Ռավշանա Կուրկովա

«Բախտդ բերել է, տղամարդ». Ռավշանա Կուրկովայի հայ ընկերը համատեղ լուսանկար է հրապարակել

506
(Թարմացված է 11:16 07.01.2020)
Զույգի հարաբերությունների մասին ԶԼՄ–ներին հայտնի էր դարձել 2019 թվականի հոկտեմբերին։ Հայտնի դերասանուհու սիրեցյալի անունը Սերգեյ Ամարյան է։

ԵՐԵՎԱՆ, 7 հունվարի – Sputnik. Համացանցում քննարկման թեմա է դարձել սև ու սպիտակ սելֆին, որում հայտնի դերասանուհի Ռավշանա Կուրկովան երջանիկ ժպտում է` գլուխը դրած ոչ պակաս երջանիկ ընտրյալի ուսին։ Իսկ երիտասարդի անունը Սերգեյ Ամարյան է։ Սերգեյը գործարար է, Մոսկվայի բռնցքամարտի ակումբներից մեկի համասեփականատերը։

Նա Instagram–ի իր էջում Կուրկովայի հետ համատեղ լուսանկար է հրապարակել և գրել. «Նորմալ թռիչք»։

Посмотреть эту публикацию в Instagram

Публикация от Sergei Amaryan (@gadroot)

Դերասանուհին իր հերթին լուսանկար է հրապարակել Բալի կղզուց։

Посмотреть эту публикацию в Instagram

6.01.20 🌊

Публикация от Ravshana Kurkova (@rav_shana)

Զույգի լուսանկարի տակ օգտատերերը ջերմ խոսքեր և բարեմաղթանքներ են գրել։ «Երջանկություն ձեզ», «այնքան հաճելի զույգ եք», «գեղեցիկ եք»,– նշել են նրանք։ Իսկ մեկն էլ գրել է. «Բախտդ բերել է, տղամարդ։ Նա յուրահատուկ է»։

Հայտնի չէ, թե Ամարյանն ու Կուրկովան ինչպես են ծանոթացել, բայց ԶԼՄ–ները նրանց հարաբերությունների մասին սկսեցին գրել 2019 թվականի հոկտեմբերին։

Երկրպագուներն իսկապես ուրախացան դերասանուհու համար, քանի որ նրա նախորդ հարաբերություններն առանձնապես հաջող ավարտ չէին ունեցել։ Դեռ ուսանողական տարիներին Կուրկովան ամուսնացել էր լուսանկարչի հետ, հղիացել, բայց կորցրել էր երեխային։ Ճակատագրի փորձություններին չդիմանալով` զույգը բաժանվել էր։ Դերասանուհին ամուսնացել էր իր գործընկեր Արտյոմ Տկաչենկոյի հետ, բայց այդ միությունն էլ երկար չէր տևել։ Նրանք ևս բաժանվել էին, բայց կարողացել են պահպանել ջերմ և ընկերական հարաբերությունները։

Հայտնի դերասանուհին հայտնվել է սկանդալի մեջ «Երջանիկ Սուրբ ծնունդ» մաղթանքի պատճառով

Ռավշանան փոքրուց է սեր ունեցել դերասանական արվեստի նկատմամբ։ Նա թատրոն էր այցելում հոր հետ, հետևում նրա փորձերին, իսկ մայրիկի հետ էլ գնում էր նկարահանումների։ Ծնողները դեմ էին, որ դուստրն իրենց ճանապարհն ընտրի, և նրանք Ռավշանային նախապատրաստում էին «լուրջ» բուհ ընդունվելուն։ Բայց դուստրը, միևնույնն է, ընտրեց դերասանական կարիերան և չսխալվեց։ Նա մեծ ճանաչման հասավ «Барвиха», «Нереальная любовь», «Что творят мужчины», «Детки напрокат» ֆիլմերում նկարահանվելուց հետո։ Ռավշանա Կուրկովան համարվում է ռուսական կինեմատոգրաֆիայի ամենագեղեցիկ դերասանուհիներից մեկը։

