Արսեն Թորոսյան. արխիվային լուսանկար

«Չեմ ցանկանում մեր բոլորի տոնը փչացնել, բայց ստիպված եմ...». Արսեն Թորոսյան

672
(Թարմացված է 15:11 02.01.2020)
Պայթուցիկներից Ամանորին 52 մարդ է տուժել, որոնցից 8–ը 7-14 տարեկան երեխաներ են, 7–ը` 15-17 տարեկան դեռահասներ, մյուսները` մեծահասակներ։

ԵՐԵՎԱՆ, 2 հունվարի — Sputnik. Վերջին 2 օրերին պայթուցիկներից, հրավառություններից տուժած 52 անձ է դիմել Հայաստանի Հանրապետության բժշկական տարբեր կենտրոններ։ Այս մասին Facebook–ի իր պաշտոնական էջում գրել է ՀՀ Առողջապահության նախարար Արսեն Թորոսյանը։

«Չեմ ցանկանում մեր բոլորի տոնը փչացնել, բայց ստիպված եմ տարածել այս տեղեկատվությունը և կրկին կոչ անել իսպառ հրաժարվել կենցաղային պայթուցիկներից»,– գրել է նա` ներկայացնելով ճայթուկներից տուժած քաղաքացիների տարիքային տվյալները։

52 տուժածներից 8–ը (15%) 7-14 տարեկան երեխաներ են, 7–ը` (13%) 15-17 տարեկան դեռահասներ և 37–ը` (72%) 18 տարեկան և դրանից բարձր տարիքի մեծահասակներ։ 49 դեպքում տուժածները ստացել են դաստակի և նախադաստակի տարբեր տեսակի վնասվածքներ։

Թորոսյանը գրառմանը կից ներկայացրել է 10–ամյա երեխայի երկու մատի դիստալ ֆալանգների ջնջխման ռենտգեն նկարը` նշելով, որ երեխայի հետ դժբախտ դեպքը տեղի է ունեցել Ամանորի գիշերը։

Առողջապահության նախարարը հիշեցրել է նաև, որ պայթուցիկների վաճառքի և հրավառությունների սահմանափակումների վերաբերյալ օրինագծերն արդեն շրջանառության մեջ են դրված։

Սա երեխայի ջնջխված մատների ռենտգեն նկարն է. Արսեն Թորոսյանը դիմել է ծնողներին

Հիշեցնենք, որ դեկտեմբերի սկզբին Արսեն Թորոսյանը հրապարակել էր 10-ամյա Գարուշ Թարվերդյանի ձեռքի ռենտգեն նկարը։ Պայթուցիկի պատճառով փոքրիկի բութն ու ցուցամատն ամպուտացրել էին, իսկ միջնամատը հաջողվել էր «հավաքել»։ Թորոսյանը հրապարակված լուսանկարին կից հորդորել էր ծնողներին չգնել պայթուցիկներ երեխաների համար` մինչև օրենքով կկանոնակարգեն կենցաղային պայթուցիկների վաճառքի սահմանափակումների հարցը։

Ձմեռ պապին ո՞նց եմ նամակ գրելու. պայթուցիկը 10-ամյա Գարուշի ձեռքերի մեջ է պայթել

672
թեգերը:
Ամանոր, հիվանդանոց, հիվանդ, Տուժածներ, պայթուցիկ, Արսեն Թորոսյան
Ըստ թեմայի
Ազգային ժողովի գունավոր շոուի տեսանյութը. ովքեր և ինչպես ծուխ արձակեցին խորհրդարանում
Շանհայի օդանավակայանում գրանցված պայթյունի պատճառը ուղեբեռում եղած ճայթուկն է եղել
Արտառոց դեպք Երևանում. տղամարդը որոշել է պայթուցիկով վախեցնել ու հայտնվել է հիվանդանոցում
Դպրոց

