Զինծառայողներ, արխիվային լուսանկար

Ինքնաթիռներ, սնունդ, աշխատավարձ և ոչ միայն․ ինչպիսի՞ն էր տարին հայկական բանակի համար

435
(Թարմացված է 21:30 05.01.2020)
Չափազանցություն չի լինի, եթե ասենք, որ 2019 թվականին դրական առումով ամենաշատը բաժին է հասել ՀՀ Զինված ուժերին։

ԵՐԵՎԱՆ, 5 հունվարի - Sputnik, Աշոտ Սաֆարյան․ 2019 թվականը հայկական բանակի համար հաջող տարի էր։ Բարեփոխումներն անդրադարձան ԶՈւ գործունեության գրեթե բոլոր առանցքային ուղղությունների վրա։

Նոր սպառազինություն ու ռազմատեխնիկա, սննդի համակարգի արմատական փոփոխություն, զինծառայողների հիմնադրամի գործունեության ժամային շրջանակների ընդլայնում, շփման գծում ենթակառուցվածքների բարելավում և բազմաթիվ այլ ասպեկտներ. յուրաքանչյուրն առանձին-առանձին ուշադրության և վերլուծության են արժանի։

Ահեղ «Տոռ» աստված

Տարեվերջում մենք տեսանք Ռուսաստանից գնված «Տոռ-Մ2ԿՄ» ժամանակակից զենիթահրթիռային համալիրները։ ՀՀ վարչապետ Նիկոլ Փաշինյանը նույնիսկ սելֆի է արել այդ համալիրների ֆոնին։ Եվ պետք է ասել` արժեր․․․

«Տոռը» ժամանակակից զենիթահրթիռային համալիր է, որը կարող է ավտոմատ ռեժիմում, նույնիսկ անձնակազմի բացակայության դեպքում, պայքարել ցանկացած սպեկտրի օդային հարձակումների դեմ, այդ թվում` բարձր ճշգրտության հրթիռների։

Համալիրը ստեղծված է օդային հարվածներից զինվորական, տնտեսական և այլ օբյեկտները պաշտպանելու համար։ ԶՀՀ-ն կարողանում է արդյունավետ պայքարել հակառակորդի տարբեր տեսակի հրթիռների (այդ թվում` թևավոր և հակառադիոլոկացիոն), ԱԹՍ-ների, ավիացիոն ռումբերի, ինքնաթիռների և ուղղաթիռների դեմ։ «Տոռն» իսկական մղձավանջ կդառնա ցանկացած հակառակորդի ավիացիայի համար, նա նույնքան սարսափելի է, որքան և համանուն Աստվածը` սկանդինավյան դիցաբանության մեջ։

«Տոռ» համակարգերի ձեռքբերման մասին խոսում էին դեռ անցած տարվա գարնանից։  Սակայն ռազմական ղեկավարությունը մատակարարման ժամկետերի ինտրիգը պահեց մինչև վերջ։ Եվ ահա դրանք արդեն այստեղ են։ Համալիրների առկայությունը ՀՀ հակաօդային պաշտպանությանը շատ մեծ առավելություններ է տալիս, այն առավել արդյունավետ դարձնում։

Նախևառաջ ինքնաթիռները

2019 թվականի սկզբին իմացանք 4+ սերնդի Սու-30ՍՄ կործանիչների 4 միավոր գնելու մասին։ Այդ ժամանակ Sputnik Արմենիա գործակալությունն առաջինն էր հայտնել կործանիչների մատակարարման պայմանագրի ստորագրման լուրը։

Մեքենաները Հայաստան էին ժամանել 2019 թվականի դեկտեմբերի վերջին։ Հայաստանը հետագայում մտադիր է նման առնվազն 8 ինքնաթիռ ձեռք բերել։

Սու-30ՍՄ-ը կարող է բարձր ճշգրտության հարվածներ հասցնել հակառակորդի առանցքային օբյեկտներին, ինչը չի կարելի ասել Ադրբեջանում առկա ՄիԳ-29 կործանիչների մասին։