Վելեժևայի ամուսինը պարզաբանել է` ինչու է դերասանուհին ինքնաթիռում կռիվ արել

506
թեգերը:
Լուսանկար, դերասան, հայ
Ըստ թեմայի
«Սոնայի սիրտը ո՞նց կարող է ազատ լինել». երգչուհին պատմել է իր անձնականի ու ծրագրերի մասին
«Աչքով են տվել»․ երգչուհի Վալերիայի որդին մեկ շաբաթում 3 անգամ ՃՏՊ-ի մեջ է հայտնվել
«Գտել եմ երիտասարդ, հույս տվող երգչուհու». ում է Արարատ Քեշչյանը տանում Իգոր Կրուտոյի մոտ
Ջորջ Քլունի

Ջորջ Քլունին զբոսանքի է դուրս եկել զավակներից մեկի հետ. պապարացիները «որսացել» են նրանց

14
(Թարմացված է 16:23 10.07.2020)
Պապարացիները հազիվ են ճանաչել Հոլիվուդի սեքս խորհրդանիշներից մեկին․ դերասանը փողոցում է հայտնվել անսովոր տեսքով և առաջին անգամ ցուցադրել որդուն։

ԵՐԵՎԱՆ, 10 հուլիսի – Sputnik. Ամերիկացի դերասան Ջորջ Քլունին զբոսանքի է դուրս եկել որդու հետ․ համացանցում հրապարակվել են 3 տարեկան Ալեքսանդրի և հոր լուսանկարները։

2020 թ․-ի սկզբից Քլունիները դարձել են Հոլիվուդի ամենագաղտնապահ ու փակ ընտանիքներից մեկը։ Համացանցում երբեմն երևում էին լուսանկարներ կամ տեսանյութեր Ամալ Քլունիի աշխատանքային գործունեությունից, երբեմն էլ՝ Ջորջի անհատական ելույթները։ Ինչ վերաբերում է հանրության մեջ համատեղ երևալուն կամ երեխաների հետ ընտանեկան լուսանկարներին, ապա հասարակությունը նման բան տեսնելու հնարավորություն դեռ չի ունեցել։

Պապարացիները Քլունիին «որսացել» են ինքնամեկուսացման ավարտից հետո․ դերասանը որոշել է որդու՝ Ալեքսանդրի հետ զբոսանքի դուրս գալ նրան ակնաբույժի մոտ տանելու համար։

Посмотреть эту публикацию в Instagram

Публикация от HELLO! Russia (@hello__ru)

Այդպիսով երկար ընդմիջումից հետո համաշխարհային լրատվամիջոցների տրամադրության տակ է հայտնվել Քլունիների երկվորյակ երեխաներից մեկի լուսանկարը։ Աչքի է ընկել նաև աստղային հայրիկը․ լուսանկարներում դերասանն իր մշտական էլեգանտ կոստյումով չէ, այլ ջինսով, հարմարավետ շապիկով և դիմակի փոխարեն դեմքին կապված շարֆով։

Սոցիալական ցանցերի օգտատերերը միաձայն եզրակացրել են, որ փոքրիկ Ալեքսանդրը շատ նման է իր հայտնի հայրիկին։

Ջորջ և Ամալ Քլունիների երկվորյակները` Ալեքսանդրն ու Էլլան, ծնվել են 2017 թվականին։

Քլունին ապագա կնոջ հետ ծանոթացել է իր առանձնատանը։ Ամալին իր հետ ընթրիքի է բերել դերասանի ընկերը։ Նրանք առաջին հայացքից հավանել են միմյանց։ Ջորջի հայրը՝ Նիքը, նույնպես ներկա է եղել այդ հանդիպմանը և ասել, որ ինքը միանգամից հասկացել է` որդին հանդիպել է իր երկրորդ կեսին։

Ջորջ Քլունին Հայաստանում է եղել 2016 թվականին` «Ավրորա» մրցանակը հանձնելու նպատակով: Նա այցելել է ցեղասպանության զոհերի հուշահամալիր, որտեղ ծաղիկներ է դրել:

