Համաստեղության նշաններ

2020 թվականի հորոսկոպ. ինչպիսի՞ն կլինի Առնետի տարին Կենդանակերպի նշանների համար

64107
(Թարմացված է 18:50 27.12.2019)
Բոլորն էլ ուզում են իմանալ` ինչպիսին է լինելու Առնետի տարին, ինչ է բերելու 2020 թվականը Կենդանակերպի բոլոր նշաններին։ Sputnik Արմենիան ներկայացնում է հաջորդ տարվա կանխատեսումները։

ԵՐԵՎԱՆ, 27 դեկտեմբերի — Sputnik. Ընդամենը մի քանի օրից մեր դուռը կթակի Առնետի տարին, որը, ըստ աստղագետների, հիշարժան կդառնա համաստեղության բոլոր նշանների համար։

Խոյ

Առնետի տարին Խոյերի համար բարենպաստ կլինի հատկապես ֆինանսական առումով: Փողի հոսքը ժամանակ առ ժամանակ կգա ձեր կյանք բոլորովին անսպասելի ուղղություններից: Իսկ ահա սիրային գործերում եղեք ծայրահեղ զգույշ: Ձեր մեկ սխալ բառը կարող է վերջակետ դնել ձեր հարաբերություններին:

Ցուլ

Խելամիտ և հետևողական Ցլերը Առնետի տարում կլինեն վճռական և համարձակ, ինչի շնորհիվ կկարողանան էականորեն բարելավել ֆինանսական կարգավիճակը և հասնել գործնական նպատակներին: Ինչ վերաբերում է անձնական կյանքին, ընտանիք ունեցողները կարող են հիասթափություններ ունենալ անձնական կյանքում, փոխարենը միայնակ և համառ Ցլերը կկարողանան վերջապես հանդիպել իրենց կյանքի ամենամեծ սիրուն:

Երկվորյակներ

Անհանգիստ և անընդհատ ինչ-որ բանով զբաղված Երկվորյակներն ամբողջ 2020 թվականի ընթացքում կզբաղվեն նոր եկամտի աղբյուրների փնտրտուքներով։ Բայց սա չի նշանակում, որ ֆինանսական առումով ամեն ինչ շատ վատ է լինելու: Պարզապես որևէ նոր բան փորձելու ցանկությունը թույլ չի տալիս Երկվորյակներին հանգիստ նստել իրենց տեղում: Իսկ սիրո հարցում նրանք կարող են հայտնվել իսկական բրազիլական սերիալում՝ հանդիպումներ, բաժանումներ, ինտրիգներ, խանդի տեսարաններ և անսպասելի happy end:

Այսպես կարող են միայն հայերը․ ամուսնության առաջարկություն` Արարատի գագաթին. տեսանյութ

Խեցգետին

Գալիք Առնետի տարին հատկապես հագեցած կլինի այն Խեցգետինների համար, որոնք սիրում են ճանապարհորդել: Հեռավոր երկրները, նոր ծանոթություններ և լայն հեռանկարները կներխուժեն Խեցգետնի կյանք: Սիրո հարցում անդորր կլինի: Ընտանեկան կյանքը կընթանա հանգիստ և օրինաչափ, ինչը, անխոս, ընտանեկան Խեցգետնի սրտով է:

Առյուծ

2020 թվականին Առյուծները պետք է լավ ջանք թափեն, որպեսզի կարգուկանոն հաստատեն ինչպես բիզնեսում, այնպես էլ անձնական կյանքում: Եվ եթե նրանց մոտ առողջական խնդիրներ չեն կանխատեսվում, ապա գործընկերների և ղեկավարության հետ շփումներում մեծ է կոնֆլիկտային իրավիճակների հավանականությունը: Հարաբերություններում իրավիճակը կլինի նմանատիպ:

Կույս

Կույսերի պեդանտությունն ու աշխատասիրությունը հաշվենկատ Առնետի սրտով է: Սիրո և առողջության առումով էական փոփոխություններ չեն սպասվում: Իսկ ահա, ինչն առավել հաճելի է, նոր տարին Կույսերին զգալի եկամուտ կբերի: Բայց պետք չէ կանգ առնել և բավարարվել ձեռք բերվածով: Հիշեք՝ դուք միշտ կարող եք հասնել ավելիին:

Կշեռք

Գտնվելով ներդաշնակության անընդհատ որոնումներում` Կշեռքները ռիսկի են գնում նոր տարում անիմաստ ծախսել ամբողջ էներգիան: Մի վազեք ձեր գլխում ծագած ամեն մի նոր գաղափարի հետևից: Կենտրոնացեք կոնկրետ մեկ բանի վրա: Դա վերաբերում է և՛ սիրուն, և՛ աշխատանքին: Առնետը սիրում է պատասխանատու և աշխատասեր մարդկանց: Ուրեմն ապացուցեք նրան, որ դուք հենց այդպիսին եք:

Կարիճ

Գալիք տարում Կարիճների մոտ դժվարություններ կծագեն մեծ մասամբ հենց իրենց մեղքով: Եվ դրանք կկատարվեն ոչ հենց այնպես, այլ որպեսզի արժեքավոր դաս լինեն: Պահպանեք մտերիմներին, աշխատանքում եղեք համառ և ուշադիր առողջության հանդեպ: Եվ այդ ժամանակ խնդիրներն էլ երկար չեն տևի:

Աղեղնավոր

Այս տարին հաջողակ կլինի այն Աղեղնավորների համար, որոնք անշարժ գույք գնելու ծրագրեր ունեն: Ընդ որում` պետք չէ անհանգստանալ, եթե գնումների համար ստիպված պետք է լինեք վարկ վերցնել: Վարկը մարել կկարողանաք շատ կարճ ժամանակում, քանի որ ձեր տան ֆինանսական հոսքը լեռների ետևում չէ:

Ամուսնության այսպիսի առաջարկ հաստատ չեք տեսել. տեսանյութ

Այծեղջյուր

Այծեղջյուրների համար Առնետի տարին լի կլինի հաճելի անակնկալներով: Կարիերայում սպասվում են կտրուկ բարձրացումներ, որոնք իրենց հերթին կբերեն ֆինանսական բարգավաճման: Անձնական հարաբերություններում կտիրի ներդաշնակություն, իսկ նրանք, որոնք վաղուց փնտրտուքների մեջ են՝ հնարավորություն կունենան ամուսնանալ և շատ շուտով ծնող դառնալ:

Ջրհոս

Տարվա սկիզբը Ջրհոսի համար ֆինանսական առումով այդքան էլ ուրախալի չի լինի: Հնարավոր են մեծ և երբեմն էլ անիմաստ ծախսեր: Բայց արդեն գարնան կեսերից իրավիճակը կսկսի կտրուկ փոխվել: Ի հայտ կգան նոր հնարավորություններ և աշխատանքային հետաքրքիր առաջարկներ, որոնք հետագայում կբերեն կարիերայի աճի: Առողջությունը նոր տարում չի դավաճանի: Իսկ ահա սիրո հաջողություններին կհաջորդեն ժամանակ առ ժամանակ ի հայտ եկող դժվարությունները։

Ձկներ

Տարվա առաջին կեսը Ձկների համար ինչպես աշխատանքային, այնպես էլ անձնական առումով բավականին արդյունավետ կլինի: Առաջխաղացումը կարիերայում, եկամտի աճը և ուշադրությունը հակառակ սեռի կողմից հրաշալի առիթ կլինեն Ձկների համար, որպեսզի կանգ չառնեն ձեռք բերածով: Տարվա վերջում հնարավոր է ամուսնություն և պաշտոնի բարձրացում: Կարևորը` չկորցնեք հավատը:

Փեսացուն ուշաթափվեց ամուսնության գրանցման ժամանակ, հարսնացուի ռեակցիան անկանխատեսելի էր

64107
թեգերը:
հորոսկոպ, Աստղագուշական տեսություն, Հայաստան
Ըստ թեմայի
Ամանորին Հայաստանի պոլիկլինիկաները կաշխատեն
Տնակից՝ տուն. գյումրեցի 2 ընտանիք փազլի շնորհիվ Նոր տարին նոր բնակարանում կդիմավորեն
Խոզի բուդն ու «Մայրաքաղաքայինն» օտար են. ինչ պետք է լինի Ամանորին իսկական հայկական սեղանին
Խարբերդի մանկատան տնօրեն