Սու-30ՍՄ-ը կարող է օգտագործել սպառազինության լայն շրջանակ, ինչպես` նույն Х59 МК2-ները, որոնք կարող են մինչև 285 կմ հեռավորությունից հարվածներ հասցնել ստացիոնար թիրախներին։ Այն նաև կարող է արդյունավետ պայքարել հակառակորդի հակաօդային համակարգերի դեմ։

Ջուրը կյանք է

Մեկ տարվա ընթացքում մեծ աշխատանք է տարվել հայ-ադրբեջանական սահմանին և ԼՂՀ շփման գծում մարտական հերթապահության պայմանները բարելավելու ուղղությամբ։ Դեռ օգոստոսի վերջից ՀՀ կառավարությունը որոշում կայացրեց լրացուցիչ 2,1 մլրդ դրամ հատկացնել այդ նպատակով։

Անցնող տարին նշանավորվել է նոր սպառազինությունների ձեռքբերմամբ. Դավիթ Տոնոյան

2019 թվականին ավելացավ արևային մարտկոցներով հագեցած դիրքերի, էապես ավելացվեց ջերմային պատկերապատիչների և վերահսկման այլ սարքերի քանակը։ Դիրքերը մոնիթորինգի միջոցներով զինումը թույլ է տալիս ժամանակին նկատել դիվերսիոն խմբերի տեղաշարժը և դրանց արժանի հակահարված տալ։ Տարեվերջին մարտական դիրքերի շուրջ 35%-ն ապահովվել է խմելու ջրով։ Սա չափազանց կարևոր ցուցանիշ է, որը մեծացնում է մարտական դիրքերի «ավտոնոմ» և ինքնաբավ լինելը։

Յուրայիններին դժբախտության մեջ մենակ չեն թողնում

2019 թվականին զգալիորեն ավելացել է զինծառայողների ապահովագրության հիմնադրամի շահառուների ցանկը։ Ի սկզբանե, երբ հիմնադրամը ստեղծվում էր, նախատեսվում էր ծրագրում ներառել միայն 2017 թվականի հունվարից վիրավորված կամ զոհված զինծառայողներին։

Սակայն 2018 թվականի ընթացքում և հատկապես 2019 թվականին մի քանի անգամ ժամանակային շեմը «տեղաշարժվել» է։ Արդյունքում 2020 թվականի հունվարից սկսած հիմնադրամը կսկսի գումար հատկացնել 1998 թվականից հայրենիքի պաշտպանության ժամանակ զոհված զինծառայողների ընտանիքներին և 1-ին ու 2-րդ կարգի հաշմանդամություն ունեցող զինծառայողներին։

ՊՆ-ում բազմիցս նշել են, որ ուզում են աստիճանաբար հասնել մինչև 1992 թվականը։ Փոխհատուցում են ստանում զոհված զինվորների և սպաների ընտանիքները, ինչպես նաև 1-ին և 2-րդ կարգի հաշմանդամություն ունեցող զինծառայողները։ Զոհված զինծառայողներին և 1-ին կարգի հաշմանդամներին տրվող փոխհատուցումը տատանվում է 52-82 մլն դրամի սահմաններում։ 52 մլն ստանում են շարքայինները, 72 մլն՝ ենթասպաները և 82 մլն դրամ՝ սպաները։ Ընդ որում` 10 մլն-ը տալիս են միանվագ, իսկ մնացածը 20 տարվա ընթացքում, ամսական 200-300,000 դրամ։

2-րդ կարգի հաշմանդամների փոխհատուցումը կազմում է 26-52 մլն դրամ` կրկին զինվորական կոչումից կախված։ Դրանից 5 մլն-ը հատկացնում են միանվագ, մնացածը 20 տարվա ընթացքում՝ ամսական 100-200 հազար դրամի չափով։ Հիմնադրամի գումարները ձևավորվում է ՀՀ քաղաքացիների աշխատավարձերից գանձվող ամենամյա վճարների հաշվին։ Յուրաքանչյուր պաշտոնապես գրանցված աշխատող ամսական 1000 դրամ է վճարում։