Ինչպես ծնվեց Քլունիների սերը. երկար լռելուց հետո գաղտնիքը բացահայտեց ամուսինը

14
թեգերը:
Լուսանկար, երեխա, Ջորջ Քլունի
Ըստ թեմայի
Հարրին ու Մեգանն առաջ են անցել Քիմից ու Քանյեից․ վերջին տասնամյակի ամենաթանկ հարսանիքները
Բրեդ Փիթը կզրկվի՞ երեխաների հետ շփումից. ինչ կապ ունի Քարդաշյան ընտանիքը
Հայտնի է` ով է աշխարհի ամենագեղեցիկ տղամարդը
Գագիկ Ծառուկյանն ու Արման Աբովյանը

Կես միլիոն մարդ սոված է մնալու․ Ծառուկյանը ճգնաժամից խուսափելու լուծումներ է առաջարկում

57
(Թարմացված է 16:20 10.07.2020)
ԲՀԿ առաջնորդ Գագիկ Ծառուկյանի ծավալուն հայտարարությունը Facebook-ի իր էջում հրապարակել է ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը:

ԵՐԵՎԱՆ, 10 հուլիսի - Sputnik. ԲՀԿ առաջնորդ, ԱԺ նախկին պատգամավոր Գագիկ Ծառուկյանը նոր հայտարարություն է տարածել, որում անդրադարձել է մի շարք հարցերի: ԲՀԿ առաջնորդը նշել է, որ պլանավորել էր մեծ ասուլիս, որպեսզի կարողանար ուղիղ պատասխանել բոլոր հարցերին, չէ՞ որ շատ հարցեր են կուտակվել, որոնք ենթադրում են անկեղծ պատասխաններ։ Սակայն կորոնավիրուսը փոխեց բոլոր պլանները. հունիսի 30-ին Ծառուկյանը Facebook-ի իր էջում հայտնեց կորոնավիրուսով վարակվելու մասին: Ու, քանի որ Ծառուկյանն այժմ գտնվում է բժիշկների հսկողության ներքո և մեծ լսարանի հետ շփման հնարավորություն չունի, որոշել է իր ասելիքի գոնե մի մասը գրավոր ներկայացնել։ ԲՀԿ առաջնորդի հայտարարությունը Facebook-ի իր էջում հրապարակել է ԲՀԿ-ական պատգամավոր Նաիրա Զոհրաբյանը: 

Ինչո՞վ էր պայմանավորված Ծառուկյանի ելույթը

Ծառուկյանը ևս մեկ անգամ վերահաստատել է նախկինում կրկնած միտքը՝ իր ելույթով ԲՀԿ առաջնորդն ուզում էր իշխանությանը ներկայացնել կուտակված խնդիրների իրական ծավալը։ Գործազրկության աճող տեմպերը, տասնյակ հազարավոր քաղաքացիների համար արտագնա աշխատանքի հնարավորության բացակայությունը, սննկացող բիզնեսները պետք է փրկել, այլապես վաղը ուշ կլինի. ահա սա էր ԲՀԿ առաջնորդի ելույթի հիմնական բովանդակությունը:

«Իշխանությունը չի պատկերացնում, որ առաջիկայում ունենալու ենք 200-300 հազար նոր գործազուրկ, որ փակվում են տասնյակ հազարավոր բիզնեսներ, որ սնանկանում են բիզնեսի ամբողջական ուղղություններ։ Շատ ռեալ է բյուջեի մուտքերի թերակատարումը, որը ինչ-որ պահի կարող է անդրադառնալ բյուջետային համակարգի աշխատողների աշխատավարձերի և թոշակներ վրա, պետության այլ պարտավորությունների վրա։ Իմ ելույթը ամբողջապես այս խնդիրների բարձրաձայնումն էր, ահազանգը, որ հիմա պետք է լուրջ աշխատել, որ ժամանակ չի կարելի կորցնել, որ վաղը ուշ կլինի։ Արդյո՞ք ես գիտակցում էի, որ իմ ելույթից հետո իշխանության ռեակցիան կլինի քրեական գործեր հարուցելը, ինձ և իմ թիմակիցներին կալանավորելու փորձերը։ Ես դա համարում էի իշխանության հնարավոր ռեակցիաներից մեկը, բայց կարծում էի նաև, որ հնարավոր է՝ իմ ահազանգը տեղ հասնի ու իշխանությունը տա այլ՝ լուծումներ գտնելու, խորհրդակցելու, քննարկելու ռեակցիա»,- գրել է ԲՀԿ առաջնորդը:

Իշխանությունը վախենո՞ւմ է Ծառուկյանից

Ծառուկյանի խոսքով՝ շատերին է հետաքրքրում այս հարցը, սակայն ոչ թե իրենից, այլ աշխատանքը կորցրած հարյուր հազարավոր մարդկանցից պետք է վախենալ:

«Պետք է վախենալ երեխայի ուտելիքի, շորի և դեղի փող չունեցող ծնողից։ Պետք է վախենալ բանկերում տոկոսների պատճառով տուն-տեղ կորցնող հարյուր հազարավոր մադկանցից։ Պետք է վախենալ հույսը կորցրած, ապրուստի միջոց չունեցողներից, տասնյակ հազարներով սնանկացած փոքր և միջին ձեռներեցներից։ Սա իսկապես վախենալու է»,- նշել է նա։

ԲՀՀ ղեկավարը հավաստիացրել է, որ իր քաղաքական գործունեության ընթացքում շատ հաճախ եղել է խորը սոցիալական լարվածության մեջ գտնվող լայն զանգվածների և իշխանության միջև բալանսավորող, մեղմացնող կամուրջ, իսկ այսօր իր նպատակը իրավիճակը ժողովրդին շիտակ ներկայացնելն է։

Նրա համոզմամբ՝ ցանկացած խելոք իշխանություն, որ կանգնած է սոցիալական ճգնաժամի շեմին, ո՛չ թե ժողովրդի համար շոու կկազմակերպեր՝ Ծառուկյանին կալանքի սանկցիա տալու էս ամբողջ ներկայացումները բեմադրելով, այլ էդ նու՛յն ժողովրդի համար կփորձեր վաղվա օրն ապահովել՝ նու՛յն Ծառուկյանի կարողություններն ու կապերն օգտագործելով հանուն մեր պետության զարգացման։ 

Ամեն ինչ այդքա՞ն էլ վատ չէ

ԲՀԿ առաջնորդի կարծիքով՝ համաճարակից հետո բոլոր երկրներում պարենային անվտանգության խնդիր կա, իսկ եթե մենք տապալենք աշնանացանը, ուտելու բան չենք ունենա։

«Ի՞նչ է անում պետությունը աշնանացանին նախապատրաստվելու համար։ Վաղը-մյուս օր գալու է խաղողի մթերման ժամանակը. պետությունը գիտի՞, որ գինու և կոնյակի սպառումը մինչև 60-70 տոկոս անկում ունի։ Մթերող գործարանները ո՛չ փող ունեն, ո՛չ էլ տեղ՝ նոր մթերումների համար։ Իշխանությունը հասկանո՞ւմ է, թե դա ինչ սոցիալական լարվածության է բերելու»,- մտահոգություն է հայտնել նա և հավելել՝ որոշ տնտեսագետներ Հայաստանում երկնիշ տնտեսական անկում են կանխատեսում, ինչը, ըստ նրա, նշանակում է, որ կես միլիոն մարդ սոված է մնալու։

Ի՞նչ է արել Գագիկ Ծառուկյանը տնտեսության վիճակը լավացնելու, աշխատատեղեր ստեղծելու համար

