Տարադրամի փոխանակման կետ

Հարձակվել են տարադրամի կետի վրա. իրավապահները պարզել են հանցագործի ինքնությունը

78
(Թարմացված է 13:39 08.01.2020)
Անհայտ անձը հարձակվել էր Երևանի առևտրի կենտրոններից մեկի տարածքում գործող փոխանակման կետի աշխատակցի վրա և դանակը թափահարելով` պահանջել իրեն հանձնել տարադրամի կետում եղած գումարները։

ԵՐԵՎԱՆ, 8 հունվարի — Sputnik. Ամանորի հանգստյան օրերին տարադրամի փոխանակման կետի վրա ավազակային հարձակում կատարած 32 տղամարդը կալանավորված է։ Այս մասին հայտնում է ՀՀ քննչական կոմիտեն։

2020 թվականի հունվարի 4-ին, ժամը 20:20-ին, նա մտել էր առևտրի կենտրոնի տարածքում գործող փոխանակման կետի տարածք, հարձակվել կետի աշխատակիցներից մեկի վրա և դանակը թափահարելով` պահանջել իրեն հանձնել տարադրամի կետում եղած գումարները։

Բայց, հանդիպելով փոխանակման կետի աշխատակցի և նրան օգնության հասած  գործընկերոջ դիմադրությանը, դիմել է փախուստի:

Առևտրի կենտրոնի անվտանգության աշխատակիցներն ահազանգել  են ոստիկանություն։

Դիմակավորված անձինք Արարատի Բարձրաշեն գյուղի թոշակառու ամուսիններից գումար են հափշտակել

Քննչական գործողությունների արդյունքում հայտնաբերվել է հանցագործության գործիք հանդիսացող դանակը, ինչպես նաև արնանման հետքեր, վերցվել են փորձանմուշներ, առգրավվել են դեպքի վայրում առկա տեսանկարահանող սարքերի տեսագրությունները։

Արդյունքում պարզվել է հարձակում կատարած անձի ինքնությունը, ով Երևանի բնակիչ է՝ ծնված 1987 թվականին: Նա հայտնաբերվել է , ձերբակալվել, ապա կալանավորվել։

32-ամյա տղամարդուն մեղադրանք է առաջադրվել՝ ՀՀ քրեական օրենսգրքի 175-րդ հոդվածի 2-րդ մասի 3-րդ և 4-րդ կետերով (ավազակություն` զենքի գործադրմամբ):

Ավազակային հարձակում Արմավիրի մարզում. դիմակավորված անձինք ներխուժել են մթերային խանութ

78
թեգերը:
տղամարդ, Ձերբակալություն, դանակ, ՀՀ քննչական կոմիտե, ավազակային հարձակում
Ըստ թեմայի
Արտառոց դեպք Հայաստանում. դիմակավորված անձինք վերելակում հարձակվել են տղամարդու վրա
Լոռիում դիմակավորված անձինք թալանել են տատիկին
Ավազակային հարձակում Արմավիրի մարզում. դիմակավորված անձինք ներխուժել են մթերային խանութ
Պատվաստում

Օդից վերցրած տեղեկատվություն է. ԱՆ–ն հերքում է պատվաստումները պարտադրելու լուրերը

66
(Թարմացված է 12:05 07.05.2021)
Հայաստանում այսօր պատվաստումներն իրականացվում են երկու պատվաստանյութերով`«Սպուտնիկ V»–ով ու «AstraZeneca »–ով, երրորդ` չինական արտադրության «ԿորոնաՎակ»–ը մաքսազերծման փուլում է։

ԵՐԵՎԱՆ, 7 մայիսի - Sputnik. Լուրն այն մասին, թե Հայաստանում բժիշկներին ստիպում են պատվաստվել կորոնավիրուսի դեմ և պարտադիր «AstraZeneca»–ով, ՀՀ առողջապահության նախարարությունում անհիմն են որակում։