Երջանկությունը ոչ թե փողի մեջ է,այլ քանակի

Ռազմական բարեփոխումներում կարևոր դարձավ 2019 թվականի հունիսից զինծառայողների աշխատավարձերի բարձրացումը։ Շարքայիններին և սպաներին նյութապես շահագրգռելը ոչ պակաս նշանակալի գործոն է մարտունակության առումով, որքան ժամանակակից սպառազինությունների ձեռքբերումը։ Ընդ որում, բարձրացումը կախված է զինծառայողի ռանգից։ Աշխատավարձերի աճը, այսպիսով, կազմել է 5% բարձրագույն սպայական կազմի համար, ավագ սպայական կազմը ստացել է 8%-անոց ավելացում, կրտսեր սպայական կազմը՝ 13%, ավագ ենթասպաները՝ 15%, կրտսեր ենթասպաները և պայմանագրային ծառայության շարքային կազմը՝ 18%։

Ինչպես են Ամանորը տոնում զինվորները. տեսանյութ

Ավելի կոնկրետ իրավիճակը հետևյալ տեսքն ունի․ գնդի հրամանատարների աշխատավարձը ավելացել է 23 հազարով (7%), գնդի զորահրամանատարների տեղակալներինը՝ 20 հազար դրամով (7%); գումարտակի հրամանատարներինը՝ 85 հազար դրամով (12%), վաշտի հրամանատարներինը՝ 96 հազար դրամով (18%), դասակի հրամանատարներինը՝  72 հազար դրամով (18%), ավագ ենթասպաներինը՝ 38 հազար դրամով (18%), պայմանագրային ծառայության շարքային զինվորականներինը՝ 30 հազար դրամով (18%)։

«Ով չի ուզում կերակրել սեփական բանակը, կկերակրի օտարինը»․․․

Կարծես թե բարեփոխումների գագաթնակետը դարձավ զինծառայողների սննդի կազմակերպման բացարձակապես նոր համակարգը։ ՀՀ կառավարությունը դեռևս 2019 թվականի փետրվարի 21-ին որոշեց փոփոխություններ մտցնել բանակի համար պարենի գնման գործընթացում։

Այժմ պարենամթերքը մատակարարում է մասնավոր հատվածը։ Այն նաև կազմակերպում է սննդի պատրաստման և բաժանման գործընթացը։

Զինծառայողներն այժմ օգտվում են «շվեդական սեղանից»՝ համեղ և տարատեսակ սննդով։ Նոր համակարգը նաև թույլ է տալիս ամբողջությամբ բացառել հերթապահությունները խոհանոցում։ Անձնակազմն այսուհետ չի միջամտի սննդի պատրաստման գործընթացին և կզբաղվի բացառապես մարտական պատրաստվածությամբ։

Նոր համակարգին անցում է արվում աստիճանաբար։ Այսօր այն գործում է 30 զորամասերում, սակայն ժամանակի ընթացքում նախատեսվում է այն տարածել առանց բացառության բոլոր զորամասերում։ Պարենամթերքի մատակարարման և պատրաստման գործընթացում ներգրավված է 4 մասնավոր ընկերություն, նրանց թիվը ևս կավելանա։

Հարկ է նշել, որ սա բանակում տեղի ունեցած փոփոխությունների ամբողջական ցանկը չէ։ Մենք պարզապես հիշատակեցինք առավել «գովազդվածները»։ Որոշ ասպեկտներ լուսաբանման ենթակա չեն՝ հաշվի առնելով դրանց առանձնահատկությունները, որոնք և ամենաշատն են ազդում որակի և հայկական ԶՈւ մարտական պատրաստվածության մակարդակի վրա։

435
Երևան

Անձրև կգա, բայց օդի ջերմաստիճանը կշարունակի բարձրանալ. եղանակի տեսություն

22
(Թարմացված է 00:38 02.06.2020)
Օդերևութաբանները կանխատեսել են, որ անձրևները կուղեկցվեն ամպրոպով, իսկ այդ ժամանակ քամին կուժգնանա։

ԵՐԵՎԱՆ, 2 հունիսի – Sputnik. Հայաստանի առանձին շրջաններում այսօր, վաղը և հունիսի 6-ին կեսօրից հետո սպասվում է կարճատև անձրև և ամպրոպ, ամպրոպի ժամանակ քամու ուժգնությունը կհասնի 15-20 մ/վ–ի: Տեղեկությունը հայտնում է Հիդրոօդերևութաբանության և մոնիթորինգի կենտրոնը։

