Պատգամավոր, հաղորդավարուհի Լուսինե Բադալյանը

«Ամուսնուս խնդրել եմ ինձ համար հագուստ չգնել». անկեղծ զրույց Լուսինե Բադալյանի հետ

1018
(Թարմացված է 19:55 26.12.2019)
ԱԺ պատգամավոր Լուսինե Բադալյանն իր ոճն ինքնուրույն է կերտում։ Դիմահարդարման, վարսահարդարման և մատնահարդարման համար դիմում է միայն իրեն։ Համարում է, որ եթե հագուստը սազում է մարդուն, ապա դրա բրենդն ու գինը բացարձակ նշանակություն չունեն։

Հայտնի հաղորդավարուհին, ում հանրությունը սովոր էր տեսնել հեռուստաէկրաններից ավելի քան մեկ տարի է ինչ Ազգային ժողովի պատգամավոր է։ Sputnik Արմենիան զրուցել է պատգամավորի հետ պարզել է, թե այս ընթացքում ինչ փոփոխությունների է ենթարկվել Լուսինեի ոճը, ինչպես է նա հագուստ ընտրում, ինչպես է կազմվածքը պահպանում։ Զրուցել է Աստղիկ Սուքիասյանը։

–Տիկին Բադալյան, ԱԺ պատգամավոր դառնալուց հետո Ձեր զգեստապահարանը փոփոխությունների է ենթարկվել է կամ ի՞նչ փոփոխությունների է ենթարկվել։

-Գուցե շատ քաղաքական գործիչներ ստիպված են եղել ամբողջովին փոխել իրենց զգեստապահարանը, բայց ես վերջին մեկ տարում զգեստապահարանումս առանձնապես փոփոխություններ չեմ արել։

Депутат НС Армении Лусине Бадалян во время интервью агенству Sputnik Армения
© Sputnik / Asatur Yesayants
Լուսինե Բադալյան

Հաղորդավարուհի, այնուհետև պատմության ուսուցչուհի, հետո ավագանու անդամ, իսկ այժմ պատգամավոր. իմ զգեստապահարանում տեղ են գտել բազմազան հագուստներ, որոնք կարող եմ կրել ինչպես ԱԺ–ում, լուրջ քաղաքական հանդիպումներին, այնպես էլ առօրյայում։

–Ի՞նչ եք կարծում` հագուստը կարող է ինչ–որ բան պատմել իր տիրոջ մասին։

– Հագուստն արտացոլում է մարդու ներաշխարհը։ Գույների ընտրությունը, հագուստի ոճը մատնում է, թե ով է այդ անձը, ինչ երաժշտություն է սիրում, ինչ ընկերական շրջապատ ու աշխարհընկալում ունի։ Ի հայտ են գալիս բնավորության մի շարք գծեր։

–Իսկ Դուք համագործակցո՞ւմ եք հագուստի դիզայներների հետ։

–Հագուստի դիզայներների հետ աշխատելու մի քանի փորձ ունեցել եմ, երբ որպես հաղորդավարուհի մի քանի կարևոր միջոցառումներ պետք է վարեի։

Այժմ դիզայներների հետ չեմ համագործակցում։ Ունեմ իմ ոճը և շատ լավ գիտեմ, թե որտեղ ինչ պետք է հագնել։ Հագուստս ինքնուրույն եմ ընտրում, երբեմն լավ է ստացվում, երբեմն ոչ այնքան, և դրա պատճառը ամենևին էլ երևակայության պակասը չէ, այլ ֆինանսական հնարավորությունը։ Երբեմն չես կարող քեզ թույլ տալ գնել այն ամենը, ինչ սիրտդ է ուզում։ Ոճ կերտելը ևս պահանջում է մեծ ռեսուրսներ։

–Հաճա՞խ եք պատրաստի հագուստ գնում, տիկին Բադալյան:

