Սամվել Մարտիրոսյան

Սկանդալային «Դիանա Հարությունյանին» ազատ կարձակեն. ինչո՞ւ է ֆեյքերի դեմ պայքարն անիմաստ

124
(Թարմացված է 15:12 15.01.2020)
Հայաստանի օրենսդրությունը քրեական հետապնդում չի նախատեսում սոցցանցերում ապատեղեկատվություն տարածելու համար։

ԵՐԵՎԱՆ, 15 հունվարի – Sputnik. Ֆեյքերի դեմ պայքարել պետք չէ, պետք է կարգի բերել տեղեկատվական հոսքերը։ Այսօր Sputnik Արմենիա մամուլի կենտրոնում կայացած ասուլիսի ժամանակ այս մասին ասաց տեղեկատվական անվտանգության մասնագետ Սամվել Մարտիրոսյանը։

Նա ուշադրություն հրավիրեց այն փաստին, որ Հայաստանում հստակ պատկերացում է  ձևավորվել` ֆեյքը վատ է ու վտանգավոր, որ համացանցում բոլորը պետք է «բաց» լինեն։

Ու դա սխալ է։ Կան մարդիկ, որոնք ասելիք ունեն, բայց անվտանգության նկատառումներից դրդված` նրանք պետք է անանուն մնան։ Հատկապես, որ երկրում արդեն անանուն «իրազեկիչի» ինստիտուտ կա։

«Ինչ վերաբերում է ֆեյք «Դիանա Հարությունյանին», ապա այդ էջը վարողի հասցեին հնչում են նույն կոչերը, որոնք հնչում էին Ստալինի ժամանակ.... Բայց եթե ֆեյք օգտատերը կարող է ինչ–որ բան թուլացնել, առաջնային խնդիրը բուն ֆեյքը չէ։ Պետք է սովորել սխալների վրա, լուծել խնդրահարույց պահերը», – ասաց Մարտիրոսյանը։

Միաժամանակ հատուկ ծառայությունները վերջերս շատ արագ են հայտնաբերում ֆեյքերին. «Դիանա Հարությունյանին» բացահայտելու համար մեկ օր պահանջվեց։ Կարելի է ենթադրել, որ հնարավորություններն ու միջոցներն ընդլայնվում են, բայց ֆեյք բացահայտելով՝ խնդիրը չի լուծվում, քանի որ նույն ապատեղակատվությունը կարող է Facebook–ի հայաստանյան տիրույթում տեղադրվել Բաքվից։

Ես ամենաանհետաքրքիր քաղաքական գործիչն եմ. պատգամավորի պաշտոնական հասցեից նամակ են ուղարկել

«Նույն Դիանա Հարությունյան անուն-ազգանունը նորից գրանցեն, ինչ ուզեն, գրեն իր անունից։ Ես զարմացա, որ Հայաստանից էր այդ ֆեյքը, շատ տիպիկ ադրբեջանական  ձեռագիր էր, ընդունված ձև է՝ վերցնում, գրանցվում են կամ մի հայաստանցու պրոֆիլ կոտրում են, սա մեծ հնարքներ չի պահանջում»,– ասաց փորձագետը։

Մարտիրոսյանն ընդգծեց, որ եվրոպական երկրներում վստահություն են վայելում կայացած լրատվամիջոցները։ Բայց Հայաստանում տարբեր նախարարությունները տարբեր կերպ են աշխատում. պաշտոնական տեղեկության մի մասը Facebook–ում է հրապարակվում։ Մի դեպքում նախարարն ինքն է «live» մտնում, մյուս դեպքում մամուլի քարտուղարն է ակտիվ։

«Պետք չէ ֆեյքերի դեմ պայքարել։ Պետք է տեղեկատվական հստակ հոսքեր ձևավորել, բարձրացնել հասարակության կրթվածության մակարդակը, պայմաններ ստեղծել ԶԼՄ–ների օպերատիվ աշխատանքի համար։ Կան պետական կառույցներ, որոնք թերացումներով են աշխատում», – նշեց Մարտիրոսյանը։