Որ ասեմ` նորմալ եմ վերաբերվում, սուտ կլինի. մանկատան տնօրենը՝ ստուգման արդյունքների մասին

87
(Թարմացված է 23:42 08.05.2021)
Հաշվեքննության բացահայտած առերևույթ հանցագործություններով հետաքրքրվել են ոչ միայն իրավապահները, այլև ՀՀ վարչապետի պաշտոնակատարը։

ԵՐԵՎԱՆ, 8 մայիսի – Sputnik. Խարբերդի մասնագիտացված մանկատան ղեկավարությունը համաձայն չէ մանկատան ֆինանսական գործունեության վերաբերյալ Հաշվեքննիչ պալատի ներկայացրած փաստերի հետ։

Մանկատան տնօրեն Հարություն Բալասանյանը Sputnik Արմենիայի հետ զրույցում հերքել է դրանք ու նաև հայտնել, թե ինչպես է վերաբերվում քրեական գործ հարուցելու հավանականությանը։

ՀՀ աշխատանքի և սոցիալական հարցերի նախարարության 2019թ–ի ֆինանսատնտեսական գործունեության վերաբերյալ ՀՊ հաշվեքննության մեջ նշվում էր, որ երեխաների համար գնված ապրանքների քանակները չեն համապատասխանել պլանով նախատեսվածին։ 

Տնօրեն Բալասանյանը դա «աշխատանքային սովորական պրոցես» է որակում` հավելելով, որ դրա ընթացքում հնարավոր են փոփոխություններ։

Сотрудники Харбердского специализированного детского дома
© Sputnik / Asatur Yesayants
Հարություն Բալասանյանն ու Խարբերդի մանկատան աշխատակիցները

«Օրինակ` եթե ինչ–որ ապրանքատեսակ մեզ մեկը օգնություն է տալիս, կարող ենք այդ ապրանքատեսակից արդեն կայացած մրցույթի արդյունքում հրաժարվել։ Օրենքը թույլ է տալիս 10 տոկոսի չափով այն փոխարինել մեկ այլ ապրանքատեսակով, որի կարիքը մենք ավելի ունենք»,– ասում է նա։

Դիմակ և ալկոգել․ երևանյան տրանսպորտում ստուգումները կուժեղացնեն

ՀՊ–ի հաշվեքննության համաձայն` Խարբերդի մասնագիտացված մանկատունը բյուջեից նախատեսվածից 846 300 դրամ ավելի գումար է ստացել։ Այս փաստին ևս տնօրենն իր առարկությունն ունի։ Նախ` նրա խոսքով, բյուջեից ավելի ստացած գումարը իրականում ոչ թե 846 300 դրամ է եղել, այլ 1 մլն 356 000 դրամ, և երկրորդ` ավել գումարն ամբողջությամբ 2020թ–ի հունվարի 20-ի դրությամբ վերադարձվել է բյուջե։

Харбердский специализированный детский дом
© Sputnik / Asatur Yesayants
Խարբերդի մասնագիտացված մանկատուն

Ամբողջ խնդիրն, ըստ տնօրենի, այն է, որ ՀՊ–ն ստուգել է 2019թ–ի հունվարի 1-ից մինչև դեկտեմբերի 31-ի ֆինանսական փաստաթղթերը, մինչդեռ գումարը վերադարձվել է արդեն 2020թ–ին, հետևաբար այդ փաստը դուրս է մնացել հաշվեքննողների ուսումնասիրության տիրույթից։

«Հունվարի 20-ի արդեն ճշտված նախահաշվով մենք այդ գումարը վերադարձրել ենք պետբյուջե։ Դա ոչ միայն սննդի հոդվածից է, այլև փոքր–փոքր այլ հոդվածներից։ ՀՊ–ն ավելի փոքր թիվ է ստացել, որովհետև իրենք չեն հաշվել ավել պահած երեխաների սնունդը»,– պարզաբանում է տնօրենը։

Директо Харбердского специализированного детского дома Арутюн Баласанян
© Sputnik / Asatur Yesayants
Հարություն Բալասանյան

