Արթուր Վանեցյան, արիխիվային լուսանկար

Վանեցյանի ակտիվությունն ու բարեփոխումներն ԱԱԾ–ում. ինչո՞ւ իշխանությունը պետք է շտապի

323
(Թարմացված է 23:47 15.01.2020)
Հայաստանի հատուկ ծառայությունների նախկին ղեկավարի քաղաքական ակտիվությունը վերջին շրջանում նկատում են բոլորը։ Իսկ ինչո՞վ է դա պայմանավորված։

ԵՐԵՎԱՆ, 15 հունվարի — Sputnik. ՀՀ իշխանությունն ուշացնում է ուժային մարմիններում բարեփոխումներ անցկացնելու հարցը, ժամանակը երկրի ղեկավարության դեմ է աշխատում։ Sputnik Արմենիայի հետ զրույցում այս մասին ասաց անվտանգության հարցերի փորձագետ Վլադիմիր Պողոսյանը։

Փորձագետը, որ դեր է ունեցել անկախ Հայաստանի անվտանգության ծառայությունների ստեղծման գործում, համոզված է՝ ուժային մարմիններում ապագա բարեփոխումներին ուղղված որոշակի դիմադրություն կա։  Խոսքը բացառապես Ազգային անվտանգության ծառայության մասին է։

Սուրենյանց. «Վարչապետն ու իր ընտանիքը Վանեցյանին դարձրին հեղափոխության Ռոբին Հուդ»

Նրա կարծիքով` երբ վարչապետը հայտարարեց ԱԱԾ–ի կառուցվածքային փոփոխությունների մասին, այնտեղ սկսեցին «հարվածային» տեմպերով աշխատել։  Նա նույն շղթայի օղակներ է համարում ներդրողների պաշտպանության ստորաբաժանման ստեղծումը և  «Դիանա Հարությունյան» կեղծ էջի (որտեղ տեղեկություն էր տարածվել՝ իբր Ղասեմ Սոլեյմանիի սպանությանը զուգահեռ Նիկոլ Փաշինյանը շնորհավորել է Թրամփին) հեղինակի ձերբակալումը։

«ԱԱԾ–ում ձևացնում են, թե աշխատում են` փորձելով խուսափել կառուցվածքային բարեփոխումներից։ Ակնհայտ է, որ ԱԱԾ-ում չեն ցանկանում սեփական արտոնությունները կիսել այլ գերատեսչությունների հետ», – ասաց Պողոսյանը։

Նրա խոսքով` կեղծ հաղորդագրությունը ազգային անվտանգության համար որևէ սպառնալիք չէր ներկայացնում։ Իրանցիները լուրջ մարդիկ են, նրանք ՀՀ կառավարության հետ շփման իրենց ալիքներն ունեն և պարզապես չէին կարող կուլ տալ այդ խայծը:

«Այլ հարց է, որ «գրասենյակից» ՀՀ վարչապետին համոզել են, որ դա ազգային անվտանգության համար լուրջ սպառնալիք է, սկանդալը ուռճացրել են` որոշելով ինքնագովազդ անել կեղծ օգտատիրոջը ձերբակալելու հաշվին», – նշեց Պողոսյանը։

ՀՀ ազգային անվտանգության ծառայությունը, ըստ նրա, միշտ առանձին «պետություն է եղել պետության մեջ», հրեշ-կառույց, որը միավորում է գրեթե բոլոր ուժային գործառույթները։  ԱԱԾ–ն այսօր որոշակի մասնատման կարիք ունի։ Հետախուզություն, հակահետախուզություն, ահաբեկչության դեմ պայքար, պետական սահմանների պաշտպանություն, կոռուպցիայի դեմ պայքար. այս բոլոր գործառույթները չպետք է պատկանեն մեկ մարմնի, քանի որ խախտվում է զսպումների և հակակշիռների համակարգը։

«Երբ լսում ենք կոռուպցիայի դեմ նրանց մոլի պայքարի մասին, ապա նման «աշխուժությունը» տարակուսանք է առաջացնում։ Իսկ ո՞ւր էին նրանք նախորդ իշխանությունների օրոք, ինչո՞ւ այն ժամանակ չէին պայքարում կոռուպցիայի դեմ։ Ինչո՞ւ այս բոլոր աղմկահարույց բացահայտումները միայն այսօր հնարավոր դարձան», – հարց է տալիս մեր զրուցակիցը։

