Ուղևորները պատմել են Միլան–Երևան առաջին չվերթի տպավորությունները

Թռիչքը հասանելի է. ուղևորները պատմել են Միլան–Երևան առաջին չվերթի տպավորությունները

806
(Թարմացված է 22:20 14.01.2020)
Իռլանդական լոուքոսթերի առաջին չվերթի ուղևորները գոհ են թռիչքից։ Նրանք պատմել են իրենց տպավորությունների մասին և հայտնել, թե որքանով են տոմս գնել։

ԵՐԵՎԱՆ, 14 հունվարի — Sputnik. Ryanair ավիաընկերության Միլան–Երևան առաջին չվերթը կայացավ, բայց երեք ժամ ուշացումով։ Ուղևորներին դա ոչ մի կերպ չի անհանգստացրել, քանի որ ավիատոմսի արժեքը «փոխհատուցել» է բոլոր անհարմարությունները։

Встреча первого рейса Милан-Ереван-Милан авиакомпании Ryanair в аэропорту Звартноц (14 января 2020). Еревaн
© Photo : press office of the Government of RA
Միլան-Երևան առաջին չվերթը, «Զվարթնոց» օդանավակայան

Առաջին չվերթի ուղևոր Միքայելը պատմեց, որ Միլան–Երևան–Միլան ավիատոմսը գնել է ընդամենը 56 եվրոյով։ Նա Նիցցայից Միլան է մեկնել, որտեղից էլ Երևան է եկել։ Միքայելի պնդմամբ` այդպես ավելի մատչելի է, քան Լիոնից Երևան չվերթը։ Նրա համար մատչելի տոմս գնելու հնարավորությունը կարևոր է, քանի որ ստիպված է տարեկան մի քանի անգամ թռչել։

Пассажир первого рейса Милан-Ереван-Милан авиакомпании Ryanair Микаел в аэропорту Звартноц (14 января 2020). Еревaн
© Sputnik / Aram Nersesyan
Միլան-Երևան չվերթի առաջին ուղևորներից,«Զվարթնոց» օդանավակայան

«Ես առանց ուղեբեռի տոմսեր գնեցի, քանի որ նախընտրում եմ ճանապարհորդել ուսապարկով։ Միակ բանը, որ մտահոգում է, չվերթի տևողությունն է` 4.5 ժամ, բայց դա ավիաընկերության մեղքը չէ», – ասաց նա։

Пассажиры первого рейса Милан-Ереван-Милан авиакомпании Ryanair в аэропорту Звартноц (14 января 2020). Еревaн
© Sputnik / Aram Nersesyan
Միլան-Երևան չվերթի առաջին ուղևորները, «Զվարթնոց» օդանավակայան

Մյուս ուղևորը` Սարգիսը, սովորում է Եվրոպայում։ Նա ևս հաճախ է Երևան գալիս։ Այս անգամ նա Միլան–Երևան–Միլան ուղղությամբ ավիատոմսը գնել է 36 եվրոյով։  Երիտասարդը նույնպես գերադասում է ճանապարհորդել նվազագույն ուղեբեռով և առանց ուղեբեռի տոմս է գնել։

Пассажир первого рейса Милан-Ереван-Милан авиакомпании Ryanair Саркис Варданян в аэропорту Звартноц (14 января 2020). Еревaн
© Sputnik / Aram Nersesyan
Սարգիս Վարդանյան, Միլան-Երևան-Միլան առաջին չվերթի ուղևոր, «Զվարթնոց» օդանավակայան

«Բացի շուրջ 3 ժամ ուշացումից և այն հանգամանքից, որ մի փոքր մրսեցինք օդանավակայանում, ամեն ինչ նորմալ է։ Լավ ենք տեղ հասել», – նշեց նա։

Ալինան Ստրասբուրգից մեկ ուղղությամբ տոմսը 55 եվրոյով է գնել։ Նրա տոմսը ուղեբեռով է, քանի որ հսկայական ճամպրուկով է Երևան ժամանել և մտադիր է իր հետ այստեղից «համեղ բաներ» տանել։ Նա այս գինը շատ մատչելի է համարում, քանի որ նախկինում 700-800 եվրո է վճարել։

Пассажир первого рейса Милан-Ереван-Милан авиакомпании Ryanair Алина в аэропорту Звартноц (14 января 2020). Еревaн
© Sputnik / Aram Nersesyan
Միլան-Երևան-Միլան առաջին չվերթի ուղևոր, «Զվարթնոց» օդանավակայան

«Արտերկրում ապրող մարդկանց համար հայրենիք ժամանելը պարզապես երջանկություն է», – ընդգծեց նա։