-Ոչ շատ հաճախ, քանի որ տարիներ շարունակ կազմվածքս չի փոփոխվում (ժպտում է), իսկ հագուստներս շատանում են։ Ի դեպ, մեծ դժվարությամբ եմ հագուստ գնում։ Եթե անգամ ինչ-որ բան հավանում եմ, օրեր են պահանջվում, մինչև հասկանում եմ, որ կարող եմ ինձ դա թույլ տալ։ Ես պետք է հագուստը հավանեմ, այն պետք է «կանչի» ինձ։ Առհասարակ հայ կանայք իրենց վրա միշտ խնայում են։

– Իսկ հագուստի ապրանքանիշն ու գինը ձեզ համար նշանակություն ունե՞ն:

Депутат НС Армении Лусине Бадалян во время интервью агенству Sputnik Армения
© Sputnik / Asatur Yesayants
Պատգամավոր, հաղորդավարուհի Լուսինե Բադալյանը

-Բացարձակ նշանակություն չունեն և երբեք չեն ունեցել։ Անկախ նրանից, թե ինչ եմ հագնում, միշտ էլ ուշադրության կենտրոնում եմ։ Եթե բրենդը կամ հագուստի գինը մարդուն պետք է տա ինքնավստահությունը, դա ևս խոսում է մարդու ներաշխարհի մասին։ Եթե քեզ սազում է հագուստը, բրեդը և գինը կապ չունեն, դու միևնույն է կարժանանաս բազմաթիվ հաճոյախոսությունների։

–Ո՞ր գույներն են գերակշռում ձեր զգեստապահարանում։

–Հագուստի գույների ընտրությունը կախված է իմ տրամադրությունից, բայց իմ զգեստապահարանում միշտ կա Կոկո Շանելի ասած «փոքրիկ սև զգեստը»։ Սիրում եմ նաև կարմիր գույնի հագուստ։ Ասում են՝ այն ինձ շատ է սազում։ Սիրում եմ նաև սպիտակ գույնը։ Կան գույներ, որոնց նախկինում չէի խիզախում մոտենալ, օրինակ` դեղինը, կանաչը: Առհասարակ չկան գույներ, որոնք ես չեմ սիրում կամ այդ գույնի հագուստ չեմ հագնի, ուղղակի պետք է այն ինձ սազի։

Ինչ պետք է հագնեն հայուհիներն աշնանն ու ձմռանը. որ գույներն ու ոճը կհամարվեն նորաձև

– Պատրա՞ստ եք կտրուկ ոճային փոփոխությունների դիմել, օրինակ՝ փոխել մազերի գույնը կամ կտրվածքը։

–Մազերիս հետ կտրուկ փոփոխություն արել եմ, երբ հողագույնը ներկեցի սևի։ Դպրոցական տարիքում երազում էի ազատվել այդ «անգույն» մազերից։ Հիշում եմ՝ 90–ականներին իմ սանրվածքը կարճ էր, իսկ մազերիս գույնը՝ բաց։ Այն ժամանակ ես ոգեշնչվեցի Մադոննայի «Frozen» երգից և կտրուկ փոխեցի մազերիս բաց գույնը։ Հասկացա, որ բնությունն իմ դեպքում փոքր-ինչ սխալվել է։

Депутат НС Армении Лусине Бадалян во время интервью агенству Sputnik Армения
© Sputnik / Asatur Yesayants
Լուսինե Բադալյանի կոշիկները

Իսկ հագուստի առումով կտրուկ ոճային փոփոխություն եմ համարում ջինսերից անցումը դասական ոճին, քանի որ կար ժամանակ, որ իմ զգեստապահարանում միայն ջինսից հագուստ էր։ Իմ ոճային փոփոխության գլխավոր մեղավորը եղել է ամուսինս, որին մինչ օրս խնդրում եմ ինձ համար հագուստ չգնել, որովհետև այդպիսի հագուստ կարելի է գտնել բարձր նորաձևության ցուցադրություններին, իսկ ես ավելի հասարակ եմ սիրում։ Իհարկե այս առումով ամուսինս շատ համառ է, նա դեռ պայքարում է, որ ես օրերից մի օր սկսեմ այդ ոճով հանդես գալ։