Ֆեյքերը, միևնույնն է, շարունակելու են հայտնվել։ Ծայրահեղ դեպքում դրանք կարող են արտասահմանում ստեղծվել ու անպատիժ մնալ։

Ինչ վերաբերում է այն փաստին, որ պաշտոնյաներն օգտագործում են Facebook–ը և մյուս սոցցանցերը, ապա հաշվի առնելով զարգացող տեխնոլոգիաները` դա նորմալ է։ Բայց տեղեկությունները սոցցանցերով տրամադրելու հարցը համակարգման կարիք ունի։ 

Փաստաբանների պալատի անդամ Վահան Հովհաննիսյանն իր հերթին նշեց, որ այս պահին ՀՀ քրեական օրենսգիրքը պատիժ չի սահմանում կեղծ լուրեր հրապարակելու համար, նույնիսկ եթե դրանք սպառնում են հասարակական անվտանգությանը։

«Քրեական օրենսգիրքը նման նորմեր չունի։ «Դիանա Հարությունյան» էջը վարողին մեղադրանք է առաջադրվել 226 հոդվածով (հանցանքն ազգային, ռասայական կամ կրոնական ատելության, կրոնական մոլեռանդության, այլ անձանց իրավաչափ գործողությունների համար վրեժի շարժառիթներով կատարելը), – ասաց Հովհաննիսյանը։

Նրա կարծիքով` հոդվածը հարմարեցվել է, քանի որ գրառման հեղինակի խոսքով` հրապարակումը զուտ քաղաքական էր, մեղադրյալի փաստաբանին դժվար չի լինի իր պաշտպանյալին ազատ արձակել։ 

Բացի այդ, թեև Ազգային անվտանգության ծառայությունը հայտարարել է, որ շարունակելու է պայքարել ֆեյքերի դեմ, բայց այդ լիազորությունները չունի։

Միաժամանակ փաստաբանը նշում է, որ պետք է պայքարել ֆեյք տեղեկությունների դեմ, բայց դա պետք է անել համապատասխան օրենսդրության հիման վրա, որը դեռ գոյություն չունի։

«Հանրությունն իրավունք ունի կասկածելու». Մելիքյանը` «Դիանա Հարությունյանի» գործի մասին

Հիշեցնենք` հունվարի 3-ին «Դիանա Հարությունյան» ֆեյսբուքյան էջում տեղեկություն էր հրապարակվել, թե իբր ՀՀ վարչապետ Նիկոլ Փաշինյանը շնորհավորել է ԱՄՆ նախագահին՝ Իրանի բարձրաստիճան զինվորականի նկատմամբ կատարված գործողության կապակցությամբ։ Այս կեղծ լուրը տարածվել էր նաև ադրբեջանական և իրանական ԶԼՄ-ներում։

Ֆեյքերի դեմ պետք է պայքարել, բայց ավելի լավ է առանց ԱԱԾ–ի

Հունվարի 5-ին ՀՀ ազգային անվտանգության ծառայությունը բերման էր ենթարկել Facebook-ում «Դիանա Հարությունյան» կեղծ էջը վարող օգտատիրոջը։ Բերման ենթարկվածն ասել էր, որ դա արել է ՀՀ իշխանություններին վարկաբեկելու համար, քանի որ ունի ընդդիմադիր հայացքներ և «անարդար է համարում Ռոբերտ Քոչարյանին կալանքի տակ պահելը»։

Հունվարի 8–ին դատարանը կեղծ լուրի հեղինակին կալանավորելու որոշում էր կայացրել։

124
թեգերը:
ՀՀ ազգային անվտանգության ծառայություն. ԱԱԾ, սոցցանցեր, Սամվել Մարտիրոսյան, Հայաստան
Ըստ թեմայի
Հայաստանում 15 մարդ արդեն հեռուստացույց են արտադրում. գործարանը ֆեյք չէր
«Ռեստարտը» բողոքում է, Մալյանը` պատասխանում. «Ես ԱԱԾ-ի հետ կապ ունենալու պատիվ չունեմ»
Facebook–ի ֆեյք էջի օգտատեր է այսօր ձերբակալվել. Վանեցյան
Մարտիրոսյան. «Օրենսդրությունը ֆեյքերի հետ կապված փաստացի լուծումներ չունի»
Մարտիրոսյան. «Յուրաքանչյուրը յուրաքանչյուրի անունից կարող է կեղծ լուր գեներացնել»
Հայկական շոու բիզնեսի աստղերը Սևանում