Նրա խոսքով, ներկա պահին մանկատանը պլանով նախատեսվածից 15 շահառու ավել է բնակվում։

Հարկ է նշել, որ այս մեկնաբանությունը մանկատան ղեկավարությունը ներկայացրել է նաև ՀՊ–ին։ Բայց պալատն այն չի ընդունել` հաշվեքննության մեջ գրելով. «Պարզաբանումը չի ընդունվում, քանի որ սնունդ ստացող շահառուների թվի փոփոխությունը չի կարող գերազանցել պայմանագրով սահմանված շահառուների թիվը»։ (http://armsai.am/sites/default/files/program/2021/socap.docx, էջ 44)։

Սննդից բացի, տնօրենի խոսքով, ավելացել են նաև աշխատավարձերի, պարգևավճարների համար նախատեսված գումարներից, որոնք ևս, Բալասանյանի խոսքով վերադարձվել են բյուջե։

Հաշվեքննիչ պալատի բացահայտումների համաձայն, խորը ռիսկ են պարունակում նաև մանկատան երեխաների համար գնված գույքի քանակները։ Ըստ հաշվեքննության` տարվա ընթացքում գնվել է 7-18 տարեկան երեխաների 300 հատ բրդյա սվիտեր, 300 տղայի վարտիք, բայց տղայի ձմեռային կոշիկ գնվել է ընդամենը 10 զույգ, աղջիկների համար էլ ընդամենը 30 հատ սպորտային հագուստ։

Մանկատան տնօրենը Sputnik Արմենիայի թղթակցի հետ զրույցում ոչ միայն հերքեց հաշվեքննիչների մտավախությունը, այլև ուղեկցեց խմբերից մեկն ու ցույց տվեց երեխաների հագուստով լի զգեստապահարանը։

Сотрудница Харбердского специализированного детского дома рядом со шкафом с одеждой воспитанников
© Sputnik / Asatur Yesayants
Խարբերդի մասնագիտացված մանկատուն

«Թանկարժեք գույքը` վերարկուները, վերմակները, ծածկոցները, կոշիկների մեծ մասը աշխատում ենք ձեռք բարեգործության հաշվին։ Իսկ գնումների պլանում ընդգրկում ենք միայն ամենաանհրաժեշտը, օրինակ` շապիկ, վարտիք, զուգագուլպաներ և այլն։ Քանի որ 135 երեխա սայլակավոր են, և ցրտահարվելու ռիսկը կա, հիմնական շեշտը դրվում է ձմեռային ամիսների վրա։ Մենք ոչ թե հիմա 300 սվիտեր ունենք, այլ գուցե 700-800, որովհետև շատերինը ամեն օր փոխվում է»,– ասաց նա։

Շուկայում կունենանք նաև չարաշահումներ, որոնք ԿԲ–ի կառավարման տիրույթից դուրս են. Պիպոյան

Իսկ թե ինչու են մարզահագուստները ձմեռային հագուստի համեմատ այդքան քիչ ձեռք բերվել, Բալասանյանը մեկնաբանեց երեխաների ֆունկցիոնալ կարողություններով ու նաև այն հանգամանքով, որ այդ հագուստը այնքան էլ արագ չի մաշվում ու այնքան էլ հաճախ չի նորացվում։

«Դա ամենօրյա հագուստ չէ։ Երբ որ ինչ–որ սպորտային մրցումներ են լինում, միջոցառումներ են լինում, այդ ժամանակ հագնում են»,– ասաց նա։

Директо Харбердского специализированного детского дома Арутюн Баласанян
© Sputnik / Asatur Yesayants
Խարբերդի մասնագիտացված մանկատուն

ՀՊ հաջորդ բացահայտումը վերաբերում է մանկատան աշխատակիցներին։ Ըստ հաշվեքննության` նրանցից 45–ը աշխատում են նաև այլ տեղերում, ընդ որում` 14–ը` 3 և ավելի գործատուների մոտ:

Մանկատան տնօրենը նշեց, որ այս հարցում ինքը որևէ խնդիր չի տեսնում։

«Երկուսը հերթապահ բժիշկներ են, որ իրենց հերթապահությունը անում են, ուրիշ հիմնարկներում էլի բժշկական ծառայություններ են մատուցում»,–ասում է Հարություն Բալասանյանը։