Հունիսի 4-5-ը սպասվում է առանց տեղումների եղանակ:

Եղանակի կանխատեսում

Օդի ջերմաստիճանը կբարձրանա 2-4 աստիճանով:

Այսօր Երևանում օդի ջերմաստիճանը ցերեկային ժամերին կտատանվի +30–ից +32–ի սահմանում, իսկ գիշերը կհասնի +17–ի։

Երբ երեխաները մնացին առանց տոնի. երևանյան լուսանկարներ

22
թեգերը:
Մարզ, եղանակ, Երևան, Հայաստան
թեմա:
Եղանակը Հայաստանում
Ըստ թեմայի
«Ալեքսը խորթ հորը տեսավ, ասաց` արի փախնենք». Հերմինեն վստահեցնում է, որ ընտանիքը ստում է
Ինչպես կարմիր բերետով աղջնակը հաջողակ մենեջեր դարձավ. Արևիկ Համբարձումյանի պատմությունը
44 օր վերակենդանացման բաժանմունքում. 47-ամյա կինը հաղթահարել է կորոնավիրուսը
Դավա և Օլգա Բուզովա

Ալֆո՞նս, թե՞ երկար սպասված արքայազն․ ինչո՞վ է հայտնի Բուզովայի հայ փեսացուն

74
(Թարմացված է 01:03 02.06.2020)
Վիդեոբլոգեր Դավան բացառիկ է նրանով, որ բավականին կարճ ժամանակահատվածում նրան հաջողվեց համացանցում գրեթե 12 միլիոն հետևորդ հավաքել։

ԵՐԵՎԱՆ, 1 հունիսի – Sputnik. Բլոգեր և երգիչ Դավայի (Դավիթ Մանուկյան) մասին հասարակության մեծ մասն իմացավ

անցած տարվա աշնանը, երբ նա նկարահանվեց ռուս ճանաչված երգչուհի Օլգա Բուզովայի տեսահոլովակում։ Հենց այն ժամանակ լուրեր տարածվեցին, որ արտիստներն անտարբեր չեն միմյանց նկատմամբ։

Դեկտեմբերին արդեն Օլգան խոստովանեց բլոգերի հետ սիրավեպի մասին։ Դրանից հետո նրանք գրեթե մշտապես միասին են հանդես գալիս՝ սոցիալական ցանցերում, փոքրիկ հումորային համարներում և տեսահոլովակներում կամ պարզապես աշխատավայրից ու հանգստավայրից հրապարակած լուսանկարներում։

«Չէ՞ որ նա հայ է». Բուզովայի սիրեցյալի քույրը գաղտնիքներ է հայտնել

Բուզովայի երկրպագուների մեծաթիվ բանակը բաժանվել է երկու ճամբարի. մի մասը Դավային դուրսպրծուկ ու ալֆոնս է համարում, որը որոշել է հայտնի դառնալ ռուսական փոփ-բեմի արքայադստեր հաշվին, մյուսները՝ ի դեմս երիտասարդի, տեսնում են այն երկար սպասված արքայազնին, որին արժանի է Բուզովան։

Ի՞նչ է հայտնի Դավայի մասին

Դավիթ Մանուկյանը հայտնի է դարձել առաջին հերթին որպես վիդեոբլոգեր, բայց երիտասարդը նաև սեփական երգերն է թողարկում։ Ընդ որում` դրանցից մեկը, որը կոչվում է «Հարբած կլինեմ», կարճ ժամանակում այնքան հայտնի է դարձել, որ Բուզովան, դեռ անձամբ ծանոթ չլինելով Դավայի հետ, պարել է այդ երգի տակ և տեսանյութը հրապարակել Instagram-ի իր էջում։

«Այն ժամանակ դեռ ծանոթ չէինք, նա պարզապես stories էր նկարում։ Առաջին անգամ ես նրան գրեցի և ասացի՝ շնորհակալ եմ, որ լսում եք իմ երգը, շատ հաճելի է։ Որոշ ժամանակ անց նա ինձ գրեց և դեր առաջարկեց իր «Лайкер» տեսահոլովակում,-պատմել է Դավան «Алена блин!» հաղորդման ընթացքում։