Պողոսյանն ի սկզբանե չի ողջունել Վանեցյանին ԱԱԾ տնօրեն նշանակելու գաղափարը։  Նրա համար ակնհայտ է եղել, որ Վանեցյանը քաղաքական հավակնություններ ունի. երբ ԱԱԾ ղեկավարը պարբերաբար հայտնվում է հեռուստացույցի էկրանին, վատ նշան է։

«Twitter–ում ԱԱԾ նախկին տնօրենի ակտիվությունը, նրա քաղաքական հայտարարությունները վկայում են, որ առաջիկայում Վանեցյանն առաջատար ընդդիմադիր կդառնա»,- ասում է Պողոսյանը։

Ավելին, Վանեցյանը կարող է իր հետ «տանել» ԱԱԾ իր համախոհներին, իրեն հավատարիմ մարդկանց։ Այսօր էլ, հաշվի առնելով Վանեցյանի հին կապերը ԱԱԾ-ում, Պողոսյանը չի բացառում, որ Փաշինյանի բարեփոխումների դեմ որոշակի դիմադրություն կլինի։

Կենցաղային խոսակցություն է. Արարատ Միրզոյանը` Փաշինյան–Վանեցյան ընտանիքների բանավեճի մասին

Փորձագետի կարծիքով՝ միակ ելքն այն կլինի, որ ԱԱԾ-ի իրավասությունների շրջանակից հանեն որոշ գործառույթներ` կոռուպցիայի դեմ պայքարը և արտաքին հետախուզությունը։ Ըստ նրա՝ ԱԱԾ–ն պետք է զբաղի հակահետախուզությամբ, ահաբեկչության դեմ պայքարով ու սահմանադրական կարգի պաշտպանությամբ։

323
թեգերը:
Իշխանություն, ՀՀ ազգային անվտանգության ծառայություն. ԱԱԾ, Արթուր Վանեցյան
Ըստ թեմայի
Հրաժարականներ, ցավոտ պարտություններ, քրեական գործ. հայկական սպորտի սկանդալները 2019-ին
Պաշտպանել հեղափոխությո՞ւնը. ինչպես կարող է Վանեցյանը համախմբել ընդդիմությանը
2019թ.–ի ամենաաղմկահարույց պաշտոնանկությունները
Ինչ տեղի ունեցավ Հայաստանում 2019-ին. ներքաղաքական քամիներն ու աշխարհաքաղաքականությունը

«Ինձ համար մեկ էր...». Ժաննա Լևինան խոսել է Գարիկ Մարտիրոսյանի հանդեպ իր սիրո մասին

39
(Թարմացված է 23:04 13.08.2020)
Լևինան պատմել է, թե ինչպես են բնակարան վարձել Մոսկվայում։ Նա ասել է, որ 40 տարեկանում պատրաստ չէր լինի նույն սցենարի կրկնությանը։

ԵՐԵՎԱՆ, 13 օգոստոսի — Sputnik. Հայտնի հաղորդավար Գարիկ Մարտիրոսյանի կինը՝ Ժաննա Լևինան, պատմել է՝ ինչպես է սկսվել ամուսնու հետ համատեղ կյանքը։ Նա ասել է, որ 20 տարեկանում այնքան է սիրահարված եղել, որ չի էլ մտածել փողի մասին։

Լևինան YouTube-ի «ТО Gazgolder» ալիքում հրապարակված «Конечно, Вася» շոուի ժամանակ հիշեցրել է, որ իրենք արդեն 20 տարվա ամուսիններ են։

«Գարիկն այն ժամանակ պարզապես ՈւՀԱ-ի մասնակից էր, ընդհանրապես փող չուներ։ Բայց ես էլ 20 տարեկան էի։ Ինձ համար լրիվ մեկ էր․․․», - ասել է Լևինա–Մարտիրոսյանը։

Կինը պատմել է, որ սկզբում դժվարությունների են բախվել։ Մոսկվա տեղափոխվելուց հետո պարտքով գումար են վերցրել ընկերներից ու մեկսենյականոց բնակարան վարձել։ Լևինան ինքն է այդ «հյուղակի» համար վարագույր կարել էժան կտորից։

Գարիկ Մարտիրոսյանի կինը միաժամանակ ասել է, որ 40 տարեկանում պատրաստ չէր լինի նույն սցենարի կրկնությանը։ Տղամարդու մեջ նա առաջին հերթին ուժեղ բնավորությունն է գնահատում։

Ինչպե՞ս «կալանավորել», որ չփախչի. Գարիկ Մարտիրոսյանի կինը՝ իր բաղձալի ցանկության մասին