Խարբերդի մանկատան իրավաբան Անժելա Մնացականյանն էլ շեշտում է, որ Աշխատանքային օրենսգիրքը թույլ է տալիս, որ համատեղությամբ աշխատողն աշխատի 1 և ավելի տեղերում։

«Կարևորն այստեղ այն հանգամանքն է, որին նաև ՀՊ–ն ուշադրություն դարձրել է ու տեսել է, որ, ըստ էության մեզ մոտ այդ աշխատանքը գրաֆիկներով, դրույքաչափերով է կատարվում, այստեղ մենք իրավական մասով խախտում չունենք»,– ասում է նա։

Юрист Харбердского специализированного детского дома Анжела Мнацаканян
© Sputnik / Asatur Yesayants
Խարբերդի մանկատան իրավաբան Անժելա Մնացականյանը

Այս պարզաբանման հետ ևս ՀՊ–ը համաձայն չէ։ Մանկատան ղեկավարության ներկայացրած այս մեկնաբանությանը հաշվեքննության մեջ այս արձագանքն է տրվել. «Թվով 14 աշխատակիցների համատեղությամբ աշխատանքը կարելի է դասել բարձր ռիսկային, քանի որ դրանք այն դեպքերն են, երբ քաղաքացիները միաժամանակ աշխատում են 3 և ավելի գործատուների մոտ, հետևաբար տվյալ դեպքերը չեն համապատասխանում իրավական ակտերի դրույթներին» (http://armsai.am/sites/default/files/program/2021/socap.docx, էջ 50)։

Մեր դիտարկմանը, որ այս նույն մեկնաբանությունները ՀՊ–ն չի ընդունել , տնօրենը պատասխանեց. «Դա իրենց իրավունք  է»։ Ապա ավելացրեց.«Գուցե իրավական ինչ–որ խնդիրներ տեսել են, չեմ կարծում, որ առանց հիմքի ներկայացնեին»:

Եվ այնուամենայնիվ, մանկատան տնօրենը վստահ է, որ դատախազությունը քրեական գործ չի հարուցի, քանի որ «գործ հարուցելն ինքնանպատակ չէ» և որ «դրա համար լուրջ ապացուցողական բազա է պետք»։

«Իսկ եթե կհարուցեն, քննություն կտանեն, փորձաքննություններ կնշանակեն, նորից ստուգումներ կանեն՝ ի՞նչ ասեմ։ Որ ասեմ` նորմալ եմ վերաբերվում, սուտ կլինի»,– ասաց նա։

Харбердский специализированный детский дом
© Sputnik / Asatur Yesayants
Խարբերդի մասնագիտացված մանկատուն

Ինչո՞ւ է կառավարությունը շտապում. ԵՊՀ-ն դատարանում կվիճարկի հապճեպ ընդունված որոշումը

Հիշեցնենք` ՀՀ աշխատանքի և սոցիալական հարցերի նախարարության ֆինանսատնտեսական գործունեության հաշվեքննության արդյունքները ՀՀ Հաշվեքննիչ պալատն ուղարկել է ՀՀ գլխավոր դատախազություն։ Դատախազությունից Sputnik Արմենիային հայտնեցին, որ քրեական գործ հարուցելու որոշում դեռ չի կայացվել։ Պետշահերի պաշտպանության վարչությունը դեռ ուսումնասիրում է հաշվեքննության մեջ նշված փաստերը, դրանց վերաբերյալ տարբեր մարմիններին լրացուցիչ հարցումներ են ուղարկվել։

Նշենք, որ հաշվեքննության բացահայտած առերևույթ հանցագործություններով հետաքրքրվել են ոչ միայն իրավապահները։ Մայիսի 5-ին ՀՀ վարչապետի պաշտոնակատար Նիկոլ Փաշինյանն ԱԺ–ում հայտարարեց, որ ողջունում է ՀՊ–ի բացահայտումները և հույս ունի, որ կիրականացվի պատշաճ քննություն, և բոլոր մեղավորները կենթարկվեն  քրեական պատասխանատվության։