–Աքսեսուարների հարցում նախասիրություններ ունե՞ք։

-Սիրում եմ նուրբ աքսեսուարներ։ Առանց շրթներկի և ականջօղերի ինձ չեմ պատկերացնում։ Միշտ նախանձում եմ այն կանանց, որոնք առանց շրթներկի իրենց լավ են զգում։

Депутат НС Армении Лусине Бадалян во время интервью агенству Sputnik Армения
© Sputnik / Asatur Yesayants
Լուսինե Բադալյանի զարդերը

Ժամանակին շատ էի սիրում կրել բերետ գլխարկներ։ Մտերիմներս, երբ վերադառնում էին տարբեր երկրներից ինձ ուրախացնելու համար այդ գլխարկներից էին բերում։ Վերջերս զգեստապահարանս դասավորելիս նկատեցի գույնզգույն գլխարկներս, բայց քանի որ ԱԺ-ում գլխարկ չեմ կրի, ափսոսանքով թողեցի դարակում։

Депутат НС Армении Лусине Бадалян во время интервью агенству Sputnik Армения
© Sputnik / Asatur Yesayants
Լուսինե Բադալյանի զարդերը

–Հետաքրիր է` օրվա մեջ որքա՞ն ժամանակ եք հատկացնում Ձեր արտաքինին։

-10-15 րոպե, ոչ ավելի։ Չնայած, որ իմ դիմահարդարումը, վարսահարդարումը և մատնահարդարումն ինքս եմ անում։ Ես միշտ կարծել եմ, որ հասուն կինն իր վրա շատ ժամանակ պետք է ծախսի, որ ոտքից գլուխ խնամված լինի, բայց ինչպես ընկերուհիներս են նշում, բնությունն իմ հանդեպ շռայլ է գտնվել, որից ես երես եմ առնում։

Депутат НС Армении Лусине Бадалян во время интервью агенству Sputnik Армения
© Sputnik / Asatur Yesayants
Պատգամավոր, հաղորդավարուհի Լուսինե Բադալյանը

Գիտակցում եմ, որ կա մի տարիք, երբ խնամքն ուղղակի անհրաժեշտ է, որպեսզի ունեցածդ գոնե պահպանես։ Իրենց շատ խնամող կանայք գուցե զայրանան, բայց ես մինչ օրս դիմահարդարումս լվացվելով եմ դեմքիցս մաքրում։ Այժմ գոնե սովորել եմ դրանից հետո դեմքիս խնամքի կրեմ քսել։

–Նախանձելի կազմվածք ունեք, հետաքրքիր է` ինչպե՞ս եք պահպանում այն։

–Կար ժամանակ, որ սոցցանցերով ինձ անընդհատ հարցնում էին իմ մարզիչի անունը (ծիծաղում է)։ Ամուսնուս պատմեցի, ասաց` դե իմ կամ տղաներիցդ մեկի անունը գրի, այնքան ենք քեզ վազեցնում, ինչ վատ մարզիչ ենք։ Այս տարիներին ոչինչ չեմ արել կազմվածքս պահպանելու համար, քանի որ բնույթով շատ ալարկոտ եմ։ Դիետաների չեմ հետևել, որովհետև ես շատ սիրում եմ ուտել, հատկապես` յուղոտ ուտեստներ, սիրում եմ քաղցրեղեն, մի խոսքով այն ամենն ինչ գիրացնում է։

Այժմ, քանի որ ԱԺ–ում աշխատանքը նստակյաց է, ես գիտակցում եմ, որ դա չի կարող չանդրադառնալ իմ առողջության և կազմվածքի վրա։ Մի քանի ամիս է ինչ հաջող մարզվում եմ, շաբաթական 3 անգամ հաճախում եմ մարզասրահ։ Բոլորը գիտեն, որ ժամը 20–ին ես անհասանելի եմ, կա՛մ մարզումների եմ, կա՛մ իտալերենի դասընթացի։ Աշխարհն էլ շուռ գա, ես դրանք բաց չեմ թողնում։