«Ամուսինս պետք է ինձանից մի քանի անգամ ուժեղ լինի։ Եթե նա ավելի թույլ լինի, ես նրան «կուտեմ»։ Չեմ կարողանա նրա հետ ապրել», - ավելացրել է նա։

Ժաննա Լևինան ու Գարիկ Մարտիրոսյանն ամուսնացել են 1998 թվականին։ 2004 թվականի ամռանը ծնվել է նրանց դուստրը` Ժասմինը։ Որդին` Դանիելը, լույս աշխարհ է եկել 2009 թվականի հոկտեմբերին։ Ժաննան այժմ 44 տարեկան է, Գարիկը` 46։

Գարիկ Մարտիրոսյանն ու կինը պարում են «Սուպեր Ժորիկի» «Զոլոտո» երգի ներքո

39
թեգերը:
Կին, ամուսին, սեր, Գարիկ Մարտիրոսյան, Ժաննա Լևինա
Ըստ թեմայի
«Ցնցող կին». Գարիկ Մարտիրոսյանը պարծենում ու հպարտանում է իր կողակցով. տեսանյութ
Գարիկ Մարտիրոսյանը նմանակում է Դմիտրի Նագիևին. տեսանյութ
Գարիկ Մարտիրոսյանի կինը հիշել է` ինչպես էին տարազով պարում Երևանում
Շրջակա միջավայրի նախարարության, ոստիկանության աշխատակիցներն ու համայնքի ղեկավարը հայտնաբերել ու ապամոնտաժել են Աժդահակ լեռան խառնարանային լճում տեղադրված բենզապոմպը

Պարզվել է Կարմիր կատարից ձգվող խողովակի առեղծվածը. ո՞վ է ջուր գողացել խառնարանային լճից

325
(Թարմացված է 21:04 13.08.2020)
Զբոսաշրջիկների սիրելի վայրերից մեկի` Աժդահակ լեռան անունը վերջին օրերին շատ արծարծվեց։ Պատճառն ահազանգն էր` բարձունքներից մեկի լճի մոտ խողովակ են դրել և ջուր են «քաշում»։ Պատկերն արդեն հստակեցվել է, հայտնի է` ով է նման քայլի դիմել, և որքան ջրից է զրկվել լիճը։

Գեղամա լեռնաշղթայի հյուսիսային հատվածում շուրջ 3600 մետր բարձրության վրա գտնվող Կարմիր կատար բարձունքի խառնարանային լճից երկրորդ տարին անընդմեջ ապօրինի ջրառ իրականացնողը մի անասնապահ է։ Sputnik Արմենիային լուրը հայտնեց Բնապահպանության և ընդերքի տեսչական մարմնի Կոտայքի տարածքային բաժնի տնօրեն Մկրտիչ Վանոյանը։

Сотрудники министерства окружающей среды, полиции и глава общины нашли, демонтировали и конфисковали установленный бензонасос в кратерном озере Аждаак (12 августа 2020). Гегамский хребет
Լիճ մտնող խողովակը

Երեկ մեծ աղմուկ էր բարձրացրել ահազանգը, որ Աժդահակ լեռան բարձունքներից մեկի խառնարանի տարածքում 5 կիլոմետրանոց խողովակաշար է տեղադրվել, ջրառ է իրականացվում։ Ըստ ահազանգի` եթե այսպես շարունակվի, խառնարանը կարող է անապատացման եզրին հայտնվել։ Շրջակա միջավայրի նախարարի հանձնարարությամբ` թիմ էր ձևավորվել, որոնք այցելել էին «դեպքի վայր»։ Ահազանգը ճիշտ էր, պոմպը տեղում ապամոնտաժել էին։

Сотрудники министерства окружающей среды, полиции и глава общины нашли, демонтировали и конфисковали установленный бензонасос в кратерном озере Аждаак (12 августа 2020). Гегамский хребет
Ապամոնտաժված պոմպը

«Դեռ նախորդ տարի Արմավիրի մարզի Արտաշատ քաղաքի բնակիչ Թեմուր Խուդոյանը (ազգությամբ եզդի) Աժդահակ լեռան խառնարանային լճից առանց ջրօգտագործման թույլտվության բենզապոմպի և խողովակաշարի միջոցով կատարել էր ապօրինի ջրառ։ Նա վարչական պատասխանատվության էր ենթարկվել (150 000 դրամ) և պարտավորվել հեռացնել խողովակները։ Այս տարի, սակայն, նորից նույն դեպքին ականատես եղանք»,–ասաց Վանոյանը։