Харбердский специализированный детский дом
© Sputnik / Asatur Yesayants
Խարբերդի մասնագիտացված մանկատուն
87
թեգերը:
ստուգումներ, մանկատուն, Խարբերդ
Ըստ թեմայի
Մեծ Այրում համայնքի նախկին ղեկավարին ու նրա եղբորը մեղադրանք է առաջադրվել․ ՔԿ
Ինչպես է Ղազանչի համայնքի նախկին ղեկավարը գումարներ հափշտակել. ԱԱԾ–ի բացահայտումը
Իմ կողմից նշանակված 2 պաշտոնյա արդեն բանտում են. Փաշինյանը ողջունեց նոր բացահայտումները
Կաթված

Ինչպես իմանալ, որ խոլեստերինը բարձր է

106
(Թարմացված է 19:09 08.05.2021)
Ծխելը, ֆիզիկական ակտիվության բացակայությունը, ավելորդ քաշը, սննդի մեջ մեծ քանակի ճարպերը բարձրացնում են արյան մեջ խոլեստերինի մակարդակը։

ԵՐԵՎԱՆ, 8 մայիսի – Sputnik. Բրիտանական «British Heart Foundation» կազմակերպության մասնագետները թվարկել են այն նախանշանները, որոնք ցույց են տալիս արյան մեջ խոլեստերինի բարձր պարունակությունը։ «Express»–ը գրում է, որ խոլեստերինի «ավելցուկի» դեպքում դադարում է ուղեղի արյան մատակարարումը, և դա կարող է ինսուլտի՝ կաթվածի հանգեցնել:

Բացի այդ, խոլեստերինի բարձր պարունակությունն արգելափակում է արյունատար անոթները։ Դրա հետևանքով թթվածինն ու այլ սնուցող նյութեր չեն կարողանում հասնել սրտին, ինչն էլ սրտի կաթվածի է բերում։

Բժիշկների կարծիքով՝ տագնապալի նշաններից են կրծքավանդակի կամ վերջույթների ցավերը։ Հարկ է ուշադրություն դարձնել գիտակցության մթագնմանը։ Սա կարող է առաջանալ այն պատճառով, որ արյունը չի սնուցում ուղեղը։ Անհանգստացնող նախանշաններ են նաև մկանների թուլությունը, ծանր շնչառությունը և հոգնածությունը:

Բժիշկն ասել է՝ որ վտանգավոր հիվանդություններն է հնարավոր ախտորոշել մաշկի հոտով

Բժիշկները նախազգուշացնում են, որ վնասակար սովորությունները, ինչպես օրինակ՝ ծխելը, ֆիզիկական ակտիվության բացակայությունը, ավելորդ քաշը, սննդի մեջ մեծ քանակի ճարպերը բարձրացնում են արյան մեջ խոլեստերինի մակարդակը։ Կանխարգելման համար խորհուրդ է տրվում պահպանել առողջ սննդակարգ, օգտագործել մեծ քանակությամբ միրգ ու սահմանափակել սննդի մեջ ճարպի և շաքարի օգտագործումը։

Կոկորդի սեղմվածությունը կարող է շատ վտանգավոր հիվանդությունների նշան լինել. բժիշկ

106
թեգերը:
բժիշկ, շաքար, Ծխել, կաթված
Ըստ թեմայի
Ինչպես է պետք պատրաստել ու ուտել կարտոֆիլը, որ այն չվնասի օրգանիզմը
Բժիշկը պատմել է բիոհաքինգի ֆենոմենի և օրգանիզմի համար դրա օգտի մասին
Սննդաբանը նշել է այն մթերքները, որոնք քայքայում են օրգանիզմը

Փաշինյանի «չընտրությունից» մինչև Լավրով և պատվաստում․ անցնող շաբաթվա ամենավառ կադրերը