«Հրապարակ» թերթն այսօր գրել է, որ բուժաշխատողներից ահազանգեր են ստանում, թե պոլիկլինիկաների, հիվանդանոցների տնօրինությունն աշխատակիցներին պարտադրում է կորոնավիրուսի դեմ պատվաստվել, և հատկապես շեշտում են, որ պետք է պատվաստվել «AstraZeneca» պատվաստանյութով։ Նշվում է նաև, որ դա առողջապահության նախարարության հրահանգն է, եթե ոչ, ապա կզրկվեն աշխատանքից։

«Ո՛չ աղբյուր կա, ո՛չ բողոք կա, օդից վերցրած տեղեկատվություն է»,– Sputnik Արմենիային ասաց առողջապահության նախարարի մամուլի քարտուղար Հռիփսիմե Խաչատրյանը` մեկնաբանելով տվյալ տեղեկությունը։

Նա նաև հավաստիացրեց, որ նախարարությունը պատվաստումների պարտադրանքի խնդիր  իր առջև չի դրել, որովհետև դրանք այսօր Հայաստանում շատ ակտիվ ընթանում են։

«Քաղաքացիների ինքնագիտակցության շնորհիվ, մարդիկ հասկացել են, որ COVID-ի դեմ կարելի է պայքարել միայն այս ճանապարհով։ Հիմա բավական ակտիվացել է գործընթացը։ Մենք էլ պատվաստումներն ենք բերել ավելի մոտ քաղաքացիներին։ Հիմա պարտադիր չէ, որ քաղաքացին գնա այն պոլիկլինիկան, որտեղ կցագրված է։ Կարող է գրանցվել ցանկացած այլ պոլիկլինիկայում ու պատվաստվել։ Պոլիկլինիկաները ամեն օր են աշխատում, շաբաթ–կիրակի 10։00-16։00 հերթափոխով աշխատում են»,– ասաց Խաչատրյանը։

Նա նաև նշեց, որ Հայաստանում այսօր պատվաստումներն իրականացվում են երկու պատվաստանյութերով. «Սպուտնիկ V»–ով պատվաստվում են 18-54 տարեկան քրոնիկ հիվանդություններ ունեցողները, իսկ «AstraZeneca»` 18 տարեկանից սկսած բոլոր քաղաքացիներին` կամավորության սկզբունքով։

356 նոր դեպք, 17 մահ` մեկ օրում. կորոնավիրուսային հիվանդության ընթացքը Հայաստանում

Երրորդ պատվաստանյութը` չինական արտադրության «ԿորոնաՎակ»–ը,  ներկա պահին մաքսազերծման փուլում է։ Այն, Հռիփսիմե Խաչատրյանի խոսքով, ամենայն հավանականությամբ, կկիրառվի նույն « AstraZeneca»–ի տարբերակով` համատարած և կամավորության սկզբունքով։

Անսպասելի առողջական խնդիրներ. COVID-19-ի 5 ամենալուրջ հետևանքները

«Հայաստանում պատվաստումները միշտ արվել են կամավորության սկզբունքով, ոչ ոք չի կարող պարտադրել»,– ասաց Խաչատրյանը։

Նշենք, որ Հայաստանում մայիսի 5-ի դրությամբ կորոնավիրուսի դեմ  պատվաստվել է 7100 քաղաքացի։

66
թեգերը:
«AstraZeneca» պատվաստանյութ, Սպուտնիկ V, բժիշկ, պոլիկլինիկա, պատվաստումներ, կորոնավիրուս, Հայաստան
Ըստ թեմայի
«Պատվաստանյութերի պատերազմն» ու Մոսկվայի դիմադրությունը. ինչ է կատարվում իրականում
«Moderna»-ն ճանաչվել է կորոնավիրուսի դեմ աշխարհի լավագույն պատվաստանյութ
Հայաստանում նախատեսվում է «Սպուտնիկ–V» պատվաստանյութի արտադրություն հիմնել
Կորոնավիրուս

356 նոր դեպք, 17 մահ` մեկ օրում. կորոնավիրուսային հիվանդության ընթացքը Հայաստանում

96
(Թարմացված է 10:58 07.05.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 7 մայիսի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 356–ով և դարձել 21868: Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 10129 մարդ (-699), կատարվել է 1008307 թեստավորում (+3434 ), առողջացել են վարակվածներից  203307-ը (+1034): Գրանցվել է մահվան 4209 դեպք (+17)։ Կորոնավիրուսով վարակված, բայց այլ պատճառով մահացածների թիվը ավելացել է 4-ով ու դարձել 1036