Նրա խոսքով` տղամարդն ասել է, որ ջուրն իր` 1000-ի հասնող անասունների համար է օգտագործում։ Սովորաբար անասնապահներն այնտեղ մի քանի ամիս մնում են իրենց անասունների և ընտանիքների հետ։ Իսկ որ այս տարի նույնպես այդ տարածքից ապօրինի ջրառ է իրականացվում և նորից նույն մարդու «մատն է խառը», դեռ օգոստոսի 6-ին են ահազանգ ստացել։ Տեսչական մարմնի աշխատակիցները բանավոր նկատողություն են տվել Թեմուր Խուդոյանին` հանձնարարելով խողովակները հեռացնել։ Սակայն օրեր անց նորից ահազանգ են ստացել, որ տղամարդը շարունակում է ջրառը։

Հարցին, թե ո՞վ է մեղավոր, որ երկրորդ տարին անընդմեջ նույն ապօրինությունն է կատարվում, և ինչպե՞ս է ստացվել, որ խողովակները տեղադրելու պրոցեսն աննկատ է մնացել, Վանոյանը պատասխանեց, որ վերահսկողությունը պետք է Գառնի համայնքի ղեկավարությունն իրականացներ։ Նրա խոսքով` տեսչական մարմինը հաջորդ տարի չի թույլատրի, որ տղամարդը ջրամբարին «մոտ գնա»` անասուններին արածացնի։

Мкртич Ваноян, директор Котайкского территориального управления инспекции по охране природы
© Sputnik / Asatur Yesayants
Մկրտիչ Վանոյան

Կոտայքի մարզպետի պաշտոնակատար, փոխմարզպետ Առնակ Ավետիսյանն էլ իր հերթին ասաց` եթե խնդիրը կրկնվում է երկրորդ անգամ, ուրեմն չի բացառվում, որ պատկան մարմիններից մեկը թերացել է իր աշխատանքում։ Սակայն, ըստ Ավետիսյանի, այս պահին խնդիրն ամբողջությամբ լուծվել է։

«Բենզապոմպը հեռացվել է, առանց որի հնարավոր չէ ջրառ անել։ Խողովակներն ապամոնտաժվել են, հիմա խողովակները տարածքից հեռացնելու առնչությամբ քննարկում է գնում»,–ասաց Ավետիսյանը։

Նա հայտնեց, որ վերջերս է արշավախմբով Աժդահակ բարձրացել, որի կատարներից մեկի վրա էլ գտնվում է Կարմիր կատարի խառնարանը։ Սակայն այդ հատվածից, որտեղով իրենք են լեռը բարձրացել, խողովակները նկատելի չեն եղել։

И.о. губернатора Котайкской области Арнак Аветисян
© Sputnik / Asatur Yesayants
Առնակ Ավետիսյան

Ավետիսյանի խոսքով` համայնքների ղեկավարներին արդեն իսկ հանձնարարվել է ավելի ուշադիր լինել` բացառելու համար նման երևույթները։ Նա նշեց` ՏԻՄ–երի գործառույթների մեջ է մտնում բնապահպանական ռիսկերի նվազեցումը։ Աժդահակը, ըստ Կոտայքի մարզպետի պաշտոնակատարի, բնության գոհարներից մեկն է, որի հանդեպ լեռնագնացների ուշադրությունը տարեցտարի ավելանում է։

Գեղարդ համայնքի ղեկավար Սանասար Թառոյանն էլ հայտնեց` ապօրինի ջրառի հետևանքով խառնալիճը մեծ վնասներ չի կրել, քանի որ խոսքը 15 տոննա ջրի մասին է։ Նրա խոսքով` Թեմուր Խուդոյանն այսօր իր մոտ է եղել, գրություն գրել ու ներողություն խնդրել արածի համար։

«Հաջորդ տարի նրան թույլ կտամ այդ տարածք մուտք գործել, երբ նա օրինական ձևով ջրառ իրականացնելու թույլտվություն կունենա։ Այդ տարածքում, ուր անասուններ են պահում, կա ջրագիծ, սակայն Խուդոյանն արդարանում էր, թե հեռու է ջրագիծը, ինչի պատճառով էլ ինքն իր ջրագիծն էր գցել»,–ասաց համայնքի ղեկավարը։