0
(Թարմացված է 00:24 09.05.2021)
  • Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (մայիսի 3, 2021., Երևան)
  • Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (մայիսի 3, 20212., Երևան)
  • ՌԴ ԱԳ նախարար Սերգեյ Լավրովը պաշտոնական այցով ժամանեց Հայաստան (մայիսի 5, 2021թ․, Երևան)
  • Ռուսաստանի արտաքին գործերի նախարար Սերգեյ Լավրովը Ծիծեռնակաբերդի հուշահամալիրում  (մայիսի 5, 2021թ․, Երևան)
  • Հայաստանի և Ռուսաստանի արտգործնախարարներ Արա Այվազյանը և Սերգեյ Լավրովը՝ Հաղթանակի զբոսայգում (մայիսի 6, 2021թ․, Երևան)
  • Խարբերդի մասնագիտացված մանկատան սաներ
  • ՀՀ նախագահ Արմեն Սարգսյանը՝ հոգեբանական աջակցության «Զարթոնք» ծրագրի մեկնարկի միջոցառմանը
  • Արցախի հերոս, գեներալ-մայոր Վիտալի Բալասանյանը ժամերգության ժամանակ
  • Հյուսիսային պողոտայում պատվաստումների շարժական կետ է բացվել (2021թ., մայիսի 7, Երևան):
Այս շաբաթը սկսվեց ԱԺ արտահերթ նիստով․ ներքին պայմանավորվածությունը խախտողներ չեղան, խորհրդարանն էլ չընտրեց վարչապետի՝ առաջադրված միակ թեկնածուին։ Թե ինչ իրադարձություններ տեղի ունեցան շաբաթվա ընթացքում, կարող եք տեսնել Sputnik Արմենիայի ֆոտոշարքում։

Այս շաբաթ աշխատանքային այցով մեր երկիր ժամանեց ՌԴ արտաքին գերատեսչության ղեկավար Սերգեյ Լավրովը։ Հայաստանում Լավրովը խոսեց «Զանգեզուրի միջանցքի», գերիների վերադարձի խնդրի մասին... Նա այցելեց Ծիծեռնակաբերդ ու «Հաղթանակ» զբոսայգի։

Մեր երկրում ակտիվորեն շարունակվում է կորոնավիրուսի դեմ պատվաստումային ծրագիրը։ Ցանկացողները կարող են պատվաստվել ոչ միայն պոլիկլինիկաներում, այլև Երևանի բանուկ հատվածներում գործող շարժական կետերում։ Առայժմ դրանք երեքն են․ մեկը Հյուսիսային պողոտայում է, երկուսն էլ՝ խոշոր առևտրային կենտրոնների մոտ։

Պատերազմից գրեթե 7 ամիս անց վիրավոր զինծառայողներն ու նրանց հարազատները դեռևս հոգեբանական աջակցության կարիք ունեն։ Նախագահական նստավայրում մեկնարկեց «Զարթոնք» ծրագիրը։ Նպատակը պատերազմի դժոխքով անցած հերոսներին բնականոն կյանք վերադարձնելն է։

Այս ամենը ներկայացնում ենք լուսանկարներով։ Sputnik Արմենիայի ֆոտոխցիկը շաբաթվա ընթացքում այլ հետաքրքիր դրվագներ էլ է որսացել։

0
  • Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (մայիսի 3, 2021., Երևան)
    © Sputnik / Aram Nersesyan

    Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (2021թ մայիսի 3)։ Երևան
    Երկուշաբթի՝ մայիսի 3-ին, ՀՀ Ազգային ժողովը հատուկ նիստ գումարեց, որի հիմնական հարցը երկրի վարչապետի ընտրությունն էր։ Քվեարկության գործընթացը նախաձեռնել էին խորհրդարանը լուծարելու և Հայաստանում արտահերթ խորհրդարանական ընտրություններ անցկացնելու նպատակով։

  • Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (մայիսի 3, 20212., Երևան)
    © Sputnik / Aram Nersesyan

    Վարչապետ Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (2021թ. մայիսի 3)։ Երևան
    Պատգամավորների քվեարկության արդյունքում միակ թեկնածու Փաշինյանը վարչապետ չընտրվեց: 75–ը ձեռնպահ մնացին, 3–ը` դեմ, 1–ը` կողմ։

  • ՌԴ ԱԳ նախարար Սերգեյ Լավրովը պաշտոնական այցով ժամանեց Հայաստան (մայիսի 5, 2021թ․, Երևան)
    © Sputnik / Asatur Yesayants