Ծառուկյանը հայտարարել է, որ արել է իրենից կախված ամեն ինչ։ Սակայն բազմաթիվ ծրագրեր վերջին երկու տարում կասեցվել են, չեղարկվել կամ մնացել են կիսատ։ Նա թվարկել է այն կառույցների, այն ձեռնարկությունների ցանկը, որոնք իշխանությունը թույլ չի տալիս շարունակել, սկսել, շահագործել, բացել. Երևանում կասեցված է Կեմպինսկի հյուրանոցի շինարարությունը, որը Քուվեյթի թագավորական ընտանիքի ներկայացուցչի հետ համատեղ ներդրումային ծրագիր էր` 100 մլն դոլարից ավելի, դադարեցվել են «Արմօյլ» գործարանի աշխատանքները, որը աշխատանքով պիտի ապահովեր Եղվարդի և հարակից բնակավայրերի բնակիչներին։ Մյուս խոշոր նախագիծը, Ծառուկյանի խոսքով, «Արսիլիցիումի» գործարանի նախագիծն էր, որն արժենալու էր մոտ 1 միլիարդ դոլար, ունենալու էր մոտ 3000 աշխատատեղ, բայց արհեստական քաշքշուկների, խոչընդոտների պատճառով արաբ ներդրողները հիասթափված հեռացել են։

«Բամբակի գործարանը, որը միջազգային խոշոր պրոեկտ էր, շատ հեռանկարային, պիտի ապահովեր հարյուրավոր աշխատատեղեր։ Բայց արդեն մեկ տարի է՝ գործընթացը արհեստական ձգձգվում է։ Աբովյան քաղաքում աննախադեպ սոցիալական բնակարանաշինության ծրագիրը՝ մոտ 2000 ընտանիքի համար գերմատչելի բնակարան ձեռք բերելու հնարավորություն։ Նախատեսված էր, որ ամսական վճարելով մոտ 65 հազար դրամ, երիտասարդ ընտանիքը կդառնար բնակարանի տեր։ Նման պայմաններով նման ծավալի սոցիալական բնակարանաշինական ծրագիր Հայաստանում չի եղել։ Տարբեր կարգի չինովնիկների պատճառով մեկ տարի է՝ ամեն ինչ կանգնած է, շինարարական աշխատանքներ չեն արվում։ Հազարավոր մարդկանց՝ մատչելի պայմաններով տուն ունենալու երազանքը այդ մարդիկ, այդ պաշտոնյաները գողացել են։ Ո՞ր մեկը թվարկեմ։ Աշխատատեղ ո՞նց պիտի բացվի՝ ներդրումներով, տուն ո՞նց են ստանում մարդիկ՝ շինարարությամբ, պետությանը ո՞նց են շատ հարկ մուծում՝ նոր գործարաններով, նոր հիմնարկներով»,- ցանկը շարունակել է նախկին պատգամավորը։

Մինչդեռ այս ամենը կյանքի կոչելու հարցում իշխանություն ամեն կերպ խանգարում է, ինչը Ծառուկյանի համար անհասկանալի է։

Համաճարակի դեմ պայքարի տապալման հարցում ԲՀԿ առաջնորդը մեղադրո՞ւմ է իշխանությանը

Համաճարակի տարածման ցուցանիշը, որն առկա է Հայաստանում, Ծառուկյանի գնահատմամբ, աղետալի է և միայն մեր բժիշկների և ժողովրդի մի մասի շնորհիվ է, որ դեռևս հաջողվում է խուսափել ողբերգությունից։

«Առողջապահության նախարարը ուրախանում է իմ ու իմ ընտանիքի դեմ սկսված արշավով, ժամանակ ունի՝ դրա մասին խոսում է։ Հարյուրավոր, վերջը չերևացող մահերի մեղավորություն ունես դու, և դեռ ֆեյսբուքում էժան հումոր անելու ժամանակ ու տրամադրությու՞ն ունես։ Սա լրիվ ուրիշ պատմություն է: Մենք չգիտենք վաղը մարդկանց առողջության վրա ինչ հետևանքներ է ունենալու այս վարակը։ Ջահելների վրա, երիտասարդ մայրերի վրա։ Մեղքի զգացումից պետք է ձայններդ դուրս չգար, մինչդեռ տաքուկ աշխատասենյակներից Ծառուկյան եք քննադատում»,- շեշտել է նա։

ԱԱԾ–ն Գագիկ Ծառուկյանի թեմայով դիմել է քաղաքացիներին. տեսանյութ

Ծառուկյանը հայտնել է, որ իր հանձնարարությամբ կուսակցությունում ստեղծվել է աշխատանքային խումբ, որը հատ-հատ հավաքում, վերլուծում է ԱՆ թույլ տված սխալները, որոնք առողջություն ու կյանք են արժեցել ու արժենում մեր ժողովրդի համար։ 