Ինչ վերաբերում է վերահսկողությանը, ապա, ըստ Թառոյանի, դա ոչ թե իրենք, այլ Շրջակա միջավայրի նախարարությունը պետք է իրականացնի։ Նրա խոսքով` հենց նախարարությունը պետք է հետևողական լիներ, որ նախորդ տարվա նույն քայլը չանեին այս տարի։

Շրջակա միջավայրի նախարարության մամուլի քարտուղար Դավիթ Գրիգորյանը մեզ հետ զրույցում հայտնեց, որ նախարարությունը որևէ վերահսկողական գործառույթ չունի այս դեպքում, քանի որ Կարմիր կատարը բնության հատուկ պահպանվող տարածքի կարգավիճակ չունի։ Նա փաստեց միայն, որ ջրառն ապօրինի է կատարվել խառնարանային լճից, քանի որ ջրօգտագործման թույլտվություն այդ տարածքից չի տրամադրվել որևէ մեկին։

Ստացվում է` վերահսկողության առումով կլոր շրջան է ստեղծվում, երբ պատկան մարմիններից որևէ մեկը պատասխանատվությունն իր վրա չի վերցնում։

Նշենք միայն, որ պոմպն արդեն իսկ փոխանցել են տիրոջը, իսկ օգոստոսի 17-ին վարչական լսումների օր է նշանակվել, որի ժամանակ Թեմուր Խուդոյանին նորից 150 000 դրամի չափով տուգանելու որոշում կկայացվի։

325
թեգերը:
Աժդահակ լեռ, լիճ, Հայաստան
Ըստ թեմայի
Դեբեդ գետի Լալվար վտակի ջրում մեծ քանակի սուլֆատ իոն ու մանգան է հայտնաբերվել
Սևանի ափերին քանդման ենթակա 3800 շինություն կա. նախարարը տեղում ծանոթացել է լճի խնդիրներին
Մինսկ

Բելառուսի ՆԳՆ ղեկավարը ներողություն է խնդրել ցույցերի ժամանակ պատահաբար տուժած մարդկանցից

0
(Թարմացված է 23:50 13.08.2020)
Հանրապետության ՆԳՆ-ի տվյալներով ՝ անկարգությունների ընթացքում մեկ մարդ է մահացել, նա փորձել է անհայտ պայթուցիկ սարք նետել իրավապահների ուղղությամբ:

ԵՐԵՎԱՆ, 13 օգոստոսի - Sputnik. Բելառուսի ներքին գործերի նախարար Յուրի Կարաևը խոսել է ցուցարարների հետ բախումների ժամանակ պատահաբար տուժած մարդկանց մասին։

ՌԻԱ Նովոստին հայտնում է, որ Կարաևը «Մարկով. անձնական ոչինչ» հաղորդման ժամանակ ներողություն է խնդրել այդ մարդկանցից։

Հիշեցնենք` կիրակի՝ օգոստոսի 9-ին, Բելառուսում նախագահական ընտրություններ են անցկացվել։ Պաշտոնական տվյալներով՝ ընտրություններում հաղթել է գործող նախագահ Ալեքսանդր Լուկաշենկոն: Նրա օգտին է քվեարկել ընտրողների 80,23 տոկոսը, Լուկաշենկոյի հիմնական մրցակից Սվետլանա Տիխանովսկայի օգտին` 9,90 տոկոսը: Քվեարկության ավարտից հետո զանգվածային բողոքի ակցիաներ են սկսվել: ՆԳՆ-ի տվյալներով ՝ անկարգությունների ընթացքում մեկ մարդ է մահացել, նա փորձել է անհայտ պայթուցիկ սարք նետել իրավապահների ուղղությամբ:

Տիխանովսկայան չի ընդունել ընտրության արդյունքներն ու Բելառուսից փախել է Լիտվա։

Բելառուսի ԲելԱԶ և ՄԱԶ գործարաններում բողոքի ակցիաներ են ընթանում. տեսանյութ

0
թեգերը:
Բողոքի ակցիա, Մինսկ, Բելառուս
Ըստ թեմայի
Բելառուսում տղամարդը շան հետ զբոսնելիս փամփուշտ է «որսացել» ու վիրավորվել. տեսանյութ
«Ձեր «սև» ուժը Ձեր թուլությունն է». Սպիվակովը հրաժարվել է Լուկաշենկոյի հանձնած շքանշանից
Բախումներ հատուկջոկատայինների և ցուցարարների միջև. ինչ է կատարվում Մինսկում. տեսանյութ
Վլադիմիր Պուտինը և Էմանուել Մակրոնը քննարկել են Բելառուսում տիրող իրավիճակը