառել միայն սպանդանոցներից։ Գյուղացիները հայտարարում են` սպանդանոցները հեռու են ու թանկ։ ԵՐԵՎԱՆ, 16 հունվարի — Sputnik. Եթե գյուղացին վճարի սպանդանոցներին, իր պահած անասունից եկամուտ չի ստանա ու նույնիսկ վնաս կկրի։ Նման հաշվարկ են արել այսօր կառավարության շենքի դիմաց բողոքի ակցիա կազմակերպած ֆերմերային տնտեսությունների ներկայացուցիչները։
Փաշինյանը պահանջում է մութ անկյուններից դուրս բերել ամբողջ բիզնեսը, այդ թվում` ԶԼՄ–ները
Այս տարվա հունվարի 15-ից ուժի մեջ է մտել կառավարության ընդունած որոշումը, ըստ որի Հայաստանի ամբողջ տարածքում վաճառվող միսը պետք է ունենա սպանդանոցում մորթված լինելը հավաստող փաստաթուղթ, ինչն անվտանգության երաշխիք է։
Ֆերմերների բողոքի ակցիան կառավարության տան մոտ (2020թ. հունվարի 16)։ Երևան© Sputnik / Andranik Ghazaryan
Ֆերմերների բողոքի ակցիան կառավարության տան մոտ (2020թ. հունվարի 16)։ Երևան© Sputnik / Andranik Ghazaryan
Ֆերմերների բողոքի ակցիան կառավարության տան մոտ (2020թ. հունվարի 16)։ Երևան© Sputnik / Andranik Ghazaryan
Ֆերմերների բողոքի ակցիան կառավարության տան մոտ (2020թ. հունվարի 16)։ Երևան© Sputnik / Andranik Ghazaryan
©
Sputnik / Andranik Ghazaryan
Կառավարության շենքի մոտ հավաքված ֆերմերները վստահեցնում են` սպանդանոցները մորթի դիմաց չափազանց մեծ գին են պահանջում, բայցի այդ շատ տեղերում դրանք ընդհանրապես բացակայում են, և անասունին մորթելու համար ֆերմերը ստիպված է լինելու տասնյակ կիլոմետրեր անցնել։
«Ես զանգեցի ձեր թեժ գծին, ասում եմ` ո՞ւր տանեմ իմ անասունները մորթելու։ Ասում են` Կոտայքի մարզ, իսկ ես Վարդենիսից եմ, 100 կմ ճանապարհ գնա՞մ։ Իսկ բեռնատարի համար դո՞ւք եք վճարելու։ Մսի ինքնարժեքն ավելանում է, հետո ես ո՞նց վաճառեմ։ Վարկս ո՞նց տամ։ Թե՞ դուք եք գալու բանկ, իմ փոխարեն բացատրություն տաք»,– իրենց բողոքն ու կուտակված հարցերը ֆերմերներն ուղղեցին ՀՀ սննդամթերքի անվտանգության տեսչական մարմնի ղեկավար Գեորգի Ավետիսյանին, որը դուրս էր եկել կառավարության նիստից։
Պաշտոնյան առարկեց. «Բայց ձեր մարզում էլ սպանդանոցներ կան` Սևանում ու Ճամբարակում»։
«Դրանք չեն աշխատում։ Այ, հենց հիմա զանգեք, ստուգեք»,– ասացին գյուղացիները։
Ավետիսյանը չհապաղեց, զանգեց, ու պարզվեց, որ դրանք իսկապես չեն գործում։ Բայց խոստացան, որ վաղվանից բացվելու են։
Իսկ թե ինչ սակագներով են աշխատելու, Ավետիսյանը նշեց, որ հարցի հասցեատերն ինքը չէ։
«Ամեն ինչ կորոշի մրցակցությունը։ Ով ավելի ցածր սակագին կառաջարկի, նա էլ ավելի շատ հաճախորդ կունենա»,– ասաց նա։
Նշենք, որ 2018թ.–ի դրությամբ հայաստանյան սպանդանոցները կենտրոնացած էին հիմնականում մայրաքաղաքին հարակից տարածքներում` Կոտայքի մարզում` 11, Մասիսում` 1, ևս 2-ը` Էջմիածինում։ Ապարանում, Վանաձորում, Ալավերդիում Դիլիջանում ու Եղեգնաձորում երկուական սպանդանոց էր գործում, իսկ անասնապահական խոշոր շրջաններում` Շիրակում, Գեղարքունիքում, ինչպես նաև Սիսիանում սպանդանոցներ ընդհանրապես չկային։
Բալային համակարգը տաքսու վարորդներին փողոց է հանել. կառավարության շենքի մոտ բողոքի ակցիա է
Սյունիքում պետք է ստեղծվի 5-7 կմ տարածությամբ ապառազմականացված անվտանգության գոտի. Թաթոյան
(Թարմացված է 12:31 05.03.2021)
Արման Թաթոյանը հետևյալ հարցադրումն է անում. ինչպե՞ս են պաշտպանվելու մարդու իրավունքները, երբ, օրինակ, Գեղարքունիքի Ներքին Հանդի դպրոցը 500 մետր է հեռու ադրբեջանական զինված ուժերից։
ԵՐԵՎԱՆ, 5 մարտի - Sputnik. Սյունիքում պետք է ստեղծվի ապառազմականացված անվտանգության գոտի։ Այսօր կայացած ասուլիսի ժամանակ նման համոզմունք հայտնեց ՀՀ մարդու իրավունքների պաշտպան Արման Թաթոյանը։
ՄԻՊ–ը կոնկրետ օրինակներով ու տեսանյութերով ապացուցեց, որ Սյունիքում ապառազմականացված անվտանգության գոտի ստեղծելու կարիք կա` ասելով, որ իրենց աշխատանքներն են փաստում այդ մասին։