Իտալիայում ապրող Սոնան աշխատում է արձակուրդները Հայաստանում անցկացնել։ Նա սթրես է ապրել, քանի որ մտավախություն ուներ, որ չվերթը կչեղարկվի։ Սոնան նույնպես տոմսը 36 եվրոյով է գնել։ Սոնայի տոմսով ուղեբեռ նախատեսված չէ, սակայն հակառակ ուղղությամբ երևի ստիպված կլինի լրացուցիչ վճարել, քանի որ նա էլ մտադիր է իր հետ Հայաստանի բարիքներից տանել։

Пассажир первого рейса Милан-Ереван-Милан авиакомпании Ryanair Сона Степанян в аэропорту Звартноц (14 января 2020). Еревaн
© Sputnik / Aram Nersesyan
Սոնա Ստեփանյան, Միլան-երևան-Միլան առաջին չվերթի ուղևոր, «Զվարթնոց» օդանավակայան

«Կարևորը տոմսի պայմաններն ուշադիր կարդալն է, որպեսզի խնդիրներ չառաջանան։ Մնացածը շատ լավ է։ Թռիչքի պայմանները լավն են, ինքնաթիռը նոր է, անձնակազմն էլ` պրոֆեսիոնալ», – նշեց ուղևորը։

Глава Комитета гражданской авиации Татевик Ревазян на встрече первого рейса Милан-Ереван-Милан авиакомпании Ryanair в аэропорту Звартноц (14 января 2020). Еревaн
© Sputnik / Aram Nersesyan
Տաթևիկ Ռևազյան, Քաղավիացիայի կոմիտեի նախագահ

Լրագրողների հետ զրույցում Քաղավիացիայի կոմիտեի նախագահ Տաթևիկ Ռևազյանն իր հերթին նշեց, որ ինքնաթիռում գրեթե բոլոր տեղերը զբաղված էին։ Ուղևորների թվում ինչպես սփյուռքի ներկայացուցիչներ, այնպես էլ զբոսաշրջիկներ կային։ Նա հիշեցրեց, որ շուրջ երեք ժամ ուշացումը կապված էր Իտալիայում անցկացվող  գործադուլի հետ, սակայն դա ուղևորների տրամադրության վրա չի անդրադարձել։

Հիշեցնենք` 2019 թվականի հոկտեմբերին հայտնի դարձավ, որ 2020 թվականից իռլանդական Ryanair լոուքոսթերը կսկսի Հայաստանից կանոնավոր չվերթեր իրականացնել դեպի Եվրոպայի մի շարք քաղաքներ` Հռոմ, Միլան, Բեռլին և Մյունխեն։  Հունվարին էլ հայտնի դարձավ, որ 2020 թվականի մայիսից շաբաթական երկու անգամ ավիաընկերությունը կանոնավոր չվերթեր կիրականացնի Երևան–Սալոնիկ և Գյումրի–Աթենք ուղղություններով։ Բացի այդ հունգարական Wizz air բյուջետային ավիաընկերությունը Երևանից ուղիղ չվերթեր է գործարկում դեպի Վիեննա և Վիլնյուս։

  • Միլան-Երևան-Միլան առաջին չվերթը, «Զվարթնոց» օդանավակայան
    Միլան-Երևան-Միլան առաջին չվերթը, «Զվարթնոց» օդանավակայան
    © Photo : press office of the Government of RA
  • Սուսաննա Սաֆարյան, Տուրիզմի կոմիտեի ղեկավար
    Սուսաննա Սաֆարյան, Տուրիզմի կոմիտեի ղեկավար
    © Sputnik / Aram Nersesyan
  • Սուսաննա Սաֆարյան, Տուրիզմի կոմիտեի ղեկավար
    Սուսաննա Սաֆարյան, Տուրիզմի կոմիտեի ղեկավար
    © Sputnik / Aram Nersesyan
  • Միլան-Երևան-Միլան առաջին չվերթի ուղևոր, «Զվարթնոց» օդանավակայան
    Միլան-Երևան-Միլան առաջին չվերթի ուղևոր, «Զվարթնոց» օդանավակայան
    © Sputnik / Aram Nersesyan
1 / 4
© Photo : press office of the Government of RA
Միլան-Երևան-Միլան առաջին չվերթը, «Զվարթնոց» օդանավակայան
806
թեգերը:
չվերթ, Երևան, Միլան, ինքնաթիռ, Տաթևիկ Ռևազյան, ուղևոր, Հայաստան
Ըստ թեմայի
Երևան-Թեհրան-Երևան թռիչքները կվերսկսվեն. ավիաընկերությունը հայտարարություն է տարածել
Քաղավիացիան հրապարակել է Ryanair–ի նոր չվացուցակը
Ռևիզոր է գալիս. եվրոպացիները խիստ աուդիտ կանցկացնեն Հայաստանի քաղավիացիայի կոմիտեում
Ryanair-ի առաջին չվերթը Երևանից դեպի Հռոմ ու Միլան կարող է ուշացումով մեկնել
 Երևանից Բաթում մեկնեց առաջին գնացքը