«Շնորհակալություն» կորոնային, կամ ինչպես են հայ հայտնիները հանգստացել Հայաստանում

181
(Թարմացված է 09:23 11.08.2020)
Հայկական շոուբիզնեսի ճանաչված դեմքերը և՛ հանգստանում են, և՛ իրենց վայելքի մասին «պատմում» իրենցով հետաքրքրվող օգտատերերին:

Հայկական շոու բիզնեսի վառ ներկայացուցիչներն այս տարի կորոնավիրուսի համավարակի պատճառով հանգստանում են Հայաստանում։ Թե ով ինչպե՞ս և ո՞ր մարզում է անցկացրել հանգիստը տեղեկանում ենք հայտնիների սոցցանցային էջերից։ Հայկական շոու բիզնեսի անբաժան ընկերուհիներ, դերասանուհի Նազենի Հովհաննիսյանն ու երգչուհի Սոֆի Մխեյանն իրենց կարճատև հանգիստն անցկացրել են Սևանա լճում։

Ընկերուհիներին են միացել նաև հայտնի երգահան Ավետ Բարսեղյանը , սիրված երգիչներ Միհրան Ծառուկյանն ու կինը՝ Արփինե Գաբրիելյանը։ Համատեղ լուսանկարը Սոֆի Մխեյանը հրապարակել է Instagram-ի իր էջում։

Посмотреть эту публикацию в Instagram

Публикация от Sofi Mkheyan (@sofimkheyan)

«Թրջված ու սթրեսահան եղած վերադարձանք ափ, ֆանտաստիկ օր էր»,-լուսանկարին կից գրել է երգչուհին։

Հաճելի հանգստից Instagram-ի իր էջում լուսանկար է տեղադրել նաև Նազենի Հովհաննիսյանը։

Посмотреть эту публикацию в Instagram

Публикация от Nazeni Hovhannisyan (@nazenihovhannisyan)

«Թրջված և երջանիկ»,- գրել է դերասանուհին։

Ճանաչված ու սիրված հեռուստալրագրող Արուսիկ Տիգրանյանը խոստովանում է, որ կորոնավիրուսն իրեն օգնել է ավելի շատ բացահայտել Հայաստանը։ Նա իր հանգիստն է վայելում Լոռիում։

«Ուզում եմ ասել «շնորհակալություն» կորանային, որի շնորհիվ իմացա, որ մեր երկիրը շատ ծիտ ա, լիքը հավես տեղեր կան Հայաստանում, պետք է ուսումնասիրել ու ընդհանրապես` սիրել Հայաստանը»,- գրել է նա:

Посмотреть эту публикацию в Instagram

Публикация от Arusik Tigranyan (@arusiktigranyan)

Նշենք, որ նույնիսկ հանգստի ժամանակ Արուսը չի դադարում հետևորդներին ժպիտ պարգևել։ Նա տեսանյութ է հրապարակել դաշտում արածող կովերի հետ՝ նշելով, որ շատ էր ուզում նրանց հետ նկարվել։

Посмотреть эту публикацию в Instagram

Публикация от Arusik Tigranyan (@arusiktigranyan)

Ճանաչված դերասան, հումորիստ Մկրտիչ Արզումանյանն էլ որոշել է հանգիստը վայելել Ստեփանավանում։ Իր ծննդյան նախօրեին դերասանն իրեն հատուկ խարիզմայով լուսանկար է հրապարակել ու հումորային գրառում կատարել։

«Թթվածինը զարգել է գլխուս»,- կատակել է դերասանը։

Посмотреть эту публикацию в Instagram

Публикация от Mkrtich Arzumanyan (@mkrtich.arzumanyan)