Երևանի 6 դպրոցների տնօրեններին նկատողություն է տրվել

62
(Թարմացված է 20:30 03.06.2020)
Կրթության վկայականների հանձնման միջոցառման ընթացքում մի շարք դպրոցներ չեն պահպանել անհրաժեշտ կանոնները։

ԵՐԵՎԱՆ, 3 հունիսի – Sputnik. Երևանի քաղաքապետարանը տեղեկացնում է, որ Երևանի վեց դպրոցների տնօրեններին հայտարարվել է նկատողություն։

«Այսօր 9-րդ դասարանի շրջանավարտների հիմնական կրթության վկայականների հանձնման միջոցառման ընթացքում պարետատան կողմից սահմանված անվտանգության կանոնները պատշաճ չպահպանելու համար 6 դպրոցի տնօրեններին հայտարարվել է նկատողություն»,–նշված է հաղորդագրության մեջ։

Նկատողություն են ստացել Երևանի Մոնթե Մելքոնյանի անվան հ․11 հիմնական դպրոցի տնօրեն Գայանե Միրզոյանը, հ․98 հիմնական դպրոցի տնօրեն Մարիաննա Ավագյանը, Արմեն Հովհաննիսյանի անվան հ․194 հիմնական դպրոցի տնօրեն Նունե Մանուկյանը, Հ․Իսակովի անվան հ․132 հիմնական դպրոցի տնօրեն Լիլիթ Հովհաննիսյանը, Պուշկինի անվան հ․8 հիմնական դպրոցի տնօրեն Նատալյա Ստեփանյանը, հ․120 հիմնական դպրոցի տնօրեն Արմինե Քոչարյանը։

Անսպասելի «ռեյդեր» և շարժական անցակետեր. ոստիկանությունը «ներում–բեկում» չի ունենա

Հիշեցնենք, որ ՀՀ վարչապետ Նիկոլ Փաշինյանը երեկվանից ֆլեշմոբ է սկսել. նա դիմել է ՀՀ քաղաքացիներին, որ իրեն ուղարկեն հակահամաճարակային կանոնների խախտման մասին փաստող լուսանկարներ և տեսանյութեր։ Դրանք Փաշինյանը հրապարակում է ֆեյսբուքյան իր էջում։

62
թեգերը:
կարանտին, Երևանի քաղաքապետարան, Տնօրեն, դպրոց, Երևան
Ըստ թեմայի
ՀՀ նախագահը կորոնավիրուսի թեման քննարկել է մի շարք նախկին պաշտոնյաների հետ
Հանրային բաց վայրերում դիմակ կրելը պարտադիր կլինի. Տիգրան Ավինյան
Կորոնավիրուսից մահացածների տվյալների հրապարակման դեպքով քրեական գործ է հարուցվել
Տիգրան Ավինյան

Հանրային բաց վայրերում դիմակ կրելը պարտադիր կլինի. Տիգրան Ավինյան

306
(Թարմացված է 19:43 03.06.2020)
Պարետ հասկանում է, որ դիմակ կրելը շատ անհարմար է, բայց այս փուլում միայն այդ միջոցն է մնացել։

ԵՐԵՎԱՆ, 3 հունիսի – Sputnik. ՀՀ փոխվարչապետ, պարետ Տիգրան Ավինյանն այսօր պարետատան նիստից հետո հայտնեց, որ պարետատունը նոր որոշում է կայացրել, ըստ որի` բնակելի տարածքից դուրս գտնվող հանրային բոլոր բաց տարածքներում դիմակ կրելը կլինի պարտադիր։

«Հանրային բաց վայրերում դիմակ կարող են չկրել մինչև 6 տարեկան երեխաները, ինչպես նաև հեծանիվ վարողներն ու ֆիզիկական վարժություններ անողները»,–ասաց նա։

Ավինյանի խոսքով` հասկանալի է, որ շատ անհարմար է նման եղանակին դիմակ կրելը, սակայն այս փուլում միայն նման միջոցն է մնացել։