Դավիթ Մանուկյանը ծնունդով Նովոսիբիրսկից է, տեղափոխվել է Մոսկվա ընդամենը երկու տարի առաջ։ Նա խոստովանել է, որ այդ ժամանակ Instagram սոցիալական ցանցում ընդամենը մոտ հինգ հազար հետևորդ ուներ։ Բայց շուտով, ընդամենը երկու տարում, արտիստի հետևորդների թիվը հասավ գրեթե 12 միլիոնի։

Այդ ֆենոմենալ թռիչքի շնորհիվ 27-ամյա երիտասարդը հայտնվեց շատերի ուշադրության կենտրոնում։  Վերջերս բլոգերը նկարահանվեց ճանաչված երգիչ Եգոր Կրիդի «Love is» երգի տեսահոլովակում։ Ամենայն հավանականությամբ երկու տաղանդավոր երիտասարդների համագործակցությունը այդքանով չի սահմանափակվի։

Շատերը զարմացած են Դավայի դերասանական տաղանդով, բայց երիտասարդը բավական հարուստ ստեղծագործական փորձ ունի։ Բանն այն է, որ նա պրոֆեսիոնալ պարող է։ Հայազգի երիտասարդը երեք տարեկանից պարով է զբաղվել, անգամ սպորտային-պարահանդեսային պարերի Ռուսաստանի չեմպիոն է եղել։ Վնասվածքների պատճառով ստիպված է եղել թողնել սպորտային կարիերան (Դավան ողնաշարի երեք ճողվածք ունի. մեծ դեր է խաղացել նաև հիասթափությունը)։

Ի դեպ, հենց պարի շնորհիվ է Դավան հանդիպել իր առաջին սիրուն՝ պարահանդեսային պարերի ներկայիս չեմպիոն Վալերիա Աղիկյանին։ Այն ժամանակ Դավան 16 տարեկան էր, ընտրյալը՝ 15։ Նրանց հարաբերությունները երկար չեն տևել. երկու տարի անց բաժանվել են։

«Տղամարդու խոսք եմ տվել, պիտի անեմ»․Դավա Մանուկյանը Բուզովային հավերժացրել է մաշկի վրա

Նույն «Алена блин!» հաղորդման ընթացքում Մանուկյանը խոստովանել է, որ սթրեսի պատճառով հաճախ նոպաներ է ունեցել։ Արտիստի խոսքով՝  այնպես էր սիրահարվել Վալերիային, որ պատրաստվում էր առաջարկություն անել, մինչդեռ աղջիկը օգտագործում էր իրենց հարաբերությունները առաջնություններից առաջ իրեն հունից հանելու համար։

«Նա իմ հակառակորդի պարային զույգն էր, և մրցումներից առաջ ինձ հաճախ լուսանկարներ էին ուղարկում, որտեղ Վալերիային ինչ-որ մեկը գրկում էր։ Դա ինձ շատ էր հունից հանում»,-ասել է նա։ Չնայած դրան, իր «Վերջին պարը» երգը Դավան նվիրել է առաջին սիրուն։

Ինչ վերաբերում է Բուզովայի հետ հարաբերություններին և անհավասար եկամուտներին, արտիստը (ինչպես և ինքը՝ Օլգան) մշտապես ընդգծում է, որ սիրելի կինն իրեն աջակցում է միայն բարոյապես, իսկ նյութական ծախսերը միշտ ինքն է հոգում։ Ի դեպ, երիտասարդներն ապրում են Մանուկյանի վարձակալած բնակարանում։

«Ես ոչ մի կնոջից փող չեմ վերցրել։ Երբեք նման բան չի եղել։ Եթե մենք Օլյայի հետ որևէ տեղ ենք գնում, միշտ ես եմ վճարում։ Հակառակ դեպքում ես ինձ տղամարդ չեմ զգա։ Իմ փրոդաքշնի համար ես մեծ գումարներ եմ ծախսում՝ գովազդ, նկարահանումներ։ Ճիշտ այդքան էլ ծախսում եմ Օլյայի վրա։ Ռեստորանում հաշիվը տարբեր է լինում՝ 20-ից մինչև 80 հազար ռուբլի՝ կախված տեղից»,-խոստովանել է նա։