Շոու բիզնեսի ամենահայտնի զույգերից մեկը, շոումեն, հումորիստ Վահե Զիրոյանը և դերասանուհի Իննա Խոջամիրյանը, որոնք բոլորովին վերջերս հաստատեցին, որ միասին են, հասցրել են լավ հանգստանալ Հայաստանի տեսարժան վայրերում։

Նրանք գեղեցիկ լուսանկարներ են հրապարակել Լոռու մարզում գտնվող Քոբայրի, Հոռոմայրի վանքերից, Դեբեդ գետից, Հերհերի ջրվեժից։

Посмотреть эту публикацию в Instagram

Публикация от Ziroyan (@ziroyan__)

Посмотреть эту публикацию в Instagram

Публикация от Ziroyan (@ziroyan__)

Посмотреть эту публикацию в Instagram

Публикация от Ziroyan (@ziroyan__)

Ճանաչված դերասան, հումորիստ Ռաֆայել Երանոսյանն էլ Sputnik Արմենիայի հետ զրույցում ասաց, որ այս տարի հասցրել է հանգստանալ Դիլիջանում, Ջերմուկում, իսկ այս պահին էլ Կիրովականում է, ինչպես ասում են՝ գործը համատեղում է հանգստի հետ։

«Հայաստանում հանգստանալու «պլյուսները» շատ-շատ են, կարելի է ասել «մինուս» գոյություն չունի։Մեր տեսարժան վայրերը հիասքանչ են, ունենք նաև սպասարկման բարձր որակ։ Միայն մի թերություն կա, որ բավականին թանկ է և սովորական ապրող մարդկանց համար Հայաստանում հանգստի կազմակերպումը հասանելի չէ։ Կուզեի, որ գները մի փոքր վերանայեին»,- ասաց դերասանը։

Ռաֆայելը, իրեն հատուկ հումորով, Instagram-ի իր էջում հանգստից լուսանկար է հրապարակել։ Կադրում դերասանը ձախ ձեռքում պահել է պաշտպանիչ դիմակն ու գրել՝ մոտս է, բայց մաքուր օդին չեմ դնում։

Посмотреть эту публикацию в Instagram

Публикация от Rafayel Yeranosyan (@rafayel_yeranosyan)

Նշենք, որ Հայաստանում կան նաև ճանաչված դեմքեր, որոնք հնարավորինս փակ են պահում իրենց անձնական կյանքի մանրամասները և հազվադեպ են սոցցանցային տիրույթում ակտիվություն ցուցաբերում: Նրանց էջերում դժվար է գտնել հանգստի ու վայելքի մասին պատմող լուսանկարներ:

181
թեգերը:
Միհրան Ծառուկյան, Արփի Գաբրիելյան, Ավետ Բարսեղյան, Արուս Տիգրանյան, Դիլիջան, Սևան, շոու բիզնես, Նազենի Հովհաննիսյան, օգտատեր, Ռաֆայել Երանոսյան, Մկրտիչ Արզումանյան, Սոֆի Մխեյան, դերասան
Ըստ թեմայի
«Աշխարհի ամենասիրուն բանն ընտանիքն է»․ Նազենի Հովհաննիսյանն իրականացնում է երազանքները
«Միշտ երազել եմ Լևոն Տեր-Պետրոսյանի հետ լուսանկար ունենալու մասին». Ռաֆայել Երանոսյան
«Երկու ոտքով աչք մտնելուց առաջ». Մկրտիչ Արզումանյանի «խորհրդանշական» լուսանկարը
Ինչպես կարելի է հեռու մնալ բոլոր գզվռտոցներից. խորհուրդ է տալիս Նազենի Հովհաննիսյանը
Բանաստեղծ Գրեգորի Դիլը

50 երկրով շրջագայած ամերիկացին տուն է գնել հայկական գյուղում և ապրում է իր կենդանիների հետ

160
(Թարմացված է 16:45 10.08.2020)
Գրեգորի Դիլը գրող և ճանապարհորդ է։ Գրեթե աշխարհով մեկ շրջագայելուց հետո, նա որոշել է ճգնավորի կյանքով ապրել Հայաստանում։ Դատելով ամենից` այս կենսակերպը նրան լիովին բավարարում է։

