ԵՐԵՎԱՆ, 7 հունվարի — Sputnik. Ամերիկահայ հեռուստաաստղ Քիմ Քարդաշյանը հայերին շնորհավորել է Սուրբ ծննդի կապակցությամբ։
«Happy Armenian Christmas»,- Twitter–ում գրել է նա:
Happy Armenian Christmas!
— Kim Kardashian West (@KimKardashian) 6 января 2020 г.
Քարդաշյանի հրապարակումը հետաքրքիր մեկնաբանությունների առիթ է դարձել։ Նրա հետևորդներից մեկը հետաքրքրվել է, թե արդյո՞ք հայերն ուղղափառ են։
Ի պատասխան Ara the Rat անունով օգտատերն իր հեղինակած ծաղրանկարն է հրապարակել, որում աշխարհահռչակ հայերը միասին Արարատ լեռան ստորոտում, մեկ սեղանի շուրջ նշում են Սուրբ ծնունդը։
«Երեխաների հետ զվարճանում ենք»․ Քարդաշյանը ներկայացրել է իր սիրելի սուրբծննդյան երգերը
Ծաղրանկարում հայտնի հայերի շարքում են 20-րդ դարի հայ կին դեսպան Զաբել Եսայանը, ամերիկահայ գրող Վիլյամ Սարոյանը, հայ կինոռեժիսոր Սերգեյ Փարաջանովը, ամերիկահայ երգչուհի Շերլին Սարգսյանը, Կոմիտաս վարդապետը, Շառլ Ազնավուրը, ֆուտբոլիստ Հենրիխ Մխիթարյանը, բժիշկ Ջեք Գևորգյանը, Քիմ Քարդաշյանն ու հենց հեղինակը` Ara the Rat–ը։