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

«Moderna»-ն ճանաչվել է կորոնավիրուսի դեմ աշխարհի լավագույն պատվաստանյութ

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։

96
թեգերը:
Մահ, թեստ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
«Ես ձեզ շատ կկարոտեմ». 93֊ամյա կինը հաղթահարել է Covid-19-ը և տուն վերադարձել. տեսանյութ
Միխայիլ Բաղդասարովի մահվան պատճառը COVID-19 չէ՞ր․ որդին խոսել է նրա հիվանդության մասին
Անսպասելի առողջական խնդիրներ. COVID-19-ի 5 ամենալուրջ հետևանքները
Արթուր Դավթյան

Ադրբեջանը ՀՀ քաղաքացիների նկատմամբ արդյունավետ հետախուզում չի կարող իրականացնել. Դավթյան

11
(Թարմացված է 12:58 07.05.2021)
ՀՀ գլխավոր դատախազ Արթուր Դավթյանը լրագրողների հետ զրույցում խոսել է Ադրբեջանի պաշտոնյաների նկատմամբ հետապնդումների ու ՀՀ քաղաքացիների նկատմամբ Ադրբեջանի հայտարարած հետախուզումների մասին։

ԵՐԵՎԱՆ, 7 մայիսի - Sputnik․ Արցախյան պատերազմին վերաբերող քրեական գործերով ադրբեջանցի պաշտոնյաների նկատմամբ հետապնդումների ու հետախուզման բազմաթիվ դեպքեր կան։ Տեղեկությունն այսօր ԱԺ–ում, լրագրողների հետ զրույցում հայտնեց ՀՀ գլխավոր դատախազ Արթուր Դավթյանը։

Նա չցանկացավ անուններ տալ` ասելով, որ դրանց մասին այս պահին հրապարակային խոսելն արդարացված չէ։

Լրագրողների դիտարկմանը, թե ադրբեջանական կողմը պարբերաբար հայ նախկին ու ներկա պաշտոնյաների նկատմամբ հետախուզման մասին հայտարարություններ է անում, Արթուր Դավթյանը պատասխանեց. «Եթե իրենք խոսում են, դա չի նշանակում, որ մենք էլ պիտի խոսենք։ Մենք խնդրին վերաբերվում ենք իրավական հարթության մեջ, և բնականաբար, մենք մեր աշխատանքի արդյունավետությունը գնահատելով, գալիս ենք այն հետևության, որ դրա մասին հրապարակային խոսելը չի օգնի, այլ հակառակը` կվնասի»։

Ինչ վերաբերում է ադրբեջանական կողմի հայտարարություններին, դատախազը նշեց, որ Հայաստանը դրանք անարձագանք չի թողնում և միշտ հակաքայլեր է ձեռնարկում։

«Եվ այդ հակաքայլերն արդյունք են տվել։ Եվ նրանք որևէ արդյունավետ հետախուզում մեր քաղաքացիների նկատմամբ չեն կարողանում իրականացնել», – ասաց Դավթյանը։

 Հիշեցնենք` 2020թ–ի նոյեմբերին Ադրբեջանը միջազգային հետախուզում էր հայտարարել Հայաստանի պաշտպանության նախկին նախարար Սեյրան Օհանյանի նկատմամբ։ Բաքվի ռազմական դատարանը Օհանյանին հեռակա կարգով կալանավորելու որոշում էր կայացրել։

11
թեգերը:
հետախուզում, Ադրբեջան, Հայաստան, դատախազ, Արթուր Դավթյան
Ըստ թեմայի
Հայ գերիների նկատմամբ խոշտանգումները Բաքվի պետական քաղաքականության արդյունքն են. Թաթոյան
«Ես վստահ եմ՝ գերիների վերադարձի հարցն առաջիկայում կլուծվի»․ Սերգեյ Լավրով
ԵԱՀԿ նախագահը ողջունել է հայ գերիներին ազատ արձակելու որոշումը