Ժաննա Պողոսյան, Sputnik Արմենիա

Գեղարքունիքի Կալավան գյուղում ցանկացածը ձեզ ցույց կտա «ամերիկացու տան» ճանապարհը։ 2 տարվա ընթացքում գյուղացիների մեծ մասն այդպես էլ չսովորեց նրա անունը, նրան տարօրինակ և լրտես են համարում, սակայն միշտ պատրաստ օգնել (թեև` վարձատրության դիմաց) տան շինարարությունն ավարտին հասցնելու գործում։

Дом писателя Грегори Дила в селе Калаван, Гегаркуни
© Sputnik / Aram Nersesyan
Բանաստեղծ Գրեգորի Դիլի տունը Կալավանում

31-ամյա Գրեգորի Դիլը 2018 թվականին 7 հազար դոլարով Կալավանում տուն գնեց և շարունակում է այն բարեկարգել։ Արդեն գիտի` ում համար. Հայաստան եկավ մեկ ուսապարկով, բայց այսօր նա արդեն 14 կատու, 2 շուն, ինչպես նաև ճագարներ և բադ ունի։

«Սկզբում մի կատու էի պահում, որի անունը Տատիկ էր։ Վերջերս նա իսկապես տատիկ դարձավ. նրա աղջիկը` Վայրի մուկը, ձագեր բերեց։ Ամենաագրեսիվ կատուն` Դմբո Հրեշն է։ Իսկ Մատիտը` ամենանուրբը։ Նա կույր է, և ես շատ էի վախենում, որ իրեն կվնասի։ Բայց կատուն մարտական է տրամադրված, ու ի դեպ վերջերս ինքն էլ ձագեր ունեցել։ Ձագերին դեռ չեմ շտապում անուն տալ, թող մեծանան, դրսևորեն իրենց, որպեսզի կարողանամ նրանց համար անուններ ընտրել», – պատմում է Գրեգորին։

Домашние питомцы писателя Грегори Дила в его доме в селе Калаван, Гегаркуни
© Sputnik / Aram Nersesyan
Գրեգորի Դիլի տնային կենդանիները

Միայն կատուները չեն, որ առանձնանում են իրենց կրեատիվ անուններով։ Շներին տերը կոչել է Պոպոք և Պնդուկ։ Իսկ ահա ճագարներն ու բադը անուն չունեն, նրանց հետ շատ ընտելանալ Գրեգորին չի շտապում։

Ի դեպ, Գրեգորի Դիլը, տնային կենդանիներից բացի, այլ զբաղմունք էլ ունի։ Նա արդեն մի քանի գիրք է գրել բրենդինգի և մարքեթինգի թեմայով։ Գրքերից մեկը` «Բրենդի հեղափոխությունը», վերջերս հրապարակվեց հայերենով։ Իսկ էքզիստենցիալ ճգնաժամի և սեփական «ես»–ի փնտրտուքների մասին իր ճանապարհորդությունների ժամանակ նա շարադրել է «Ճանապարհորդությունը ինքդ քեզ փոխելու միջոց» գրքում։

Դիլը ծնվել է Սան Դիեգոյում (ԱՄՆ, Կալիֆոռնիայի նահանգ), սակայն 18 տարեկանում հեռացել է տնից ու այլևս չի վերադարձել (առաջիկայում չի էլ նախատեսում)։ 10 տարվա ընթացքում նա շրջել է աշխարհի ավելի քան 50 երկրներով, որպես կամավոր աշխատել Աֆրիկայում, ապրել է Եվրոպայում, ճանապարհորդել Ասիայում։ Առաջին անգամ Հայաստան է եկել 2015-ին, ապա ժամանակ առ ժամանակ սկսել է այցելել մեր երկիր։ Գրեգորին Հայաստանը շատ է հավանել, և իհարկե պատճառը հայկական արմատներն են։ Ո՞նց կլիներ առանց դրանց։