Արտիստի խոսքով՝ ինքը շատ ծրագրեր ունի, իսկ Օլգայից իրեն միայն հոգեբանական աջակցություն է պետք։

74
թեգերը:
տեսահոլովակ, սեր, երգիչ, Օլգա Բուզովա, Դավիթ (Դավա) Մանուկյան
Ըստ թեմայի
Մոսկովյան բանկ ներխուժած տղամարդը պահանջել է փող և Բուզովային. տեսանյութ
«Մանդարինկա». Բուզովան բլոգեր Դավիթ Մանուկյանի հետ ամանորյա երգ է թողարկել
Օլգա Բուզովան հաստատել է` իր ընտրյալը հայ հայտնի բլոգեր Դավիթ Մանուկյանն է
Օլգա Բուզովան ծննդյան 34–ամյակը նշում է հայ սիրեցյալի հետ. տեսանյութ
Ապագա մայրիկ

Հղիության ժամանակ կորոնավիրուսը կարո ՞ղ է մորից երեխային փոխանցվել. պարզաբանում է բժիշկը

0
(Թարմացված է 19:57 01.06.2020)
Երեխաներն ավելի հազվադեպ են վարակվում կորոնավիրուսով ու որպես կանոն հիվանդությունը նրանց մոտ ավելի թեթև ընթացք է ունենում։ Այնուամենայնիվ, անվտանգության կանոնները պետք է պահպանել։

ԵՐԵՎԱՆ, 2 հունիսի – Sputnik. Շատ դեպքերում կորոնավիրուսը ընկերքի միջոցով մորից երեխային չի փոխանցվում։ Տեղեկությունը стопкоронавирус.рф-ին տված հարցազրույցում հայտնել է Ռուսաստանի երեխաների բժշկական օգնության դեպարտամենտի ու ծննդօգնություն ծառայության տնօրեն Ելենա Բայբարինան։

Բժիշկների դիտարկմամբ՝ վարակն ավելի հազվադեպ է խոցում երեխաներին ու փոքրերի մոտ հիվանդությունը որպես կանոն ավելի թեթև է ընթանում։

Եթե վարակը ընկերքի միջոցով երեխային չի փոխանցվում, ապա, մասնագետի խոսքով, նորածիններին պահում են առանձին տարածքում կամ մասնագիտացված հաստատությունում մինչև COVID-19-ով վարակված մայրն առողջանա։

Հայաստանում կորոնավիրուսով վարակված ամենափոքրիկ պացիենտին տուն են ճանապարհել. լուսանկար

Բայբարինան COVID-19 ունեցող մայրերին խորհուրդ է տվել երեխայից հեռու եղած ժամանակ փորձել պահպանել կաթն ու ապաքինվելուց հետո սկսել կերակրել երեխային։

Բժիշկը հիշեցրել է՝ ցանկալի է, որ հղիները հոգ տանեն իրենց մասին և հնարավորինս խուսափեն ոչ միայն կորոնավիրուսից, այլև մյուս բոլոր սուր շնչառական հիվանդություններից։ Բայբարինան հորդորել է պահպանել անվտանգության կանոններն ու հետևել պատկան մարմինների խորհուրդներին։

Գիտնականները հայտարարել են, որ կորոնավիրուսին 100%-ով հակազդող հակամարմին են հայտնաբերել

0
թեգերը:
նորածին, Ռուսաստան, բժիշկ, մայր, երեխա, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Գիտնականները պարզել են, թե ինչ հոգեբանական խանգարումներ է առաջացնում կորոնավիրուսը
Գիտնականները գտել են աշխարհում զանգվածային մահացության ամենահավանական պատճառներից մեկը
Ինչպես երջանիկ զգալ համավարակի պայմաններում. գիտնականները ստացել են բանաձևը
Ռուս գիտնականները կորոնավիրուսի դեմ պատվաստանյութը փորձարկել են իրենց վրա