Մեկուկես տարվա դադարից հետո Երևանից Բաթում մեկնեց առաջին գնացքը

47
(Թարմացված է 20:20 15.06.2021)
Գնացքներն ամեն օր Երևան-Թբիլիսի-Բաթում-Երևան երթուղով կաշխատեն մինչև հոկտեմբերի 1-ը: Երևանից մեկնելու ժամը 15: 30–ն է, Բաթումից՝ 15:40-ը:

ԵՐԵՎԱՆ, 15 հունիսի - Sputnik. Մեկուկես տարվա ընդմիջումից հետո առաջին անգամ արագընթաց գնացքը Երևանից Բաթում մեկնեց։ Ուղևորները 61–ն էին։

«Հարավկովկասյան երկաթուղի» ՓԲԸ ուղևորափոխադրումների տնօրինության պետ Գագիկ Մովսեսյանը հայտնեց, որ ուղևորները 16 ժամում Բաթում կհասնեն: Գնացքի միջին արագությունը 53 կմ/ժ է: Սակայն Երևանից Գյումրի տանող ճանապարհի հատվածում գնացքը կարող է մինչև 100 կմ/ժ արագություն բացել։

«Հունիսի 10-ին նոր վագոններ ստացանք, ևս 12-ը ճանապարհին են։ Բոլորը ժամանակակից են, ամեն վագոնում 2 բիոզուգարաններով ու ցնցուղով։ Պլացկարտն օդի մաքրման համակարգ ունի», - ասաց Մովսեսյանը։

Նրա խոսքով՝ 2019 թվականին ամառային շրջանում ընթացքում փոխադրվել է 59 հազար ուղևոր, ինչը 6 անգամ ավելի շատ է, քան 2018 թվականի ցուցանիշը, երբ այդ ուղղությամբ ուղևորահոսքը կազմել էր 9 հազար մարդ:

Գնացք
© Photo : Facebook / Հարավկովկասյան երկաթուղի - Южно-Кавказская железная дорога

Նա հույս է հայտնել, որ այս տարի ուղևորափոխադրումներն ամառային սեզոնի ընթացքում կկազմի 2019 թվականի ցուցանիշի 40 տոկոսը կամ 30 հազար մարդ: Հունիսի 10-ից (երբ տոմսերը վաճառվում էին) մինչև հունիսի 15-ը 350 տոմս է վաճառվել։ Նրանցից 18-ը մեկնում են Թբիլիսի, իսկ 43-ը՝ Բաթում։

Մովսեսյանը նշեց, որ տոմսերը թանկացել են։ Գլխավոր պատճառը շվեյցարական ֆրանկի արժեզրկումն է, հենց ֆրանկով է ամբողջ աշխարհում սահմանվում երկաթուղային հաղորդակցության գինը։

«2019-ին 1 ֆրանկը 473 դրամ արժեր, 2021-ին՝ 579 դրամ։ Արդյունքում տոմսերը 4-5 հազար դրամով թանկացել են», - ասաց Մովսեսյանը։

Նա տեղեկացրեց, որ ներկայում պլացկարտի արժեքը կազմում է 15 հազար դրամ, կուպեի արժեքը՝ 22 հազար դրամ, լյուքս դասի կուպեի արժեքը՝ 24 հազար դրամ: երկտեղանոց կուպեն մինչև Բաթումի 36 հազար դրամ արժե:

Աշնան սկզբին հայկական գնացքները Փոթի և Բաթումի չեն մեկնի

Առաջին գնացքով Թբիլիսի է ուղևորվում նաև ՀԿԵ-ի ղեկավարությունը։ Նրանք պատրաստվում են վրացական կողմի հետ պայմանավորվել Սադախլո-Թբիլիսի հատվածում արագության ավելացման մասին, դա թույլ կտա նոր վագոններին գծի ողջ երկարությամբ արագություն զարգացնել մինչև այն ցուցանիշը, որը համապատասխանում է արագընթաց գնացքի հնարավորություններին:

Գնացքներն ամեն օր Երևան-Թբիլիսի-Բաթումի-Երևան երթուղով կշարժվեն մինչև հոկտեմբերի 1-ը: Երևանից գնացքը Վրաստան կմեկնի15: 30-ին, Բաթումից՝ 15:40-ին:

Մեզ հաջողվեց զրուցել նաև մի քանի ուղևորների հետ։ Նրանց թվում են ռուսաստանցի զբոսաշրջիկները, որոնք ռուսական կողմից Վրաստանի հետ փակ ցամաքային սահմանների պատճառով որոշել են Հայաստանի տարածքով Բաթում մեկնել։ Մյուս ուղևորներից ոմանք գնում էին գործուղման, ոմանք՝ տուն։

Ավելի ՀԿԵ–ի մամուլի ծառայությունը հայտնել էր, որ 11 կուպե, 6 պլացկարտ և 3 ՍՎ վագոններն արդեն բերվում են Հայաստան: Եվս 7 վագոն կմատակարարվեն մինչև հունիսի վերջ:

Արտասովոր գնացք` հայկական վագոնով. Մոսկվան ինքնատիպ նվեր է մատուցել ԵԱՏՄ–ի 5-ամյակի առթիվ

Նոր շարժակազմը Տրանսմաշխոլդինգի կազմում ընդգրկված Տվերի վագոնաշինական գործարանի  ամենաժամանակակից սերիական արտադրանքն է: Վագոններում հնարավոր է սպասարկման տարածքներ կազմակերպել՝ տեղադրելով վաճառքի մեքենաներ և սուրճի ապարատներ: Վագոնները հագեցած են զուգարանային համալիրներով` ցնցուղախցիկներով և խմելու ջրի մաքրիչներով: Ուղևորատար վագոնների բոլոր տեղերը հագեցած են էլեկտրական վարդակներով կամ USB միակցիչներով: 61-4517 մոդելի վագոնների երկտեղանոց կուպեներում կտեղադրվեն հեռուստացույցներ: Վագոններում կիրառվել է հատուկ գունային գամմա:

Հիշեցնենք, որ ՀԿԵ-ն («Ռուսական երկաթուղիների» դուստր ձեռնարկությունը) կոնցենսիոն կառավարում է Հայաստանի երկաթուղիները 2008 թվականից: Հայաստանում իշխանափոխությունից հետո իրավապահները ստուգել են երկաթուղու գործունեությունը հարկերը չվճարելու կասկածանքով, սակայն փաստերը չեն հաստատվել, և գործը կասեցվել է:

47
թեգերը:
Վրաստանի Հանրապետություն, Երևան, Բաթում, Գնացք
Ըստ թեմայի
90-ամյակը ծովափնյա հանգստից հրաժարվելու պատճառ չէ. Ռոզա տատիկը գնացքով մեկնեց Բաթում
Ես սիրում եմ գնացքով ճամփորդել. Երևան-Բաթում-Երևան «Արմենիա» գնացքը ճանապարհ ընկավ
Բեռները Փոթիից ու Բաթումից Հայաստան են տեղափոխվում սահմանված կարգով. ՀԿԵ
Գարեջուր

Ինչպե՞ս է ադրբեջանական դրոշի նկարով գարեջուրը հայտնվել մեր շուկայում. ՍԱՏՄ-ի պարզաբանումը

107
(Թարմացված է 19:16 15.06.2021)
Ուսումնասիրությամբ պարզվել է, որ «Հեյնիկեն» ապրանքանիշի այդ խմբաքանակն արտադրվել է Ռուսաստանում և Հայաստան է ներկրվել մաքսային միության կանոնակարգերով։

ԵՐԵՎԱՆ, 15 հունիսի - Sputnik. ՀՀ սննդամթերքի անվտանգության տեսչական մարմինը պարզաբանում է տարածել` հայտնելով, թե ինչպե՞ս է ստացվել, որ հայկական շուկայում ադրբեջանական դրոշի նկարով գարեջուր է հայտնվել։

Նշենք, որ սոցիալական ցանցերում և ԶԼՄ-ներում հայտնվել են «Հեյնիկեն» ապրանքանիշի գարեջրի նկարներ, որի վրա ադրբեջանական դրոշն է:

«Գարեջրի շշերին տպվել են բոլոր այն երկրների դրոշները, որտեղ անցկացվելու են ֆուտբոլի Եվրո-2020 առաջնության խաղերը։ «Հեյնիկեն» ընկերությունը հանդիսանում է ֆուտբոլի Եվրո-2020 առաջնության պաշտոնական գործընկերը, ինչի կապակցությամբ այդ ապրանքանիշի գարեջրի շշերին տպվել են դրոշները »,–նշված է հաղորդագրության մեջ։