«Մորական կողմից տատս` Մարիամ Գոեկջյանը, Կիլիկիայից էր։ Նրանք ԱՄՆ են գաղթել Ցեղասպանության ժամանակ։ Մարիամի հորեղբայրը` Վահրամ Գոեկջյանը, կոտորածի մասին մի քանի գրքերի հեղինակ է։ Դրանցից մեկի մասին ես միայն Հայաստանում իմացա, գտա այն Երևանի Ազգային գրադարանի արխիվում», – ասում է Գրեգորին։

«Ճամփորդություն փոթորկոտ ծովերով», «Թուրքերը մինչև պատմության դատաստանը», «Հայ Երուսաղեմը դարերուն մեջ». սրանք Վահրամ Գոեկջյանի որոշ գրքերի վերնագրերն են։ Ի դեպ Գրեգորիի երկրորդ անունը Վահրամ է, հենց հորեղբոր պատվին։ Նա իր գրքերը ստորագրում է «Գրեգորի Վ. Դիլ» անունով։

Писатель Грегори Дил за чтением книги деда Ваграма Гоекджьяна в своем доме в селе Калаван, Гегаркуник
© Sputnik / Aram Nersesyan
Վահրամ Գոեկջյանի գրքերից

Իսկ մի քանի տարի առաջ Գրեգորին ՀՀ քաղաքացիություն է ստացել։

«Հայրս և երկու պապերս գերմանացի են։ Երակներումս ավելի շատ գերմանացու արյուն է հոսում, քան հայի, բայց Հայաստանն ավելի հոգեհարազատ է։ Ինձ ամերիկացի չեմ համարում, այդ պատճառով էլ ցանկացա ՀՀ քաղաքացիություն ստանալ», – պատմում է գրողը։

Սկզբում Դիլը Դիլիջանում էր ապրում։ Այնուհետև, կարդալով ոչ շատ հեռու գտնվող Կալավան գյուղի ակտիվ զարգացման մասին, որոշեց տեղափոխվել։ Օրվա հացը վաստակում է իր գրքերի վաճառքից ստացած գումարով, բացի այդ ընկերություններում ֆրիլանսեր խորհրդատու է  աշխատում, աուդիոգրքեր է հնչունավորում։ Միայնակ ապրելը նրան ձեռնտու է։

«Այնքան տեղերում եմ եղել, այնքան շատ մարդկանց հետ շփվել, որ հիմա ուզում եմ ամեն ինչից հեռու ապրել։ Այսօր աշխարհում կորոնավիրուսի համավարակն է շրջում, վերջերս Հայաստանի սահմանին մարտեր էին. բոլոր այդ իրադարձությունները շրջանցում են ինձ և իմ տունը։ Ես միշտ ուտելիքի երկու ամսվա պաշար ունեմ, մտադիր եմ նաև արևային մարտկոցներ տեղադրել, որպեսզի պետությունից էլ ավելի քիչ կախվածության մեջ լինեմ», – ասում է Դիլը։

Նրա այսօրվա ամենամեծ անհարմարությունները կապված են մե՛կ տաք ջրի, մե՛կ հոսանքի պարբերաբար անջատումների հետ (հաճախ հանդիպող խնդիր հայկական գյուղերում)։

Դիլը խոստովանում է, որ իրեն դուր է գալիս «օտարականի կերպարը», պետք չէ հարմարվել սոցիալական նորմերին։

«Ոչ ոք ինձնից ոչինչ չի սպասում։ Մարդիկ փորձում են «յուրայիններին» իրենց ձևով կռել, իսկ օտարների հանդեպ մտավախություն ունեն։ Դա այն է, ինչ ինձ պետք է», – ասում է գրողը։

Корреспондент Sputnik Армения Жанна Погосян беседует с писателем Грегори Дилом в селе Калаван, Гегаркуник
© Sputnik / Aram Nersesyan
Բանաստեղծ Գրեգորի Դիլը Sputnik Արմենիայի լրագրողի հետ

Ժամանակի մեծ մասը նա անցկացնում է գրասեղանի մոտ կամ գործիքները ձեռքին։ Բացի այդ, հոգ է տանում տան կենդանիների մասին։ Դիլը կատուների և շների համար մշտապես  հատուկ կեր է ձեռք բերում, թեև Կալավանում խանութ չկա (մոտակա խանութները գտնվում են Ճամբարակում կամ Դիլիջանում)։