Ավինյանը հայտնեց, որ իրենց գործիքակազմում ունեն նաև ծայրահեղ միջոցներ` պարետային ժամ սահմանել, վերադարձ տնտեսական գործունեության և տեղաշարժի սահմանափակման հարց, սակայն, ըստ նրա, ներկա իրավիճակում փորձում են դեռ չդիտարկել այդ գործիքակազմը։

Հիշեցնենք` ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Նշենք, որ վերջին մեկ օրում Հայաստանում կորոնավիրուսով վարակվածների թիվը մեկ օրում ավելացել է 515-ով և հասել 10524–ի։

Անսպասելի ռեյդեր և շարժական անցակետեր. ոստիկանությունը «ներում–բեկում» չի ունենա

306
թեգերը:
Տիգրան Ավինյան, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
«Լոռու մարզպետը քեֆ է անում, բայց ասում են` ժողովուրդ, լավ չնստեցիք ավտոբուս». Մարուքյան
Սևան քաղաքը կշարունակի փակ մնալ. Տիգրան Ավինյանը նոր որոշում է կայացրել
ԶՈւ–ում վարակվածները հիմնականում պայմանագրայիններն են և սպայական կազմը. Բալայան
Կաննի կիոնփառատոն

Հայ ռեժիսորի ֆիլմը ներկայացված է Կաննի փառատոնին

57
(Թարմացված է 00:04 04.06.2020)
Կաննի միջազգային 73-րդ կինոփառատոնն արդեն հայտարարել է այս տարվա իր ծրագիրը։

ԵՐԵՎԱՆ, 3 հունիսի – Sputnik. Կաննի միջազգային 73-րդ կինոփառատոնին այս տարի ներկայացված կլինի նաև հայ ռեժիսոր Նորա Մարտիրոսյանի «Եթե քամին վրա հասնի» ֆիլմը։ Տեղեկությունը Facebook–ի իր էջում հայտնել է «Ոսկե ծիրան» միջազգային կինոփառատոնի ծրագրերի տնօրեն Կարեն Ավետիսյանը։

Փառատոնի արտ-տնօրեն Թիերի Ֆրեմոն ու նախագահ Պիեր Լեսկյուրը հայտարարել են՝ ինչ ֆիլմեր են ընտրել Կաննի 73-րդ կինոփառատոնի համար։

The First Features ծրագրին մասնակցում է հայ ռեժիսոր Նորա Մարտիրոսյանի Si Le Vent Tombe (Should the wind fall) «Եթե քամին վրա հասնի» ֆիլմը, որը Բելգիայի, Ֆրանսիայի ու Հայաստանի համատեղ արտադրությունն է։

Գեղեցկության և շքեղության վերջին ակորդը Կաննում. կինոփառատոնի վերջին լուսանկարները

Սյուժեի համաձայն՝ միջազգային աուդիտոր Ալենն Արցախ է գալիս՝ ինքնահռչակ  հանրապետության օդանավակայանը գնահատելու համար, որպեսզի այն բացվի։ Էդգարը` տեղացի տղան, թափառում է օդանավակայանում ու տարօրինակ գործով է զբաղվում։ Վերջիվերջո տղամարդն ու տղան հանդիպում են։

Հիշեցնենք՝ Կաննի փառատոնը նախատեսված էր մայիսին, ինչպես ամեն տարի, սակայն համավարակի պատճառով փառատոնը չի կայանա, բայց կազմկոմիտեն որոշել է հայտարարել ընտրված ֆիլմերը։

57
թեգերը:
ֆիլմ, Արցախ, ռեժիսոր, հայ, Կաննի կինոփառատոն
Ըստ թեմայի
Սա տեսնել է պետք. Կանն եկած աստղերի զարդերն ու հանդերձանքը. լուսանկարներ
Հայտնի են Կաննի 72-րդ միջազգային կինոփառատոնի դափնեկիրները. լուսանկարներ
Դեկամերոն-2020 կամ կարանտինի կաննոնների պահպանման հայկական ձևն ու մեղավորները