    ՀՀ արտգործնախարարի պաշտոնակատար Արա Այվազյանը դիմավորեց ռուս գործընկերոջը «Զվարթնոց» օդանավակայանում։
    Ռուսաստանի արտգործնախարար Սերգեյ Լավրովը պաշտոնական այցով Հայաստան ժամանեց մայիսի 5-ին։

  • Ռուսաստանի արտաքին գործերի նախարար Սերգեյ Լավրովը Ծիծեռնակաբերդի հուշահամալիրում  (մայիսի 5, 2021թ․, Երևան)
    © Sputnik / Asatur Yesayants

    Ռուսաստանի արտաքին գործերի նախարար Սերգեյ Լավրովը Ծիծեռնակաբերդի հուշահամալիրում (մայիսի 5, 2021թ․, Երևան)
    Նախարարի հիմնական միջոցառումները նախատեսված էին մայիսի 6-ին։ Առաջին հերթին Սերգեյ Լավրովը հարգանքի տուրք մատուցեց Ցեղասպանության զոհերի հիշատակին:

  • Հայաստանի և Ռուսաստանի արտգործնախարարներ Արա Այվազյանը և Սերգեյ Լավրովը՝ Հաղթանակի զբոսայգում (մայիսի 6, 2021թ․, Երևան)
    © Sputnik / Asatur Yesayants

    Հայաստանի և Ռուսաստանի արտգործնախարարներ Արա Այվազյանը և Սերգեյ Լավրովը՝ Հաղթանակի զբոսայգում (մայիսի 6, 2021թ․, Երևան)
    Պաշտոնական հանդիպումից և մամուլի ասուլիսից հետո նախարարները Հաղթանակի զբոսայգում հարգանքի տուրք մատուցեցին Հայրենական մեծ պատերազմում զոհվածների հիշատակին։

  • Խարբերդի մասնագիտացված մանկատան սաներ
    © Sputnik / Asatur Yesayants

    Խարբերդի մասնագիտացված մանկատան աշխատակցուհին անցնում է պատուհանի մոտով, որտեղից երևում են մանկատան սաները։

    Այս շաբաթ այցելեցինք Խարբերդի մանկատուն, որի աշխատանքը նախապես ուսումնասիրել էին Հաշվեքննիչ պալատի աուդիտորները։ ՀՀ աշխատանքի և սոցիալական հարցերի նախարարության ֆինանսատնտեսական գործունեության աուդիտի արդյունքները պալատն ուղարկել է ՀՀ գլխավոր դատախազություն:

  • ՀՀ նախագահ Արմեն Սարգսյանը՝ հոգեբանական աջակցության «Զարթոնք» ծրագրի մեկնարկի միջոցառմանը
    © Sputnik / Asatur Yesayants

    ՀՀ նախագահ Արմեն Սարգսյանը՝ հոգեբանական աջակցության «Զարթոնք» ծրագրի մեկնարկի միջոցառմանը (2021թ., մայիսի 5, Երևան)
    «Զարթոնք» ծրագրի նպատակը պատերազմի դժոխքով անցած հերոսներին բնականոն կյանք վերադարձնելն է։

  • Արցախի հերոս, գեներալ-մայոր Վիտալի Բալասանյանը ժամերգության ժամանակ
    © Sputnik / Aram Nersesyan

    Արցախի հերոս, գեներալ-մայոր Վիտալի Բալասանյանը ժամերգության ժամանակ:
    Արցախի անվտանգության խորհրդի քարտուղարը ներկայացրել է Կարմիր շուկա համայնքի շուրջ ստեղծված իրավիճակը, ինչպես նաև խոսել ադրբեջանական սադրանքների մասին:

  • Հյուսիսային պողոտայում պատվաստումների շարժական կետ է բացվել (2021թ., մայիսի 7, Երևան):
    © Sputnik / Andranik Ghazaryan

    Հյուսիսային պողոտայում պատվաստումների շարժական կետ է բացվել (2021թ., մայիսի 7, Երևան):
    Կորոնավիրուսի դեմ պատվաստումների շարժական կետերը նախատեսված են ինչպես Հայաստանի քաղաքացիների, այնպես էլ զբոսաշրջիկների համար:

թեգերը:
պատվաստումներ, Սերգեյ Լավրով, Նիկոլ Փաշինյան, Հայաստան