Սամվել Բալասանյան

«Մեռյալ կետից միանգամից սկսեցինք բարձրանալ». Գյումրու քաղաքապետը զարմացած է

185
(Թարմացված է 13:18 24.12.2019)
Գյումրու քաղաքապետ Սամվել Բալասանյանը տարեկան ամփոփիչ ասուլիսի ժամանակ խոսեց 2019–ի ձեռքբերումների ու բացթողումների մասին։

ԵՐԵՎԱՆ, 24 դեկտեմբերի — Sputnik, Արմենուհի Մխոյան. 2019 թվականը Գյումրու համար ներդրումային ու փողոցաշինական տարի էր: Քաղաքապետարանը 80 շինթույլտվություն է տվել, որոնցից 40-ի շինարարությունն ավարտին է հասցվել։ Տարեկան ամփոփիչ ասուլիսի ժամանակ այս տվյալները հայտնեց Գյումրու քաղաքապետ Սամվել Բալասանյանը։

Քաղաքապետի խոսքով` շինթույլտվություն խնդրում են թե՛ հյուրանոցներ, թե՛ հյուրատներ, թե՛ ռեստորաններ ու սրճարաններ կառուցելու համար։ Նա վստահեցրեց՝ դրսից ներդրումներ կատարելու ցանկություն հայտնողները շատ են։

«Ես, ճիշտն ասած, զարմացած եմ այս թվերի վրա, ինչպես ասում են, մեռյալ կետից միանգամից սկսեցինք բարձրանալ։ Այսօր շատ մեծ ուշադրություն կա, որը հնարավորություն տվեց հասկանալու, որ վերջը դու գյուղ չես, քաղաք ես, վերջը գյուղաքաղաք չես, դու երկրորդ քաղաքն ես, դու պատմական, մշակութային, սպորտային քաղաք ես»,- ասաց Բալասանյանը։

Ըստ քաղաքապետի` 2020 էլ ավելի բեկումնային կլինի հանրապետության երկրորդ քաղաքի համար:

Գյումրին առաջ անցավ Երևանից. վառվեցին Գյումրու գլխավոր տոնածառի լույսերը. տեսանյութ

Անցնող տարում Գյումրին նաև ռեկորդային թվով զբոսաշրջիկներ ընդունեց, պետական նշանակության միջոցառումներ անցկացվեցին:

«Գյումրիում այսօր բոլորի դեմքին ժպիտ կա, և ես՝ որպես քաղաքապետ, շատ ուրախ եմ դրա համար: Իհարկե, այս տրամադրության փոփոխության հարցում շատ կարևոր է կառավարության, վարչապետի վերաբերմունքը, նրա կողմից Գյումրին ներկայացնելը, Անկախության տոնակատարությունն այստեղ անցկացվեց»,-նշեց Սամվել Բալասանյանը:

Տարին հարուստ էր նաև փողոցաշինության առումով։ Ամենակարևոր ծրագիրը ՎԶԵԲ-ի վարկային միջոցներով կատարված փողացաշինական, արտաքին լուսավորության ապահովման աշխատանքն էր: Իրականացված ծրագրի արժեքը մոտ 7 մլն եվրո է, որով 12 կմ ճանապարհ է կառուցվել: Նշանակալի էր նաև Համաշխարհային բանկի` 2 մլն դոլար արժեցող վարկային միջոցներով իրականացված ծրագիրը: Հաջորդ տարի ճանապարհաշինության համար կառավարության հաստատված ծրագրով 9 մլրդ դրամից ավելի գումար կտրամադրվի Գյումրիին:

Բալասանյանը չմոռացավ նաև խնդիրերի` անօթևանության և տրանսպորտի մասին: Եթե տրանսպորտի խնդիրը քաղաքապետի կարծիքով լուծելի է, ապա ավելի աշխատատար է անօթևանության խնդիրը: Կառավարությունը հաշվառել է տնակ առ տնակ: Դրանց ապամոնտաժման գործընթացը սկսելու են փակ, չօգտագործվող տնակներից:

Քարե պատեր` տնակի փոխարեն. Գյումրիում 11 անօթևան ընտանիք արդեն մշտական կացարան ունի

185
թեգերը:
Ներդրում, Տրանսպորտ, անօթևան, շինարարություն, Սամվել Բալասանյան, Գյումրի
Ըստ թեմայի
Գյումրու բոլոր ծննդատները կփակվե՞ն. Սրմաքեշը նորն է բացում
Պատերազմում վիրավորվել էր, բայց խնամում էր ռազմագերիների գերեզմանը. Գյումրու անհայտ մասը
Լա՞վ է, թե՞ վատ. Գյումրու մաքսատան աշխատանքի մասին հակասական կարծիքներ են հնչում