Ասում են՝ երկրում արդարություն է ձևավորված և հիմա ամեն ինչ արդար է

Ծառուկյանը կարծում է, որ արդար կլիներ, եթե տանը բուժվող տասնյակ հազարավոր մարդիկ ապահովված լինեին դեղորայքով, անհրաժեշտ հետազոտություններով, մեկուսացման փուլում նվազագույնը սննդի գումար հատկացվեր, արդարություն կլիներ, եթե փակվող փոքր և միջին բիզնեսներին ռեալ աջակության ծրագրեր լինեին, ոչ թե փոշիացվեր մի մեծ գումար։

«Արդարությունը պրեմիանե՞րն են, որ իշխանությունն ինքն իր համար դուրս է գրում, իսկ մնացած ժողովուրդը հացի փող չունի։ Կորոնավիրուսի օրինակը բերեմ՝ հաշվե՞լ եք, թե մարդու վրա ինչ է նստում բուժվելը՝ ուսուցիչը, դասախոսը, գյուղացին, միջին ընտանիքը ինչքան են վճարում։ Հաշվե՞լ եք՝ թեստը ինչ արժե, տոմոգրաֆիան ինչ արժե, դեղորայքը ինչ արժե։ Մարդիկ պարտք են անում, վարկ են վերցնում, որ վարակից մի կերպ բուժվեն, իսկ իշխանավորները իրենք իրենց պրեմիաներ են դուրս գրում և ապրում։ Սա՞ է արդարությունը»,- դժգոհել է ԲՀԿ ղեկավարը։ 

Ինչո՞ւ ներդրումներ չկան Հայաստանում

Այս հարցի պատասխանն էլ ԲՀԿ առաջնորդն ունի. ներդրողները Հայաստան չեն գալիս, քանի որ նեղացած են, մի մասի Հայաստան չգալու պատճառն էլ հայ-ռուսական հարաբերություններն են:

«Ո՞ր ներդրողը կգա Հայաստան։ Ով եկավ՝ արհամարհեցիք, նեղացան գնացին։ Մյուսը՝ տեսնելով քրեական գործերը, բանկային գաղտնիքի թուլացման օրենքը, գույքահարկի բարձրացումը, ինչո՞ւ պիտի գա Հայաստան ներդում անի, ռիսկի տակ դնի իր կապիտալը։ Կգնա ուրիշ երկիր։ Ռուսաստանի խոշոր կապիտալը՝ հայ լինի, թե այլազգի, ո՞նց կգա Հայաստան, եթե Ռուսաստանի հետ հարաբերությունները լարված են։ Էդ հերիք չի, հիմա էլ Նավալնի եք Հ1-ով խաղացնում։ Դրանից հետո ո՞վ կգա։ Իշխանության նոր պաշտոնյաները լավ չեն պատկերացնում, թե ինչ է նշանակում ներդրումների բացակայություն։ Երևի բացատրել է պետք, որ չլինի ներդրում՝ չի լինի նոր աշխատատեղ, չի լինի աշխատավարձ, չի լինի բյուջե մուծվող նոր գումար, չի լինի զարգացում։ Ու կլինի մի բան՝ սոված, անհույս հարյուր հազարավոր մարդիկ»,- պարզաբանել է Ծառուկյանը։

Շատ երկրներում է այդպես ու խնդիրը միայն Հայաստանում չէ

Ծառուկյանը համամիտ է, որ գործ ունենք համաշխարհային արհավիրքի հետ, բայց իրավիճակից դուրս են գալու այն երկրները, որոնք այդ ուղղությամբ աշխատում են, միասնական են, խելք-խելքի տված լուծումներ են գտնում։ Պետք է վերջ տալ թշնամությանը, անգրագետ պաշտոնյաներին պետք է փոխել բանիմացներով, պետք է գործել։

«Պրոբլեմները մի օրվա չեն։ Հետո մի մոռացեք, որ բոլոր երկրները չեն կիսապատերազմական վիճակում, բոլոր երկրների վրա չի հարևանը ասում՝ կհարձակվեմ, կգրավեմ»,- ընդգծել է նա։