Ֆուտբոլային մեկնաբան Կարեն Ռաֆայելյանի՝ Եվրո-2020–ի հավատարմագրումը հաստատվել է

ՍԱՏՄ-ն հայտնում է, որ ուսումնասիրությամբ պարզվել է, որ «Հեյնիկեն» ապրանքանիշի այդ խմբաքանակն արտադրվել է Ռուսաստանում և Հայաստան է ներկրվել մաքսային միության կանոնակարգերով` մեր երկրի օրենսդրությամբ սահմանված պահանջներին լիակատար համապատասխանությամբ:

Նշենք, որ Եվրո–2020–ը մեկնարկել է հունիսի 11–ին, այն կավարտվի հուլիսի 11–ին։ Հանդիպումները կայանալու են 10 քաղաքներում, այդ թվում նաև` Բաքվում։

107
թեգերը:
Հայաստան, դրոշ, Ադրբեջան, ՍԱՏՄ(Սննդամթերքի անվտանգության տեսչական մարմին), գարեջուր, ֆուտբոլ, եվրո
Ըստ թեմայի
Նոբել Առուստամյանին հավատարմագրեցին՝ չնայած Բաքվի չկամությանը
Առուստամյանը Եվրո-2020-ի՝ Բաքվում կայանալիք խաղերի համար հավատարմագրում չի ստացել
Նոբել Առուստամյանի դեպքում ՈւԵՖԱ–ն բացառություն արեց. Ադրբեջանի պլանները ձախողվեցին
Ֆուտբոլ

Հայաստանը ներկայացնող 2 լրագրող հավատարմագրվել են Եվրո-2020-ը լուսաբանելու համար

35
(Թարմացված է 00:05 16.06.2021)
Ըստ Կարեն Ռաֆայելյանի` ՀՖՖ-ն է եղել միակ կառույցը, որ պաշտոնական դիմում է ներկայացրել ՈՒԵՖԱ` հարցի կարգավորման համար։

ԵՐԵՎԱՆ, 15 հունիսի - Sputnik. Հայաստանը ներկայացնող 2 լրագրողներ հավատարմագրվել են Եվրո-2020-ը լուսաբանելու համար: Լրագրող Կարեն Ռաֆայելյանը ֆեյսբուքյան իր էջում գրառում է արել` հայտնելով, որ իր գործընկեր Դավիթ Եղիազարյանը նույնպես ստացել է նոր հավատարմագիր։

Ավելի վաղ հայտնել էինք, որ 2 մարզական լրագրողները մերժում են ստացել Եվրո-2020-ի հավատարմագրման համար։ Այսօր առավոտյան հայտնի դարձավ, որ Կարեն Ռաֆայելյանը նոր հավատարմագիր է ստացել։

«Ադրբեջանի կապիկությունները` կապված Եվրո-2020-ում հայ լրագրողներիս հավատարմագրումից զրկելու հետ, 2 օր էլ չտևեցին: Շնորհակալություն Հայաստանի ֆուտբոլի ֆեդերացիային արագ և ազդեցիկ արձագանքի համար: Բացի մեր անձնական նամակներից, հենց ՀՖՖ-ն է եղել միակ կառույցը, որ պաշտոնական դիմում է ներկայացրել ՈՒԵՖԱ` հարցի կարգավորման համար»,–ֆեյսբուքի իր էջում գրել է Ռաֆայելյանը:

Հիշեցնենք, որ լրագրողները դեռևս 2020 թվականի հունվարին էին հայտ ներկայացրել և համաձայնեցրել ՈւԵՖԱ–ի մամուլի ծառայության հետ այն քաղաքներն ու խաղերը, որոնք կցանկանային այցելել։ Այդ ցանկում, բնականաբար, Բաքուն չի եղել։

«Դուք տղամարդ չեք». մարզական մեկնաբանի հարցը հունից հանել է Օլգա Բուզովային

Հավատարմագրումը ստացվել է մայիսին, բայց մեկ վերապահումով, որ այն կարող են չեղարկել, եթե մասնակից երկրներից որևէ մեկի իրավապահ մարմինները որոշեն, որ լրագրողներն առնչություն ունեն հանցագործության հետ։

Բնականաբար, հասկանալի է, թե որ երկիրը և ինչո՞ւ էր մերժել լրագրողներին։

35
թեգերը:
ֆուտբոլ, Ադրբեջան, Լրագրող, հայ, Հայաստան