«Ակնհայտ խնդիրներ կան։ Օրինակ, մեր ունեցած տեսանյութերում երևում է, թե ինչպես են Սյունիքի գյուղերի վրա կրակում։ Մասնագիտական ուսումնասիրություն է կատարվել և պարզվել է, որ «Կալաշնիկովի» ձեռքի գնդացրով, «Դրագունովի» դիպուկահար հրացանով, «Կալաշնիկովի» գնդացրով և Մ93 հրացանով են կրակում Սյունիքի գյուղերի վրա»,–ասաց Թաթոյանը` հավելելով, որ վերջին օրերին էլ Շիկահողի և Ներքին հանդի ուղղությամբ են կրակոցներ հնչել։
Նա հայտնեց նաև, որ այժմ սահմաններին կանգնած են մարդիկ, որոնք ամիսներ առաջ ծեծում և խոշտանգում էին մեր հայրենակիցներին։
Օրինակ, մենք ապացույց տեսանյութեր ունենք, որ ադրբեջանցի հրամանատարն ասում է` ընկերոջը հայի ականջներ է խոստացել և ցուցադրաբար, ծաղրի ենթարկելով, կտրում է հայի ականջները։ Մեկ ուրիշ տեսանյութում էլ քաղաքացիական անձին են ծեծի ենթարկում` ասելով, թե դուք մարդ չեք։
Թաթոյանը նշում է` ինչպե՞ս են պաշտպանվելու մարդու իրավունքները, երբ, օրինակ, Գեղարքունիքի Ներքին Հանդի դպրոցը 500 մետր է հեռու ադրբեջանակն զինված ուժերից։
ՄԻՊ–ը շեշտեց` այս ամենը հաշվի Սյունիքի ապառազմականացված անվտանգության գոտի (առնվազն 5-7 կմ տարածությամբ) ստեղծելն անհրաժեշտություն է։ Սա հիմնված է այն զինատեսակների վրա, որոնցով Ադրբեջանը շարունակում է կրակել։ Թաթոյանը հայտնեց` հարցն արդեն իսկ ներկայացրել է միջազգային կառույցներին։
Հիշեցնենք, որ Թաթոյանը դեռ 2020-ի դեկտեմբերի 22-ին հայտնել էր, թե որ համայնքից որքան տարածք է անցել թշնամուն։ Տեղ համայնքում, որի մեջ են մտնում Խոզնավարը, Խնածախը, 2000 հեկտարից ավելի մասնավոր սեփականություն կա, որից զրկվել ենք։ Շուռնուխում 11 տուն է անցել թշնամուն, Որոտանում` 326 հեկտարից ավելի մասնավոր և համայնքային սեփականություն համարվող հողատարածքներից են զրկվել։ 18-20 այգեգործական տնակներ Որոտանում կառուցվել են այն հողերի վրա, որոնք ՀՀ գործկոմի որոշումներով են հատկացվել մարդկանց, որոնցից նույնպես զրկվել ենք։
Ագարակ գյուղում մարդիկ զրկվել են 60 հա մասնավոր և համայնքային սեփականություն համարվող տարածքից, Եղվարդում` 110 հա վարելահողից և 50 հա արոտավայրից, Ճակատենում` 30 հա վարելահողից և 25 հա արոտավայրից։
Հարավկովկասյան երկաթուղին շահագործման է հանձնել 70 նոր կիսավագոններ
(Թարմացված է 11:42 05.03.2021)
«Հարավկովկասյան երկաթուղի» ընկերություն2021-2024 թթ. նախատեսվում է ամբողջովին նորացնել բեռնատար կիսավագոնների պարկը:ԵՐԵՎԱՆ, 5 մարտի - Sputnik. ՀԿԵ-ն շահագործման է հանձնել 70 նոր կիսավագոններ։ Տեղեկությունը հայտնում է ընկերության մամուլի ծառայությունը։
©
Sputnik / Кирилл Каллиников
Նշվում է, որ 2020 թվականին «Հարավկովկասյան երկաթուղի» ընկերությունը գնել է «Ուրալվագոնզավոդ» ձեռնարկության արտադրության 70 նոր կիսավագոններ: Վագոնները Հայաստան են բերվել 2020 թվականի հոկտեմբերին՝ Կավկազ նավահանգիստ – Փոթի նավահանգիստ երկաթուղային լաստանավային երթուղով:
«Այս տարվա փետրվարին 29 նոր կիսավագոններ արդեն սկսել են սպասարկել Երևանից Փոթի իրականացվող պղնձի խտանյութի արտահանման փոխադրումները: Առաջին բեռնումն իրականացվել է 2021 թվականի փետրվարի 24-ին»,–նշվում է հաղորդագրության մեջ:
Ընկերությունից հավելում են, որ Հարավկովկասյան երկաթուղու շարժակազմի թարմացման գործընթացը շարունակական բնույթ է կրում:
Արտակարգ դրությունն ազդել է նաև երկաթուղու աշխատանքի վրա. ինչ պետք է անեն ՀԿԵ-ում
2021 թվականի ընթացքում այն զարգացման նոր խթան կստանա, իսկ 2021-2024 թթ. նախատեսվում է ամբողջովին նորացնել բեռնատար կիսավագոնների պարկը:
Հիշեցնենք` ՀԿԵ ՓԲԸ-ն հանդիսանում է «Ռուսական երկաթուղիներ» ԲԲԸ-ի դուստր ընկերություն և իրականացնում է Հայաստանի երկաթուղային համակարգի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ ևս 10 տարի երկարացման իրավունքով:
ՀԿԵ–ն Երևանում ջերմային էլեկտրակայանի կառուցման համար խոշոր ծավալի բեռներ է փոխադրել