–Հասցնո՞ւմ եք տնային գործերով զբաղվել կամ խոհանոցում պատրաստել։

–Իհարկե հասցնում եմ, այլ տարբերակ չկա, չնայած որ այդ հասցնելը հաճախ իմ քնի և հանգստի հաշվին է։ Տան մաքրության հարցում երբեք չեմ դիմում ուրիշի օգնությանը։ Սկսած պատուհանները մաքրելուց, վերջացրած աղբը թափելուց՝ անում եմ ես։

–Ես երջանիկ եմ, որովհետև...

–Որովհետև ես ուզում եմ երջանիկ լինել։ Ամեն ինչ մարդ ինքն է որոշում։ Մարդն է որոշում՝ լինել երջանիկ, թե սպասել, որ քեզ անընդհատ պետք է խղճան։

Նշենք, որ Լուսինե Բադալյանն ԱԺ-ում ներկայացնում է «Իմ քայլը» խմբակցությունը:

Бейдж участника ПА ОДКБ депутата Лусине Бадалян в рабочем кабинете
© Sputnik / Asatur Yesayants
Պատգամավոր, հաղորդավարուհի Լուսինե Բադալյանը
1018
թեգերը:
Լուսինե Բադալյան, հաղորդավար, Կին, Պատգամավոր, ԱԺ, Հայաստան
Երևան

Առաջիկա օրերին տեղումների չսպասեք. եղանակի տեսություն

44
(Թարմացված է 09:16 31.10.2020)
Օդերևութաբանների կանխատեսումներով` առաջիկա օրերին հանրապետության տարածքում ջերմաստիճանի կտրուկ փոփոխություն չի սպասվում։

ԵՐԵՎԱՆ, 31 հոկտեմբերի – Sputnik. Հանրապետության տարածքում հոկտեմբերի 31-ին, նոյեմբերի 1-4-ը սպասվում է առանց տեղումների եղանակ:

Տեղեկությունը հայտնում է ՀՀ ԱԻՆ «Հիդրոմետ» ծառայությունը` հավելելով, որ քամին հարավարևմտյան է՝ 3-8 մ/վ:

 Եղանակի կանխատեսում
Եղանակի կանխատեսում

Երևան քաղաքում հոկտեմբերի 31-ին, նոյեմբերի 1-4-ը սպասվում է առանց տեղումների եղանակ:

Մայրաքաղաքում հոկտեմբերի 31-ի գիշերային ժամերին կգրանցվի 10-12 աստիճան տաքություն, իսկ ցերեկը կլինի + 23...+25 աստիճան։

Ճակատ մեկնելու ցանկություն հայտնածները Երևանում սովորում են ողջ մնալու արվեստը. տեսանյութ

 

44
թեգերը:
Երևան, Արցախ, Հայաստան, եղանակ
թեմա:
Եղանակը Հայաստանում
Մարիաննա Թևոսյան

«Իմ էրեխեքը խաղաղություն կբերեն». արցախցի կինը զույգ տղաներ է լույս աշխարհ բերել Երևանում

1697
(Թարմացված է 00:15 31.10.2020)
26-ամյա Մարիաննա Թևոսյանը երրորդ անգամ է ծննդաբերում։ Մայրն ու փոքրիկներն իրենց լավ են զգում։

Երկնագույն փուչիկներ` «Ես լավ տղա եմ» գրությամբ, ծաղիկներով կանայք, որոնք Երևանի Մոր և մանկան առողջության պահպանման գիտահետազոտական կենտրոնում սպասում են երկվորյակների հետ հանդիպմանը․ այս իրանցման «հեղինակները» երկու նորածին արցախցիներն են։

