Анна Акопян с дочерьми

«Թող ձեր ընտանիքներում հաճախակի լսվեն մանկան ճիչեր». Աննա Հակոբյանի շնորհավորանքը

130
(Թարմացված է 12:38 31.12.2019)
Աննա Հակոբյանն առանձնահատուկ շնորհավորել է զինվորներին, սպաներին ու բոլոր նրանց, ովքեր Ամանորը նշելու են իրենց ծառայության վայրերում։

ԵՐԵՎԱՆ, 31 դեկտեմբերի — Sputnik. ՀՀ վարչապետի տիկին Աննա Հակոբյանն իր ֆեյսբուքյան էջում ամանորյա ընտանեկան ֆոտոշարք է զետեղել և բարեմաղթանքներ հղել հայրենակիցներին` ցանկանալով առողջություն, ամենայն բարիք, անձնական երջանկություն, բարօրություն և արևշատություն։

«Ամանորն առաջին հերթին ընտանեկան տոն է, և ցանկանում եմ, որ յուրաքանչյուրիդ ընտանիքում թևածի ջերմությունը, սերն ու հոգատարությունը, հաճախակի լսվեն մանկան ճիչերը»,- գրել է Աննա Հակոբյանը։ 

Նա առանձնահատուկ շնորհավորել է զինվորներին, սպաներին ու բոլոր նրանց, ովքեր Ամանորը նշելու են իրենց ծառայության վայրերում՝ ընտանիքներից և հարազատներից հեռու։ Աննա Հակոբյանը նրանց շնորհակալություն է հայտնել հայրենասիրության և անձնվիրության համար։

ՀՀ վարչապետի տիկինը ցանկանում է, որ 2020 թվականը խաղաղության, բարեկեցության, ձեռքբերումների, հաղթանակների, բարի գործերի և նոր նախաձեռնությունների իրականացման տարի լինի։

Առաջին անգամ ընտանիքից հեռու. ի՞նչ է խնդրել Զարեհ Սինանյանը Ձմեռ պապից

Հիշեցնենք` դեկտեմբերի 11-ին Facebook–ի ուղիղ եթերում ՀՀ վարչապետ Նիկոլ Փաշինյանը հորդորել էր Ամանորը դիմավորել Երևանի Հանրապետության հրապարակում, իսկ դրանից հետո նրա կինը` Աննա Հակոբյանը, կոչ էր արել ազատվել «խոզի բդի, տոլմայի, ստալիչնիի և բլինչիկի» տասնամյակների գերությունից։

130
թեգերը:
շնորհավորանք, ընտանիք, Ամանոր, Աննա Հակոբյան
Ըստ թեմայի
Ապրիլյան պատերազմ, Սպիտակի երկրաշարժ ու Տիտանիկի կործանում. նահանջ 2020–ից վախենալ պե՞տք է
Արփի Գաբրիելյանն ու Միհրան Ծառուկյանը զարդարում են «իրենց առաջին տոնածառը». տեսանյութ
«Շնորհակալ եմ ճակատագրին՝ ձեզ հետ նույն քաղաքում ապրելու բախտի համար». Մարությանի ուղերձը