Ի՞նչ է առաջարկում Գագիկ Ծառուկյանը

Լրջանալ ու աշխատել։ Լսել ուրիշների առաջարկները։ Դուրս գալ կաբինետներից, շփվել մարդկանց հետ։ Կարգավորել հարաբերությունները դաշնակիցների հետ։ Ով չի կարողանում աշխատել՝ պիտի հեռանա։

Որո՞նք են ԲՀԿ ղեկավարի հետագա քայլերը

Առղջանալուն պես մեծ ասուլիս կհրավիրի, իր հետ կապված ոչ մի հարց չի թողնի, հետո կդիմի Հայաստանի և աշխարհի հեղինակավոր տնտեսագետներին, կառավարման փորձ ունեցող գործիչներին՝ Հայաստանի համար հակաճգնաժամային լուծումների առաջարկներ մշակելու խնդրանքով։

Ծառուկյանն իր ամառանոցում իրականությունից հեռու է. Ալեն Սիմոնյանը` սով սկսվելու մասին

«Շատ կարևոր է որոշակի սոցիալական խավերի ուղիղ օգնության խնդիրը։ Ես պետք է հասկանամ հնարավորությունները, ռեսուրսները և կազմենք մարդկանց հասցեական օգնության ծրագիր։ Չի՛ կարելի մարդուն թողնել սոցիալական և առողջապահական ողբերգության առաջ։ Նման հանձնարարական ես արդեն տվել եմ իմ հիմնադրամին»,- նշել է նախկին պատգամավորը։

ԲՀԿ առաջնորդը տեղեկացրել է նաև, որ հանձնարարել է մշակել խոշոր ներդրումային ծրագրեր։ Երկիրը այս վիճակից դուրս բերելու համար խոշոր շրջադարձային ծրագրեր են պետք՝ մեծ կապիտալով, որոնք միանգամից մեծ թվով մարդկանց կապահովեն աշխատանքով։ Նա խոստացել է իր անձնական կապերով և անձնական հեղինակությամբ բանակցել ներդրողների հետ։ Իշխանություններից ոչ մի աջակցություն չի ակնկալում։ Միտումնավոր չխանգարեն՝ արդեն լավ է։

«Շատ կարևոր է աշխատել հայ-ռուսական հարաբերությունների ուղղությամբ, փորձել հարթել չհասկացվածության և սառնության պահերը։ Բոլոր խողովակներով դա պիտի արվի. որպես ամենախոշոր ընդդիմադիր խմբակցության ղեկավար, որպես անձ, որը լայն շփումներ ունի ռուսական քաղաքական, հանրային, գործարար վերնախավերի հետ, ես պարտավոր եմ դա անել։ Սա և՛ ազգային անվտանգության խնդիր է, և՛ հնարավոր ներդրումների և մեր հարյուր հազարավոր քաղաքացիների ամենօրյա խնդիրներին առնչվող հարց։ Այնպես որ շատ բան կա անելու, շատ-շատ։ Ու ամենակարևորը՝ երբեք չի կարելի պրոբլեմների ծավալից, դժվարություններից վախենալ։ Երբ անելիքդ գիտես, պատկերացնում ես, խնդիր ես դնում, ամենադժվար հարցն էլ կարող ես լուծել»,- եզրափակել է Ծառուկյանը։

Հիշեցնենք` ԱԱԾ-ն հունիսի 14-ին խուզարկություն իրականացրեց Գագիկ Ծառուկյանի առանձնատանը: Ավելի ուշ հայտնի դարձավ, որ նրա դեմ 3 քրեական գործ է հարուցվել ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։

Ծառուկյանին չկալանավորելը կապված է նրա տարիքի ու կորոնավիրուսի առկայության հետ. Սիմոնյան

Հունիսի 21-ին Երևանի ընդհանուր իրավասության դատարանը մերժել էր Ծառուկյանի նկատմամբ կալանքը որպես խափանման միջոց ընտրելու՝ ԱԱԾ-ի միջնորդությունը:

Հունիսի 23-ին հայտնի դարձավ, որ դատախազությունը վերաքննիչ բողոք է ներկայացրել Ծառուկյանի նկատմամբ կալանքը որպես խափանման միջոց կիրառելու միջնորդությունը մերժելու որոշման դեմ։

Հունիսի 26-ին էլ ԲՀԿ առաջնորդի պաշտպանները վերաքննիչ բողոք ներկայացրին Ծառուկյանի նկատմամբ որպես խափանման միջոց կալանավորումը կիրառելու միջնորդությունը քննության առնելու մասին Երևան քաղաքի ընդհանուր իրավասության առաջին ատյանի դատարանի որոշման դեմ։

57
թեգերը:
խուզարկություն, Մեղադրանք, գործարան, Ռուսաստան, Ներդրում, Ճգնաժամ, ասուլիս, կորոնավիրուս, Նաիրա Զոհրաբյան, Գագիկ Ծառուկյան, Հայաստան
թեմա:
Գագիկ Ծառուկյանի շուրջ ծավալված իրադարձությունները
Ըստ թեմայի
«Այս ամենով ինձ հերոսացնում եք». Գագիկ Ծառուկյանը ելույթ ունեցավ ԱԺ–ում
Գագիկ Ծառուկյանն այնքան չկա՞, որ ազդի նախաքննության վրա, թե՞ խորհրդարանը խայտառակ եղավ
ԱԱԾ–ի մոտ Գագիկ Ծառուկյանի համակիրների հավաք անցկացնելու դեպքի առթիվ քրգործ է հարուցվել
Գագիկ Ծառուկյանը հայտարարություն է տարածել
Բերդ

ՌԴ–ում պացիետների հանդեպ սեռական բռնություն գործած հայ բժիշկը դատապարտվեց ազատազրկման

0
(Թարմացված է 16:22 10.07.2020)
Բժիշկ Արմեն Հովհաննիսյանին նաև արգելել են 6 տարի շարունակ բժշկական գործունեություն ծավալել։

ԵՐԵՎԱՆ, 10 հուլիսի — Sputnik. Ռուսական դատարանը մեղավոր ճանաչեց ազգությամբ  հայ անեսթեզիոլոգ-ռեանիմատոլոգ Արմեն Հովհաննիսյանին անզգայացման տակ գտնվող պացիենտների նկատմամբ սեռական բնություն կիրառելու համար։ Նրան դատապարտեցին 10 տարվա ազատազրկման։ Տեղեկությունը հայտնում է vesti.ru-ն։

Հովհաննիսյանին մեղադրանք էր առաջադրվել պացիենտների նկատմամբ սեռական բռնի գործողություններ կատարելու համար։ Ըստ մեղադրանքի` նա օգտվել է նրանց անօգնական վիճակից և անօրինական գործողությունների դիմել։ Բժիշկը մեղքը չի ընդունում։

Բացի տաս տարվա ազատազրկումից, դատարանը արգելել է նրան բժշկությամբ զբաղվել ևս 6 տարի։

Նշենք, որ Արմեն Հովհաննիսյանը Սանկտ Պետերբուրգի բժշկական կենտրոններից մեկում էր աշխատում։ Նա 35 տարվա աշխատանքային փորձ ունի։ Ըստ մեղադրանքի նրա զոհերն են եղել են 1997, 2001, 2002 թվականներին ծնված աղջիկները, որոնք դեռ ուշքի եկած չեն եղել վիրահատական թմրեցումից։

«Ոնց թե դու իմ շանը զարկես...». Երևանում գարեջրի շշերով կռիվ ու դանակահարություն է եղել

2018 թվականի դեկտեմբերին ոստիկանություն էր դիմել 32 տարեկան մի կին, որը հայտնել էր բժիշկ Արմեն Հովհաննիսյանի կողմից իր 15-ամյա աղջկա նկատմամբ իրականցված անառակաբարո գործողությունների մասին։ Հարուցվել էր քրեական գործ։

0
թեգերը:
վիրահատություն, հիվանդ, հայ, սեռական բռնություն, դատ, բժիշկ, Բանտ