Марианна Тевосян из Мартакерта родила близнецов в Ереване
© Sputnik / Asatur Yesayants
Արցախցի կինը զույգ տղաներ է լույս աշխարհ բերել Երևանում

Տղաները լույս աշխարհ են եկել հոկտեմբերի 27-ին կեսարյան հատման ճանապարհով։ 26-ամյա մոր՝ Արցախի Մարտակերտի շրջանի Արջաձոր գյուղի բնակիչ Մարիաննա Թևոսյանի համար սա երրորդ հղիությունն էր։ Նա նաև 6 տարեկան որդի ու 5 տարեկան դուստր ունի։

«Մեկի անունը Դենի է, մյուսինը` Դանիել։ Պապայի խնդրանք է»,– Sputnik Արմենիայի հետ զրույցում ասում է Մարիաննան ու հերթով գրկում նորածիններին։

Տղաները հյուրերի մոտ իրենց «լավ են պահում»․ գրեթե չեն լացում ու արագ քնում են։ Մարիաննան խոստովանում է` սկզբում մտավախություն ուներ, որ չի կարողանա տարբերել փոքրիկներին, բայց մոր սիրտը երբեք չի սխալվում...

–Դենին կարծես թե ավելի ակտիվ է, - ասում եմ ես։ Մարիաննան հաստատում է` ճիշտ եմ նկատել։

Марианна Тевосян из Мартакерта родила близнецов в Ереване
© Sputnik / Asatur Yesayants
Արցախցի կինը զույգ տղաներ է լույս աշխարհ բերել Երևանում

«Նորածին աղջկաս կնքելու ենք Ղազանչեցոցում». արցախցի կինը վստահ է` ամեն ինչ լավ է լինելու

Երիտասարդ մայրը պատմում է, որ ընտանիքի հայրը պատերազմի առաջին իսկ օրվանից առաջնագիծ է մեկնել, բայց ուրախալի լուրը կարողացել է հայտնել նրան։ Մարիաննայի խոսքով՝ երբ մարտական գործողությունները սկսվեցին, նրանք մտածում էին, որ ամեն ինչ 2016 թվականի քառօրյա ապրիլյան պատերազմի պես կլինի։ Սակայն հոկտեմբերի 1-ին պարզ դարձավ, որ էսկալացիան մեկ–երկու օրում չի ավարտվի, նրանք որոշեցին ժամանակավորապես տեղափոխվել Հայաստան։ Կինն ու երեխաները ապաստանեցին ազգականների տանը՝ Այգեշատ գյուղում։

Բազմազավակ մայրը վստահ է, որ նորածիններն Արցախին խաղաղություն կբերեն։

  • Արցախցի կինը զույգ տղաներ է լույս աշխարհ բերել Երևանում
    Արցախցի կինը զույգ տղաներ է լույս աշխարհ բերել Երևանում
    © Sputnik / Asatur Yesayants
  • Արցախցի կինը զույգ տղաներ է լույս աշխարհ բերել Երևանում
    Արցախցի կինը զույգ տղաներ է լույս աշխարհ բերել Երևանում
    © Sputnik / Asatur Yesayants
1 / 2
© Sputnik / Asatur Yesayants
Արցախցի կինը զույգ տղաներ է լույս աշխարհ բերել Երևանում

«Շատ ենք ուզում վերադառնալ տուն՝ Արցախ։ Ես միշտ ասում էի` իմ էրեխեքը կծնվեն ու Արցախին խաղաղություն կբերեն։ Մինչև հիմա էլ այդ հույսով եմ», - արցունքն աչքերին խոստովանում է Մարիաննան։

Марианна Тевосян из Мартакерта родила близнецов в Ереване
© Sputnik / Asatur Yesayants
Արցախցի կինը զույգ տղաներ է լույս աշխարհ բերել Երևանում

Փոքրիկների տատը՝ Լաուրա Մարկոսյանը, ասում է, որ երկվորյակների պապը ղարաբաղյան առաջին պատերազմի ժամանակ է մահացել՝ 1992 թվականի հոկտեմբերի վերջին։ Այն ժամանակ տղաների ապագա հայրը յոթ տարեկան է եղել։