Առաջինն ու միակը. ինչպես ալոեն փոխեց հայ ինժեներ- երկրաբանի կյանքը

Իր ծրագրերի մասին Դիլը խոսել չի սիրում, սակայն իր տնից քիչ հեռու արդեն սկսել է փոքր հյուրատուն կառուցել։ Հիմա գիտի` որտեղ հյուրընկալել Երևանից, Նահանգներից, աշխարհի այլ երկրներից  իրեն այցելել ցանկացողներին։  Իսկ իր տանը գիշերելու են միայն սիրելի կենդանիներն ու գրքերը։

  • Գրող Գրեգորի Դիլը Կալավանի իր տան բակում
    Գրող Գրեգորի Դիլը Կալավանի իր տան բակում
    © Sputnik / Aram Nersesyan
  • Գրող Գրեգորի Դիլի ընտանի կենդանիները
    Գրող Գրեգորի Դիլի ընտանի կենդանիները
    © Sputnik / Aram Nersesyan
  • Գրող Գրեգորի Դիլի ընտանի կենդանիները
    Գրող Գրեգորի Դիլի ընտանի կենդանիները
    © Sputnik / Aram Nersesyan
  • Վահրամ Գոեկջյանի գրքերից
    Վահրամ Գոեկջյանի գրքերից
    © Sputnik / Aram Nersesyan
  • Գրող Գրեգորի Դիլը Կալավանի իր տան բակում
    Գրող Գրեգորի Դիլը Կալավանի իր տան բակում
    © Sputnik / Aram Nersesyan
  • Գրող Գրեգորի Դիլը
    Գրող Գրեգորի Դիլը
    © Sputnik / Aram Nersesyan
  • Գրող Գրեգորի Դիլի ընտանի կենդանիները
    Գրող Գրեգորի Դիլի ընտանի կենդանիները
    © Sputnik / Aram Nersesyan
1 / 7
© Sputnik / Aram Nersesyan
Գրող Գրեգորի Դիլը Կալավանի իր տան բակում
160
թեգերը:
Եվրոպա, Աֆրիկա, ԱՄՆ, կատու, Գրեգորի Դիլ, Կալավան
Ըստ թեմայի
Տավուշի Մովսես գյուղում հարսանիք է եղել. մարդիկ վերադառնում են բնականոն կյանքի
Թունավորված մեղուների առեղծվածը. ինչպես է գյուղացին ունքը շինելու տեղ աչքը հանում
Ավելի լավ տներ, քան հրետակոծությունից առաջ. Տավուշի մարզպետն այցելել է սահմանամերձ գյուղեր

Հիմնանորոգվում է Վարդաղբյուր-Տաշիր ճանապարհը. վերջին անգամ այն նորոգվել է 40 տարի առաջ

0
(Թարմացված է 10:34 11.08.2020)
ՀՀ վարչապետ Նիկոլ Փաշինյանը հերթական տեսանյութն է հրապարակել Հայաստանում կատարվող ճանապարհաշինական լայնածավալ ծրագրերի մասին։

Հիմնանորոգվում է Լոռու մարզի Վարդաղբյուր-Տաշիր հանրապետական նշանակության ավտոճանապարհը։

10 կմ երկարությամբ ճանապարհի  հիմնանորոգման համար հատկացվել է 1 մլրդ 6 մլն 800 հազար դրամ։

Կատարվում են հողային աշխատանքներ,  պատվածքի վերաօգտագործում սառը եղանակով, կամուրջների նորոգում, ասֆալտբետոնե ծածկի տեղադրում:

Շինարարությունը նախատեսվում է ավարտել մինչև տարեվերջ։

Այս ճանապարհը վերջին անգամ  նորոգվել է խորհրդային կարգերի օրոք` ավելի քան 40 տարի առաջ։

0
թեգերը:
ասֆալտ, Ճանապարհ, Նիկոլ Փաշինյան, Հայաստան