«Փոքրիկները պապը մահացավ հոկտեմբերի վերջին, նրանք ծնվեցին հոկտեմբերի վերջին», - նշում է Մարկոսյանն ու ավելացնում` դրա մեջ խորհրդանշական բան կա։

Մոր և մանկան առողջության պահպանման գիտահետազոտական կենտրոնի փոխտնօրեն Արմեն Գասպարյանն էլ Sputnik Արմենիայի հետ զրույցում ասում է, որ Մարիաննան հղիության 35-րդ շաբաթում է առաջին անգամ իրենց մոտ եկել։

«Մենք անցկացրինք անհրաժեշտ բոլոր հետազոտությունները։ Քանի որ տղաները պետք է մինչև 39-րդ շաբաթը ծնվեին, 37-րդ շաբաթվա ընթացքում նրան պառկեցրինք մեզ մոտ, կեսարյան հատում արեցինք», - նշում է նա։

Գասպարյանի խոսքով՝ մոր և երեխաների վիճակը լավ է։

Заместитель директора научно-исследовательского центра охраны здоровья матери и ребенка Армен Гаспарян
© Sputnik / Asatur Yesayants
Արմեն Գասպարյան

Սեպտեմբերի 27-ին սկսված պատերազմից ի վեր նրանց հիվանդանոցում արդեն 16 արցախցի է ծնվել։

1697
թեգերը:
տեսանյութ, երեխա, Արցախ
Ըստ թեմայի
Գնել Սանոսյանն այցելել է Գավառի ծննդատանը լույս աշխարհ եկած արցախցի Մոնթեին
Արցախում Ադրբեջանի թիրախը ժողովուրդն է՝ նորածիններ, մայրեր, տարեցներ. ԱԳՆ
Շատ էին իրար սիրում... Արցախում զոհված Վահեի և վթարից մահացած Շուշանի կյանքի պատմությունը

Ստեփանակերտը` հրթիռակոծությունից հետո. տեսանյութ ավերված շուկայից

0
(Թարմացված է 11:58 31.10.2020)
Ստեփանակերտի շուկայի աշխատակիցները փորձում են տեսնել` ինչ է մնացել հրթիռակոծությունից հետո։

Հայկական միասնական տեղեկատվական հարթակը տեսանյութ է հրապարակել` ներկայացնելով, թե ինչ վիճակում է հայտնվել Ստեփանակերտը հրթիռակոծությունից հետո։

Տեսանյութում երևում է` ինչպես է ավերվել Ստեփանակերտի գլխավոր շուկան, տաղավարներում ամբողջությամբ փայտի և ապակու կտորներ են։ Շուկայի աշխատակիցները փորձում են տեսնել` ինչ է մնացել հրթիռակոծությունից հետո։

Թշնամին թիրախավորել է նաև բնակելի տները, որի հետևանքով ավերվել է բնակելի տուն՝ ամբողջ գույքով: Մասնակի վնասվել են նաև հարևանությամբ գտնվող բնակարանները:

Նշենք, որ նախնական տվյալներով` տուժածներ չկան:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Թշնամին հրթիռակոծել է նաև Շուշին. քաղաքացիական բնակչության շրջանում կան վիրավորներ

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 44 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեգերը:
Արցախ, տեսանյութ, հրթիռակոծություն, Ստեփանակերտ
թեմա:
Ադրբեջանական ագրեսիան Արցախում - 2020
Ըստ թեմայի
Կանանց վաշտում մայրեր էլ կան, եկել են իրենց երեխաների ապագայի համար պայքարելու. տեսանյութ
7-8 հոգով 200 հոգանոց դիվերսիոն խումբ են ջախջախել. տեսանյութ
Ըստ այս պահի տվյալների` Ադրբեջանն օգտագործում է ֆոսֆոր պարունակող զենք. տեսանյութ